|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
اختنا المشرفه
__DEFINE_LIKE_SHARE__
اخواني الاعضاء السلام عليكم ورحمه الله وبركاته بما اني اجازه وفاضي باقول لكم هالسالفه تذكرون يوم كنا صغار وندربي الكفرات ؟؟ كان عندنا جبل وكنت انا والنكبه ولد اختي قاطين بكفره والقطه ماهي بدفع فلوس لا الله يسلمكم واحد يطلع بالكفره ويدربيها والثاني ينتظرها تجيه تحت على شأن يطلع فيها مع اول ماندربي الكفره نجري وراها من الفسسسقه اللي فينا وبعض الاحيان نطلع الجبل والكفره على روسسنا تخيلوا الحين نقدر نسسسويها . هههههه واذا خلصنا منها نحرقها ونروح جهة الدخان ودخانها الله يكرمكم اسود لارحنا البيت ماهو ادمي اللي بالبيت كفره شكلاً وريحةً ههههه وبعدها جاء درو الجركل كان الجركل الاسود الله يكرم وجيهكم لاطاح بيدي ماهو بخير اقصه من النص واجلس بوسطه ونشق له شق نربط فيه الحبل ونربطه بصدام السياره واحد يسسوق وواحد يركب بالجركل ويسحب انسسسجام تاااااااام يوم توقف السياره الا كلك غبار تسسنكـ طالع من جحر ضب غبره ومره من المرات بغيت اجيب العيد بولد اختي اللي هو دايم معي بالنكبات قال ياخال انا بركب بالجركل وانت سوق بس لاتسسرع قلت طيب واقول بنفسي بس اركب انت ركب وكان الحبل طويل وانا ادعسس والف السياره الا البناخي ماااار من عند باااب السائق يمشششي 200 ويصكـ راسسه بالصدام الامامي الا وهو ممتد على الارض وانزل وهو ماد بوزه ششبرين من الزعل ويهددني لاعلم عليك واقعد اطلب فيه مارضى عني الا بعد ماوعدته اعطيه سيكلي اللي هو راس مالي هههههه كانت ايام حلوة لاتنسى بسسيطه وعفويه تذكرون لعبة كنا نلعبها مادري مرت عليكم ولا لا اللي هي لعبة (النار والجنه والغنى والفقر ) كنا نجتمع مع عيال الحاره والحلا لعبه له بعد المغرب ونلعبها نحط اربع حفر صغيرع على قد رؤوس اصابع اليد وعلى شكل مربع وقريبه من بعضها لبعضونحط بنصها عود من الرمث او من اي عود بس يكون دقاق (نحييف) وطويل ونولع بأخره لاولعت فيه ينثني ويطيح عاااد انت وحظكـ لاطاح بالجنه ولا الغنى ياسسعد حظكـ وان طااح بالنار ولا الفقر اقمح ثم اقمح بتأكلك ناار ولا بتمووووت فقير ( صار تفسسسر احلااااام ) هههههه عاد لاصرت حاقد على احد اتفنن اميل العود جهة حفرة النار ولا الفقر واخليهم يهلون الدموع اربع اربع هههههههه وسلامتكم اللهم اجرنا من عذاب النار وارزقنا الجنه مع الابرار ونعوذ بكـ من الفقار ونطلب رضاك وتجاوزكـ عنا ياعفو وياودود تقبلوا تحياتي محبــكــم ابـــو نـــواف |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أطــــــلال من الزمن الجميل ,, | محروم.كوم | منتدى أخبار المواقع والمنتديات العربية والأجنبية | 0 | 03-02-2013 04:00 PM |
ذكريات الزمن الجميل | محروم.كوم | منتدى أخبار المواقع والمنتديات العربية والأجنبية | 0 | 10-07-2012 05:30 PM |
رنة من الزمن الجميل رائعة | محروم.كوم | منتدى أخبار المواقع والمنتديات العربية والأجنبية | 0 | 12-19-2011 02:30 AM |
رنة من الزمن الجميل قمة الاناقة | محروم.كوم | منتدى أخبار المواقع والمنتديات العربية والأجنبية | 0 | 10-11-2011 05:10 PM |
ومضه على جوالات الزمن الجميل | محروم.كوم | منتدى أخبار المواقع والمنتديات العربية والأجنبية | 0 | 08-12-2011 05:20 PM |