الصيانه الدوريه لمحرك السوزوكي رباعي الاشواط (4ستروك )

محروم.كوم · #1 12-16-2014, 10:51 AM

في الفتره الاخيره كثرو ملاك مكينه السوزوكي والكثير منهم ما يعرف بصيانتها شئ ويروح لفنين الصيانه وهوم بدورهم ان المكينه جديده ومعقد وشغالين ذبح اسلامي بالعالم

للعلم ترا مكينه السوزوكي سهله جداً وخاليه من اي تعقيد واي أحد يسويلها صيانه

موضوعنا اليوم كيف تسوي صيانه لمحرك السوزوكي ال 4 ستروك بنفسك

أول شيء كل 100 ساعه
زيت المكينه فقط
الزيت لازم يكون10W40 وأفضل الي بالسوق هو كاسترول ماجنتيك والسبب انه هو الوحيد الفولي سنتتك او وهو معناه ان الزيت مصنع بالكامل
الجدول موجود فيه كل مكينه وكم علبه زيت تاخذ ورقم الفلتر

الي بالاحمر عدد العلب والازق باللتر ,القائمه الاولى oil capacity w/out filter يعني من غير تغيير الفلتر والثاني الي مع الفلتر

نجي للتغيير
نفك الصره الي تحت لتفضيه الزيت مع فك الغطاء الاصفر الي تعبي منه وتركه لمده 5 دقائق لحد ما يبطل ينزل الزيت

تركب الصوفه ونعبي الزيت وتذكر تفتح مقياس الزيت وأنت تعبي , بعدها تشغل المكينه لمده دقيقه وتتأكد من معيار الزيت

ثاني صيانه كل 200 ساعه
زيت المكينه , فلتر الزيت وموضح رقم كل واحد في جدول الزيوت فوق
زيت القير
التشييك على الملاحات الداخليه والخارجيه وتنظيفها او تغييرها اذا تحتاج
التشييك على البواجي وتغيرها اذا تحتاج
التشييك على بلف الحراره وتنظيفه وتغييره اذا يحتاج
تغيير طرمبه ماء التبريد وتشحيم عامود القير
تغيير فلتر البنزين

زيت المكينه والفلتر
الزيت خلصنا منه قبل في رقم واحد الفرق هنا انك بتفك فلتر الزيت وتغيره بس تغير الصوفه ويفضل تغيير الصره كامل مع الصوفه في 200

نفك فلتر الزيت ونركب الجديد مع مسح وجه الفلتر بالقليل من الزيت

تبيه لما تشد الفلتر تشده بعزم اليد مهو بوزن جسمك لأنه ممكن يفرط الفلتر ويهرب من هذي الجهه

وتأكد انه ثابت عشان ما يهرب عليك ويفضل ان تخلي كم عليه زيت معك وتشيك عليه بعد ما تحمى المكينه وتمشي ما يقارب 10 دقايق وان حصلت تهريب وقف وطفي المكينه
شد عليه وتأكد من مقياس الزيت وعبيه ان يحتاج

زيت القير
لازم تنتبه منه ولا تستخدم زيت الياماها مثل بعض الشباب الي شفتهم قبل والسبب ان زيت ياماها هو GL4وسوزوكي لازم تستخدم GL5 SEA90
ان ما تبي تستخدم زيت سوزوكي او انه غير متوفر بالمنطقه الي انت فيها في زيت من شركه بالبيد يجي تنك اخضر وانا استخدمه لي 4 سنوات وهو الوحيد الي بالسوق السعودي GL5

تفكه من الصرتين الي تحت القير اول شيئ بعدين في وحده فوق بالساق مكتوب عليها oil level الي بالصوره وتغير الصوف ونعبي من تحت الزيت الين ما تشوفه طلع من الصره العلويه ونقفل الصره العلويه وبعدين نقفل السفليه

لا تعبي زيت القير الى لما تخلص من تغيير طرمبه الماء وتشحيم العامود وتركب القير مكانه
تقدر تستخدم علب العصار او تشتري مضخه زيت القير وقيمتها بحدود 80 ريال وتركب على اي علبه زيت

الملاحات
وكل مكينه وموديل يختلف عن الثاني في العدد ولاكن نفس طريقه الفك والتنظيف

الملاحات الخارجيه هذي شكلها

تفكها وتنضفها بنقعها بدلو فيه خل تفاح وماء دافي مائل للحراره (انا شخصياً افكهم اول شي وانقعم لين ما اخلص باقي الصيانه وارجع لهم في الاخير)
ان شفتهم متآكلين غيرهم بجديد وان زينين خليهم
الطويله تحت الهايدروليك وفي على القير على الاقل 2 من المربعات
الفور ستروك يختلف عن 2 ستروك بالملاحات وهو ان الزعنفه الي عند البروانه (الرفاس ) هي للتوجيه وليست ملاحه مثل 2 ستروك

ثاني شي في بعض المقاسات من المكاين في ملاحات تحت غطاء الساق فيفضل انك تفكه

الملاحات الداخليه وتتفكم ونفس ما سويت بالملحات الخارجيه وممكن تحتاج تحكهم بوق صنفره ناعم

ان شفتهم متآكلين غيرهم بجديد وان زينين خليهم

لزم ننتبه ونشيك على المكينه والقير لأنه في بعض الملاحات مهي واضحه من اول نظره
بس راح تعرفوها لأنها كلها نفس الشكل

هذي ملاحة القير الداخليه متخبيه ورا جهت الهايدروليك

البواجي
تفك الكويلات وتفك البواجي ويفضل تغيرهم على 200 ,

سوزوكي تستخدم NGK وبالجدول ارقامهم لكل مكينه

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الافضل في اصلاح فريجيدير 01111950503 ضمان علي الصيانه 33544485 الصيانه الفوريه	محروم.كوم	منتدى أخبار المواقع والمنتديات العربية والأجنبية	0	02-26-2014 02:20 PM
برنامج الصيانه الدوريه للنظام والكمبيوتر Advanced SystemCare Free 6.4.0.289	محروم.كوم	منتدى أخبار المواقع والمنتديات العربية والأجنبية	0	09-04-2013 11:00 PM
برنامج الصيانه الدوريه للنظام والكمبيوتر Advanced SystemCare Free 6.4.0.289	محروم.كوم	منتدى أخبار المواقع والمنتديات العربية والأجنبية	0	08-21-2013 05:10 PM
الصيانه الدوريه لمكينه 75يامها توستوك	محروم.كوم	منتدى أخبار المواقع والمنتديات العربية والأجنبية	0	03-22-2013 11:10 AM
الصيانه الدوريه	محروم.كوم	منتدى أخبار المواقع والمنتديات العربية والأجنبية	0	01-16-2012 04:10 PM