أتمنى الكل يدخل و يشاركنا في الموضوع

Bu-DHaBi · #1 03-14-2008, 11:03 PM

السلام عليكم..
شحالكم يا ربع ربكم بخير؟؟
بصراحه انا بدخل في الموضوع دايركت من غير مقدمات لأنه الي قاعد يصير مصخره بمعنى الكلمه.. الكل شايف انه خلال السنتين الي طافن طلعن مقاطع التحدي مقاطع ستندر و مقاطع فتك و مقاطع رنج و كل يوم شي.. قبل مقاطع التحدي كانن صدق اوكي.. هب شرط انه عنديه ستيشن ما اسمع مقاطع فتك ولا مقاطع نيسان.. بالعكس اغلب الي يسون مقاطع اعرفهم (اقصد القدام الي من سنه و سنتين) .. و بينا ظحك و سوالف. بس الي اشوفه صاير هل يومين.. انه مقاطع التحدي صارت زباله الله يعزكم و اسمحولي على الكلمه هذي.. صدق قبل المقاطع فيها فن في الدمج و يوم حد يرد على حد ما يرد على الشخص نفسه يرد على الموتر.. و مافيها زعل.. بس الي اشوفه صاير الحين.. الواحد يغلط على الشخص نفسه.. يا ربع نحن عيال زايد الله يرحمه معقوله وصل فينا التخلف لدرجه هذي؟؟؟ انا قبل صارلي موقف مع شخص و ما اقدر اذكر اسم الريال.. لأنه السالفه كبرت ما صارت بس مقاطع كبرت وايد.. و على شو على اغاني؟؟؟ و المصيبه اخر شي اكتشفت انه الريال صغير.. ندمت اني رديت عليه و طلبت من راعي الموقع انه يمسح مقاطعي و مقاطعه.. هذي المشكله الأولى انه الشباب يجلبونها من سياير لمسبه و هذا الشي ما نباه.. المشكله الثانيه المقاطع قبل كانن غير كل واحد يتميز بأسلوبه باغانيه بقصايده هب وايد يقص من مقاطع فلان و يعني الحين الشخص ياخذ وقت لين ما يسوي مقاطع 45 دقيقه ولا 50 دقيقه انا عن نفسي مقاطع تفجير تدمير خذته فيهن اكثر من 3 شهور.. و انمسحن عني اكثر من مره و ابدا من الصفر.. و اخر شي.. اشوف غيري قاص من مقاطعي و حاط في مقاطعه؟؟ الي يبا قصايد تيوتا يخبرني بعطيه الي عندي.. الي يبا قصايد فتك يخبرني بعطيه قصايد فتك بس ما نبا المقاطع تستوي فيها سرق و سب و خرابيط مالها داعي فنهايه كل الي نمدحه و نذمه حديد في ناس يغتاظون من حد يغلط عـ الستندر ولا حد يغلط على الفتك.. تشوف الشخص مسوي مقاطع رد على فلاااااااااااااااان مخلي مدح و ذم الموتر في صوب و داخل سب فريال.. و انا ما اتكلم عن نفسي.. وااااااااااااايد من الي يسون مقاطع الي طالعين هل كمن يوم يسرقون هب بس من المقاطع.. ياخي تبا تسوي مقاطع اشتغل روحك تبا حد يساعدك فالك طيب انا مستعد اعلم اي شخص.. و اساعده في اي شي يباه.. و اشتغل معاه من غير ما احط اسمي في مقاطعه.. بس ما يسرق من مقاطعي ولا من مقاطع غيري.. نبا نسمع شي يديد نبا نشوف اختيار اغاني اوكي.. طريقه دمج الأغاني.. و غيرها.. الواحد بيغلط مره مرتين ثلاث هب مشكله الحين تفكرون الي يسون مقاطع اول طلعو فيوم و ليله؟؟؟؟ كل واحد كان يشتغل بس بأسم ثاني و كل واحد يشتغل اكثر من سنه.. انا عن نفسي اسوي مقاطع من 5 سنين بس ما نزلت على النت إلا العام... اشوف غيري يسوي مقاطع تيوتا.. و يسرق قصايد من عندي ولا من عند حد من خويانا و ليته يحط القصيده بصوت الريال راعي القصيده لاااااااااااااااا يحطها بصوته هو.. اونه عشان محد يعرف.. انا الحين قررت بنزل مقاطع الي قاعد اشتغل عليهن الحينه و خلاص.. لأنه وايد الشعراء الي عندنا ظايقوا من المشاكل الي تصير.. مثلاُ الريال يكتب قصيده و يعدها بصوته و اخر شي يسرقها واحد و يعدها بصوته و الناس تفكر انه القصيده له.. وفي شباب يسون مقاطع فتك و يحطون قصايد تيوتا و يتمصخرون على الشخص نفسه.. ليش هل حركات؟؟؟ الحينه الريال ما غلط عليك مدح الي عنده و ((((ذم الموتر الثاني)))) ليش تطنز على الريال و تغلط عليه؟؟؟ عشان جذيه اكثر من واحد قالوا خلاص ما بنعد قصايد لأنه ما شفنا من وراها إلا السب.. نحن نعد قصايد عشان ننسب؟؟؟؟؟؟؟؟؟؟؟ و انا عن نفسي إن شاءالله مقاطعيه مقاطع الستندر بيكونن اخر رد و إن شاءالله ما بسوي مقاطع ستندر من بعدها.. و إحتمال اوقف عن المقاطع نهائياً

لأنه مافي مستوا بينا و بين الي طالعين هل كمن يوم القدام اغلبهم وقفوا.. (السموحه على هذا التعبير انا ما امدح نفسي و اذم اليداد بس اقصد انه مافي مستوا لأنه هم يسرقون اغاني ولا قصايد من مقاطع غيرهم)

انا ما اقصد الكل في موضوعي هذا انا اقصد البعظ و متأكد 100% انه لو اي شخص منهم دخل الموضوع بيكون عارف نفسه

والله يا ربع اني ما كنتبت الموضوع إلا من القهر الي فيني كل يوم اشوف واحد سارق كل يوووووووووووووووووووم كل يوم... طوفت واحد طوفت ثنين طوفت ثلاثه بس لين متى بتم ساكت؟؟ ابا كلامي يوصلهم و انا اقولها جدام الكل لو اي واحد غلط عليه في مقاطع ما برد عليه و المثل يقول "السفيه اسفها"

تحياتي اخوكم بوظبي

__DEFINE_LIKE_SHARE__

:: SaroOonaH :: · 04-24-2008, 11:54 PM

بيض الله ويهك

وصدق انا لاحظت هالشي وحتى ما قمت اسمع مقاطع لاي حد والسبب انها مخله بالاداب وسب ويغلطون ع بعض والاسباب ما ترزا (سيارات) . الا أعــرفه ان حتى زمان قبل كانوا الشعراء يتحدون بعض بالشعر بس ما قد حد غلط ع خويـــه ولا سبه ولا نزل من قيمته

بالعكس الرد يكون بأسلوب راقــي وكلمات ومعاني معبره والرد يكون على كلمات القصيده نفسها هب ع الشاعر وتسلم يمناك يا "بــــــوظبي" وموضــوع يستاهل الكل يقراه عشان يتعلمون

هذا بدل ما نكون عيال بلاد وحده ويد وحده ... (لاتعليق)

والسموووحه ع القصووور __DEFINE_LIKE_SHARE__

راعي الفتك التوربوو · 04-25-2008, 12:06 AM

وعليكم السلام ورحمه الله وبركاته

الواحد يغلط على الشخص نفسه.. يا ربع نحن عيال زايد الله يرحمه معقوله وصل فينا التخلف لدرجه هذي؟؟؟ انا قبل صارلي موقف مع شخص و ما اقدر اذكر اسم الريال

ثانكيوووووو على الموضوع الطررر __DEFINE_LIKE_SHARE__

AD_GoVeRMeNT · 04-25-2008, 01:09 AM

هلا بوظبي اشحالك ياربك الا بخير ياريال الحين خلاص انا الا شراتك بعد من اليوم ماشي مقاطع رنج طفرت والله كل يوم يطلعلي جيكو لوووول

المهم عزيزي انته تتكلم عن سرقة الاغاني وانا ياحليلي لمتوني يوم انسرق نكي وماقلت شي غيرته بس انا المشكله من النوع لي مانسى شي ^_* مافهم قصدي اظني بوظبي

المهم عزيزي ماعليك من حد واللي يسرق تراه معروف والناس تعرف اسولب افلان وفلان وعلان

وعساك على القوه الشيخ واتمنى انك ماتقطع عن مقاطعك لانك لو قطعت الصراحه كلنا قطعنا محد يحمسنى غيرك ولا شو الراي عزيزي

يالله الشيخ اسمحلي شكلي طولت في السوالف وماعليك من حد

تحياتي لك
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ما يميز الرجل عن البنت....أتمنى ما يدخل الموضوع مرأة	محروم.كوم	منتدى أخبار المواقع والمنتديات العربية والأجنبية	0	12-27-2009 04:50 AM
بسرعــة الكل يدخل >>الموضوع ضرووري	ﭏ•عشقـﮮ عيــناوـﮯ«	برامج انترنت , برامج مسنجر , العاب , تطوير المواقع	5	10-21-2009 02:03 PM
^__^ استفسار و أتمنى من الكل المشاركه ^__^	محروم.كوم	منتدى أخبار المواقع والمنتديات العربية والأجنبية	0	07-13-2009 11:30 AM
تقارير ثاني عشر ( علمي ، ادبي ) الكل يشاركنا	مجروح العين	البحوث والتقارير	8	11-16-2008 03:10 PM
أتمنى من الكل المشاركة..	دلوعة باباتي	الطلاب والتعليم والجامعات	4	05-02-2008 10:35 PM