#poem_537e07c3baba0 td {font-family: Arial, Helvetica, sans-serif;font-size: x-large;font-weight: bold;} والله مانسى نظرتك يوم قفيت الين تنسى كل امٍ ضناها لو شفتني من نظرتك كيف سويت والله ان تمنى قبل هذا عماها حسبي عليك ارسلتها ماتوانيت احرقت قلبي وسط حامي لضاها فجرتها بالقلب مثل الدناميت الله واكبر كيف قلبي قواها والرِجل كنك ناثرٍ حدرها الزيت الرِجل عيت لاتثبِت اخطاها النظرة اللي في مداها تهقويت عدت على الهقوات قوة مداها والمشكله لاابديت فيها ولا اخفيت عجزت احدد يالغضي محتواها وراك من بين المخاليق لديت دمرت قلبٍ ساليٍ عن هواها ياليتني عن نظرة العين صديت ياليت ربي فكني من بلاها وانا الذي عن مارد البيض كفيت رميت دلوي والرشا من وراها استغفر الله والي العرش والبيت من نظرةٍ بان الخلل من رداها الحمد لله كل ماصبحت وامسيت نفسي عن دروب الرذيله حماها