في عزبتنا ..الي يخاف لايحدر

+[ حكومة قلبي ]+ · #1 06-13-2009, 01:35 PM

السلام عليكم

شحالكم اعضاء محروم

عساكم بخير

ماعرف كيف ابدا

بس لاتضحكون ع رمستي يمكن ماعرف اكتب قصه

بسم الله

في يوم من الايام كنت ملانه وقلت حق الوالده انا ضايجه اريد اظهر من هالملل كان شهر 12 عقب العيد انزين

قالتلي شو تبين اسويبج احطج عـ راسي وادوربج قلتلها حشا محشومه هههه امايه سوالف .. تعطي ف الويه كاش

قلتلها انزين بقولج شي بس لاتعصبين قالت شو ...قلتلها انا ابا اسير العزبه .. المزرعه ويا ربيعاتي

قالت الجو بارد وماباج تمرضين ..
قلتلها اميه والله ملل

*انا مافيني مناعه عسب جذه مايخلوني اظهر وايد لانه بسرعه اتعادى تنتقل لي العدوه بسرعه

*المهم انا ادرس ادارة اعمال واقتصاد
عندي شله تتكون من 15 بنت وشلتي نصهن من الابتدائيه ويايه ونصهن من الكليه

اتصلت فيهن وقلتلهن اني ملانه
رمستهن ع المسن انفايت
ونصهن اتصلت وشبكت الخطوط
قلتلهم عندي فكره حلوه ؟؟؟
قالوووو شوووو قلت برمس امهاتكن بنسير العزبه ع مسؤوليتي انا
قالووو مانعرف اذا هلنا بيوافجون
رمست هلهم عقب مانشف ريجي وافقوا
واتفقنا نظهر الظهر عقب الصلاه.. ياي استانست قمت اناقز هه

المهم انا قلت سياره صغيره مابتكفينا قلت حق امي اريد اشل الارمادا ولا الجمس قالت والعثره شو بتشلين انتي قوم ولا ربيعاتج ههههههه قلتلها ولا ربيعاتج ههه
قالت سيري توكلي ع الله سوتلي محاضره..

خذيت الارمادا يالله بسم الله ركبت السياره عقب نزلت شو سويت فتحت الدبه سكرت السيتات .. الكراسي
خليته سيده عسب يوم يقرووون يتربعون هاي طريقتي يوم اظهر ويا ربيعاتي
عقب ركبت الموتر 12:30 امررره تحركت من بوابة البيت..
والسياره عوده عليه سكانها ثجيل تصلح حق ام عيال ههه

سيارتنا سوده منزله شويه مخفي شامل
هب انا الي جذه مسويه اخويه متعبث بالسياره

المهم
مريت ع وحده وحده بديت من عيمان لين دبي
والله لوشفتو اشكالنا هههه حمود ع عبود
مرتبشين ف الموتر وسوالف وضحك
يلسنا اندق ونغني هب بنات شباب ههههه

عقب سرنا صوب المحطه وكتبنا شو نبا في ورقه صغيرونه
اشتريت عصاير اجباس حلاوه خرابيط جنا بنسافر خخ
كان يوم الاربعاء
المهم توكلنا ع الله خلونا من الموتر الحين..

لين الحين تراني مابديت القصه

برمسكم عن عزبتنا

الوالد الله يرحمه يحب الحيوانات وايد
و مايرضى يجوف اي نوع من الحيوانات يعورهم شي
يعني من بيت فتره وفتره كان يوديهم طيب بيطري يطمن عليهم

* عزبتنا وايد عوده ماشالله والي يدخل فيها يضيع
في مثل ماقلتلكم حيوانات وايد من ايام ابويه الله يرحمه خيول رجاب غزلان
طيور يعني عندنا حيوانات وايد ..عن تقولون متكبره ههه بس هب من كل نوع لا ..

وصلنا العزبه الساعه 3 بالضبط لانه كان الدرب زحمه واجازه تعرفون شقا زحمت بلادنا

المهم رمست الناطور وقلتله نظف نحن ياين ويوم وصلت نزلنا
وحطينا اغراضنا ورتبنا ودخنا وعطرنا
شي 4 حجر وكل 3 ولا 4 رقدوو ف حجره
يبنا افلام سهرنا وسولفنا وضحكنا لعبنا ورقه وسبحنا فـ الحوض وايد وايد استانسنا..
بتنا في العزبه الاربعا والخميس والجمعه ويوم السبت

جوفو شو استوا يوم السبت
كان هذا اخر يوم انبات فيه العزبه قلنا بنروح البيت فليل بعشي ربيعاتي عقب بنرد

صلينا المغرب وعقب سويت لربيعاتي كيكه ويبت عصير وماي ويلسنا صوب الحوض
الجووووووووو كان روعه جنه الفجر وبرد من الخاطر
قلت حق البشكاره تسوي كوار .. لانه بردنا

عقب بردنا وسرنا داخل حطينا الكوار ويلسنا ندفا

دخلنا الصاله جهزنا اغراضنا وحطيناهن ف الموتر
بس عسب عقب مانصلي العشا نتوكل ع الله يلسنا شويه

وربيعتي قالت اف ملل قلت هذا كله ملل شو ماستانيتي كلهم استانسووو
هاي شويه هب صاحيه يعني ماتتروع شويه مستريله
قالت يلا نزلوو ع الارض بنيلس تحت ييلا يلا قروووو
يلسنا قالت بلعب اشتطينا ويلسنا ع شكل دائره
قالت بنلعب عويجه

*انا من النوع الحساس صياحه وخوافه

كلنا انخاف بس انا قلبي مايتحمل لاني فين يالقلب بعيد الشر عنكم

المهم نصهم قالووو لا ونصهم قالوو بنجرب ليين مالعبنا
تخيلووو نحن 15 بنت لازم يعني نتحمل ولانه الي هب قد اللعبه مايلعبها

يالله بدينا يبنا ورقه وقلم وبندنا الليت

* ع فكره شي بشاكير وناطور ومزارع ف العزبه يعني هب رواحنا

وين وصلنا هي سكرنا الليتات ويلسنا انا لاصقه فربيعتيه جنه امرره توائم متلاصقين
بعد هب ف الدائره شويه ظاهره
بدينا ربيعتي رمست قالت شحالج ردت ف الورقه انها بخير ت
خيلوو الخط جنه وحده ف اول روضه هب مفهوم حطينا شمعه عسب نقرا والكوار كان شوي مسوي نور
قالت انتي وين
قالت انا من بنينكم
انا خلاص بغيت اصارخ بس هب زين عسب ماتدخل فيني مافيني عليها
لانه هي ماتحب الحشره
لانه لو حشرتوها اف شو بتسوي فيكم مابتخليكم ف حالكم
قالت انا ابا وحده منكم
ربيعتي قالت شووو تبين فيها
قالت اباها اباها الورقه انطرت من النص والقلم قام يتحرك والشمعه تنطفي وتولع
انا مارمت شوي شوي اتسحب جان احس حد مطني ويلست اصيح
كتبت ف الورقه ابااااااااااااااااااااااااااااهاااااا

ربعتي ماتخاف مول ماشالله عليها
قالت شو تبين فيها تخيولو ان ربيعتي تضحك وتسولف وياها وكل وحده ميوده عمرها
وربعتي صرخت جان اقولها اسكتي
اقول فخاطري لو يلسنا فالبيت احسن
ياربي ليتني مايييت العزبه
ليتني ماسمعت رمستها ولعبنا
استوت الساعه 8 ونص
عقب شوي ولا نسمع صوت قطوه بلقووو تصارخ والله لو سمعتو الصوت ماعرف شو بيستوي قلنالها قولي مع السلامه قولي
ربعتي استهبلت
ربعتي الثانيه صخت مره وحده ولا رمست ترتجف من فوق لين تحت
نقولها قومي

البشاكير طلعو من البيت ساروو الحوي من الزيغه والاصوات

انا خلاص ف هاليوم ماخذت دوايه
تعبت حسيت بويع الم في قلبي من الخاطر شويه وبطيح
فجأه هدوووء قلنالها شو روحت
شوي ولا نسمع صوت حد حدر الحوض والماي نطش

* الحوض داخل بس ع الزاويه

انا قلت مع السلامه
كل حد قال مع السلامه
الا ربعتي الي طاحت والي فتحت اللعبه
قولي قولي ماشي فايده واونه كشخه
ولا نشوف ربيعتي وقفت وسارت يلست فوق الطاوله
تقول حبيبي تعالي اباج
نتقولها بلاج
قالت تعالي اباج
ربعتي قالت شو تبين فيها
قالت انتي تعالي خلاص ماباها
يعني عويجه دخلت فيها
ربيعتي تخبلت يلست تناقز والطاوله تناقز وياها
والشمعه فوق كانت ع الارض
انا طحت مارمت اشل عمري
ربعتي الثانيه عصبت
قالت ماتشوفين البنت فيها القلب لاتيلسين تتمصخرين لعبي بروحج
المهم سكرووو اللعبه
بس ربيعتنا مانشت
ياربي شو نسوي
ريعتي ترمسني شو بلاج ؟؟ ماروم ارمس تعبانه لازم اخذ الدوا
سارت يابت لي الدوا ماروم اصرطه كسرته وشربته
عقب الدوا حسيت بدوخه احس قلبي بسرعه يدق
قالت لي ارتاحي
سارت صوب ربيعتي وقالت جي زين شو سويتي ف البنت تمت تتحرطم عليها
عقب ربيعتي قالتلي في مسيد قريب
بنيب مطوع البنت صوتها شرا الريال
تمينا نقرا نقرا المعوذات وسورة البقره ماشي فايده

كلنا سرنا توضينا والبنت ع الارض طايحه
وانا منسدحه ع الكرسي اسمع صوت خيول والجلاب
اجوف الساعه 9:40 م
ياربي تعافيني يلست اقرا على عمري شويه حسيت اني احسن
ربعتي ساعدتني

وجان اقوم واسير الحمام عزكم الله وعقب سرت اصلي
وكلنا صلينا
بس ربيعتي الي كانت طايحه مانشت

يوم خلصنا صلاه
جان اتجوفني
قلتلها ليش تتطالعيني
قالت انتي منو
قلتلها انا فلانه
قالت وين سرتو
وكان صوتها غليض من الخاطر
ترمسنا وشعرعها ع ويها و عيونها نص مفتوحه
قلتلها انا ربيعتج
قالت تعالي
قلتلها ليش
قالت اذا مابتين بتشوفين
قلتلها بيي بس صبري شوي
قلت حق ربيعتي تسير من وراها تيودها
والثانيه تسير تيب مطوع
قالت اوكي
قالت مابا حد غيرج
ربيعتي سارت
سرت صوبها يودت ايدي بس والله ولا جنه ميوده ايدي ماحسيت بايدها

قالت انتي طيبه
قلت لها الحمد الله انا من يومي طيبه
قالت ايدج ناعمه
قلتلها حتى انتي
قالت انزين

قمت اتخربط عليه
قالت رصي ع ايدي
قلتلها اخاف اعورج
قالت لا انتي حبيبتي
قلت ان شالله يوم يودت ايدها حسيت بشي حاااااااااااار
جنه ضووو
يلست اقرا عليها في صدري
قالت انا تعبانه
قلتلها رقدي
يلست امسح ع شعرها
محد وياي
ربيعاتي كلهن ظهرووا وخلوني روحي وياها
الحين الساعه 10 تاخرنا وايد خفت يسوولنا سالفه

قالت ابا ارقد قولي لي قصه
قلت ماعرف
قالت سولفيلي عنج
سكت ماعرفت شو اقوللها
صوتها يروع ابا اصيح اشوف ربيعتي جذه
لانها ضحكت واتمصخرت عسب جذه دخلت فيها
قلتلها انتي تعبانه قالت هي
قلتلها طيحي ع ريولي
قالت لاتشوفيني
انا هب حلوه
انا قلتلها انتي حلوه وكل شي فيج حلووو
عيونها تروع يوم تطلعني ابتسم غصبن عني
قالت ليش الي وياج ساروو اكيد مايحبوني
تراها نست انها قالت لي مابا حد
قلتلها بيردون ماعليج
الحين هب ربيعتي ترمسني الجن يرمسوني

قريت عليها قريت وانفخ عليها رقدت مره وحده طاحت ع الارض

يلست اتصارخ غمضت عيني
حسيت بهوا قوي حتى شعري طار قصتي استوت سبايكي تمت طايره
اقرا واقرا
لين مايا المطوع وانا طبعا بعباتي
قال شو بلاها
المطوع مواطن

ربعتي مازقرت الامام زقرت واحد ظاهر من المسيد بلحيته تحسبته مطوع قالتله اباك تساعدني
ركب وياها ويانا العزبه

قرا عليها وعليه قال ماريد حد الا انتي وهي
ظهرن ربيعاتي
وتمينا روحنا
وتم يقرا
قال اقروو قران سبوع كامل سوة البقرة كل يوم
وربعتي نشت كان سواد تحت عيونها فضيع
من الصياح
قال ارمسي
تمت صاخه
سالني صوتها غليض هزيت راسي قلت هي
وعقب شوي رمست ولوت عليه لاتخلوني بروحي
ماتروم تقوم
قال المطوع في شي يعورج قالت هي
قال شو
قالت ايدي احسها انكسرت
اول مايود ايدها طاااااااااااخ نقعت تيبست قال هب مشكله ودوها المستشفى

وظهر الي فيها
عقب زقرنا كلنا
عطانا محاظره قال هب زين هذيل جن والله مايرضى
والجن انواع وماعرف شو وانتو مسلمين وبنات صغار خافو ربكم
المطوع شرطي قال شو حالات انشوفها لاتيلسون تتسلون بهاي الاشياء حرام
كلنا نطالعه حليله مستحي يطالع ربيعتي الي قرا عليها
قلنالها شكله حبج هه استحت وعصبت

امررررررررره قلتلها يلا الموتر

وودينها المستشفى ولفوو ايدها قالو رضه
لانها طاحت طيحه من الطاوله ع الارض
عقب سرنا ناخذ عشا وفـ الدرب كل حد صاخ عقب ارتبشوو مره وحده
مرينا ماكدونالد وكلنا فـ الموتر
ووصلت كل وحده بيتهم الا ربيعتي الي ايدها مربوطه كلتلها تبات بيتنا
رمست امها قالت ماعليه نحن ف بوظبي قلت الحمد الله
خليتها فالبيت عسب اطمن ع اصحتها
يوم رديت البيت حصلت محاظره حلوه هههه
تسبحنا وصلينا ركعتين ورقدنا
باتت ربيعتي لين الاثنين عقب روحت بيتهم

وهذي هي قصة حياتي بالتفصيل الممل
والمطوع خطب ربيعتي وعرسو شهر 3 والله يوفجهم

وقرينا قران وتوبه مانلعب هاللعبه
بس نص البنات يلعبونها ف الكليه ومايتوبون
والله يابنات لاتسون شي انتو هب قده
ساعات يظهر الجني ساعات لا
بس لو شفتو الي شفناه صدق بتخافون
والسموحه اذا شي تنقيعات

ووووووووو بس

اتمنى تردون هب بس تقرون وتظهرون ع الاقل يسلموو

جميع الحقوق محفوظه لدى +[ حكومة قلبي ]+ __DEFINE_LIKE_SHARE__

~[ آلحوسنيهـ ]~ · 06-13-2009, 01:56 PM

وآلله انكم فنتك .,,

آتخيلج و آنتي تسووقين خخ حبتين ..

و شحقه تلعبووون لو آنآ ويآكم بشرد من العزبه ..

وآلله القصه فنتك .. هع

تسلمينن غلآي ,,
لآ هنتي .. __DEFINE_LIKE_SHARE__

+[ حكومة قلبي ]+ · 06-13-2009, 02:50 PM

المشاركة الأصلية كتبت بواسطة ~[ آلحوسنيهـ ]~

وآلله انكم فنتك .,,

آتخيلج و آنتي تسووقين خخ حبتين ..

و شحقه تلعبووون لو آنآ ويآكم بشرد من العزبه ..

وآلله القصه فنتك .. هع

تسلمينن غلآي ,,
لآ هنتي ..

هب فنتك الافنتك ونص

شكلي يضحك والي ف الدبه يضحكون اكثر

فالهاوقت وين ترومين تشردين

الحمد الله ان الله فكنا منها

تسلمين حبوبه ع المرور __DEFINE_LIKE_SHARE__

+[ حكومة قلبي ]+ · 06-13-2009, 06:18 PM

وين الردود __DEFINE_LIKE_SHARE__

هيام القلب · 06-14-2009, 01:31 AM

السلام عليكم ورحمة الله وبركاته ..

اولا سلامات غناتي ماتشوفين شر ..

ثانيا تسلميييييييييييين عالقصة الاكثر من روعة خليتيني احس جني وياج فالستوري

ثالثا هالشي الكل يعرفه حرام وانتو لعبتوه بس ماعليه خذيتو تجربة واستفدتو منه و الله فككم منه ..

وربي يوفقج ويحفظج من كل شر ^.^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
((( إللى يخاف من العفريت يطلع له ))) و ((( إللى يخاف من التصحيح يظهر له )))	محروم.كوم	منتدى أخبار المواقع والمنتديات العربية والأجنبية	0	06-17-2009 11:40 PM
((( إللى يخاف من العفريت يطلع له ))) و ((( إللى يخاف من التصحيح يظهر له )))	محروم.كوم	منتدى أخبار المواقع والمنتديات العربية والأجنبية	0	06-17-2009 11:32 PM
الي يخاف مايدش	الكاشخه دووم	قصص و روايات	7	03-18-2009 02:56 PM
اللي مايحدر بيفوته عمره كله خخخ	غلا الروح	أستراحة الفيديو المنوع	27	02-06-2009 04:37 AM
شوفوا تصويري ..عزبتنا...طيطار....إلخ	...فيمتو...	عدسة الاعضاء , كاميرا الاعضاء	19	07-14-2008 02:20 AM