ابكي على ماراح واذكر وطرهـــا .. ((الوقوف على الأطلال )) - .·:*'*:·.استراحات زايــد.·:*'*:·.

بن حمرور · 03-10-2008, 02:16 AM

الســــــــــلام عليكم

في البدايه (( بن حمرور )) ليس سوى لقب القب به
ولا لي اي صله في عائلة (( بن حمرور ))

وانما اسمي
سعيد حمد سلطان الكتبي
((ذايع الصيت))
وهذا للعلم ولحفظ الحقوق لا اكثر ولا اقل ..

للشخص ذكريات جميله تلوج وتدوج بضامره ..
لكم مني آخر ماجادت به النفس ,,
وان صح التعبير !!

(( الوقوف على الأطلال ))

ونيت من نفسا" تزايد كدرهــــــا
يوم الدليه في لذة النوم طابــــــي

ابكي على ماراح واذكر وطرهـــا
ودموع عيني سببن لي اتعابـــــي

حورية طلت في عالي قصرهــــــا
تسبي القلوب بحسنها والألبابـــــي

ترنو لناظرها تمتع نظرهـــــــــــــــا
بطيب نفسا" ماشكت الأكتأبــــــــــي

بيض الآلي الناصعه في ثغرهـــــــــا
واكفوف ترفه منقشه بالخضابـــــــي

واعيون دعجه وناعسه من سحرها
ان قمت اطالعها افقدتني صوابــــــي

دانه ثمينه غاليه في سعرهــــــــــــــا
غابت ومعها كامل الحق غابـــــــــــي

ياعشرة" كانت في ماضي عصرهــــا
ايعزها شخصه وحضرة جنابـــــــــــي

ياكم صغنا في محاسن صورهـــــــــا
وياكم عبنا شي ما ينتعابـــــــــــــــــي

وياكم سرينا في دياجي سحرهـــــــــا
وياكم وردنا من غدير المظابـــــــــي

شبهتهم بالسرمدي مع قمرهــــــــــــــا
وانا النجوم اللي اللي حجبها السحابي

حالي تعب والعين مقصر نظرهــــــــــا
والعشره اللي منكفه للخرابـــــــــــــي

راحت وقفت والزمن له دثرهــــــــــا
وامست خليه كن ماكان حابـــــــــــي

شروات بيت الطين لي من مدرهــــــا
ماتسمع الا به نعيق الغرابــــــــــــــي

امست اطنابه مايله ع جدرهـــــــــــــا
عشعش بها البوم وقفت للنهابــــــــي

اذكرتها والنفس زايد كدرهـــــــــــــــا
والبال سج ودمع عيني نوابــــــــــــي

وازريت اسجل مابدى في سطرهـــــا
كود الزمن يفرج وينزح مصابــــــــي

والسمووووووووووحه

بوالجازي · 03-10-2008, 03:44 PM

السلام عليكم ورحمة الله وبركاته

صح السانك الشاعر

تسلم اخوي على القصيدة الغاويه

يعطيك العافيه

نترقب يديدج

εïз~اَلِمَيّث}● · 03-10-2008, 05:27 PM

~---{ حي الله الشيخ

صح منطوقك واعتلى من شانك الشيخ

ماااعليك زووود ابدعت فـ ذمتيه

فأن كان للأبيات جمال ووزن وقافيه متقنه فأنها سوفه تكون متربعه في ابياتك

ما اقول غير ربي يوووفقك ان شاااء الله ودااام شعرك الشيخ

ربي يعطييك الف الف عافيه ع الطرح المتميز

وربي لاهانك يا خويه وونورت الاستراحه بطرح

ربي لايحرمنى من يديدك المتميز نترقب كل يديد من جداك

مهما نقووول ما نوفي حق الأبيات اسمحليه ع القصور البادر منيه

اختكم

غ ـيمه فـ سماكم }---~

ж شـمـوخ عـراقـيـه ж · 03-10-2008, 09:46 PM

----- -----

.+. بسم الله الرحمن الرحيم .+.

:l: بن حمرور :l:

حي الله الشاعر ..

صح منطوووقك على الكمات الرووعه

وكلمه الشكر لا توفي بحق ما خطيت من حرووف

وانتض دومك مبدع فالشعر هالشي صار عادي عندك

يعطيك ربي الف عافيه ع تواصل وعلى طرحك المميز

لا حرمني ربي من هاللطله الي تنور الاستراحه

مودتي واحترامي لك َ

----- -----

كويتي · 04-11-2008, 08:57 AM

صح السانك ياسعيد حمد سلطان الكتبي

على قصيدتك الطيبه

ما شاء الله عليك أبدعت بالنظك

وشهادتي مجروحه فيك قلتها قبل

تحياتي لك يالمبدع

وتقبل مروري

أخواني وأخواتي المشرفين رجاء خــــــــــــاص

أتمنى التثبيت لهذه القصيده خاصه لهالشاعر الجزل يستاهل

*نظره مني تسدك* · 04-11-2008, 10:20 AM

خوويه ذايع الصيت

ماشاء الله عليييييييييييك صدق قمه في الروووووعهــ
ابدعت يا خوويه قصيده لها معاني قيمه
وهذا ان دل دل على شاعريتك وان الشعر منك وفيك

تسلم والله واشكر فنك ع الابدااع
ولا تحرمنا من كل يديد ومميز من صوبك

تقبل مروري ^^
اختك نظره مني تسدك

بن حمرور · 04-25-2008, 04:55 AM

شكرا" على ردودكم
وتقبلو خالص التحيه وألأحترام

اخوكم
ذايع الصيت

حرف القصيد · 04-25-2008, 03:33 PM

اذكرتها والنفس زايد كدرهـــــــــــــــا

الله عليك يالكتبي صح لساانك شاعر شاعر شاعر ربي يوفقك ومشكور على التنويه اخوي وانا كنت اتحراك من قوم بن حمرور المهم ربي يعطيك العافيه ولك مني كل الاحترام والتقدير .