بسم الله الرحمن الرحيم

السلام عليكم ورحمة الله وبركاتة ...

اخواني عندي مشكلة في اليوكن وقت الصباح او اذا كانت السيارة وقفة فترة طويلة "يعني لما تكون السيارة باردة واحميها" تتفتف والموتر يرج ولمبة المكينة تاشر ولكن مايطفى لكن اذا مشيت عليه تروح التفتفة وتطفى لمبة المكينة ويصير زي العسل ... وبعدين رحت لورشة القحطاني في ام الحمام قالوا لازم تغير البواجي واسلاك البواجي وشريت من بالبيد القطع المطلوبة وغيروها لي ولكن رجعت المشكلة اليوم الثاني ورجت لهم وقالوا لازم نغير صفاية البنزين وتحط في التانكي علبة تنظيف واعبي بنزين 95 وتمشي على الموتر 50 كيلو شده وحده وراح يضبط وسويتها ولكن مافيه فايدة وبعدين دخلت هالمنتدى ولقيت موضوع يقول مايحتاج هالفه كلها وغير بس حساس الحرارة وتم عمل ذالك ولكن ماصار شي وبعد كذا رحت لم شك تيم اللي عند جامعة الامام مخرج 7 وفحصت كمبيوتر وقالي السوري نفس كلام اللي قبله وقلت له كل هذا غيرته وزت عليه حساس الحرارة قال حساس الحرارة ماله دخل شكل المشكله من طرنمبة البنزين لان المكينة ماتسوي احتراق كامل Random Misfire قلت بالله ابغاك تعطيني العلم الاكيد لاني تعبت وصرفت دراهم ولا انحلت المشكله قال خلني اشوف ضغط الطرنبة وجاب ساعة مثل اللي تقيس ضغط الكفرات وشبكها في مكان في المكينة وقال ضغط الطرنمبة ممتاز قلت له طيب وش السالفة قال مافيه الا بلوف المكينه لازم تغيرها او تنظفها وهذي شغل اليد بس يكلف 2500 مع المخرطة لان فيه فك راس المكينة ... وبعد كذا ضاق صدري لاني تكلفت كثير واشغلتني واتعبتني هالمشكلة ورجعت للبيت وانا بالطريق مريت محل بترومين وسويت عندهم تنظيف البخاخات وهي تجي علبتين وحده تنحط مع البنزين والثانية تشبك بطريقة معينه وكلفتني 250 ريال ولكن برضو مافيه فايده ..... وبصراحه هبلت فيني ذا المشكلة.... وياليت تفيدوني يااهل الخبره وش رايكم بالموضوع