احتاج عناقك ؛ لم تعد تكفيني احرفك

الحب لا يكفي احيانا · #1 01-08-2015, 08:59 PM

السلام عليكم ورحمه الله وبركاته
عدت لكم من بعد غيبه طويله من بعد روايتي الاولى "حتى ف منامي تزورني بكل الاحلام "
ورجعت لكم بروايه ثانيه اتمنئ يكون فيها تفاعل اكثر مما كان ف روايتي الاولى

يمكن تكون مده تنزيل البارتات طويله بس ابا اكون عطيت الروايه حقها وابا ابدع فيها اكثر
يمكن باجر انزل البارت اتمنى ان ينال اعجابكم

الكاتبه : الحب لا يكفي احيانا
__DEFINE_LIKE_SHARE__

الحب لا يكفي احيانا · 01-08-2015, 10:33 PM

( ذاكره الجسد )

كانت تلك أول مرة سمعت فيها اسمكِ.. سمعته وأنا في لحظة نزيف بين الموت والحياة، فتعلقت في غيبوبتي بحروفه، كما يتعلق محموم في لحظة هذيان بكلمة…

في احد مستشفيات دبي العالميه وبالتحديد في وحده من غرف العنايه المركزه قاعد يم الباب ودموعه ماتوقف من عيونه وهو يدعيلها ليل ونهار صارلها تقريبا اسبوع على هالحال تبون تعرفون منو صح ؟ نهيان بطل روايتي هذه حالته من عرف ان حبيبته بين الحياه والموت حبيبته ؟ الي وقف العالم كله ضده انها يتزوجها لانها بسسس مو من مقامه ومستواه

نهيان رافع ايده وعيونه المحمره : يارب تقومها لي بالسلامه يارب ..يارب خذ روحي ولا تاخذ روحي .. يارب انا شسويت بدنيتي عسب يصيرلي كل هذا..اللهم اشفها شفاء ليس بعده سقما أبدا، اللهم خذ بيدها، اللهم احرسها بعينيك التي لا تنام، و اكفها بركنك الذي لا يرام، واحفظها بعزك الذي لا يضام، واكلأها في الليل وفي النهار، و ارحمها بقدرتك عليه. أنت ثقتها و ورجائها يا كاشف الهم،

ام نهيان تقترب منه : يا ولدي مايصير تسوي بروحك جي .. لاليلك ليل ولا نهارك نهار ..قم ياولدي حط بحلجك لقمه من الصبح وانت على هالحاله

نهيان بشرر ويرفع صبعه ويهددد: كله منكم انتوا السبب ماراح اسامحكم اذا صار فيها شي ماراح اسامحكم . وومشى من عندهم من غير مايعرف وين بيروح يحس روحه ضايع

ام نهيان : قوم قوم الحق روح شوف اخوك وين

كان قاعد حذال امه اخو الاكبر ( مكتوم )

ركض مكتوم لبوابه المستشفى يسال الحارس اذا كان شاف شخص يطلع ولا فقاله الحارس انه في بس شخص واحد طلع ركب سياره وراح .. اتصل مكتوم الف مره بنهيان لكن مارد عليه

نهيان ؟؟ تبوون تعرفون حالته قاعد يسوق ويسوق لكن مايعرف السياره وين قاعده توديه او وين بالضبط يبي يسير الدموع مسويه ضباب علئ عينه ولمن ازعجه صوت اتصالات اخووه فر التلفون من الدريشه وقادته سيارته (جميرا بيتش ) وهو يجوف البحر
.
.
.
.
الدماني : حبيبي ؟

نهيان : عيونه قلبه وروحه يا عيون نهيان وطوايفه

الدماني تقترب منه اكثر : انا خايفه..

نهيان يطالع عيونها : شو يخوفج يا عمري

الدماني تنزل راسها : اخاف ف يوم تخليني ..

نهيان يمسك ايدها : ف عمرج لا تخافين ونا موجود .. انتي زوجتي خلاص صرتي حلالي وملكي ..

انطبعت عليها ابتسامه: ويلوموني ليش احبك

ووووو

تبون تعرفون منو نهيان ؟ مو الدماني بالنسبه له وكيف صارت كل هالاحداث ..نروح لأ مريكا وبالضضبط مدينه العشاق .. الي يلتقي كل عاشق بعيشقته .. كان نهيان يدرس باحدى جامعات فلوريدا تخصص الطب وهو طالب متيمز ومتفوق كل اساتذته يمدحونه ويثنون عليه ..والدماني طبعا بس ماكانت طالبه بهذه المنطقه كانت يايه رحله علاج مع ابوها الذي يعاني من مرض في القلب ..

كنت انا الدماني برفقه ابوي ونظر عيني الي بيجرون له عمليه بعد ساعتين ،كنت خايفه عليه حيل حييييل ماتتصوورون كيف خايفه لا يصيبه شي لا قدر الله من بعده ؟ من لي .. انا يتيمه ووحيده امي ،و ابوي،،، اممي ماتت عقب ما ربت فيني بسبب عسر الولاده وكبرنيي ابوي لين صرت الحين 18 سنه

ابو الدماني : يالله لاتصيحين وخلي ايمانج بالله قوي .. برجعلج ان شاء الله.. يالله قومي ولا مابقولج يا حبيبيه ابوج .. انتي بس ادعيلي

الدماني تصيح : الله يرجعك لي بالسلامه يارب .. يانظر عيني .. .. وحطت راسها علئ حظنه وتميت تنوح

دخلو ابوها غرفه العمليات ورحت اقعد علئ الكراسي خايفه من كل شي من الناس الي تطالعني وبهالمنظر ويهي الشاحب لاني احاتي ابوي وادعيله من كل قلبي .. رفعت راسها واستغرب ان في شخص طوييييييلل بعيد لابس لبس الاطباء يطالعها بس ماكنت مرركزززه منو هو لان الدموع عاميه عيني بس نزلت راسي وماعطيت اي اهتمام

تجدم هالشخص لين يا وقف حذالي بشوي ولمن حسيت انه في حد واقف حذالي رفعت راسي .. الشخص بس قاعد يطالعني وماينطق بحرف شكلها مذهول

اما نهيان بس كان مذهول من هالبنت الي جمالها مايقاس باي جمال سبحان من خلق .. الشي الي جذب نهيان هو عيون الدماني اصلا مو بس نهيان الي جذبته عيون الدماني كل شخص يمر من حذالها يظل بس يطالع عيونهااا لانه ما شاء الله وساع مثل عيون المهااا …. اما انا استغربت من وقفته

الدماني : نعم اخوي في شي ؟

نهيان ارتبك : انا اسف اختي … ولا شي ..

،وراح عنها

بس مابتعد اكثر شغلت باله هالبنت وشو سر دموعها شلت تفكيرها كله سيف باجيله اخر سنه وهو ياي اهني يتدرب راح يسال الممرضات اذا يعرفون شو سبب قعده هذي البنت هني وعرف انها قاعده تنتظر ابوها الي بغرفه العمليات

بعد 3 ساعات

طلع ابوي من الغرفه وجفت الاطباء يتراكضون ويصارخون ويتكلمون بلانجليزي ويصارخون انا هني بسس وقفت فيني الدنيا حسيت الارض مو شايلتني

ابووي؟؟ اكييد مو ابوووي الي طلع من الغرررفه ؟؟؟؟ للااا لا لالالا مستحيل اعيش بحياه مافيها ابوي

رحت اركضض لهم احاول اوصل للسرير الي مممدين فيه ابوي لكن الممرضات ماخلوني وتموا يبعدوني عن هالممكااان ورحت اصرخ

الدماني : خلوووووني اشوووفه … شو سويتوا فيها حراممم عليكككك … بابا قوووم … باباتي قووم انا دلوعتكك الدمانييي .. اانا الي كنت تقولي انتي دومج بتكونين دلوعه ابوج وبكون يمججج …. قوووم الله يخليككك .. وماحسيت بروح والا والدنيا مظلمه ف عيوني …

وبعد اظن نص ساعه ..

احس جسمي فيه خمول .. انا وين ؟؟…فتحت عيني بشويش واحس بوخز ابره بايدي ..وعقبها استوعبت اللي انا فيهاا .. ورجعت لحاله الانهيار

الدماني تصرخ : ابااا ابوووووي ؟؟ ليش يايبيينيي هني.. احاول اقوم من السرير .. يتني وحده من الممرضات تحاول تهديني لكن بدون فايده تميت اضربها وارفس واحاول انا اقوم ببس مب قادره من هالمغذي اللي ف ايدي ..دخل علي الدكتور

الدكتور مسك ايدي ..

الدماني : هد ايدي … طلعوووني من هنيييييه ليشش مخليني هنييه … ااناا مافيننيي شيي ….عيوني احس صارت جمر من كثر الصياح …

الدكتور بعده ماسك ايدي وانا مارفعت راسي ولا جفته : ماراح نخليججج تتحركين من هنيه قبل ما يخلص هالمغذي

رفعت راسي ابا اعترض عالكلام : انته شو يخصصك……

ضاع الكلام عقب ماجفته طووويييل … خشمم سيوفي هووو نفسهه ؟؟؟ نفس الشخص الي وقف قبل يتامل ويطالعني ؟؟ لالالالا يمكن انا اتوهم او شي …وعقبها بثواني حسيت اني بسس ابا اناممم لا يعطوني شي بسس انا مافيني شي مافيني شيي ….. __DEFINE_LIKE_SHARE__

الحب لا يكفي احيانا · 01-09-2015, 10:07 PM

البارت 2

احس جسمي صاير ثجيييييل .. عطشانه ابا ماي حاولت افتح عيني شوي شوي بس مب قادره … جم صارلي وانا رااقققده ؟؟ باباتي وينه ؟ مو عادته ما يقعد فوق راسي عسب انش من رقادي .. الجو هني بارد

الدماني تفتح عينها بصعوبه : م ااي ابا ماااايي

قامت وحده من الممرضات الي قاعدين فوق راسي ويابتلي ماي وحاولت تساعدني عسب اقووم .. انا استغربت منها

الدماني : انا ويين ؟؟

استغربت النيرس لانها ماتعرف ترمس عربي وراحت عنها وبعد دقايق

الدكتور : الحمدلله على سلامتج اختي

اطالعه بدون رد

: طلعوووني من هنيييييه ابا اجوووف ابويه .. وحاولت اقووووم من مكاانني واشششل المغذي من ايدي

الا انه منعني

الدكتور : راح تجووفييين ابووج بس انتي صحتج ماتسمح الحييييييين

الا اني عاندت بزياده … ليششش كل مره هالدكتتورر ؟؟ مافي غيييييره فهالمستشفى وعقب دقايق قادوني على كرسي وودوني لابوي

دخلت .. المكان هادي مخيففف اكره المستشفياتت ما احبهااا.. احاول ادور ويههه محطين عليه ها مال الاكسجييين … ماقبضت عمري حاولت اشل روحي من الكرسي وحطيت ايدي ع ويههه ….. يباااا … باباتي .. تتتسسمعنييي ؟؟؟ ليش ماترددد علييييي ….

الدماني : ليشش ماييييرد عليييييه

الدكتور نهيان : يحاول يوخرني : لاا تصرخييييين … تراجج تزعجييينه … هو توه طالع من غرفه العملياااات … يباله فتره راح

رمس مع الممرضات وقال شي مافهمته

يبتسم ..

الدكتور : يا اختتت ……

الدماني : اسمي الدماني

نهيان : لو سمحتي اختي الدماني ممكن تتفضلين معاي برع اباج بكلمه

حاولتتت امشيي على ريلي لييييييين ما راح
.

.
.
هني بدت قصتي مع نهيان .. عقب ماطلع ابويه من المستشفى بخير الحمدلله انعجب فيني نهيان بس انا ابد ماكان ف بالي غير اني اهتم ف ابوي اوديه المستشفئ عسب يكمل علاجه لكن شكله الشيخ نهيان وراه مخططات لي … في يوم رجعتنا للبلاد وللمطار خلص ابويه اجراءات المطار ودخلنا للطياره

الدماني : ها ابوي شو تحس ان شاء الله بخييير … دموعي اطيح

ابوي : يا ابووي لا تحاتيني انا بعدني شباب ههههههه.. امسحي دموعج انتي الغاليه شبيه الغاليه رحمه الله عليها

طحت ف حضنه وهو قعد يمسح على راسي بكل حنيه …

وقفت عسب اروح الحمام .. مشيت لين اخر الطياره وانا احس بدوخه من الطياره وطاحت عيني عليه … انتتتتت مره ثااااني ؟؟؟؟ ليش كل هالصدف ؟؟ معقوله صدفه ؟؟ ولا انا اتوهم انه الدكتور نهيان ؟؟ وفت اطالعه وهو ابتسم لي وسوالي باي بايده .. تجاهلت ورحت الحمام .. قعدت افكر هذا ليش يلاحقني بكل مكان شو يبا مني ؟

بعد تقريبا 16 ساعه ف الطياره حسيت انا ظهري متجسح من قعده الطياره نزل ابوي سبقني لاني اتاخرت ايب الجنطه واغراضي الباقيه .. اختفئ ابوي عني خفت ف قلت خلني اركض مشيت بسرعه واصطدمت بشي

الدماني : انا اسفهههه .. كنت

نهيان : ماله داعي انا غلطان كنت واقف ماجفتج لمن مريتي

عصبت .. ليش هو كل مره الي اقابله او هو يمكن يتعمددد يوقف لين اصطدم فيه .. جفت ابوي واقف ينتظرني رحت صوبه وخذت الجنط عنه مابيه يتعب روحه …وانتظرنا يمكن ساعه لين خلصت اجراءات المطار والله اشتقت للامارات الغربه شينه فديت بلادي وترابها …

ابوي : لا فدييتج وصلت السياره

ركبت السياره وكان الوقت الساعه 11 بالليل ركب ابويه حذاله وانا كنت جد تعبانه مب رايمه حتى ابطل عيني …فجأه خطفت ذكرى نهيات ف بالي وكيف كان يطالعني يوم صدمته … حاولت امسح الذكري واقول ليشش ياخذ تفكيري وهو مجرددد دكتور وماعرففت ان بعد هالصدددف بينولدد حبك يا نهيان …ماعرفتتت ان من بعد نظره عيوووونك بينغرس حبككك فيني ….ماعرفتتت

ابوي يهزنا : يلا فديت روحج …يبتسم فديت التعبانه

ابتسمت لان جد كان شكلي تعبان وصلت لين غرفتي وماسكه ويايه جنطتي .. بطليت الليتات والدرايش عسب اهوي الغرفه لانها من جم اسبوع مسكره .. رحت الحمام اتغسلت ووبدلت ثيابي وحطيت فوني عالجرج لانه مفضيي وجفت مكتبتي اللي اتعودت انيي اترسهاا كتبب من ورحت خذت كتاب ( ذاكره الجسد ) للكاتبه العالميه احلام مستغانمي مع اني كنت كله اقول لربعي اني اكرها الكاتبه واسلوبها بالكاتبه لاني مجرد ما اقرا الصفحه الاولى امل بس مع الايام صرت انام واقوم عليهاا لانه الانسان يحكم على الاشياء من دون ما يتعمق معاها … رن فوني وجفت خمسييين مس كوول

الدماني : يا مرحبااا بهالصوووووت

الكادي : هلا بالقاطعععه الي ماتسأل عن ربيعتهاااا

الدماني : حراام عليججج والله انج ماتغيبين عن بالي

الكادي : هي اجوف الفون مايسكت من الاتصالللات ..شخبارجج دووووميي .. شخبارج ابوجج … شخباررر امريكا

الكادي تحب ادلعني بدووومي

الدماني : هههههههه لحظه لحظه خل ارتب الاسئله عسب اعرف ارد عليها .. الحمدلله انا وباباتي بخييررر … انتي شحالج وشحال الشله الكريمه ماجوفكن ترمسون بقروب الواتس

الكادي : الحمدلله … يالله قوليلي شو يبتيلي من امريكاا ؟؟

الدماني : يبتلج كل خييرر .. صج صج عاد مشتاقتلج وعندي سوالف لين راسي تعالي عندي

الكادي : هالحزه ؟؟؟ اكيدد انتي مب صاحيه … بحاول ان شاء الله باجر اييج .. يالله سلمي على عمي

الدماني : يالله تصبحين على خير فديتج

.
.
.
وبعدها رحت غرفه باباتي وجفته راقد لحفيته وبسته على راسه واطمنت عليه وورجعت انسدحت على سريري وفتحت الواتس اجوف شو واصلني …وحسيت بخمول لين رحت بسااابع نومه …

“ذاكره الجسد “

كان يوم لقائنا يوماً للدهشه
لم يكن القدر فيه هو الطرف الثاني ؛ كان منذ البدء الطرف الاول ؛ أليس هو الذي اتى بنا من مدن اخرى ؛ من زمن آخر وذاكره اخرى

على صوت المنبه قمت الفير من كثر ما كان التعب ماخذ كل طاقتي بندته ورجعت ارقد وماحسيت الي على الساعه 10 صوت دق على باب غرفتيي صوتتت الخدامه

الخدامه : مدااااااااااممم مدااااام يلا قوووووميي

انزعجت : انزين انزيييين بقوووم

قمت بكسسسل وشعري وقمت رحت صوب المنظره اجوف عمري زغت من عمري هههههه وعقبها رحت الحمام وطلعت اصلي فرضي اللي فوته ورتبت شعري ورفعته ع فوق لانه طويل ف مافي طريقه غير هالطريقه ….ونزلت الصاله ماجفت حد استغربت بالعاده باباتي يقعد هنيه عسب ايي واتريق وياه ..

الدماني : ميييري مييييري

يت الخدامه تركض

: باباتي وين ؟؟

الخدامه : بابا يسير مزرعه من سبح (بابا سار المزرعه من الصبح )

هزيت راسي .. شوي حاتيته لانه خفت يزيد عليه المرض وهو توه طالع من المستشفى .. سويت لي توست ونسكافيه معاه وقعدت اجلب بالقنوات .. رن جرس بيتنا فتحت الستاره اجوف منو …ركضت واتشققت من الوناسسسسه

الدماني : حببيييييتيييييييييي .. واحضضنها

الكادي : ههههه اكيد مفاجاه

الدماني : ماتوقعتج تيين هالحززه …. المهم ماعلينا تعالي داخل لانه حرقتني الشمسس

وفجاه تبطل الباب

بشاير وروضه يركضون صوووبي

انصدمت ،قعدنا نصرخ ونناقز ربيعاتي مال الجامعه وبما اني موقفه هالفصصصل وشهر تقريبا ماجفتهم ف مشتاقتلللهم بالحييييييل … حلو يوم يكون عندج ربع يستوون هو خواتج اذا ماعندج غياااب …. ويستوون هم الحضن اذا كنتي مفتقده حضن ..

بشاير : محللوووووه يالخسفففه

الدماني : ههههههههه الحين محلوووه ولا مخسففه ..

وخليتهم يقعدون غرفتي لانهم متعودين على بيتنا .. وبدلت ثيابي وقعدنا نسولف وكل وحده اطلع سوالف وسوالف

الدماني منزله عيني : انزين انا بقولكم شي .. احسسس مستحيهه اقولكم

روضه : من متى تستحيييين ماحيييدددج ههههه قولي قوللي

وقعدت اقولهم سالفه الدكتوور نهيان لين الطياره واشرحلهم كيف كان مع ابوي

الكادي : تحبينه ؟

اضربها ع جتفها : لااااا وييييين سااار تفكيييرج وبعدين هوو دكتور وجي مو من مستواي

بشاير : اصلا انتي الكل يتمناااجججج فديييت روحححج ..يلا روحي طلعي مكياججج خل نلعب شوي

وانقضى الوقت مابين سالفه وسالفه __DEFINE_LIKE_SHARE__

الحب لا يكفي احيانا · 01-16-2015, 10:59 PM

البارت الثالث

بعد ثلاث ساعات تقريبا من السوالف والضحك .. وشكثر ماحسينا بالوقت حلو يوم تكون وسط احبابك ينسونك هم الدنيا ويشيلون حتى لو بجزأ بسيط من همك .. سمعنا دق عالباب

الدماني : منو ؟

الخدامه : مدام انا في هيتي اكل داكل ساله ( مدام حطيت الاكل بالصاله )

ضحكنا

الدماني : يلا تفضلوا يا ربعي الاعزاء

الكادي : انا اول وحده طبعا بالسفره .. وركضت

بشاير : طبعاا ويههها لوووووح ههههههه

استغربت من روضه اللي من اول مايلسنا مانطقت الا بالقليل ..فعقب من سبقوني البنات رجعت للروض

حركت ايدي بشكل خفيف جدام عينها : روووووضه ….

روضه تطالعني خافت : ها شفيج ؟

الدماني : شفيج ؟ وين سرحتي

روضه تبتسم : مافيني شي حبيبتي سرحت شوي

ابتسمت : شاركيني باللي تفكرين فيه

تطالعني وجنه عقلها مب وياها : ابي اقولج شي بس خايفه ..

انا بخوف : شصاير ؟ حد مضايقج ؟ اهلج فيهم شي

روضه : لا لا لا لا بس اللي قلتيه قبل شوي …اقصد الي صار وياج فالسفره مع هذا الي اسمه ( نهيان ) هذا اخوي .. ونزلت راسها

انصددددممممت !!!

مارمت انطق وبولا كلمه .

روضه : يعني مادري شقولجج … احسه يتعمد هالصدف !! وقبل لا يسافر كان هو دوم الي يبا يوصلني الجامعه ماعرف شالسبب .. واذا يتي بيتنا كان مايفارج البيت مع اني شغله مرتبط بالمستشفى …

وقفت وقلبي يدق بشكل فضيع : خلاص رروضه دخيلج لا تكملين .. بس الي ابي اعرفه انه ولا مره جفته ف بيتكم !

روضه : صح هو اهدى واحد من اخواني .. وماله حس فالبيت لانه الاصغرفالبيت ..

كنت بس ابا اتحاشى كلام روضه .. او اني ما ابا اسمع عن هالشخص .. مادري انولدت فيني مشاعر كره باتجاهه …كره ؟ ليش اكره اصلا ؟ من يكون عسب اني اخليه ف عقلي؟

ابتسمت : ماعلينا من هاا كله ..ربج يعلم يمكن الصدف .. خل نسير تحت اسمع حششره الكادي ،، اككيد بلعت الاخضر واليابس

روضه : انا لازم اسير الحين امييي تتصل لي عشرين مره ههههه اخاف تخليني ابات بالشارع اليوم .. ف مابا اتاخر

بوزت : مايصير كليلج من الكيك الي سويته بيفوووتج

روضه باستني ع خدي : ماعليه حبيبتي عليكم بالعافيه وسلمي عالبنات

وعقبها راحوا بشاير والكادي لان باجر وراهم محاضرات

..
..
..
وصعدت غرفتي بدلت ثيابي واجهز روحي للرقاد .. اووه ؟ كيييف جذي نسيت قلبي فزيييييت بسرعه ركض ع غرفتها فتحتها لكن محد فيها … اتصلت فيها وعقب رنتين

الدماني : الو

ابويه : حي هالصوت .. ناستنا اليوم من لقى احبابه نسى اصحابه

بوزت : وينك انت اليوم عني ؟ معقوله ما اشتقت لي ..

ابويه : القلب عندج يبوج كيف ما نشتاقلج انا بعد شوي فديتج راجع البيت

الدماني : ي خلاص بنطرك ما برقد .. ترا ها مابستني ولاحظنتني ولا لعبت بشعري اليوم .. لازم اعاقبك وخلاص انا زعلانه

ابويه : كله ولا الغاليهه تزعل بنت الغاليه ..جم دماني عندي لج تعويض مني لج بهد الشغل لمده اسبوع وبيلس عندج فالبيت

استانست الا طرت من الوناسه : فديييييتك باباتي ..فديتتت طوايفك كلهم .. خلاص انطررككك

وسكرت
.
.
فرجعت غرفتي ..لكن عقبها غيرت رايي رحت المرسم الي سواه لي ابوي عقب ما اكتشف انه عندي موهبه بالرسم .. مهما كان فيني من الضيج من ادخل هالمكان انسى كل شي كلل شييييي

….

مكاني السري اقدر اقول .. الي احب احط همومي فيه ولا ازعج احد .. حتى لو عندي ربيعاتي .. لكن بعد ما حب اكون ثجل ع احد.. هذي طبيعتي من يوم وانا صغيره .. فرشاتي والواني ولوحاتي هم روحي الي اقدر اني افقد كل اعصابي عليهم اذا اضايجت ..سبحان الله الرسم موهبه من الله …كذا مره شاركت ف معارض دبي وحصلت تفاعل كبير من الناس وعقبها ماقدرت افادج هالغرفه..

***
“ذاكره الجسد”

“نحن لا نشفى من ذاكرتنا .. ولهذا نحن نرسم .. ولهذا نحن نكتب .. ولهذا يموت بعضنا أيضاً”

من زمان مارسمت فقلت خلني اسلي روحي ومسكت الفرشاه احترت مافي اي افكااار ف مخي .. معقوله الكلام الي قالته لي روضه ؟ اخوها ؟ معقوله بتكون كل مكان اجووفه صدففف ؟ امريكا ؟ بالمستشفى ؟ فالطياره ؟ ليش احس قلبي يدق بسرعه من افكر به او ينطرى جدامي ؟؟؟ لا لا لا مستحيل يالدماني تحبينه ؟ تحبين الدكتور نهيان ؟ صحيت من تفكيري ع صوت حد يدق الباب عقب ماجفت لوحتي حاولت اخبيها باي شي..

الدماني بارتباك : تفضل

الخدامه: مدام بابا يريد انتي تححت

الدماني : خلاص اوكي انتي روحي ارقدي .. انا بسير له

وراحت

رفعت الخامع الي حطيتها فوق اللوحه وانا اطالعها بذهول .. كيف ايدي قدرت ترسمه بهالاتقان ؟ قلبي قاصد ؟… النظره الحاده .. الشفايف المرسومه .. الخشم السيوفي .. الحياه الشبه مقرونه .. ملامحه عالقه ف مخي مب راضيه تطلع … لالالالا مستحيييييل

حاولت اخلي هالافكار تروح من بالي .. وطلعت نزلت تحت غرفه ابويه ..اول ماجفته نقزت بحضنه ..

ابويه : شو تسوين للحين مارقدتي …”عاقد حياته”

الدماني بدلع : كيف ارقد والملك ماباس اميرته “مديت البووز شبرين”

حضني باقوى شي عنده وقعد يبوسني : فديتج انتي من ريحه الغاليه رحمه الله عليه “ عينه دمعت” انتي اللي باقيتلي من الدنيا من عقبها .. الله يحفظج لي ويخليج

مسحت دموعه : لاتنزل دموعك وانا بحضنك .. الا بعد موتي لازم تصيح علي شوي

ابوي ضربني ع جتفي خفيف : بلا هالرمسه المخبقه ويلا روحي قمتي تخورينها فالحجي … يلا خلي الحضن حق عروستي اليديده

عصبت وتعلقت به زياده مابي افج : مستحيييييل هالحضن مابخوز منه مكاني ومكان ماماتي .. قمت شوي .. ابويه قولي اشيء عن امايه اابا اعرف ابا ارسم لها صوره احتفظ فيها واحط يمي قبل ما ارقد

ابتسم : امج احلى شي صاير لي ف حياتي .. كانت معاي عالحلوه والمره ..

قاطعته : صج انا اشبه امي ؟ انته كله تقولي يا شبيهه امج

ابويه : انتي نسخه ثانيه مصغره منها.. نفس القلب الحنون .. النظرات الهاديه ..سبحان الخالق والله يرحمنا برحمته

وقعد يرمس ويرمس لين غفيت انا ع صدره ورحت ف سابع نوممه ..

*** __DEFINE_LIKE_SHARE__

الحب لا يكفي احيانا · 02-08-2015, 08:07 PM

عذرا متابعيني سيتم توقف الروايه لظروفي الدراسيه وسيتم اكمالها في وقت لاحق .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بدأت حملة مقاطعة الفشق (الهوائيه تكفيني )	محروم.كوم	منتدى أخبار المواقع والمنتديات العربية والأجنبية	0	03-02-2014 04:00 AM
منكم الترحيب يسليني ولو بكلمة تكفيني	محروم.كوم	منتدى أخبار المواقع والمنتديات العربية والأجنبية	0	07-02-2012 07:50 PM
حيااااكم لـ منتديات تكفيني الذكرى	محروم.كوم	منتدى أخبار المواقع والمنتديات العربية والأجنبية	0	09-02-2010 07:50 AM
أنا وبكل فخر من يوم ميلادي إماراتي وهذي الكلمهــ تكفيني...	بنوتة عيناوية	عدسة الاعضاء , كاميرا الاعضاء	13	01-21-2009 03:00 PM
~إمـاراتـي وهـذي الكلمة تكفيني..~	مفنوده	تصاميم الاعضاء	16	12-15-2008 01:10 PM