لـيــالٍ مثـلـمـا طـيــف الـحـلــوم
ذهــــابٍ مـالـهــا فـيـنــا إيــــاب

لحـى الله مـن شـرى لـذّات يـوم
بيـومٍ فـيـه راس الـشّـاب شــاب

عسـى يـا راحـم القلـب الـرّحـوم
توفّـجـنـا إلـــى حـســن الـمــآب

وعــرف أنّ الليّـالـي مــا تـــدوم
ولــي طـالـت تـعـدّيـك الـرّجــاب

ولــو تصـفـي صفوّتـهـا هـمـوم
لـهــا عـهــدٍ سـريــع الانـقــلاب

وهــي بالغـيـض دوم الناكـظـوم
تمنّـيـنـا ايـلــي شـــاب الــغــرب

واشوف الشيّب له غـارات قـوم
علـيـنـا والاجـــال لـهــا كــتــاب

ولا يذريـك ربــع مــن الهـجـوم
دفــاعٍ بالـسّـيـوف ولا الـحــراب

شـرى مـا للصّبـا شـوحـات زوم
وقــوّه مــن ريـاعـيـن الـشـبـاب

يلـي حاولـت فــي التّـالـي تـقـوم
اتجـدّم مـن ايديـك إلهـا صــلاب

وترجو من الطّبيب اسعـاف دوم
ولا تـلــو الـعـمـار إلاّ الــخــراب

وكـمّ الشيـبّ حـطّـم مــن قــروم
وخـلاّهــم مـتــاعٍ فــــي ثــيــاب

وكــــمّ لـلـمــلا لـــــذّات نـــــوم
غدت عن حفن عينـي كالسّـراب

جــزى الله لايــمٍ فـــي ذا يـلــوم
ولا جــــازاه عــنّـــا بـالــثّــواب

وحمـد الـلّـي وهبـنـي مــا أروم
قريض الشعر مع فصل الخطاب

نصـيـبـي مـثــل ذرّات الـغـيــوم
جلـيـلٍ مــن خـظّـمٍ مــن عـبــاب

فـلاكـنّـي يــلــي قـلـتــه لــــزوم
اتوضّح لي خطاه مـن الصـواب

ايسفّـر فـي دجـى اللّيـل العـتـوم
سفور الشمس من عقب الغيـاب

وذايربـه عــن الجـيـل الغـشـوم
ورجّيـه المـراجـي لــي صـعـاب

هـواي ريــف والمـجـرى تـيـوم
وشوفي من ورى كدف الضّباب

حصاد الظّلم فـي الاعمـال شـوم
كـمــا لـلـبّـر حـصــدٍ مسـتـطـاب

ورزق العبد في اللّـوح امحتـوم
مـن الملـيـار لــي حــدّ النّـصـاب

يـلـي شـدّيـت للـتّـقـوى عـــزوم
تعـنّـاك اليـسـر مــن كـــل بـــاب

كـريـم ورحـمـتـه فـيـنـا تـحــوم
ولا عـقـب الـقـنـوط الاّ الـمـثـاب

سخابـه واهـب الفضـل العـمـوم
عطايـا دون حصـر ولا حـسـاب

وسخّـر مـن المغيـب لـهـا ردوم
غلـيـظ الـمـزن مـسـودّ الحـيـاب

خلـيّـه مــا بـهـا ريـــحٍ حـســوم
ورحـمــه مـــا اتّـلاّهــا عــــذاب

ابــروقٍ تـدعـي الـغـدر الظّـلـوم
نهـار ومـرعـدٍ صـوتـه حـجـاب

ايماسـح وبلهـا روس الخـشـوم
خشوم ايبالهـا واجـرى الشّعـاب

ويـاد السّيـل منهـا فـي الحـزوم
حــزوم ارمالـهـا اروى الـتّـراب

وسوّى في الصقوف الكلي عوم
مهـا ميلـه رعـى روس الحـداب

وتـالـيـهـا نـخـتــم الـجـيــل دوم
بمـا نبديـه مـن قــول الـصّـواب

لـيــالٍ مثـلـمـا طـيــف الـحـلــوم
ذهـــابٍ مـــا لـهــا فـيـنـا إيـــاب