يديديه قصيده بعنوان ...اشوف الشوق يملي عيونك - .·:*'*:·.استراحات زايــد.·:*'*:·.

راكان المنصوري · 03-02-2008, 10:17 PM

عزاي و الشوق فصدري تزيد منه حمايله
وشفت الشوق يملي جفونك و عيونـــــــك

درب وطيته فالهوى عقبك سرت اخايلـــه
مكان اللقى اللي تصطرت به دموعــــــك

و معاليق الحشا تنوب يوم تجفي مظاليــله
معتلي في هامته ساحب من شيك ظنونك

ولت عقب المقفى عصير مسيان تحميلـــه
شديت و الخلايق تبرك مير الله يلجونــــك

بين ريضان عسف من دونها كثر مراحيله
نرنع منه حمر النجايب شمرات اذونــــك

نعس طروفه يسقي من هدابه وردة خمايله
ناعم المطاريف بين الحرير و ديمونــــــك

خشف ريم بين تلعات مراقيب في ليلــــــــه
قطعة اريام شرد بين منحرك و ذلولـــــــك

الغيد تنهل من صافي رواك في خلاخيلـــه
ظبا المقافير ع نقيان الحلا تغبي جفونــــك

ظافي الجيد على المتن من سودت حلاحيله
رسين القوام مكاعيب النواسم يدنونـــــــك

عيون الحر لفارع في جبد السما كود ظليمه
سهم جساس من سود المدامع لك يرجونك

خطف فظامري نفحت خزامه و اكاليلـــه
على لافح براق الخدود لين شقت ينوبــك

غزاني جاشي حبك و ارتميت في محابيله
يوم كل الملا عني بالوكاد يشغلونـــــــك

احبك لو تجزع دون السنين غرة مقابيلـــه
اظمك بين الحنايا و يسجع الطير بلحونك

يبرق عليك من بارق و تطرق هماليلــــه
اشتاقلك يومت الورى بالخير يطرونــــك

اذكرك بين رعشت فنجال و دقت معاميله
يفز قلبي لي زادت لعتي و تذكرت شجونك

يالله عساك على الدرب الخضر و تساهيله
و صون حبك على كثر العذال لو يجونــــــك

راكان المنصوري

{ كلي دفآشة ..~* · 03-03-2008, 12:16 AM

اذكرك بين رعشت فنجال و دقت معاميله
يفز قلبي لي زادت لعتي و تذكرت شجونك

روعآأآأآأآآأآأه قصيدتك ي3

صح الصأآنك خيو =] . .

وطأآنكيو ع هيك طرح ^^"

مأآ نتحرمش =] . .

*نظره مني تسدك* · 03-03-2008, 12:29 AM

صح لساااااااااانك واعتلاااااااا شااااانك يالشاعر المنصوووري
الصرااااااااحه فن وابداااااااع في ذمتيه طريييييشن

اذكرك بين رعشت فنجال و دقت معاميله
يفز قلبي لي زادت لعتي و تذكرت شجونك

يالله عساك على الدرب الخضر و تساهيله
و صون حبك على كثر العذال لو يجونــــــك

سلامي عليييييييييك طررر طرررر طرررر
سلمت ولا هنت ع الطرح الرايع نرقب الزووود منك تقبل مروري

ж شـمـوخ عـراقـيـه ж · 03-03-2008, 01:18 AM

]¦[ حي الله المناصير ]¦[

رووووعه يا راكان صح لسااانك واعتلى شااانك

روعه الابيات وربي أبدعت ثم أبدعت ثم أبدعت

لا حرمني ربي من هالززين .. وحياك الله مره ثانيه فالاستراحه

يمطول الغيبات ^^

لا تقطع علينه وخليك ع تواصل .. صراحه ما نقدر من دون كَصايدك ^^

اترقب االزووود منك يالشيخ .. ويعطيك ربي الف عافيه ع طرح

مودتي واحترامي لك .. خويتك

]¦[ شـمـوخ أمـرأه ]¦[

راكان المنصوري · 03-03-2008, 03:21 AM

بسم الله الرحمن الرحيم

تسلموون على هذا المرور الي بدر منكم وربي لا هانكم و اعتلى شانكم

خويكو الشاعر راكان

εïз~اَلِمَيّث}● · 03-03-2008, 10:21 PM

~---{ حي الله الشاعـر .~

صح منطوقك الشيخ ...

ماعليك زوود فـ ذمتيه ماشاء الله عليك ابدعت فـ الابيات

كل الابيات عيبنيه .~ ابيات تظرب فـ صميم ~.~

دومك متميز بأسلوبك المتجدد وقصايدك الموزونه

يسعدنا تواجدك وطرحك للقصايد .~

ربي يعطيك الف الف عافيه يالشاعر

وربي لايحرمنى من يديدك

السموحه ع القصور البادر منيه

اختكم

غ ـيمه فـ سماكم }---~

راكان المنصوري · 03-04-2008, 06:28 AM

بسم الله الرحمن الرحيم

شحالج ختيه غيمه في سماهو

اشكرج على هذا المرور الي بدر منج و اللي زخرف ارجاء صفحتي الشعريه

ربيه يدووم الود بينا

خويج ركااان المنصوري

غيمه انتي الميث ....صح ولا لا

أسير الحزن · 03-04-2008, 09:07 AM

احبك لو تجزع دون السنين غرة مقابيلـــه
اظمك بين الحنايا و يسجع الطير بلحونك

يبرق عليك من بارق و تطرق هماليلــــه
اشتاقلك يومت الورى بالخير يطرونــــك

اذكرك بين رعشت فنجال و دقت معاميله
يفز قلبي لي زادت لعتي و تذكرت شجونك

يالله عساك على الدرب الخضر و تساهيله
و صون حبك على كثر العذال لو يجونــــــك

روعه روعه اخويه ومشكوره وليتهم يعرفون كم الشوق جتال