`·.¸.-> ح ـكاية ع ـشق مـ ج ـنـونـهـ !!!
 

.. حكـآية ع ــشق مجنـــــــونهـ ..

البــــآرت الســــآبع [7]

.
.
.

تغدو وكل واحد سار غرفتـه كانت الساعه 2:30 ..

ساره : الله يعني بشوف خـآلد وااااااايه فديــته لازم اتكشخ ..
سارت صوب الكبت .... استخفت شوي ولبست بنطلون بيج وقميص لونه اخضر زيتوني تحت الركبه يعني السمعه لابسه بنطلون يبين شوي من تحت .... رمست عيونها رسم بالجحال الآسود عقب حطت لمعه خضرا تحت عيونها وو حطت مسكره وقلوس وردي وبلشر ومشطت شعرها ولفت شعرها بـ كلب كبير لونه بيـج اونها الآخت تكسر الآلوان محد بيشوفها .. ولبست اكسسوار .. يلست تتحجب بالشيله نفس الكويتيات>عندنا كويتيات فـ المنتدى J .. وطلع شكلها حلوو واااايد تهــبل وولبست جوتي مسكر اسود وعقب لبست عباتها المسكره المفتوحه من تحت وشلت شنطتها وحطت فيها العده لوول :: كبت متحرك :: ههه وهيه نازله من الدري
ساره : شت نسيت اتعطر
ردت الحجره وتعطرت وعقب نزلت تحت ...

ركبوو السياره وو ابوها مره يسرع ومره يخفف لانه يسولف وينسى عمره وهيه مستعيله شو عليها تبا تشوف القلب ..

بوساره : شليتي تلفونج
ساره وهيه خيفانه : هيه بس ما فيه جرج مغلق
بوساره : انتي دومج جيه مب مال تلفونات والله
ساره : يالله الحين بجرجه ..
بوساره : ولا اقولج فتحي السده هاي بتحصلين تلفوني بودمعه االابيض وبطلي البطاريه وركبيها فـ تلفونج ..
فتحت ساره وتعيبت وت ذس تلفونات انواع واشكال شيء الجديم اللي ما ييب 100 درهم وشيء احسن منه بشوي وجيه مره ما مخلي تلفون الريال
ساره : ابويه شو تباهن هالكثر
بوساره : ما يهونن علي
ساره : ههه هيه ما شاء الله مما لذ وطاب
بوساره : تفلي لا يصيرررلهن شيء ....،،
ساره : هههههههههههههههههههه تف تف تف تف
بوساره : يعلج
ساره : العافيه
بوساره : حشا واقفتلي ع الصلاه ...
ساره : مش راح اسييييييبك ....
"" سالفت الجرج دومه مبايلي مغلق لوول محد يدق لي ههه يعرفوني مب مال تلفونات ودوم هالموقف يصير وو اخذ بطاريه واحد من تلفونات ابويه ماشاء الله مما لذ وطاب يعني الموقف حقيقي خ خ خ ""

وكملو السوالف ولا حسوو بالدرب وصلو دبي دار الحي الساعه 5:12
راحو سيده صوب بيت العيوز بس الدروازه كانت مسكره ..

ساره : شو السالفه ؟؟؟؟
بوساره : اكيد كلهم يالسين خاري ..
ساره : اها جايز

طلع كلام بو ساره صح الكل يالس خاري العايله بكبرها ....

.
.
.

بس بذكركم فيهـم ..
عايله سيف وحرمته عفرا : { راشد وحرمته فاطمه وبنته دانه } وخالد وغانم وحصوه وشما ..
عايله سلطان وحرمته مريم : { خليل وحرمته علياء وبنته سلامه ولده خليل } و هزاع و حمدان ..
عايله محمد وحرمته فاطمه : ميثه وعزه ومنصور وعبدالله ..
العيوز :: شيخه :: خميس وحرمته بثينه وبنته عوشه و سعيد وحرمته خلود وهيه حامل و حميد وناصر ..

.
.
.


سار بوساره صوب الريال وساره وراه

بوساره : السلام عليكم
الكل : وعليكم السلام
واااايهو بعض وسلمت ساره ع عمومتها وسارت صوب الحريمـ ..

ساره : السلام عليكم
الكل : وعليكم السلام
سارت سيده صوب العيوز وحبتها ع راسها
ساره : شحالج امايه؟
العيوز : طيبه بشوفتج الغاليه

سلمت عليهم كلهم اول شيء بدت الحريمـ وعقب سلمت ع البنـآت ،،

ام هزاع : ويه فديتـج ساره كبرتي
ساره استحت : لازم عاد ،، بتم ياهل طول عمري ...
ام عوشه : صف كم الحين؟
ساره : ان شاء الله بروح ثالث ثنوي
ام عبدالله : هيه ما شاء الله علمي ولا ادبي ،
ساره : علمي
ام عبدالله : الله يوفقج ،،
ساره : آمين الجميـع ،،
سارت ساره صوب البنــــآت ..

ساره : ايـه انتي حصــه دوآج بعــدين
حصه بدلع: شو بتسوين؟
ساره : بتشوفيـــن
حصه : اي شيء تسوينه بخبر
ساره : اهااا جيه السالفهـ معليه معليه
عزه : حوه انتن عن شوه ترمسن حشمن يالسات عندكن عنبوه مخلينا مثل كملي ميثه
ميثه : الآطرش فـ الزفــــه
الكل : ههههههههههههههههه
وجـان تخبـرهم ساره السالفهـ ....
ساره : بذمتكم من الغـلطان
عزه : صدق يهـال إلا اقول ساروه شكلج رايحه فيها
ساره : احبـــه عنـدكم مانـــع :P
عزه : ان شاء الله تكونين من نصيب خالد
شما : آمين ..
ساره قفطت وحليلها وكملن السوالف ..

عقب زقروهم عسب يحطون حق ساره فوالهـ ..
كلهن راحن وخلنها يالسه روحها الحرمهـ متحرقصه تبا تشوف خالد بس ما قدرتـ لانه يالس صوب ابوووها ومغطي عليـه ..
ساره : افف يعني ما بشوفهـ يالله مب مشكلهـ ..
ويلسن يسولفن وياكلن..
ساره : اقول نبا نطلع شرايكم ؟
كلهن صرخن مره وحده : يالييييييييت
ساره : دقووووو ع الخشب يالله اسرع وحده
وارتبشن البنات يدورن خشب اول وحده دقته عزه ...
ساره : كلووووووووليش بتعرسين قبلهن
عزه تسوي عمرها مستحيه : فديتنيهـ..
الكل : ههههههههههههههه
حصه : ايه انتن شكلكن نسيتن
ساره : شوه
حصه : نبا نطلع
ساره : هيهـ صدقج والله اقول بدق حق ابويه وبحطه سبيكر لا ترمسن انزين ..

بوساره : هلا عيوني
ساره : هلاوي
بوساره : ها شو بغيتي؟
ساره : نبا نطلع
بوساره : ان شاء الله من عيوني بخلي هزاع وخالد يودونكم
ساره : ها شوووه ؟
بوساره : عيال عمج بيودونكم .. يالله تزهبن ..
ساره : ان شاء الله
بوساره : مع السلامه

ساااااره : لااااااا ما بسير استحي خالد بيسير
الكل : هههههههههههههههههههههههههه
سااااره : صدق ما عندكن سالفه ما تحسن .. اففف
عزه : يا غبيه عسب يشوفج
ساااره : انا ما اقدر احط عيني بعينه
عزه : بلا دلــــع نحن بنسير نتكشخ ومرو علينـا
ساااره : خلاص معليه
عزه وميثه : باي ..

حصه : يالله غايته قومن نتكشخ
ساره : انا ما ببدل ثيابيه

وسارت ساره هالمره ويا شما لانه تغار اونه دوم عند حصه طلعت لها ساره لبس حلوو عندها وهيه تحب هالمديلات بنطلون اخضر زيتوني وو بدي لونه وردي غامج و علييه جاكيت صغير لين الصدر لونه نفس لون البنطلون اخضر زيتوني .. سحت لها شعرها ولفت بطريقه حلوه لانه شعر شما قصير تحت جتفها بشوي حلوو دلع .. و جحلتها من داخل وحطت لها مسكره وقلوس وبلشر وردي وعقب لبست اكسسوارات محد ياي يشوفها بس اونها تدلع و لبست عباتها و شيلتها ويلست تطالع ساره يوم تتعدل ساره ما غيرت ثيابها بس مسحت الآيشدو اللي ع عيونها وخففت الجحال وحطت قلوس وبلشر وو لبست شليتها وشلت شنطتها وطلعن هن الهنتين صوب حجرت حصوه كانت لابسه نفس شما وشكلهم كلهن كان كيوت ...

طلعن ولقن فـ ويهن خالد ...
اول ما شاااف ساره ابتســـم ولااا شال عينه عنها وعقب انتبه الريال ...

خالد : شحالج بنت العـم ؟
ساره وهيه مستحيه : الحمدلله وانت ؟
خالد : بخير دامج الخير كله
حصوه اونها تغير السالفه : اقول متى بنسير ؟
خالد : يالله دقايق احر السياره ...
حصوه : امم هزاع بيسييير
خالد : ههه وليش تسآلين ؟
حصه تعيبت من خالد : شو بلاك انته عميه قال انته وياه بتودونا
خالد : هيه بيسير ......
حصه : زين عيل انا بركب عنده عسب بنخطف ع عزه وميثه وبشل غانم ويايه وانت وساره وشما و حمدان فـ سياره ..
خالد : ع راحتكـم انا عليـه اوديـكم ...


الحبيبه حصه ما تدري انه ولد عمها هزاع يحبها ولا ما كانت بتركب .. حصه مب انها ما تحب هزاع عادي ويوم شافته اليوم ذابت من حلاته هو يشبه خالد اللي يشوفهم يقول خوان بس خالد شعره طويل وهزاع لا .... المـهم سارت حصه صوب سياره هزاع وركب غانم جدام وهيه ورى هزاع وهو ما يعرف انه اللي راكبه حصه ..
فـ سياره هزاع ..
غانم : اقول شغـل اغاني ملل
هزاع : ما عندي ... الشنطه مال السيديات فـ البيت ما يبتها
غانم : حصوووووه عندج ؟
حصه : هيه عندي بس غنيه وحده .. آه من قلب ..
غانم : يالله هاتي مب مشكله اهم شيء انهـ غنيه ملل صراحه انتو ما تسولفون ....
هزااااااع من سمـع اسم حصـــه فررح من الخـآطر ولاااا راكبه عنده فـ السيااااره .. استانس من الخـآطر شغل الشريط وبداااا يشل الشاجي وهزاع وياه ....
هزاع : آه من قلبـ ن غدا حبـه جنوني
وآه من خلـ ن ع بالي طرى
لي سطا فـ الروح وتملك شجوني
من صدوده يا ملا دمعـي جرى
حصهـ بصوت ماينسمع : يا ويل حاليـه عذاب ...عقب علت صوتهـاأأأ: هزاع خطـف ع بنات عميـه محـمد ...
هزاع : ان شاء الله ^_^

كـــــــــت جنـآ نسيــنآ الحبـــــــآيب شو صـــار ويــآهــــــمـ ..

فـ سيـأره خالد ساره ركبـت ورااه ... وهو عدل الجـآمه عسب يطالعها وهيه حشريهـ ما سكتت يلست تسولف ويـآ شمــــآ ..

شما : انزين ساره كملي السالفـه ...
ساره بصوت واطي: اقول شما
شما : ها آمري ،
ساره: قصري حسـج ، ويا راسج ، كشت اخوج حلوه خاطري امطها ،،
خالد سمعها لانه وراه راكبهـ ..: مشكلـه الغيرانين ،
حمدان : ها شو تخبلتـ ..
اونها ساره تغير السالفه : اقول خالد ..
خالد بصوت واطي : عيون خالد لج ... ها آمري بنت العـــم ،،
ساره احمرت .. لانه وراه وسمعتهـ : ماشي بس شغل لنـآ آغاني ملل ...
خالد : مب لازم انا وحمدان بنغني لكم ،،
ساره : ياي وناسه ياللهـ بنشوف منو احلى صوتهـ ؟
خالد : اكيييييد الشيخ خالد
ساره تقلده بس محد سمعها غيره : الشيخ خالد
خالد : غصبن عنـــــج ..
حمدان : باسم الله عليييييك شو ياك ...
الكل : ههههههههههههه
خالد : مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها
حمدان : شفت دانه في وسط دانه .. .. في بحور السبع ممشاها
بو حمد الروح ولهانه .. .. شفقةٍ في شوف روياها
شما : عااااااااااشو
خالد : يا وطن كردووس قيفانه .. .. يت على كيفه وغناها
يشتكي مالحب والوانه .. .. والهنوف وكم عاناها
حمدان: لي نظرها ضاع برهانه .. .. والمحالم حالي انساها
والعيون السود فتانه .. .. والخدود ورود محلاها
حمدان : ثانكيو فور يور لسيننج ...
خالد : يالله دووووركم احم ..
ساره: قصورنا نغني لكم خلوو حريمكم
حمدان : علني افدااااااهااااا بس متى بتي
خالد : هيه والله صدقت نفس الشعور سبحان ربك .....
وتمو ساكتين لين ما وصلوو المـول ..
طبـعآ البنات ماخلن محل إلا دخلنـه قررن يطقمن فـ كل شيء خذن لبسه لونها بني ربشــــه وآيد التنوره لونها بني وكلها تووور وفيها ذيل يعني تسحب فستان لوول ووو القمييص بني وفيه لون خمري ... وما فيه شي هادي بس شكله راقي .. وعقب خذن اكسسوارات وو شيل وجوووتي لونه بني هادي كعب وشنطـه ع قولت غانم يوم شافها مقلمــه ههه .... وبس عقب سار خالد وحجز لهـم يطالعون فلـم يديد رومانسي وايد عيبهـم وعقب عشآهـم وردوو البيت ساره وخالد استانسو وايد لانهم ويا بعـض وما بنسآ هزاع و حصـــه اللي كانوو بس يتبادلون النظــــرااات .... اوووه صح نسيت اخبركـم عن حد حمدان يـحب ميثـه ومحيرنها لـه من يوم هيهـ صف ثاني اعدادي .. ويرمسها ع المسـن بس ميثهـ فـ هذاك الوقت كانت زعلانهـ منه ولا دزت له ويه وراظاها بهــــديه دبدووووب ولحاف وردي صغيرون نااااعم سووو كيوووووووت ..


ردوو االبيت الساعه 12 وكلهم تظيجوو بس اهم شيء العيـآل استانسوو
قرر بوساره انه يرد العين ومع انه الكل مب راضي لانه الوقت متآخر بس ما طاع لانه عنده شغل وماشي باقي ع المدارس فـ السيارهـ ..

بوساره : هااا شو ان شاء الله استانستي ...
ساره : هييييه الحمدلله { طول الوقت اشوف القلب وما تباني استانس }
ويلست ساره تخبر ابوها شو سوو فـ المول .. وووو كملوو الدرب كله سوالف..
وبعد تقريبـــآ سآعه وصلـو العيـن وكانت الساعه 1:30
ساره كانت تعبانه من الخـآطر لانه كان بنسبه لها يوم طويل وايد بس الحبيبه ما رقــــدت .... ،، راحت تشوف الآغرااااض وفجـآه حصــلت شيء ...،،
ساره : شو هااا الكييييس مب مالي حق منوه افتحه ولا .....
وشوي وتشوف فيهـ كرت
السمــــــوح ــه
ع القصوووووور
:: خالد ::
ساره : خالد خالد وااااااايه فديتـــــه ...
فتحت الكيس حصلت فيها دبدووووب وردي وايد حلوو وحلاوت بستااااش وعطرين من الســلام .... استانست من الخـاطر وما رقدت يلست تصور الهديـــه وهي مستانسه من الخـآطر ...

مرررر هالآسبوع بسرررعه وباقي ع المدآرس جست ون دي ..

بدن البنات فـ الدومات :: حصهـ ميثهـ وساره وشما :: وشادات حيلهـن وعزه طبعـآ مخلصه الثنويه بس بتكمل فـ التقنيهـ و بنوتاتنا الدحيحات ما يدخلن المسن اللهمـ يتكلمن فـ التلفون اونهن يبن ييبن نسب والباقيـآت يثبتن وجودهن :: ميثه وشما :: لوول.... والعاشقهـ والولهـآنه تفكيرها وبالها عند خالد وو دومها طرش له سلام عند حصه وشمهـ وتتمنظر الدبدوب اللي من عنده.. وكل شي كان اوكيييه .. خالد كان آخر سنه فـ الكليه وكان مشغول فـ التخرج وهزاع بالمثــــــل حصه كل حياتها غدت هزاع القصايد والخواطر كلهن ينكتبن فيـه ،، ميثـه من يوم يومها تحب سليمأن وهو بالمثل والآمور طيبـــه ..

صووووب دآر الحـــي ...
بعـد مامر شهـر واسبوعين ع الدوامات ,,،،،
خالد يكلــم هزاع ع التلفون ..
هزاع : هلا بالمهلي اللي مايولي
خالد : هلا بك زود
هزاع : شحالك ؟
خالد : الحمدلله وانت ؟
هزاع : يسرك الحال ولا يضرك ..
خالد : حليييت الواجب مال السيرر يوسف ؟
هزاع : ههه لا ،، بيلس يخبرنا عن حيـآتــه ...
خالد : والله انك ....
هزاع : شرايك نسير عند يدوه اليوم ..
خالد : هيه والله بتستانس هه بتيلس تمدحنــآ ,,,,
هزاع : يالله عيـل بخـطف عليــك الحين
خالد : يالله اترياك باي بروح اتلبس
هزاع : مع السلامــــه ،،

سكر خالد عن هزاع وسار يتلبس لبس كندوره بنيهـ ودور سفره نفس اللون يطقم الريآل وطلع شعره من تـحت .. وهو يتعطر كان يقصد ..
خــآلـد : يعلم الله كم متمني لقاك
لكن الأقدار حالت شوفتك
من نصيبي بالهوا يالله عساك
ومن نصيب اللي يحبك دنيك
يا حلوو كلمة احبك من شفاك
ويا عسا لقياي يرسم بسمتك
صدقيني ما ملا عيني سواك
وصدقيني راحتي من راحتك
شديني يمك مع زينك حياك
لا اختلط طبع الحيا مع ظحتك
اسعد الأوقات تمظيلي معاك
واجمل الأحلام فيها صورتك
من سنا نورك جهل عيني ظياك
وانورت دنيا خـآلد من وجنتك

ملاحظهـ ..{ القصيده للشاعر فهد العشيري وهيه اصلا وانورت دنيا فهد من وجنتك وانا غيرتها لوول } ..

وشوي وصاح تلفونـه ..
خالد : هلا
هزاع : اهلين
خالد : ها وين ؟
هزاع : اترياك خاري
خالد : يالله دقيقهـ وانا تحتـ..
هزاع : اوكيك ،،

وسااروو هزاع وخـآلد عند يدتــــهم واول مااااا وصلوو ما صدقـت العيوز انهم ياييين يسلمون عليهـآ منا والدرب اكيد وراهم شيء ..

العيوز : لالا ماااا اصدق عيالي عندي ..
هزاع : لا صدقي ..
خالد : خصوصي ياييين صوبج بس عسب نسلم على مزيوووونتي ..
العيوز : ما تيوز عن حركاتك انـته
خالد : نونونونونو
العيوز : عيل لازم اغسل ريوووولكم ..
هزاع : واااااااابوووويه ..
الكل : هههههههههههههههههههههه
خالد : يدوه تعباااااان ...
العيوز : وييييه فديتك من شوووه كسرت خاطري
خالد : من من من اللي شاغللله بالي ...
العيوز : قول وانا امك ...

وشوي وتدخل مريم بنت العيوز الوحيدهـ .. ويا عيالها ..
جاسم : عمره 19 آخر سنـه لازم اول سنه كليه بس هو راسب .. ماشاء الله عليه طول وعرض وهيبهـ ..
شمسه : عمرها 18 سنهـ .. آخر سنه.. طويلـه وآيد وجميييلهـ وآيد جريئة واللي تباه بتسويه مهما يكون ،
عايشه : ع نياتها وكبر شمأ عمرها 15 اول ثانوي .. بعد نفس اختها طويله بس مب وايـد وحلووهـ وايــــد..
وعبدالله : كبر غانـم ..

العيوووز : يا حلااااات هاليوم ... يا هلا والله بنتي .. قربوووو
مريم توايه امها : الله يحيييييج ويبقيجـ .. شو حالج اميه ؟
العيوز : بخير بشوفتكم واللهـ ..
وسلمن البنات ع العيوز ..
شمسـه ما شلت عينها عن خالد وهو انتبه بس ما دز لها ويه وتجاهلها ...

مريم : ها عيال اخواني شو مسوين فـ دراستكم
خالد : الحمدللهـ ..
هزاع : عمتيه احيدج تخربطين فينا انا وهزاع "تعمد يقول جيه عسب يشوفها بتنكره ولا "
مريم : هيه والله صدقت خالد ..
هزاع : عمتيه انا مب خالد انا هزاع ..
مريم : ههههههههههههههههه والله ما نكرتك .... ما تيوز عن سوالفك بس الحين لا عرفتكم انت ما مربي شعر وخالد فيـه ..
خالد : بسير اقصه عيـــل ..
شمسه بدون ما تحس : لااااا حراام حلووووو
مريم عصبت وتمت تحرها بعين وخالد تعيب من رمستها المهم كملوو السوالف وتقهووو ...
مريم : إلا اقول خالد كم رقمك ما عندي اياه .
خالد : *************
مريم : وانت هزاااع
هزاع : نفسه بس آخر شيء هب 11 و 12
مريم : هييييهـ..
شمسه حفظتـ الرقــــمـ ... الله يستر شو بتسوي وياآ خـآلـــد بترمسهـ ولا ؟ وشو تبا الرقمـ ؟

كــــــــــــــــــــــــــــــــــت

آتمنى عيبكمـ .. وآنتظر ردودكمـ ..
/[ بدويـــه غ ـرشوب ]/