إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية

         :: ابدأ رحلتك في عالم الكتب الصوتية (آخر رد :سمير كمال)       :: افضل الطابعات للجوال 2020,افضل طابعه للجوال 2020,ارخص اسعار طابعات الجوال 2020 (آخر رد :بوابة الصين العربية)       :: افضل جوال للعبة ببجي 2020,افضل هاتف ببجي 2020,افضل موبايل للعبة ببجي 2020 (آخر رد :بوابة الصين العربية)       :: افضل ماكينة حفر ليزر,احدث ماكينة حفر ليزر,ارخص اسعار ماكينة حفر ليزر (آخر رد :بوابة الصين العربية)       :: اجمل عطور فانيتي 2020,احدث عطر فانيتي 2020,ارخص اسعار عطور فانيتي 2020 (آخر رد :بوابة الصين العربية)       :: اجمل فساتين صيفية للمحجبات 2020,احدث موديلات فساتين صيفية للمحجبات 2020,موضة فساتين محجبات صيفية 2020 (آخر رد :بوابة الصين العربية)       :: اجمل حلق ذهب للاطفال 2020,احدث حلق ذهب للاطفال 2020,ارخص اسعار حلق ذهب للاطفال 2020 (آخر رد :بوابة الصين العربية)       :: اضخم قناة في اليوتيوب للكتب الصوتية (آخر رد :سمير كمال)       :: اجمل فساتين صيفية للبنات 2020,احدث موديلات فساتين صيفية للبنات 2020,موضة فساتين صيفية للبنات 2020 (آخر رد :بوابة الصين العربية)       :: وثائقي فيديو الحضارة السومرية (آخر رد :سمير كمال)      

إضافة رد
 
LinkBack أدوات الموضوع انواع عرض الموضوع
  #1  
قديم 09-11-2014, 10:40 AM
الصورة الرمزية أشواق تائهة
عضو برونزي
بيانات أشواق تائهة
 رقم العضوية : 135910
 تاريخ التسجيل : Nov 2011
الجنس : Female
علم الدوله :
 مكان الإقامة : UAE
 المشاركات : 752
عدد الـنقاط :834
 تقييم المستوى : 14
 رسالة SmS
الله معك و يسمعك ومهما يصير ؟ينعم عليك -الله هنا- يبدّل الحزن بفرح وقادر انه يسعدك .

ترقبوا روايتي الجديدة .. بعنوان خربشات .. !
مشابهة لبداية روايتي السابقة الغير مكتملة الي أنحذفت بطلب مني .. ولكن الأحداث كانت مختلفة تماماً !



فقط .. كونوا بالقرب ...
__DEFINE_LIKE_SHARE__
رد مع اقتباس
قديم 09-11-2014, 10:43 AM   رقم المشاركة : [ 2 ]
عضو برونزي

الصورة الرمزية أشواق تائهة

بيانات أشواق تائهة
تـاريخ التسجيـل : Nov 2011
رقــم العضويـــة : 135910
الـــــدولـــــــــــة : UAE
المشاركـــــــات : 752 [+]
عدد الـــنقــــــاط : 834
الجنس : Female
علم الدوله :
الحالـــة : أشواق تائهة غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
افتراضي

الجزء الأول ..
كنت حالمة من الدرجة الأولى، عندي أحلامي اللي أزينها باللون الوردي ..
وأغلفها بورق الهدايا الفاخر .. وأسعى لتحقيقها بكل ثقة!
فضلت الهروب من الواقع والعيش في أحلامي ؛ ..
كنت ألقى السعادة في ه الأحلام ..
كنت أشوف روحي بعيد .. بنظرة ثاقبة للمستقبل ..
لكن للأسف .. ما عادت الأحلام سبيلي في العيش
ولا عدت ألقى فيها وسيلة للاستمرار ..
كل أحلامي وقفت ضدي ..
كل أحلامي صارت تمثل ذكرى قاسية ..
كل أحلامي صارت موشحة بالسواد |!
كل أحلامي غدت آلام .. لازم أسدل عليها ثوب من النسيان
لكن للأسف ما قدرت والسبب .. |أنا !
للأسف أنا السبب ..
دونت نص أحلامي الوردية بكراس ..
وتركت نصها الثاني مغلف بورق الهدايا الفاخر بكل مكان ..
كل ما ألتفت ألقى ذكرى .. كل ما أغمض عيني أشوف حلم مرتسم ..
كل ما أتكلم .. تعاصرني دمعاتي .. الي صارت تعشق الهطول !
تعبت أحكي لنفسي عشان تسكت ..
تعبت أهمز قلبي لأجل يسلى ..
كل ما قالوا لي شفيج ؟ أنكتم .. وأتوه في بحر الذكريات
قلبي صار رهيف ..
كأنه يأبى إلا أن يطبق جملة اشتهرت بين الناس .. [ لكل شخص من اسمه نصيب ] ..
وفعلاً أنا رهف .. أم المشاعر الرهيفة .. الرقيقة .. الضعيفة .. الباهتة
البنت اللي قلبها يسبق عقلها ..
ودموعها تسبق كلماتها ..
فتحت دفرتي قلت أطلع الي بخاطري من كلام ..
علّ وعسى ه الشيء يريح ه القلب ..
لكن الكلام ودعني .. والحروف أنكرتني .. !
حتى أنتي يا حروفي .. تركتيني
ولا عدتي برحلة أيامي ترافقيني ..
سكرت الدفتر وركنته بطرف الطاولة البعيد وفريت القلم يمه ..
وتركت الكلام يعشعش بداخلي للأبد ..
وبقى سؤال أماني يتردد بداخلي .. [ يا ترى هو يستاهل ؟ ] ..
كأنه قلبي ببغاء .. يردد الكلام .. عقلي يقوله [ ما يستاهل أي حنين من صوبك .. ]
وقلبي يرد عليه .. [ مستحيل أنسى الأماني والأحلام .. وحلو الذكريات ] ..
نبهني من ذكرياتي الأليمة .. صوت أعز إنسانة في ه الوجود [ إميه ] !
إمايه: رهف .. رهووفة .. شو تحسين الحين ؟
بلعت غصتي بألم .. وقلتلها بابتسامة وأنا أتدلع : ريولي تعورني .. حيل تعورني ..
رجعت رأسي على ورا .. عشان ما تكشف الدموع اللي بدت تملي عيوني ..
إمايه: خذتي مسكن ؟ ..
هزيت رأسي ب [ لا .. ] ..
إمايه: بروح بييب لج مسكن .. وبييب مرهم أدهن فيه ريلج ..
شو الفايدة يا الغالية .. ه المسكن .. بيسكن ألم روحي .. ألم قلبي ..
ولا بوقف دموعي عن الهطول على أدنات الدون ..
دخلت إميه مع الدوا .. شربتني المسكن .. ووراه الماي ..
وأنا أحس أنه وقف لي بوسط حنجرتي .. شربت الماي ..
وشربت وشربت لأجل أحس أنه صرت أقدر أتنفس نفس قبل ..
أو على الأقل تحسن شوي .. وبدت تهمز لي ريلي ..

إمايه: الله يهديكم ما أدري ليش تسوقون السيارة بسرعة ..
وما تنتبهون للطريق ، نخلة من سنين في مكانها شقايل ما شفتيها ؟
فعلاً .. ما أدري كيف ما انتبهت .. يمكن قلبي كان يفكر بأشياء ثانية ..
أشياء كبيرة حيل .. منعتني من شوف نخلة معمرة من سنين في مكانها .. !
خلصت من ريلي .. ولفتها بالشاش الأبيض .. وغطتني بلحافي الأبيض ..
الي ياما تمنيت يكون قلبه بنفس ه اللون .. !
قالت لي : نامي حبيبتي ، أنتي باجر عندج إجازة مرضية .. تبيني أوعيج الصبح ولا لا ؟
طالعتها بنظرة غريبة .. بدون كلام .. كأنه الصوت غادرني من زمان ..
أكتفيت أغمض عيوني .. وأنا أترتجي منها أنه تغفى ..
وتبتعد عن الأحلام !!
ما أنتبهت إذا إميه بعدها واقفة ترتجي جواب .. أو غادرتني وتركت الموضوع لباجر وقت ما أقوم . . !
__DEFINE_LIKE_SHARE__

من مواضيعي
0 خربشات .. !
0 [ يطيب خاطري لا جا طاريهم لي في وقت غفلة ]
0 إِنَّ رُوحِـــــــيٍ قَرَرَت " البـَوّحَ " عَن أشَـــواقِها . . ~
0 إسمح لي سأحكي حكاية حبنا . . !
0 ▓▒░░ كلام عاشق في غرفة العمليات ▓▒░░


 


. . . . . . . .

  رد مع اقتباس
قديم 09-11-2014, 10:45 AM   رقم المشاركة : [ 3 ]
عضو برونزي

الصورة الرمزية أشواق تائهة

بيانات أشواق تائهة
تـاريخ التسجيـل : Nov 2011
رقــم العضويـــة : 135910
الـــــدولـــــــــــة : UAE
المشاركـــــــات : 752 [+]
عدد الـــنقــــــاط : 834
الجنس : Female
علم الدوله :
الحالـــة : أشواق تائهة غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
افتراضي

تابع الجزء الأول ..
قمت من نومي على صوت شيء طاح على الأرض
بطلت عيوني بخوف .. وقعدت على السرير
ملامحي تحوي خوف .. رهبة وقلق .. !
شفت نوف الصغيرة واقفة ومحطية أيدها اليمنى على اليسرى .. وتطالعني بقلق .. !
جدامها جنطتني طايحة على الأرض .. !
هالجنطة معلقتنها على طرف الكرسي .. وأكيد لمن يت تطوف طاحت
تنهدت وقلت لها: تعالي يمي ..
يت بخطوات بطيئة وتعلقت بطرف اللحاف .. تقربت منها وشليتها .. ونومتها بحضني ..
مسحت على شعرها برفق .. وبدت نوف تغفى ..
مرت ببالي ذكرى ..
[ حمادة .. ممم لو ياتنا بنية بسميها نوف .. !
ليش نوف بالذات ؟
ممم .. أحب ه الاسم وايد !
إن شاء الله .. جان الله رزقنا ببنت بنسميها نوف .. ]
أه يا أحمد .. هذي نوف بحضني ..
بس أنت وين ؟!
تنهدت بحزن وغمضت عيوني .. !
بعد فترة قمت .. لمن حسيت أنه نمت وايد وجسمي بدأ يتكسر .. من التعب !

شفت نوف بعدها نايمة يمي .. بعدت شعرها عن عيونها .. وغطيتها باللحاف .. وقمت
كانت خطواتي قصيرة .. وكل ما أضغط على ريلي أحس بالألم يزيد ..
وأخيراً قدرت أوصل للحمام [ عزكم الله ] .. تغسلت وتوضيت وطلعت أصلي
صليت السنة .. وبعدها ركعتين الفجر .. وقعدت للدعاء ..
دعيت لنفسي .. بالهداية
دعيت لأميه وأبويه وأخواني ..
دعيت لأماني وفطوم وخولة ربيعاتي ..
ووصلت له .. يا ترى شو ممكن أدعي له اليوم .. !
دعيت له .. دعيت بكل إخلاص .. دعيت له بالتوفيق .. والهداية .. وأنه الله ينوله كل ما يتمناه ..
سكتت .. أتذكر
[ أحمد .. تدري اليوم بعد ما خلصت من صلاة الفجر دعيت لك
صدق ؟ شو كان الدعاء !
ما بقولك .. بيتم سر مدفون بداخلي .. لين الله يحققه
حبيبي أنتي .. دوم حافظي على ه العادة .. لا تودرين الفجر ولا الدعاء في ه الوقت
إن شاء الله الغلا ]
بدت عيون تدمع .. ما كنت أبي أصيح .. عشان ما أوعي نوف
وعشان ما أتعب قلبي أكثر من ما هو متعب .. !
مسحت عيوني بطرف شيلة الصلاة .. وهديت روحي
بدلت ملابسي ب [ تنورة فوشي قصيرة مخصرة علي من فوق وواسعة شوي من تحت .. مع ليغنز بيج و توب بيج عليه ورود فوشية . . ]
وقفت جدام المرايا ..
ويهي مبين عليه تعب سنين .. !
يا ترى هل أنا بس اللي أشوف ه التعب ..
ولا الكل يشوفه ويلاحظه .. ويسكت عشان لا يضايقني !!
عدلت شعري الطويل .. الي يوصل لين ركبتي ..
رفعته كله بثلاث قباضات عشان يثبت ..
حطيت فاونديشن .. وزيدت الجيلة تحت عيوني عشان يخفف السواد اللي بدأ يطلع لي هالأيام !
حطيت بلاشر وردي .. خفيف على خدودي !
مع روج وردي لامع .. !
رحت بخطوات بطيئة للكبت الصغير اللي بطرف الغرفة . .
وطلعت تنورة وردية قصيرة .. مع قميص وردي كت لنوفاني ..!
ورحت صوبها عشان أوعيها
أنا: نوفه .. ماماه يلا قومي ..
بدت تفتح عيونها ..
ابتسمت لي ..
[ حمادة تدري شو اتمنى ؟
شو تمنين حبيبي !
أتمنى يكون عندي بنوتة حلوة .. كل ما أقوم الصبح أصبح على ابتسامتها ]
غمضت عيوني .. كفاية عذاب يا ذكرياتي .. !
حسيت بنوف تحضني .. وتقولي : ماما فيج ثي ؟! [ ماما فيج شيء ؟ ]
قلت لها ببسمة : لا ماماه .. يلا نقوم نتغسل .. عشان نلبس ملابس يديدة ونروح الحديقة
نوف [ بحماس]: حديقة !!
فرحت بفرحتها .. صدق أنه نوفة عمري .. وبسمة حياتي .. الي ترد لي روحي!
خليتها تمشي .. وأنا امشي معاها ببطء ..
الحادث الي صارلي أثر على ريلي ..
الحمدلله ما فيها كسر .. بس الرضوض كلها كانت على ريلي اليسار .. وفي رضوض خفيفة على ايدي اليسار
غسلتها وفرشت أسنانها .. وييت لبستها البدلة .. !
نوف كانت مستانسة .. مشطت شعرها القصير ..
وحطيت لها قباضات صغيره أرفع فيهم قصتها من جدام ..
نوف: ماماه أبا لووج
أنا [ ابتسمت ]: تبين روج ؟
نوف: هيييييه
طلعت الروج .. وحطيت لها شوي .. لبستها جوتيها الأبيض .. لبست عبايتي المفتوحة .. واكتفيت إني أسكر اول الفصم بس ولفيت شيلتي بإهمال !
أنا: نوفه يلا نمشي
يودت إيدها .. ومشيت معاها لبرع ..
شفت إميه قاعدة مع أبويه ..
من تقاعد وهو كله بالبيت .. !
أنا: السلام عليكم ..
الكل: عليكم السلام
أميه: رهوف .. شو مقومنج من فراشج ؟ ووين سايرة الحين ؟
أنا: يمااه مليت .. أبا أطلع أشم هوا .. كفاية يومين قاعدة بفراشي .. أحس بمووت !!
أبويه: بسم الله عليج الغالية .. يا هدى عليها على راحتها .. [ يطالع نوف ] ها أميرتنا الحلوة شحالج اليوم ؟
فتح لها ايده وراحت له ركض .. قعدت بحضنه وهو يناغيها ويسولف لها
وهي مستانسة .. !
قعدت يم إميه ..
ودي أرجع صغيرة يا أبويه لأجل أكون مثل نوف بالضبط
وناستي .. كلمة
بسمة إميه .. ترضيني
أه يا ليت ما كبرت
إميه حطت إيدها على ريلي وقالت: شفيج رهف؟
أنا: ولا شيء .. [ عشان أبعد تفكيرها ] يمااه يوعانة ..
إميه: ما تلاحظين أنج صايرة تتصرفين مثل اليهال .. [ تبتسم ] شو خليتي لنوفه

أبويه [ يطالعني]: خليها على راحتها .. وسيري حطي لها الريوق
إميه: شحقه لابسة عباة ؟
أنا: بروح الحديقة .. ولا نسيتي أنه حديقة بيتنا على الشارع .. والرايح والراد يشوفنا !
إميه: والله نسيت .. [ تقوم ] خل أحط لج ريوق ..
راحت تحط لي ريوق .. ويت وقعدت أدلل عليها ..
إميه أبي جاي .. قطعيلي الخبز .. مابي مربى أبا عسل .. لا لا مابي عسل أبا جبن .. حطيلي عصير برتقال .. لا لا ليمون وكنت مصرة أنها هيه تلقمني من يدها !
نوفة كانت تطالعني بغيرة .. ويت قعدت بحضني .. وقالت لي : ماماه يوعانه [ وهي عاقدة حياتها ! ]
سعود أخويه .. نازل من فوق وشافنا ضحك علينا .. وقال: رهوف تتدلل على إمايه .. ونوفه تبي تسوي نفس الشي
إميه: ومحد بيتعب منهم غيري .. قلت أزوجها .. يمكن تكبر .. يابت لي ياهل ثانية وصارت نفسها بالضبط .. ! متى بس بيي مروان ويشلكم !
لفيت ويهي .. يا اميه هذا وقته تجرحيني .. ! مروان .. تطرين مروان .. ! ليش يمه تذكرينه اليوم .. ما أنا صار لي أيام ناستنه .. ! لازم اتيبين طاريه اليوم وتجرحيني .. وتزيديني فوق عذاب قلبي .. عذاب
سعود [ اللي حاس فيني ]: يماه تبين الفكة من أختي .. تراها أختي الوحيدة ما عندي غيرها .. لا مروان ولا غيره يقدر يأخذها مني ..
إميه [ تمسح على ريلي ]: وأنا أقدر على فراقها .. والله الايام الي تكون فيها عند ريلها أنه أتعب من التفكير فيها .. السوالف اللي تسويها حقي هنيه .. تخليني ما أقدر أبتعد عنها أبد
أنا: الله يخليج لي يا الغالية .. !
رن فوني .. أنصدمت لمن شفت المتصل .. !
وبدأ قلبي يدق يدق .. يدق !
لدرجة أنه صوته العالي صرت أسمعه بأذوني .. !
__DEFINE_LIKE_SHARE__

من مواضيعي
0 خربشات .. !
0 [ يطيب خاطري لا جا طاريهم لي في وقت غفلة ]
0 إِنَّ رُوحِـــــــيٍ قَرَرَت " البـَوّحَ " عَن أشَـــواقِها . . ~
0 إسمح لي سأحكي حكاية حبنا . . !
0 ▓▒░░ كلام عاشق في غرفة العمليات ▓▒░░


 


. . . . . . . .

  رد مع اقتباس
قديم 09-11-2014, 05:05 PM   رقم المشاركة : [ 4 ]
عضو دائم

الصورة الرمزية forza alain

بيانات forza alain
تـاريخ التسجيـل : Sep 2012
رقــم العضويـــة : 142553
الـــــدولـــــــــــة : ,.* دآإر زآإيدِٓ ❤
المشاركـــــــات : 638 [+]
عدد الـــنقــــــاط : 1287
الجنس : Female
علم الدوله :
الحالـــة : forza alain غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
افتراضي

بدايه موفقه
اتمنى ان تكملين
فيني فضول ابا اعرف منو ها احمد

وليش رهف كارهه مروان
__DEFINE_LIKE_SHARE__

من مواضيعي
0 السلسلة النشاطية
0 روايتي الاولى بـ عنوان " سـأكتفي بهه ولـن اهدي قلبي لأحـد غيرهه "
0 قصه واقعيه صارت في بوظبي
0 قــصة الشـاب (( مـحمـد)) الـقـصه الـتـي أبـكـت أعضــاء المنتديــات
0 قــصة الشـاب (( مـحمـد)) الـقـصه الـتـي أبـكـت أعضــاء المنتديــات


 


0• لآ تَـعَبِـث بگبريآئے گے لا آبعثر غرورگ •0

. . . ضمنيـےً مآبين ، قلبكـ و العيون ♥

  رد مع اقتباس
قديم 09-13-2014, 09:51 PM   رقم المشاركة : [ 5 ]
عضو جديد

بيانات روح الخيال 97
تـاريخ التسجيـل : Jul 2012
رقــم العضويـــة : 140018
الـــــدولـــــــــــة :
المشاركـــــــات : 45 [+]
عدد الـــنقــــــاط : 100
الجنس : Female
علم الدوله :
الحالـــة : روح الخيال 97 غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

السلام عليكم ...

بداية جميلة جدا ، أحب الغموض في بداية كل رواية

تحمست أبا أعرف شو سالفة رهف و منو أحمد و شو صاير بينهم. ؟!

أترياج عشان نتعمق أكثر .. لا تتأخرين. ..
__DEFINE_LIKE_SHARE__

من مواضيعي

  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
خربشات على ورق...!~ بَنتْ ذآگ آلأمٓير استراحة قصص وابداعات الاعضاء 41 08-15-2013 08:03 AM
(( خربشات إمراه تفهم الرجال )) ذيبہـة شّےـوِٱمِےـسًے عالم الحياة الزوجية +18 1 12-22-2011 03:45 PM
خربشات للتميم والتطوير محروم.كوم منتدى أخبار المواقع والمنتديات العربية والأجنبية 0 07-06-2009 02:40 AM
--** خربشات عدسه رعووي **-- راعية الكروزر2007 عدسة الاعضاء , كاميرا الاعضاء 23 12-15-2008 01:24 PM
『.. خربشات من الألم ..』 عيوز طربانه شعر و خواطر 14 02-20-2008 09:10 AM


الساعة الآن 05:57 PM


Powered by vBulletin® Copyright ©2000 - 2020, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML