يوميات راعـي كحيلان

راعي كحيلان · #1 06-12-2009, 10:18 PM

السلام عليكم ورحمة الله وبركاته

يالله ياااااحيهم

مرحباااااا مليوووون ولا يسدن في ذمتيه

بالخلااااااصه (( إن شاء الله بشاركم يومياتي وأحلى أوقات قظيتهن وبقظيهن في ها الصفحه ))

الحلقة الأولى

اليوم يوم الجمعه تاريخ 12 يونيو 2009

اليوووووووووم قمت رحت صليت رديت يلست فالبيت .. طفرت ماعرف شو أسوي ..

فيلست أفكر وفكر ودق براسيه شرق غرب .. الين مالقيتها (( الحين في خاطرهم هي هذا هو الشي ))

هههههههه قررت أروح حديقة الشبااب

وهي

الصنـــــــــــــــــــــــــــــاعيه <<(( أحد معالم العين ))

ووفرفرت فيها وسلمت على الشباب .. وخلاف طقع جويه مره ثانيه

وبعد تفكير وتخطيط .. طوييييييييييييييييييييييييل

ماعرفت شو أسوي فرديت الميلس .. يلست أشوف تلفزيون .. وشفت أعلانات كافي وحلاوه وخرابيطيشن .. <<(( العوق يعني كافي )) لوول

فحرررررركت الجمعيه .. يوم حدرت نسيت أنيه أبا كافي رحت صوب العصاير .. أطالع يمكن نص ساعه .. وخذ شي ... ورد أرجعه .. وحك راسيه هههههههههه <<(( متنح كنت ماعرف شوفيه ))

خلاف ذكرت أوه مبا عصير ههههههههه

رديت صوب الكافي .. ماشي عيبني.. <<<(( في خاطرهم الحين شو ها يستهبل ولا عبيط )) هههههههه ..

لا والله ماعرف اليوم شي فيه هب صاحي مخي ضارب كل شي يدخل على بعظه لوول

المهم خذتليه حلاوة الأبطااااااااااال

وشفت شي غريب يوم كنت جهت الثلاجات رديتله

مايغركم هب حلوو هههههههههه

وفنهاااااااااااايه .. رديت الميلس ولعب سوووووووووني.. وسوالف ويا شباب ... وبسسسسس

اليوم الصراحه كان simple بس نصيحه أخيره لحد ياخذ هاك عصير التويكس

وووووو

ودااااعا للحلقه القادمه

تحياتي

أخوكم راعي كحيلان

__DEFINE_LIKE_SHARE__

راعي كحيلان · 06-14-2009, 02:30 AM

السلام عليكم ورحمة الله وبركاته

حييييييييييه بدوو مرحبا مليوون ..

الحلقـة الثانيه

السبت

13.6.2009

اليوم يوم الغياظ العالمي ..

من أصبحت وناس يلسين يفقعون كبديه..

أول شي بدت يوم متواعد ويا صديق أطفووله ويطقعليه

خلاف رديت البيت الين صلى العشاء لعب سوني وتابع مسلسلات لوول << حياة الصيف معروفه ..

يوم كدنيه راد من المسيد شغلت سيارتيه بظهر .. يتنيه الحكومه (( الوالده )) ..

الحكومه : ها الحوامه الين نص اليل ماشي !!

راعي كحيلان: هذا صيف ونا كم عمريه الحين .. بس إن شاء الله <<(( يدري أن تم يعاند بينكفخ)) لوووول

الحكومه : يالله البيت .. الخلا !!

راعي كحيلان : إن شاء الله (( بس بعده قاعد برع )) <<(( يتريها تحدر بيفل))

5 دقايق حدرت البيت الحكومه .. راعي كحيلان: أشرده << (( مستانس))

يوم واصل دروازت البيت مقفوله بقفل ..

شو سجـــــــــــــــــــــــــــن سجـــــــــــــــــن والله عيب كم عمري أناا بموووت من القهر

أدعولي الله يفرجها لي

ونشوفكم الحلقه القادمه __DEFINE_LIKE_SHARE__

راعي كحيلان · 06-15-2009, 12:53 AM

مرحبااااااااا بشيوووخ يالله يحيهم ..

شاي ؟؟ قهووه ؟؟؟ كبتجينو ؟؟ لا حول مايصير لا تستحون .. قولو أي شي بنسويه خرابشينوو شربشيرنو سوالف ستار بكس هب كبيره على طبخنا يسويها <<(( نعجبكم )) بتع كووله

الحلقة الثالثه

اليوم الأحد 14.6.2009

راعي كحيلان اليوم منخمد ومتحذق قافل باب حجرته 10000 مره .. ومحرك كبتيه وغطيت فيه الدريشه << (( في حرب هب في بيت )) .. هي نعم حرب رقااد رقااد مارتاح .. من تونيه دخلت الحلم تونيه بحلم .. يعافدون الفريخات فوق راسيه ..؟؟ ليش إن شاء الله عبالكم محبه ؟؟(( لا والله لأنه شي سوني في حجرتيه هههههههه)) مصاالح

المهم .. يوم كدنيه نشيت رحت المطبخ .. ماعرف شو شربت .. عصير يديد ماذكره حد شارنه وهفيته كالعاده لقافه ألف ههههه المهم

تسبحت ..صليت تلبست خطف عليه صديق أطفوله البيت وقف سيارته وركب عنديه ورحنا حديــــــقة أشبااب هههه أصناعيه

رحنا محل حداده قردنت الهندي أنه أي البيت عنديه لأنه قالوصة الدراجه خربانه فشليت الهندي ورحت شتريت قطع أتصليح

وينا البيت وبدل القطعه الهندي

وحملنا الدراجه متجهين إلى حديقة الشباب

خلاف رد لحم القطع فالمحل .. سالفه الموظوع هب بسيط

بعد ماخلصت شليت دراجتيه وقفتها فالكراج جيكت عليها ركبتلها كمبيوتر وهدرز.. <<(( من الحين أجهز لموسم الشتاء))

وبعدين روحت داومت فالمعهد .. حادر متأخر .. ويلست وطالع ستاذيه وظحك (( اليوم أول يوم )) خلاف أشوفهم يرمسون عن كمبيوترات .. تميت ساكت أنا قلت يمكن أول حصه سوالف ... يوم كدنيه مخلص الحصه .. يا الأستاذ عاطنيه كتاب شي عن الكمبيوتر <<(( فكتشفت حدرت أصف الغلط )) هههههههههههههه << والله أني متصرقع أرابع كل شي أبا أسويه فنفس الوقت ..

وطبعا بعد ماخلصت من المعهد .. الفتك رفع حرارته لأنه المكيننه عليها شغل ماتقهر الحرر .. فشار عليه صديق أطفوله أروح أعق السامان ورد أركبهن فشتاء لا يحترق عليه فرحنا وقفنا كحيلان فالكراج عوور قلبي بينزلون مكينته يحليله

لحد يصيح إن شاء الله بيكون بخير <<(( هذا الي يبا يقص على عمره ههههه))

اليوم الصراحه هلااك كرف في كرف .. بس الحمدلله أنجزت شغل لوول

ونشوفكم الحلقة القادمه إن شاء الله
__DEFINE_LIKE_SHARE__

راعي كحيلان · 06-16-2009, 03:04 AM

السلام عليكم ورحمة الله وبركاته

يا مرحبا مرحبا مرحبا مرحبا ...

نووورتوني .. ^^

الحلقه الرابعه

15-6-2009 الأثنين

طبعا من نشيت من رقاديه تسبحت صليت وفررررررر << (( كلمه توحي بسرعه الحركه )) ههههههه هاي أحدمصطلحاتي فسوالف ..

المهم فررررررررررر أظهر خاري .. (( الحين يقولون why)) لأنه الله يسلمكم ماعنديه وقت الحكومه معلنه الطوارئ ها الأيام((( المقصود الوالده))) فلا بد أني أرد من وقت فعسبت كذيه من أنش أظهر عسبت أحلل اليوم صح .. هههههه أتمتع بالحريه قبل لا رد السجن <<<(( لين مالله يفرجها ..

والله حواطتيه تظحك ههههههههههه أظهر أروح مره قرب يعني وسط المدينه (( شارع خليفه )) أطفر أرد صوب بيتنا (( لأنه شي تصليحات وزحمــــــــــــه مستوي االشارع ونا كله ولا الزحمه تسببليه هستيريا نفسيه )) فعسبت كذيه أرد بيتنا ويوم كدنيه واصل صوب البيت أتذكر أووه لو رديت الحين مابقدر أظهر المساء فرد مره ثانيه صوب شارع خليفه على ها الشله هههههههههه شارع واحد رايح راد رايح راد ماعرفت شو أسوي محد موجود من شباب ..

المهم اليوووووووم داومت المعهد لا اليوم أول واحد مشاء الله عليه ..

حادر سلمت علا ستاذيه يلست

المهم محد فالكلاس غيريه أنا وحده سودانيه واحد الباقين كانو متأخرين

الله يسلمكم أستوا حوار الأستاذ سألنا تبونيه أدرسكم كتاب أتوفل ولا أنقلش عام

أنا قلتله الصراحه لاعت كبدنيه من الأنقلش سنه كامله أدرس أبا التوفل

فسأل السودانيه قالتله نفس راعي كحيلان ..

هههههههههه المهم يوم قللها كم تبين تيبين قالت 550 وفجأه نقعت ظحك أنا (( سنه كامله أبا أوصل 500 عسبت أرفع معنوياتي ماقدرت أمتحنت أربع مرات وهي ولا مره وتبا تيبها من أول مره )) هههههههه حسيت السودانيه كرهتنيه خخ والله لا تلقائي ظحكت ههههه .. دوميه أسبب الأحباط مالام ها شي مرض يانيه بسبت أخوانيه .. ههههههههه على سبيل المثال :

بعد ماخلصت أول سمستر فالجامعه طبعا بعدني ماعديته التوفل ..

أخويه : أنت شو سالفتك هب فالح في شي مره مره مره !!

أنا : شو أسوي أفلام قمت أشوف غصب .. أسمع أغاني ولا أفهمن كل ها عسبت أتعلم ... شسوي يعني ؟؟

أخويه : أنت مره مامنك فايده شهرين أستراليا و شهرين في سويسرا .. ماشي فايده ماتتعلم .. !! ((والله إحبااااااااااااااااااااااااااااااط ألف هههههههه))

أنا : أقولك لو خليتونيه أروح أمريكا كدنيه مفتك من توفل وخرابيط بتعلم لفلات وبخلص وبحدر بس أنتوو ...!!

أخويه : لا دخيلك مره الي يسمع تراك سرت أستراليا وقلنا بنخليه الولد شهر وبخطف عليك بشوفك ويوم ييتك مشاء الله فالبيت عند العايله : علمتها عربي ... وفالمعهد لعب بلووت (( ورقه )) ويا السعوديين ..!! <<(( والله إحباط ههههههه كنت ساير الصراحه أتحوط هب أتعلم )) بس الحين عقلت ههههههه يفرق

هذاالي صار اليوم مارحت مكان بعد المعهد حطت شوي رديت البيت لعب سوووني والحين أكتبلكم الملخص

ونشوفــــــــكم إن شاء الله الحلقه القادمه

أخوكم راعي كحيلان

أدعوليــــــه أعدي التوفل والله خلاص سنه ظاعت من حياتي .. طفرررررررررررررررررررررررررررررت
__DEFINE_LIKE_SHARE__

راعي كحيلان · 06-17-2009, 12:36 AM

السلام عليكم ورحمة الله وبركاته

مرحبااااااااااااااااااااااااااااااااااا مليووون ولا يسدن في ذمتيه ..

يالله ياحيهم ..

الخلقه الخامسه

اليوم 16-6-2009

خطفت الوكاله اليوم ظهرت سيارت أخويــه هديت التخرج مشاء الله عليه خلص أعتقد دبلوم دراسات أسلاميه وبيرد من المغرب بعد أسبوع فخذوله هليه هديه .. <<(( عقباااااااليه هههههههه ))

سامحوونا علا تصوير المخشع كنت مستعيل ورايه عشاء

قالو أونه لحد يخبره .. مفاجأه .. هههههههههه والله ماشي يتم مفاجأه فها البيت باكر بيوصله الخبر .. وعادي والله وصله الحين ... كل شي جايز في ها البيت ..

واليوم فالمعهد حتشرت على ستاذيه .. يالس يدرسنيه سبجكت وفيرب .. يستهبل هذا .. المحم رمسته قلتله شفففففففففففف تيجر .. أنا اليوم طوفتلك <<< (( تخيلوو لالاا أسولف هههههههه))

لا قلتله ستاذ أنا ابا أدرس من كتاب أتوفل مبا شي من الخارج .. قال أونه بيتخبر عيال الصف باكر وبيشوفهم هم بيوافقون ولا لاء سكت عنه ..

لو ماوفقو باكر .

بروح الأداره بظاربه .. أنا داخل دووووووووورة توووووووووووووووفل فقت التوفل ياربيه .. !!

والله أنيه منقــــــــــــــــــهر .. طقع بجويه المعهد اليوم ورديت البيت لعبت سوني وتهزأت من الكمبيوتر ... وطقع بجويه زياده

فطبعا يوم أكون متفتف ومتغيظ أدور الثلاجه هههههههههه .. أتم أكل أكل أكل << أفك غيظيه بها الطريقه خخخ

يالله أدعوليه الله يوفقني وفتك من التوفل

نشوفكم على خير ..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
\\\\\/////-----=====راعـي الـسمـبـوسـه وصـل=====-----\\\\\///	حبووووب	بيع و شراء و عروض التجارية	7	07-06-2010 11:58 AM
\\\\\/////-----=====راعـي الـسمـبـوسـه وصـل=====-----\\\\\/////	محروم.كوم	منتدى أخبار المواقع والمنتديات العربية والأجنبية	0	07-05-2010 12:10 PM
سـتـندرات لـعـيـوون Characters Algla +الـكـل ثـابـت + راعـي الـكـروزر +راعـي الـgx	Al-Rayyani	سيارات و دراجات	12	08-14-2009 01:54 AM
رووح والـقـلب داعـيـلـك يـا راعـي الاسـتـانـدر	Al-Rayyani	سيارات و دراجات	10	04-28-2009 08:55 PM
مـقـاطـع راعـي السـبـورت الجزء الخامس (5)	AD_GoVeRMeNT	قسم المقاطع	22	06-29-2008 01:48 AM