الروح بلياك بتروح

السلام عليكم ورحمة الله وبركاته

هاذي قصه قريتها في منتدى وعيبتني

البارت (1):

ميثة بنت عايشة بين اهلها معززة مكرمة وهي اخر العنقود
ودلووعة البيت وعندها بنت عمها ربيعتها روح بالروح وهي مهرة خلوني اعرفكم عليها وعلى اهلها
بنبدأ في بيت ميثة
ابو ميثة(حمدان):ريال مشهور وبنته ميثة طالعه عليه في جماله
ومعرووف في كل مكان ووايد غني ومسكن
عايلته فقصر ويخاف على عياله وايد
ومايخليهم يطلعون الا اذا وياهم البدي
قارد بس هم ساعات يطلعون بدونهم
وام ميثة(مريم):مشهورة بين الحريم ووايد حلوة وايد مدلعه ميثة وتموت فعيالها
وماتخلي عليهم قصور تحب تتكشخ
هم 4 اولاد وبنت وحده اللي هي ميثة
البجر فيهم هو محمود:محمود عمرة 20 سنه وهوو
راعي بر 24 فالبر
ويا ربعه وابيضاني شرات ميثة وعيونه كبار
خشمه سيف وايد طيوب ويخاف على اخوانه
وخاصة ميثة لانها اخر العنقود ووايد يدلعها
والثاني هوو محمد: عمره 19 سنه
وايد يحب يلعوز ميثة ويرفع ضغطها وشكله وايد
كيوت وكل البنات يوم يشوفونه يتخبلن عليه بس
هو مايسويلهن سالفه وهو حنطاوي وعيونه كبار
وشعره طويل
والثالث هو شاهين : مثل محمود يحب البر وعمره 18 سنه
وشكله بيبي فيس شعره طويل وحنطاوي وعيونه ناعسات
الرابع هو جراح:يموت فميثة اخته ووايد مدلعنها وهوو وايد
وياها ومايرضى عليها وكل شي يقولها وهي تقوله بالمختصر المفيد
مايخبي عليها ولا شي
هوو يشبه ميثة وايد شعره طويل وعيونه كبارو خضروعمرة 17
اخر سنه له فالمدرسة يعني ثنوية عامه
ويموت فبنت عمه اللي هي مهرة ربيعة ميثة روح بالروح
والحين الشخصية الرأيسيه فالقصة
ميثة:بنت قمر وايد حلوة شعرها لين ركبها ولونه اشقروغليض
يعني فيها جمال انجليز
وعيونها كبار ووساع ولونهم اخضر فاتح وخشمها سيف
ووايد بيضة وخدودها يحمرن يوم تستحي
وعندها غمازتين وتموت فأخونها ووايد تدلعهم
واكثر شي ادلعه جراح
ومطلعه حق كل واحد فالبيت لقب
مسميه ابوها عنون ميثة
وامها شيخه البيت
ومحمود راعي البر
ومحمد لانه يحب يلعوزها سمته الحشري
وشاهين قلب البيت
وجراح دلوع ميثة
وبقولكم صفاتها:هي بنت عصبية بس هب وايد
ووايد تسولف وحشرة والبيت يكون كشخة وهي فيه
كل اللي فالبيت مرابعتنهم الخدم والبدي قاردات والطباخين
ماخلت حد .. وتحب الطلعه وهالسوالف وكل يوم تطلع من البيت
وهي وايد شاطرة فدراستها يعني اخس من الزلمة
هي صف 2 ثنوي وعمرها16
وتحب اخو ميثة حارب هو قد جراح عمره 17 الحين بتعرفونه
خل نسير حق بيت عمها محمد
محمد هو ابو مهرة:هو وايد ويى اخوه حمدان(ابو ميثة)
وريال مشهوور بعد
ام مهرة (عاشة): هي شرات مريم <ام ميثة>
واذا تمو ويا بعض يتمون يسولفون ماتخلص سوالفهم
وهم وايد ويا بعض وكشيخات من الخاطر
بنبدأ فأخوان مهرة وهم بعد
اربع اولاد وبنت وحده اللي هي مهرة
والبجر فيهم هو صقر وهو في عمر محمود يعني 20 وشراته
وهم كله ويا بعض
وحمدان في عمر محمد عمره 19 وهم بعد ويا بعض تراهم نفس الشي
بس حمدان وايد حشري ويحب يلعوز البنات
شرات محمد بس هو اخس من محمد
والثالث هو هزاع في عمر شاهين
وهو عصبي على كل دقه يعصب وخاصة مهرة تحب تلعوزة
وكل يوم يتناقرون مايتمون فمكان ويا بعض الا اذا اضربوا
والرابع هو حارب حبيب قلب ميثة
حارب عيونه وساع وسود شبيه ميثة تقريبا خشمه سيف
شعره طويل مايتعدى جتفه
وهو وايد حشرة ويحب الطلعات وهالسوالف
وشكله يخبل ووايد كيوت
ويحب ميثة من هو صغير
ووايد وياها وهو في عمر جراح
وهم كله ويا بعض
واخيرا هي مهرة حشرة البيت
وايد تحب تقرض اخوانها وهي وايد ويا ميثة
بس ماشاء الله عليها ماتجامل تعطي كاش فالفيس
يعني ويها لوح وهي بيضة وعيونها ناعسات وعسليات
وخشمها سيف و شعرها نفس شعر ميثه بس لونه اسود فحم
وهي فعمر ميثة وتموت فأخو ميثة جراح
وجريئة وتحب تتدلع ساعات تكون دفشة من الخاطر
واذا حد غلط عليها مايسلم من لسانها
فحارب يحب يلعوزها ومسمنها ام لسانين لانه
اذا قالها كلمه ترد عليه بعشر
وتموت فأمها وابوها ووايد يدلعونها
وعندها غمازه عالخفيف
بنبدأ القصه
ميثة كانت يالسة فالحوي تذاكر
والجو كان وايد كول
جان اي عندها محمد
محمد:الحلوة شو تسوي
ميثاني:الحلوة يالسة تذاكر
محمد:ميثوووه باجر بنسير البحر
بتين ويانا ولا بتمين تذاكرين كالعاده
ميثاني:انا اول وحده بدش السيارة
اصلا انتو ترومون تسيرون بدوني
محمد:طبعا مانروم بعدين منو بيحشرنا
ميثاني:شو قصدك يعني انا حشرية
فديتني وايد هادية
محمد:باين اذا انتي هادية
شوخليتي حق الهاديين
ميثاني:خليلتهم الهدوء هع هع هع
محمد:خل اسير ايلس عالنت ابركلي من مجابل هالويه
ميثاني:ودك تجابل هالويه هو في حد يحصل
هالويه الروعه ومايجابله فديتني وفديت ويهي
محمد:مالت عليج وعلى هالفيس
ميثاني:مالت عليه اغصان الجنه يااارب
قول اميين
محمد:اميييييييين
محمد دش الصاله وكان محمود يالس هناك
محمد: السلام عليك يا القمر
محمود:وعليك السلام والرحمة
محمد:لازم ايبب اول مرة محمود
يتم فالبيت
محمود:سبحان الله يالله يبب
ابا اعرف منو ايبب احسن ميثوه ولا انته
ميثاني داشة عرض:لازم اتيبون طاري ميثوه
اعرف محد يستغنى عني وعلى طارية فديتني
محمد:بلاج داشة عرض
محمود:حمود مالك خص فيها خل ادش طول
انت مايخصك
ميثاني:عطوووه فالويه كاش
قفطوه هع هع هع
فديت محمودي اللي يدافع عن اخته الصغيرة
محمود:مصلحجيه ماتتفداني الا اذا دافعت عنها
محمد:طاع دارو عليه ماعليه خل ازقر شاهينوو
يدوور ويايه ضدكم تراني اعرف اذا زقرت جراح بيدور وياكم
ميثاني:فدييييييتك حمود اسولف وياك لاتزعل
محمد:مابرضى كيفي
ميثاني:علك مارضيت لووول
محمود:اقول محمد سير حجرتك تراك مابتسلم من ميثوه
محمد:هي والله ابرك يالله بباي
ميثاني: بايات
محمود:بايين
جان ينزل شاهين وهو مرتبش
ويالس يغني:ونيت ونه مفزعه خافي الخوافي مفجعه ومسوي حق الموجودين طاف
لانه كان طالع من البيت
محمود:حوووه السلام لله
ميثاني:داش على يهود
شاهين:فديتهم المعصبين
السموحه يالغاليين ماشفتكم
محمود : مسموح بالحل
ميثاني:مابسامحك لين ماتبوسني على راسي
شاهين:ماشي شغل .. المهم انا طالع
حايه اماره من جدايه..؟ّ
محمود:سلامة راسك الغالي
ميثاني:سلامتك فديتك
شاهين:الله يسلمكم من كل شر يالله سي يو
اوووه نسيت محمود ترى صقر
يترياك برع
محمود:اووه نسيته انا
الحين طالع له قوله يترياني
شاهين : اوكيك بس لاتبطي على الريال
محمود وهو يركض على الدري ويزاعج:ماببطي
بس قوله يترياني وياويله لو شرد
ميثاني ميته من الضحك على محمود :ههههههههههههههه
شاهين: عساها ضحكه مديمه
ميثاني:وياك ياربي
شاهين:اميين يالله انا بسير عند الربع
ميثاني:فحفظ الرحمن
جان يطلع شاهين ونزل محمود وهو كاشخ
لابس بدله وكاب وشكله طالع كيوت
ميثه تخبلت على اخوها جان تسير عنده
وتبوسه على راسه ميثاني:فديتك محمودي
طالع قمر اللهم لاحسد
دير بالك على روحك
محمود:احم احم ميثاني مستوية الام الحنون
ميثاني:جب جب يالله عطني مقفاك
محمود:جب يجبج يالله انا بطلع بباي
ميثاني:بايات
جان يدش جراح البيت ووياه حارب
جراح:هوود هوود
ميثاني ركيض على الدري سارت فوق وهي تراكض ومحمد كان طالع من حجرته وجان تتدعمه
محمد:بلاج جي تركضين اعصابج ظربي بريكات
دعمتيني
ميثاني:هالدبووو جراح يايب وياه حارب
وانا يالسة فالصاله جي زين ماشافني
محمد:يحلييلج
ميثاني:هي والله يحليلي
محمد:اقول وايد عطيتج ويه خل اسير تحت ابركلي
ميثاني:حمووووووووووود لاتسير تحت ماعندي حد اقرضة
محمد:طاع والله دام السالفه فيها قرض بنزل تحت ابركلي
ميثاني:برايك يالشيخ
ونزل محمد تحت وسار سلم على حارب
ويلسو يسولفوون
وميثاني داشة حجرتها جان تتصل على مهرة
ميثاني:السلام عليك والرحمة
هزاع:وعليج السلام والرحمه
ميثاني:هزاع شحالك
هزاع:تمام ربي يسلمج..من صوبج الغالية..؟
ميثاني:دوم ياربي .. انا بخير دام الشيوخ بخير
هزاع:تدوم نبضاات قلبج الشيخه
ميثاني:هزاع مهرة موجودة
هزاع:هيه الشيخه الحين بزقرها دقيقه بس
ميثاني:اوكي يالشيخ
هزاع يالس يزقر مهرة : مهره ..مهاري
مهووور .. ميثاني عالتلفون تباج
مهرة : هزاع لحظة دقيقة وبي قولها تترياني
هزاع:اقول ميثاني دقيقة وبتيج
ميثاني:اوتي بترياها شو ورايه
جان مهرة اترد عالتلفون:ياهلا والله انا اقول التلفون منور ليش
ميثاني:هيه عشاني انا فيه هع ياهلا بج زود تولهت عليج فديتج
مهرة:والله انا اكثر غناتي
ميثاني:مهروووووو
مهرة:يالبييييه
ميثاني:لبيتي حايه.. فديتج ابي اروح وياج امارات مول
مهرة:اممم انا ماعندي مانع بس بشاور الاهل
ميثاني:ان شاءالله يوافقون انا بسير اسأل جراح اذا بيسير ويانا لانه مايخلوني اطلع بروحي
مهرة : اوتي وانا بسير اشاور امايه وباباتي وبردلج خبر
ميثاني:اوتيت الغالية يالله سي يو عقب 5 دقايق
مهرة : اوتي حياتي بباي
ميثاني:بايات
وجان تبند مهرة السماعه وركيض عند امها فالحجرة مهرة:ماماتي فديتج
ام مهرة:قولي شعندج اكييد تبين شي
مهرة:هي ابي شي
ام مهرة : عيوني لج حبيبتي
مهرة:تسلملي عيونج يالغالية ماماتي ابي اسير ويا ميثة امارات مول
ام مهرة:ويامنو ان شاء الله
مهرة:انا وميثة واذا وافقتي يمكن حارب وجراح ايون ويانا
ام مهرة:انا ماعندي مانع بس شاوري ابوج
مهرة وباست امها على خدودها:امووووواح
فدييييييتج يا احلى ام فهالدنيا
ام مهرة:حبتج العافية غناتي
ومهرة هي تناقز من الفرحه سايرة عند ابوها
مهرة:باباتي فديت عمرك انا
بو مهرة: فديت مهاري امري يالغلا بغيتي شي
مهرة:مايامر عليك عدو ولا الظالم بس ممكن اسير ويا ميثاني امارات مول
بو مهرة: ممكن ليش لا
مهره وباست ابوها على راسه:تسلم يالغالي
بو مهرة :الله يسلمج
و ميثاني شاورت امها وابوها ووافقوو
والحين سايرة عند جراح فحجرته يالس ويا حارب
ميثاني:جراحووو جرووحي جرحرح بطل الباب دقيقة بس ابيييك
جراح:افففف منج يالحشرة لحظة انا ياي
اقوول حرووب اترياني هنيه
حارب اول ماسمع صوت ميثة قلبه فز من مكانه:اوكي بترياك ماورايه شي
جراح وهو ساير يبطل الباب:هلا بأختي الصغيرونه وباسها على راسها امري فديتج
ميثاني:حبتك العافية فديتك بس بغيت اسير امارات مول ويامهاري مايستوي اسير وياها بروحي اتروموون انت وحرووب اتون ويانا
جراح:اممممم لحظة بسأل حرووب وبقولج
ميثاني: يالله فديتك اترياك
جراح:حاربوو فديتك
حارب:ياعيون حاربو
جراح :فديت حاربو وعيونه.. بس هالدبه ميثووه حاشرتني تبا تسير ويا خويتك امارات مول فيبغونا نسير وياهم وانا ماعندي مانع
وانت شو رايك
حارب:رايي من رايك خلاص تم
جراح:خل اسير ابشر السوسه ميثوه
حارب فخاطره: فديتها انا
جراح طلع من الحجرة وسار عند ميثوه وبشرها
وميثووه بشرت مهوره عشان تتزهب

وهالله هالله بالردوود