كيف تختار قاربك (البوت )

محروم.كوم · #1 04-09-2014, 12:10 PM

السؤال الي دائماً وفي كل المنتديات يطرح ايش احسن بوت او قارب في السوق ؟

الجواب بسيط وسهل ........ لا يوجد احسن بوت

تعرفو ليش .. انا بقولكم وأشرحلكم :good2:

افضل بوت في السوق هو الي يخدم أحتياجك وليسه فلان قال وفلان نصح وفلان جرب

عشان تختار البوت الانسب تحتاج ل 3 خطوات

1- حدد أحتياجك الرأيسي هل هو تنزه وتمشيه , هل هو صيد ووناسه , هل هو تجاره , هل هو غوص

الفرق بالخطوه الاولى بين كل بوت وبوت كبير
فتنزه والتمشيه تدور على طراد صغير الحجم نسبياً سهل التنقل وسهل أدخاله البحر وتطليعه ويكون مجهز

لو تقول صيد ووناسه فالصيد يحتاج طراد ارتفاعه عن الماء قليل عشان يساعدك في سحب السمك وحجمه وسط لسهولة التنقل فيه

لو تجاره مثل الرحلات الصيد والغوص تدور على شئ يريح الزباين ويكون مجهز من دوره مياه وكراسي ومضلات وبنفس الوقت يقدر يشيل ال 10 زباين براحتهم وما يتضايقو فيه

أذا غوص تدور على طراد كبير عريض مرتفع عن الماء ومكاين كبار , يساعدك توصل لأماكن الغوص الجيده وبالعاده تكون بعيده وثاني شي لكثرت أغراض الغواصين وثقل الوزن

.................
نعطي مثال الصيد والوناسه
تدور على شي متوسط الحجم نقول بين 7 وال 9 متر على حسب

أرتفاعه عن الماء قليل يعني تبي تدور قصه بالشرقيه نسميها هامور والي هي تشبه الكايلو والياماها والرويل كرافت

طيب لو قلتلي ابي غوص
أقولك تدور على فوق 10 م مكاين ما تقل على 200 *2 خزان بنزين كبير ما يقل عن 600 لتر ويكون عريض مثل القلف كرافت والضاعن والشعالي والدبي مارين

طيب تقولي ليش ما اخذ طراد غوص وأستخدمه غوص

الرد ما عندك مشكله الى انه طراد يطلب كثير لأنه ثقيل من صيانه وبنزين
ثاني شيئ ما تقدر تروح أي مكان فيه وخصوصاً اماكن فيها العمق قليل لأنه غاطسه نازل
وثالث شيئ كبر حجم الطراد وثقله يصعب المناورات فيه والتحرك السريع والي تحتاجهم وأنت تصيد

طيب
تقول ابي اخذ طراد صيد وأستخدمه غوص برضو مو مشكله
بس راح يكون مشيه ثقيل وراح تحمل على المكاين
ما راح تقدر تروح اماكن بعيده
لو يكون في شوي موج أو هواء خفيف راح تتعب بسبب الوزن الي بالطراد وممكن يصير يغف ماء أو يدخل ماء بسبب الوزن
في حاله نزول الغواصين وترتيب عدتهم راح يتضايقو وما ياخذو راحتهم ويسو زحمه بالطراد

.................................................
الخطوه الثانيه
بعدد ما حددت احتياجك ونوع الطراد او قصه الطراد تشوف ايش المتوفر في السوق من القصه وعيوب وميزات كل طراد

فعندك طراد تلاقيه رسي بالوقفه مثل الضاعن الصبه الجديده بس ممشاه بالموج يدق وسعره غالي
عندك الفردان ممشاه حلو بس يبيله مكاين كبار نوعاً ما على حجمه سعره رخيص
عندك الدرازي ممشاه لا يعلا عليه بس الفنش والتشطيب النهائي تعبان ويستخدم مواد رخيصه وسعر الطراد رخيص
عندك العماني طراد رائع بس ثقيل وغالي

........................................
3- الخطوه الاخيره

اخترت نفرض نوعين ولا ثلاثه تشوف الاسعار وتقارن بينهم وبين احتياجاتك وبعدين تختار __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لو خيروك تتعشى مع أحد من الأعضاء من تختار ؟؟؟؟ بس توصل رقم خمسة انت تختار	جتبيه فالمكسيك	العاب , فكاهه , مسابقات	414	09-10-2013 09:34 PM
جدد وارسم على قاربك بافضل الاسعار	محروم.كوم	منتدى أخبار المواقع والمنتديات العربية والأجنبية	0	10-21-2012 06:30 PM
عاوز تختار الوظيفة المناسبة اليك و تختار الدخل المناسب اليك الان	محروم.كوم	منتدى أخبار المواقع والمنتديات العربية والأجنبية	0	09-12-2011 01:50 AM
نصائح هامة قبل أن تشتري قاربك المستعمل والدخول إجبارررري	محروم.كوم	منتدى أخبار المواقع والمنتديات العربية والأجنبية	0	02-14-2010 09:50 AM
ادخل وشاهد قارب تهريب - بتكره قاربك - 8 مواطير250 قوة 2000 حصان الملك لله قوة عجب	محروم.كوم	منتدى أخبار المواقع والمنتديات العربية والأجنبية	0	06-10-2009 01:20 AM