رحله في أيام الصبا = النبهاني =

محروم.كوم · #1 08-11-2014, 12:00 AM

اخواني المكشاتيه
السلام عليكم ورحمة الله وبركاته
قبل أربعون سنه أو يزيدون شدينا من الديره للمدينه كعائله بسياره لوري مرسيدس لواحد تصير جدتي خالته الله يرحمهم على شان كذا الحريم قدام بالغماره وانا واخوي اللي اصغر مني بالصندوق حنا بزران ومعنا شيبان اثنين الله يغفر لهم والصندوق فاضي تقل حوش مابه الا هالأربعه وشوية عفش وانا وطريدي طردي بهالحوش قصدي الصندوق مانقر ابد والشيبان جالسين مادين رجليهم واحد حاط اليمنى على اليسرى على مدتهن والثاني بجنبه عارض اليمنى على اليسرى بساس الجدار اللي يم الغماره كني اشوفهم هالحين وقاعدين سواليف وحنا تقل جفار بهالصندوق مبسوطين ولا نعرف نقعد .
ومن ضمن اللهو واللعب فكرنا نرقا للسله ونطبح وفعلا جزّمنا بعضنا ورقينا للسله وطبحنا لاعادة من تطبيحه صارت طيحه لاننا مرينا من فوق روس الشيبان نتقلب طايرين ولا ونوقع الا بـ باب الصندوق ولو حنا مرتفعين شوي بس ... كان برا ويقال عنا الله يشفع بهم .
حنا صقعنا بالباب وطحنا بأرضية الصندوق وعلى طول قمنا اماي قايل لكم تقل جفار المهم يوم وقفت واناظر اخوي والياه مثلي واقف والدنيا تدور عندي واثره الدميجه اللي تدور والا كل شئ على حاله واناظر الشيبان والا والله على جلستهم ووضعيتهم اللي قلته لكم شبّصوا كلن تسمّر بمكانه كانهم يلعبون لعبة صنم تحرك وبعدين عرفت انه من شدة الموقف المفاجئ ماقدروا يتحركون الا بعدين وهم بطبعهم طيبين بالحيل الله يرحمهم .
وصلنا للمدينه الفجر وحنا ماشين الضحى تقريبا الساعه تسع وقد تخللت هذه الرحله الميمونه عدة مواقف اخترت لكم منها ماسبق وكل ما اتمناه ان اكون بما قدمت قد لامست ذوقكم الراقي .
غفر الله لي ولكم ولوالدينا وللمسلمين أجمعين
محبكم
النبهاني
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحله سياحية لمدة ثمان أيام شهر العسل	محروم.كوم	منتدى أخبار المواقع والمنتديات العربية والأجنبية	0	05-10-2013 04:00 AM
(الثالث)رحله سبعة أيام في البحر الأحمر من مرسى علم وصولا الى قرب حدود السودان(الجزء3)	محروم.كوم	منتدى أخبار المواقع والمنتديات العربية والأجنبية	0	12-30-2011 11:10 PM
رحله سبعة أيام في البحر الأحمر من مرسى علم وصولا الى قرب حدود السودان (الجزء 1)	محروم.كوم	منتدى أخبار المواقع والمنتديات العربية والأجنبية	0	11-27-2011 03:11 PM
حمل لعبة مصطفى و إسمها الأصلي Cadillacs and Dinosaurs و تذكر أيام الصبا	محروم.كوم	منتدى أخبار المواقع والمنتديات العربية والأجنبية	0	08-11-2011 11:50 PM
ـــــ((كشـــــــــــتة العيد في شعيب المقطروأربعة أيام رائعه))ــــ رحله مصوره	محروم.كوم	منتدى أخبار المواقع والمنتديات العربية والأجنبية	0	09-14-2010 08:10 PM