مشكلة مبرد قير الباترول الفتك الاتوماميك وخلط الزيت مع ماء الرديتر

محروم.كوم · #1 03-18-2014, 04:10 PM

بسم الله الرحمن الرحيم
السلام عليكم ورحمة الله وبركاته، اخواني اصحاب الباترول الفتك ، لايخفى عليكم مشكلة مبرد القير التبترونيك اذا ضرب وتأثيره على القير ولذلك حبيت اشاركم تجربتي والتي ساحاول اختصارها مع ذكر ماقد ينفعكم فقد قدر الله علي قبل فتره بوقت الظهرية في الرياض على سيارتي الفتك 2002 وارتفعت الحرارة فجأه الى H فقمت بايقاف السيارة وشلتها بسطحه للصناعية وتبين ان المبرد ضرب وخلط ماء مع الزيت !!
وكخطوة اولى يجب تغيير المبرد !!
فتذكرت رديتري القديم المبروك الذي خدم 5 سنوات وبدلته كنوع من الصيانه والمحافظه على السيارة وجاء وقته فقمنا باستبدال المبرد وشغلت السيارة والحرارة طبيعيه ولله الحمد.
الخطوة الثانية تبديل زيت القير خاصة انه قد لاحظت وجود زيت القير بالرديتر فيجب غسيل القير flush لازالة الماء من داخله قبل حدوث مشكلة لا سمح الله، المشكلة اني بحث عن زيت نيسان الاصلي الخاص بالفتك NISSAN MATIC J ولم اجده واتصلت بمدير الصيانة لدى الحمراني سابقا المهندس زياد وافاد بان الزيت كان منقطع اخر فترة عمله بالحمراني ولا يعلم شى عنه الان ونصحني بمحاولة البحث عند ون ستوب.
وعند بحثي بين فروع ون ستوب التابعه للحمراني وجدت زيت بديل شبيه بزيت النيسان وهو زيت فوكس تيتان 4400 fucs titan ATF وسعر لتره 50 ريال فقط .
وذكر العامل انه قد بدله اكثر من مره خصوصا بعد انقطاع الزيت وعلى سيارات اجدد من سيارتي مثل ارمادا 2005.
بعدها حاولت الاتصال بكذا فني ولم اجد منهم اجابه لعدم معرفتهم بهذا الزيت وهذا صورة توضح الزيت

ومن مواصفاته انه مطابق ل NISSAN MATIC C/D/J يعني بتاع كلوه .

المهم توكلت على الله وقلت للعامل عبي لسببين:

وهما ان الزيت لغسيل القير فقط وسوف اتخلص منه بعد فتره .
والسبب الثاني اني بحاجة السيارة ولا اقدر اوقفها لين احصل الزيت الاصلي.

فكينا السره وكان الحمدلله الماء قليل جدا ولم يؤثر على القير. استعملنا 2 لتر لدفع الزيت القديم المختلط بالماء ونظفنا الكرتير والفلتر بالبنزبن وعبينا زيت فوكس قرابة 6 لتر وبسم الله شغلت السيارة وكل شي تمام .

بعد ذلك اتصلت باحد خبراء الفتك مهندس سعودي وذكرت له اللي سويت واني باذن الله بعد 3 الاف كيلو بغيير الزيت واشار علي جزاه الله خير ان امشي 10 الاف وبعدين اغيره، اخوكم ماصدق ومحطت الموتر 12 الف كيلو بزيت فوكس واللي ماشاء الله تبارك الله لم يفرق معي ابدا عن زيت الوكاله لكني لا انصح به الا اذا كنت مثلي بتغسل القير وتمشي الحال مؤقتا .

جاء وقت تبديل الزيت لكن المشكلة!! لازال زيت ماتيك جي الاصلي غير متوفر الا عند ورشتين بالصناعية والسعر 100 ريال للتر ولعدم ثقتي بالورش الله العالم هو زيت اصلي ولا اي سي ديلكو معبينه بجوالين نيسان واللتر ب100 تركتهم.
والعيسى عنده زيت ماتيك اس الجديد والمخصص للباترول الجديد ولا يبيعه . مريت ون ستوب ولا حصلت عندهم الا ماتيك اس وذكر لي ان ماتك جي ماعاد يجي وان ماتك اس نفسه بس مطور ويتحمل درجات حرارة عالية والله اني احترت وقمت ادور بالنت عن حل ولم اجد الا ان ماتيك جي متوفر بالامارات. قلت خلني اشوف المواقع الاجنبيه يمكن القي عندهم حل، وبالفعل لقيت الكثير والكثير يرددون ان زيت NISSAN MATIC S هو بديل عن زيت MATIC J حتى ان الوكالات كلها بامريكا لم تعد تستخدم الا زيت اس الجديد وانه افضل من جي القديم لان شركة نيسان لم تعد تنتجه وتصدره لامريكا ووجدت احدهم يعزز كلامه بتعميم من نيسان باستخدام زيت ماتيك اس. والمناسب لسيارات التي تستخدم الزيت القيم ماتيك جي وهذه صورة التعميم:

توكلنا على الله ومريت ون ستوب اليوم الصبح وحطينا ماتيك اس الجديد واستعملنا قرابة 8 لتر لعملية الغسيل من بقايا زيت فوكس والذي كان نظيف جدا وخالي من اي ماء.

وهذه صورة الزيت الجديد والمتوفر عند ون ستوب وكذلك وكالة العيسى

ولا يوجد اي داعي بالبحث عن الزيت القديم J

وماشاء الله تبارك الله السيارة بعد التغيير جربتها مسافه قصيره وكانت تمام وقيرها طبيعي هذي تجربتي وان شاء الله تكون صحيحة ومفيده للجميع وننتظر ارائكم. وعلى فكره نسيت اذكر اني ركبت رديتر جديد ب1500 قبل تبديل الزيت الله يعوض خسايرنا بخير
لاتنسونا من خالص دعائكم والله يحفظكم __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكلة سيارتي باثفيندر ربلة مبرد الزيت .. شي غريب صار لي	محروم.كوم	منتدى أخبار المواقع والمنتديات العربية والأجنبية	0	02-06-2013 02:40 AM
مشكل في مبرد الزيت هل من حل	محروم.كوم	منتدى أخبار المواقع والمنتديات العربية والأجنبية	0	09-02-2012 03:40 PM
استفسار عن الزيت المناسب لقير الباترول (الفتك)	محروم.كوم	منتدى أخبار المواقع والمنتديات العربية والأجنبية	0	06-26-2012 02:10 AM
الزيت في الرديتر	محروم.كوم	منتدى أخبار المواقع والمنتديات العربية والأجنبية	0	12-17-2011 10:40 PM
غيرت ليات مبرد الزيت في الباترول 99 وطلع صوت و ش الحل ؟؟؟؟	محروم.كوم	منتدى أخبار المواقع والمنتديات العربية والأجنبية	0	10-28-2011 10:20 PM