₪۝ احساس صوره ۝₪ .. مع كــاتب وصــورة .. ( للجمــيع ) - الصفحة 8 - .·:*'*:·.استراحات زايــد.·:*'*:·.

:: مختلف :: · 03-19-2008, 12:40 PM

بسم الله الرحمن الرحيم
اختنا كلنا

الم ـــيث
مسا الاحساس والطيبه

فضيع اختيارج

,
,

هذا تسجيل الحضور
ولي عوده المسى ان شاء الله لشرح الصوره بالتفصيل
وهذي المقدمه
.. بعض الصور .. نعجز حتى بالدم نشرحها
,
,

,
,

من الوالد
وحنــا صغار
تعلمنا الوفى .. بــدري
وعلمني
انا بالـــذات
ايذا امشي الكل من خلفي
انا اذكر
قبضة ايدينـــه
وكم يقسى وانا في صغري
وانا اذكر
كلمته دايــــم
(( دبــي .. لازم لها توفي ))
ويكفي
من 3 قــروم
تعلمنا الوفــى بدري
ابوي
وزايـــد .. ومجتوم
(( شراعي .. ومركبي .. ودفي ))
( تعلمت )
القلوب اللـــون
فيها اسود وفي زهــري
وايذا
شفت اليتيم
امسح دموعه ( يالبطل يكفي )
تعلمت
الرقــم ( 1 )
واكـــون في دنيتي الحصري
ولا اسمح
دمعة عيونــي
تعيش لثانيه في طرفي

,
,
,

اختنا كلنا
الميث
لي عوده وقت المسى واشرح الصوره بالتفصيل

,
,

:: همسه ::
اخونا الكريم
الشاعر
كل عام وانت بخير يا قلب اهلك
وان شاء الله سنة طاعه وتميز في كل شي
تستاهل حلو التباريك عزيزي

( :

ربي يحفظكم
اخوكم
مختلف

:: مختلف :: · 03-20-2008, 11:36 AM

اختنا كلنا
الم ـــيث
اعضاء المكان
صباح الخير والطيبه

اعذروني على التأخير
بوصف الصوره باحساسي
لان الي في الصوره يفوق الوصف جدا
تعلمنا منه الكثير .. الين كل واحد خذا من مدرسة محمد دروس
هذا الاب .. والاخو .. والصديق
تعلمنا منه الاتي
,
,

من الوالد وحنا صغار .. تعلمنا الوفى بدري
وعلمني انا بالذات .. ايذا امشي الكل من خلفي
00
انا اذكر قبضة ايدينه وكم يقسى وانا في صغري
وانا اذكر كلمته دايم ( دبي لازم لها توفي )
00
كثير ايام يلقاني .. على شاطي البحر اجري
ومن زود الوفى فيني .. لقى العالم مع صفي
00
00
ومن عزي ومن طيبي .. مشي الاولاد تحت امري
عرفني مختلف جدا .. وما يظهر علي ضعفي
00
وقال بنفسه : دام انه وسط دمه دبي تجري
اكيد انه في يوما ما بيشعل شمعه ما تطفي
00
كبرت ومن 3 قروم تعلمت ( المهم ) بدري
ابويه .. وزايد .. ومكتوم .. شراعي ومركبي ودفي
00
تعلمت القلوب اللوان .. فيها اسود وفي زهري
وايذا شفت اليتيم امسح دموعه ( يالبطل يكفي )
00
تعلمت الرقم واحد .. واكون في دنيتي الحصري
تعلمت القسى اول .. وفي الاخر لهم عطفي
00
تعلمت الصعب ( قهري ) اداوي نفسي بصبري
ومن قلبي الكبير انسى خطا الجاهل وبه اعفي
00
واكلم نفسي بنفسي .. اهذبها بوضع سري
واكلمها الا يا نفس .. عن دروب الردي عفي
00
وايذا هبت عواصف شر .. جبل ابقى بعزم صخري
لاني لو اطيح شوي .. ذيابة ليلنا بتلفي
00
على جرحي احط ايدي .. وباذن الله اهو يبري
ولا اسمح دمعة عيوني تعيش لثانيه في طرفي
00
ترى الشكوى لغير الله مذله وكاسها مري
وترى الشاطر خطاه بالف .. وممكن يجبره يقفي
00
كثيره بدنيتي اشواك مثل بعض الخطا يغري
فرح لحظه وبعد شوي دموعه صعبه ما تكفي
00
تعلمت البشر من طين .. انا مثلي مثل غيرّي
ابرحل للقبر وابقى من عيون الملى مخفي
00
اهم شي يبقى من بعدي طموح انجزته في عمري
وطن له نصفي وناسه له الباقي الي هو نصفي
00
( ودعوات اليتامى .. وام ..وناسي ) تشفع في قبري
ويحكي الجيل بعد الجيل .. حكايه تبتدي بوصفي
00
ختام ابياتي في الاخر ابدعي من خلق فجري
الا ياربي ارحمني انا وناسي ومن خلفي
,
,

:: ( يحفظك ربي يابو راشد .. واحنا من بعدك عزوم قروم ) ::

,
,

اعذروني على اي قصور
:: القصيده هذي نزلت في العدد الثاني للمجله ::

ربي يحفظكم
اخوكم
مختلف

εïз~اَلِمَيّث}● · 03-20-2008, 11:51 AM

السلام عليكم ورحمة الله وبركاته .~

~.. صبــاح المـــسكـ ...

حي الله المختلف.. الله الله عليك

ابدعت بمعنى الكلمه وتعبير واحساس صادق

ماشاء الله عليييك ابهرتني بالأبيات الرائعه

وانا من طرحت الصوره كنت ع ثقه انها بتشعل فـيك فرحه واحساس خاص

ابدعت وابدعت وابدعت ماعليك زووود يا خويه

وربي يوفقك ان شاء الله

بالتوفيق لك ونورت الموضوع بمشاركتك الطيبه

والسموحه ع القصور ..

اختكم

الميث

εïз~اَلِمَيّث}● · 03-20-2008, 11:52 AM

...{ ارشح ..

} سيف الكبيسي ...

*نظره مني تسدك* · 03-20-2008, 04:33 PM

ومن عزي ومن طيبي .. مشي الاولاد تحت امري
عرفني مختلف جدا .. وما يظهر علي ضعفي

صح لسااااااااااانك يالمختلف وفعلا انت مختلف
الصرااااااااااااحه فن وابداااااااااااع ماشاء الله عليييييييييييييك
سلمت يالشيخ ع الطرح الرااايع ^^

واناااااااااااا بعد ارشح سيف الكبيسي

نتراااااااااااااياك^^

ж شـمـوخ عـراقـيـه ж · 03-20-2008, 11:19 PM

.. // .. [ المختلف ].. // ..

يا حيك والله

صح منطوقك ع أبيات الرووووعه

وربي أنك بحر من الشعر وما شاء الهل على قدرتك فـ الكتابه

وعسى ربي يحفظ الشيخ للعرب كلهم

وأنا وحده من الي معجبه بكل شي يقدمه بو راشد

عسى ربي يوفقك ويحيمك وين ما تكون

وأنا بعد أرشح سيف الكبيسي

.
.
أنا بحط الصوره ^^
.
.

أخـتـكـم

شـمـوخ عـراقـيـه

ж شـمـوخ عـراقـيـه ж · 03-20-2008, 11:31 PM

وهذي الصوره

.
.

.
.

نتريا رد سيف الكبيسي ..~

كُـِـِنْتُرُولْ النِـِعِيمْ · 03-21-2008, 02:01 PM

مرحبا مليوون

مااستحق ترشحوني

وانا جاهز شعرا

والله يحفظكم

موضوع رائع والله لا يهين كاتبه

وربي يحفظكم