¶۝₪۩|||[ للح ــــوار والنقـــاش ]|||۩₪۝¶ .. للجميــــع

:: مختلف :: · #1 02-28-2008, 10:05 PM

اخواني جميع .. اداره ومشرفين واعضاء
مجلة أحاسيس محروم
مسا الاحساس والطيبه

اخواني جميع
اجتمعنا في هذا الصرح .. والكل من الفتره الي طافت وشفته
لقى اروع مكان يقضي فراغه فيه .. لقيت ان هذا المكان
:: يختلف جدا :: .. عن كل الاماكن الي شفناها سوى
موقع حقيقه مثل ( البيت )
اقسم لك بالله .. اني كنت اشوف الناس الي في الموقع مثل العايله الي تسكن البيت .. تجتمع فيه .. ومنه تروح ( وترجع له )
نادر الشي هذا يصير في الشبكه العنكبوتيه من كثر المواقع من 15 سنه احدرها
وهذا اعتراف مثل موقع المحروم ( ما يابته النت )
,
,
الله يديــم المكان هذا لاحبابه ومغلينه
بيوم من الايام واحنا في الموقع
قام واحد من الناس .. ( وسجل بياناته في الموقع )
من يكون .. ؟ من اسمه ؟ وشكله كيف ؟
كل هذا مــا ندري عنه .. !!
دخل فجاءه في الموقع وشارك معانا .. والي شفته
دخل قلوب الكل
من حبه للموقع .. وسكانه .. وكل شي فيه
بدا بفكرة ( مجله )
مجله تلمحها دولة الامارات العربيه المتحده
مجله اشاد فيها شعار من دول الخليج العربي
مجلة لفتت انظار المواقع الشعريه الكبير
مجلة مختلف / نداوي والمرقاب والشموخ
موقع تم الاشاده منه من قبل شعار كبار .. على ايام العدد الاول الثاني
لقينا شخصيات كبير في المجله .. لقينا ابداع يفرض نفسه الموقع
لقينا اعضاء .. اكتشفوا انفسهم ( انهم من العيار الثقيل )
لقينا الثناء الكبير
من عدد زيارات المجله .. وزوار الموقع الشامخ
,
,
لفتنا كل المواقع قبل المجله وبعد المجله
تعرفون الشي الي اكثر شي يلفت انتباه الجميع
:: الفتره الزمنيه القصيره .. والعمل المتقن .. والمحتوى العالي والراقي في المجله ::
,
,

صرنا شوي شوي ننــده الغير يلمح عملنا في المجله
الي ينادي اخوانه وربعه وناسه واهله .. ويلمح هذي المجله
مجلة المحروم .. مثل المجله الي تنطرح وسط المكتبات والكل يشتريها بالسعر الفلاني
يمكن مستوى المجله مارتقى للمجلات الي في الخارج
بس بالنسبه لعالم النت
:: مجلة احاسيس محروم ::
لقت الرقــم 1 .. بين المجلات الي نلمحها في المواقع
حتى المجلات الشهيره لو نلمحها بواسطة الانترنت .. ما ترتقي للي ارتقيناها
:: ( بفتره جدا بسيطه .. وخطوه اولى ) ::
,
,
انا اهني صاحب الموقع
واهني الاداره والمشرفين
واهني الاعضاء وكل واحد دوره وتخصصه في المجله
اهني كل من نحت فيها وصمم .. كتب .. سابق وشارك جمع .. كل شي من والي
اهني زوار المجله .. والموقع بالمجله
اهني من كل قلبي
اخوي الكريم / انســان محروم
على الشي هذا ..
(( كلمة شكر ياخوي .. ماتوفي الشعور ))

مجله صرنا منها ( لمة اخوان )
تواجد في المسنجر واجتمعنا .. وكل واحد ما له فكره عن الثاني
من يكون .. ومن وين .. واسمه وعمره وشكله .. ما همنا الشي هذا
على قدر ماهمنا .. نوصل المجله في الوقت المحدد والكل يلمح ابداع الجميع
,
,

المجله اختفت فتره من سبب
عدة طروف انطرحنا فيها .. قبل الهكر وبعد الهكر
وكل واحد يتابع الثاني ويتواصل معاه ( من خلف شاشه وعلى الكيبورد )
نلقى احيان واحد طبع بعض الحروف والي قدامه ترجم حروفه .. اهانه وغلط
وياريته فكر .. ولو لحظات .. :
هل هذا الي بنى وفكر وساهم .. والكل ( اعترف مجهوده كبير وجدا كبير )
والكل اشاد بمجهوده .. واشاد ايضا بمجهود الجميع في المجله الي صارت
,
,
فاجأني شــي
التقيت في اخونا / انسان محروم
الي عمري ما شفته ولا قابلته ابد ولا يعرف مختلف من هو ومن يكون ولا اعرف انسان من يكون
الي اعرفه شي واحد .. انه في نظر عيني ( ونعم انسان .. ونعم البطن الي يابه )
راقي في كل شي من عرفته في الموقع
وهذا الي همني في كل شي .. وهذا الي يخلينا جميع نسمع الانسان ونحس الوقت الي يمشي معاه .. يسوى وعمره وقتي معه ( ما ضاع )
وابتدا وطرح علي كل الي استوا وصار بحواري في المسنجر معاه

من اسلوبه عرفت الي وصله
,
,

اخواني جميع
تمر علينا احيان نحس احباط .. واشياء صعب نذكرها
تمر علي احيان احدر الانرتنت ونفسيتي هب زينه .. يناديني الي جدامي ويتصل لكن صعب اني ( ارد )
ساعات الي قدامي يفسر الموقف .. اني المزاجي والمغرور .. واني واني
:: النظره يااخواني ضيقه عنده ::
,
,

كلمني اخوي انسان بالرد الي نزل منه
وكلمني بردة فعل القليل .. والقليل هذا اعتبرهم من اساسات المكان
يعني ردهم له مكانه الخاص
,
,
اخواني احيان يبدر منا الخطا .. واتحدا واحد منكم ماخطا في حياته
بس احيان اخواني نقدم لبعض الناس ( تنازلات .. ونبعد عن الكبرياء )
ولسبب واحد فقط
:: ( انه يسوى .. وخير اكثر من شره ) ::
اخواني ليش لو لقينا الي طرح نصه بطريقه فيها تحطيم الداخلي لنفسيته
ليش ما قلنا هذا الي بيوم قبل شهور من احباب المكان .. وانسان الكل يحب يلقى حسه في الموقع
ليش اول ما طرح واحد سطوره بطريقه .. بتقول انها تجرحنا
ليش بوقتها كلكم صغير وكبير من ما تكون (( ليش ما قلت بوقتها .. غريبه ليش كتب هذا .. اكيد صاير شي ))
ليش ما ذكرنا بوقتها قبل لا نطرح عليه الرد .. (( خيره اكثر من شره ))
هذا لو لمحنا شره ولو مره .. ؟ ليـــش
,
,
رده قاسي وجارح .. رده انسحاب وعدم رغبه في التعاون
رده يتهم غيره بالتقصير .. رده ما خصص شخص .. وعم الناس الجميع
وللعلم شي اقوله لكم
,
,
يوم نشوف انسان منصدم من شي وقال لهل بيته
:: انتوا السبب كله منكم .. كل منكم .. انتوا السبب ::
وقتها نفهم الشخص الي قدامي منصدم ونفسيته مقهوره من شي معين
وقتها امسك بايده واهديه .. وافهم منه كل شي صار
,
,

اخوي انسان محروم انقهر من شي
المجله بالنسبه له شي جدا كبير .. يا جماعه بالنسبه له هذي المجله خذت وقته .. وهو ونعرف اكثرنا في غربه ودراسه ومتغرب عن اهله ومر بظروف جدا قاهره ما ابا اذكرها
,
,
يعني لو اني موجود في القسم نفسه ولمحت السطور الي بقلم انسان
وقتها ردي اول ما يكون
:: صلى عالنبي ::
,
,

الحين الواحد الي له مكانه في الموقع وقبل هذا في قلب الجميع
لو غلط غلطه .. كليناه بقشوره .. ؟ عجبي

عيل وين المعزه .. وين شيلني وشيلك .. وين انت شخص غالي وما تهون علي
صدمني رد الاخوان بطريقه جدا قويه
لدرجه اني سالته .. انت تقصد العضو الي اعرفه من قبل !!
بعض الجمل الي نزلت من بعض الي ردوا .. ماعرف شو الدافع الي اجبره ينطق الشي هذا
,
,
معقوله ردة فعل الاداره الشي هذا .. وين الحلمّ وين التأني .. وين الحكمه .. وين الاخوه .. الاخوه لا حول ولا قوه .. وين سارت وقتها ؟؟
,
,

شي بقوله للبعض الي ردوا حقيقه
الشي الي انطبع مب لمصلحة الموقع ولا لمصلحة الي طبع هذا الكلام
من اول رد لاخر رد .. واعتقد يفهم المعني بالشي هذا .. لشدة قوة كلامه
ما تنحسب له بالمره
يا جماعه بغض النظر عن الموقع ( يا ترى مب تربط علاقه اكبر من تواصل الموقع ) ؟!
,
,
حز في خاطري هالشي .. الي ما دخل عقلي الي يوم استوعبته زين ما زين
,,,
,,
,

اتمنى اخواني تعرفون قبل شهور شهور .. اجتمعنا على شي واحد
ومحبه وعلاقه جدا نقيه ونديه
اجتمعنا وجمعنا هذا المكان المجله .. والي في البدايه قام بهذي المجله
لو غلط ما ارد اقوله ( والله محد قالك اتنزل مجله دام بتقول لنا الي قلته )
لو بنقول انسان غلطان وقال بشي من الصدمه الي بداخله .. ليش ما تكون ردة فعلا الاداره .. ( اكيد انسان ما يقول هالشي الا وفيه شي لان خيره اكثر من شره .. هذا لو سبق له شر وجسناه ) ... ؟
,
,

بسال سوال لخوي انسان محروم ::
انت ليش كتبت الشي هذا .. وشو الدافع الي خلاك .. ودامك انت الي بديت المجله واجتهدت فيه وتابعت وجمعت الناس على رايه وحده .. انت شو مستفيد بطرحك الشي هذا ؟
,
,

بسأل سوال الي الاخوان الي ردوا على اخوي انسان محروم ::

يوم لمحتوا رد ( اخوكم انسان محروم ) من الاعضاء الي ردوا برد تعصبي وردت فعل جدا قويه .. لو قلنا رده غلط .. هل تعرفون انكم ( كليتوه بقشوره ) .. هل تعرفون انه من ردكم بهاي الطريقه ؟؟ اثبتوا للحضور انه من بدا المجله وحاله غلط بغلط .. وانكم تتوقعون منه الشي هذا ؟؟
ليش ردة الفعل بهاي الطريقه .. هل توقعتوا وفي الحسبان انه راعي فكرة المجله .. يجرحكم مني والدرب .. ؟؟
,
,
,

اخواني جميع
انا ماعرف احد منكم ومحد يعرفني واعرفه .. وهذا الشي اريح كثير وانسب للجميع
الي اعرفه شي واحد وبس .. وجودي في هذا المكان (( انا مرتاح وايد ))
راحتي من الناس الي اقعد معاهم قبل لا اسجل خروج .. واحدر من الصبح والتقي في القسم الشعري .. راحه ومحبه نديه .. تعلمنا من ابونا واخونا وصديقنا
الشيخ / محمد بن راشد ال مكتوم
تعلمنا من بوراشد :: اعطي الي حولك محبه نقيه .. تلقى منهم فيه المحبه النديه ::
,
,
الله يرضى عليكم جميع
ما نبا نقول عين وما صلت عالنبي .. ترى الموقع والمجله .. في المواقع ما استوت للحين مثل الي استوا في موقع المحروم
شهادات اعتراف بروعة هذا المكان اسمعها من اخوانكم في الدوله وخارجها

خلونا نرجع .. خلونا ( احسن ) خلونا اكبر من كل شي صاير
,
,
يعني اتحدا الي استوا بينهم هذا النقاش
لو التقوا باجر ويه بويه .. كيف الكلام بوقتها بيكون .. ؟ مثل الي انكتب
والله مب بعيده ينقلب هذا كله ضحك وسالف وقت القى الحقيقي
,
,
اعذروني على كل كلمه يمكن تنغز احد وتزعل احد
برايه مب مشكله باجر ويرضى من عمره
بس الي اعرفه انكم عقول ونيره جدا من الالف للياء

:: همســه ::
اتمنى نلقى رد الاخوان .. وما ينغلق هالموضوع
لانه مب شرط الكلام يعجب الكل او البعض الي له صلاحية الاغلاق
الكلام انكتب للحوار .. وحل .. والرجوع مثل ما كنا واحسن
لان المجله هذي .. تهم الكل .. من بدايه راعي الموقع اخونا محروم
الين اخر زائر دايم يحدر مجلة احاسيس
ياليت الكل يتذكر اول عدد .. ثاني عدد ( كيــف كنا وشو الي لقينا من روعة )
,
,

ربي يحفظكم
اخوكم
مختلف

__DEFINE_LIKE_SHARE__

.. فلاسـ[جميرا]ـي .. · 02-28-2008, 10:21 PM

يعطيك الف عاآآفيه خويه
مختلف
ع
الطرح
وو صح كلامك
لازم نكمل اللي بدينااه
و الانسآآن لازم بيغلط او بيقصر

ترااه مب ملاك

و ماشاءالله على اخوي انسان محروم
مآآقصر فالمجله

والسمووحه

__DEFINE_LIKE_SHARE__

حرف الذهب · 02-28-2008, 10:23 PM

السلام عليكم ورحمة الله وبركاته

مــــــــــــــ،،ـــرحبا أخوي مختلف
من بداية السالفه مبين وظــــــــــــــــــ،،ــــاهر أن مقصدك خير الخـــــــــوي ^^
وربــــــــــــــــــــــ،،ـــــــي يهدي النفووس إنشاء الله

وإنسان محروم بذل مجهوود بالمجله وله الفضل ف إنشاءها
ونحن بــــــــشر معرضين للخـــــــــطأ الكمال لله وحده

مقدرين لك كــــــــــ،،ـــــــلامك وسعيك للخير الشــــــــــــــيخ وربي يعطيك ع قد نيتك إنــــــــــــــشاء الله يكثر من أمثالك ونفتخر بوجودك بينا ^^

سيتم تثبت الموضوع لأهمـــــــــــــيته^^ والمقصد خير

__DEFINE_LIKE_SHARE__

دموع ميره · 02-28-2008, 10:48 PM

السلام عليكم ورحمة الله

الصراحة ما اعرف شو ارد واقول....
لانه اخوي مختلف كفى ووفى بكلامه...وقال اللي في خاطر الكل وزووود بعد
يزاك الله الف خير يا اخوي مختلف....

بس احب اعيد واكرر كلامه...انا مثله يمكن ما شفت او ماعرفت في عالم المنتديات الا منتدى واحد منتدى محروم...وشفت ابداعاتهم وابتكاراتهم...وحبيت اني اشترك واتواصل
لولا ضيق الوقت عندي ومشاغل الدنيا جان صرت وحده من انشط الاعضاء في المنتدى...بس خيرها في غيرها....

ومثل ما قالكم اخوي مختلف...
صاحب اول فكرة للمجلة..كانت من وحي خيال وفكر اخوي انسان محروم يزاه الله الف خير...راعي الواجب والجود اخوي انسان ابداعاته ونظريته الواسعه للمجله
وفعلا نال على اعجاب الكل سواء في المنتدى او خارج نطاق المنتدى...واقبل زوار واعضاء كثيرين في للمنتدى...مب شرط اللي مسجل في المنتدى يكون يعرفني او اعرفه...ترى شو ما صار وشو ما كنا الا كلنا اخوان على قلب واحد ويد وحده
جمعتنا الالفة والمحبة الله يديم هالعلاقه القوية بين الكل...
واخوي انسان الصراحة ماكنت اعرفه الا من خلال اشعاره وفكرته للمجله...
والصراحة اهو الشخص الوحيد اللي عطاني المجال اني اتواصل مع المنتدى نا ما امدح بس هذا الواقع اللي شفته...وعيبتني الصراحة طريقة نظرته وافكاره في خوض مجلة يمكن بعض المنتديات ما قدروا يسون مثلها او ما مدالهم الوقت او المجال لهالشئ...وفي نظرتي اعتبره اخوي انسان اول شخص اقترح فكرة المجلة
وفتح مجال جدام الكل انه يشارك ويبدع سواء برايه او تصميم او حتى لو مقترح بسيط...وكلمة حياك او حياج عنده كم تسوى...

اخواني وخواتي الاعضاء والمشرفين وادارة منتدى استراحة زايد...
نحن اهني اجتمعنا على الكلمة الطيبة والمحبة والروح الابداع...وكل واحد ما قصر في الثاني ...عمر الانسان ما انولد واهو يعرف كل شئ في دنياه الا بمساعدة الغير...ومنه يوصل للشئ اللي يشوفه مناسب ...
انا يوم دخلت المنتدى اول مره شفت الحب والالفه والعلاقة القوية امبينكم...شفت كلهم على قلب واحد...والواحد يستاهل انه حد يقوله ماشاء الله عليه راعي الواجب والجود...بس ياترى بمجرد كلمه او موضوع بسيط حزيتوا في خاطركم وجلدوا على اخوي انسان بهالطريقة...نحن كلنا الحمدلله ماعلينا قصور بينا الاحتلرام متبادل...بس ليش هالتصرف....؟

اخوي انسان يمكن غلط واو لا...بس لازم الواحد يفهم الثاني...ويعرف من شو هالانسان مضايق او متكدر...عالاقل نوقف معاه وقفة اخ لاخوه او اخت لاختها...
حتى الادارة ما احترامي الكبير لهم...بس هذا الواجب بعينه اللي لازم الكل يتبعه...
نحن ما دخلنا المنتدى بالاكراه ومحد غصبنا...دخلناه بملء ادراتنا لانه شفنا فيه الحب والاحترام والصداقة...لكني انصدمت بهالتصرف الغير اللائق من قبل الكل...
قريتوا الموضوع وجلدوا عليه جلاد ليش اهو مب واحد منا وفينا...اهو ما كان في يوم من الايام ومازال للحين سبب في هالتماسك القوي ...والله ثم والله انه كان السبب انه الواحد يرتاح للثاني من يوم ماعرض فكرة المجلة...والكل قام يعرف الثاني بنت ولا ولد...

وفي نهاية كلامي الصراحة مابي شئ غير انكم اتعيدون النظر في الموضوع الانسان لازم يغلط مافي بني آدم ما يغلط....وعمره الانسان مب معصوم من الغلط...واعتقد ان اخوي انسان ما غلط بس كان مضايق من شئ او ماشابه...بس نحن ما نصحح الغلط بغلط ثاني...ونحن بدل ما نساعده او نوقف معاه
تصرفنا بهالتصرف ...وانا اعتبر هالشئ خسارة كبيره في منتدانا الغالي...
لولا اخوي انسان جان ما وصلنا لهالمرحلة...بس الواحد لازم يقدر الثاني ويفهمه...والله يمهل ولا يهمل...ويزاكم الله الف خير...

اختكم

دموع ميره __DEFINE_LIKE_SHARE__

العنود الشمالي · 02-28-2008, 10:56 PM

السلام عليكم ,,,,

بصراحه حز فخاطري يوم جفت هالموضوع ,,

ومثل ما قالو كل انسان يغلط ,,,

وانا صح ما تابعت الاعداد كلها ,,,بس جفت اول عدد
شغل متعوب عليه ,,

وكان المفروض بدل ما يحطون بعض الاعضاء ردود قويه على اخونا انسان محروم المفروض على الاقل يطرشوله رساله ع الخاص ويتخبروه ليش هو سوى جيه هب على طول سويتو هجوم عليه ,,,,

مختلف فيك الخير اخوي يوم نزلت الموضوع ,,,ربي يجزيك خير ,,,

السموحه ع القصور __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
۝۩۞\|\|\|۝ لبــــس الصلاة & جهــاز ذكر الله ..... والسعر مفاجأة ۝۩۞\|\|\|۝	محروم.كوم	منتدى أخبار المواقع والمنتديات العربية والأجنبية	0	07-02-2010 03:10 AM
۩۝۩ سيرفر كأس العالم 2010 التجربة قبل الإشتراك ۩۝۩	محروم.كوم	منتدى أخبار المواقع والمنتديات العربية والأجنبية	0	05-25-2010 10:50 PM
۩۝۩اول سوق ماركات في الشرق الاوسط ۩۝۩	محروم.كوم	منتدى أخبار المواقع والمنتديات العربية والأجنبية	0	04-07-2010 07:40 PM
₪۝ احساس صوره ۝₪ .. مع كــاتب وصــورة .. ( للجمــيع )	~ al sha3er ~	شعر و خواطر	153	10-18-2009 11:05 AM
۩۝۝۩مـوسوعـة الصــلاة۩۝۝۩ دمج كل ما يتعلق بالصلاه	wa7sh	الإسلام والشريعة	399	09-17-2008 02:13 AM