مشكلة ارقام المكينه وتسجيلها في المواصلات

محروم.كوم · #1 03-06-2014, 02:30 AM

السلام عليكم ورحمة الله وبركاته

اخواني الاعزاء هواة الصيد البحري الكرام

عندما نريد ان ندخل في شيء ونحن لا نفقه فيه شيء فهذه مشكله ???
اردت ان اصبح نوخذه يشار اليه بالبنان واكون صياد وراعي محاذق اغرق اسواق المنطقه الشرقيه بالاسماك والكناعد ولاكن !!!!!!

قد سمعتم بالمثل الي يقول

((( يامن شرا له من حلاله عله )))

نعم هذا المثل ينطبق علي فأنا من جنوب المملكه ومن منطقه جبليه شاهقه فما لي وللبحر والصيد ولاكن قدر الله ما شاء فعل

طيب ادخل في الموضوع الي فقع قلبي وخلا نفسيتي زفت والله العظيم انه قيدني من حلالي ما اقدر ابيعه ولا ابحر به

اجي لسالفه قدر الله وشريت بوت امريكي شبه جيد ولم يكن فيه مشكله المشكله انه بدون مكينه وسويت مكاتبه عند العمده وكل شيء تمام وبعد البوت جيت ابحث عن مكينه فاشتريت مكينه من هنا من احد اعضاء المنتدى مكينه ياماها 140 وكنت فرحاً بها لانها بتركب على بوت 18 يعني شي ممتاز بالنسبه لقياسه وكذلك سويت مكاتبه عند العمده كذلك عليها طبعا المكينه 140 حسب الدفتر ،

الحين جينا للفحص وتصل على مهندس المواصلات للكشف ونا مجهز العده كامله من علم وصيدليه وسباحات وبوصله الخ .... واتفاجاء ان المهندس لم يبحث عنها جميعا فقط شاف رقم المكينه وحصلها مختلف وكتب ملاحضته بتغيير عقد البيع بالرقم الصحيح واحضار الدفاتر لطراد الي تم شراء المكينه منه قلت ابشر من حقك وابسط حقوقك ..
ذهبت لابحث مع صاحب المكينه عن هذا الخطاء الفادح الي بيأخرني قال ان المكينه 140 فعلا وكان على طراده مكينتين وحده 115 والثانيه 140 والمواصلات هي من عكست الارقام ووضعت رقم 140 تحتها رقم 115 والعكس جديد اقتنعت واخذ الاوراق والعقد الجديد واذهب الى المواصلات وبكل شموخ وثقه ادخل عليهم واعطيهم الاوراق والدفاتر واعلمهم بغلطتهم الفادحه في تغيير الارقام على بالي بيتأسفون مني ولاكن لم يحدث ذلك البته بل جمدوني على الكرسي الحديد من الساعه 8 الصبح الى 11 الظهر وفي الاخير قالوا طلبنا ملف الطراد الي شريت منه المكاين لنقوم بالمطابقه وعليك مراجعتنا في الغد طيب والطعه من الصبح وفي الاخير هذي الكلمتين فقط ولاكن ما عندكم اي مشكله نجيكم بكره واصبح عليهم اليوم الثاني وياخذون الملف ويطابقون رقم المكاين ووجدوا اختلاف يمين يسار افهمهم انهم في خطاء من قبلهم ولاكن لا حياة لمن تنادي اذهم لمديرهم لم اجده اليوم تقريبا الرابع اجد المدير احاول افهمه الموضوع وان هناك خطا من قبلهم ولاكن لم استطع قال يجب ان تحضر المكينه 115 مع مكينتك ال 140 لنطابق الارقام قلت له راعيها باع المكينه 115 قبل تقريبا سنه ولا يعرف عن المشتري شيء من وين اجيب لك ال 115 قال هذا شرطنا لتسجيل
افكر وافكر وفي الاخير وصلت لقرار بان اذهب لتغيير عقد بيع المكينه واجعلها 115 بدل ماهي 140 وبكذا يكون كل شيء صح وانا الخسران في النهايه بتنزيل قوة مكينتي ولاكن كل يهون لأجل فقط ان نبحر وانزل طرادي البحر بعد المبلغ الخيالي الي رميته فيه وفعلا غيرنا المبايعه وانزلها 115 ورقم الي تحتها صحيح ومطابق لرقم الي في افخاذ المكينه ولازال الرقم على وضع الوكاله واذهب للمواصلات وبعد شد وربط في الكلام وبعد تنازل المدير ان أأتي بالمكينه الاخرى وافق بان ينزل معي المهندس للكشف عن المكينه والطراد الي كان واقف عندهم في المواصلات ويذهم المهندس وانا بكل فخر اوريه الوراق والدفاتر وكل ثقه وشوي يقول افتح غطاء المكينه يبي يشوف الرقم الداخلي للمكينه هل هو مطابق ويطلع كل واحد في وادي وعلى طول يكتب في التقرير عدم مطابقة الارقام الداخليه والخارجيه وقفلوها في وجهي وهذه كانت اخر محاوله وللاسف بآت بالفشل الذريع ......
فانا الان اقف مكتوف الايدي لا استطيع التصرف في حلالي ولا بيعه ولا اعادته لصاحب المكينه ولا اي شي ولا حتى الابحار بها يعني قمة القهر لاكن ما اقول الا حسبي الله ونعم الوكيل على من كان السبب

هذه سالفتي اكتبها وانا في حيرة من امري فمن يستطيع ارشادي في شئ اكون له من الشاكرين

كم لا يفوتني بان اشكر اخوي بدر الدوسري انا اشهد له امام الله انه كان خير عون لي في محنتي هذه ولاكن هو من يخفف عني ويحاول ايجاد الحلول لي ومن يوم دخلت طرادي عنده كنت اضن ان العمليه فقط ادفع مال وهو يقوم باصلاح المراد منه ولاكن لا والله كان حريص على طرادي اكثر مني يعلم الله لم يقصر معي في شيء ابدا وانا استغرب ان هناك في هذا الزمن من امثاله فبيض الله وجهه ووجه المهندس عبدالله الي دلني عليه بس بنطت تبنيطه ابو كلب في المكينه

تحياتي لكم __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكلة بعد تغسيل المكينه	محروم.كوم	منتدى أخبار المواقع والمنتديات العربية والأجنبية	0	04-06-2013 11:00 PM
برنامج Audials One 9.1.29900.0 لجلب الاغاني وتسجيلها	محروم.كوم	منتدى أخبار المواقع والمنتديات العربية والأجنبية	0	10-13-2012 07:30 PM
مشكلة ضغط المكينه في جمس الاكاديا تكفون وش الحل	محروم.كوم	منتدى أخبار المواقع والمنتديات العربية والأجنبية	1	09-19-2011 10:23 AM
بالصور تغيير سير المكينه وشداد سير المكينه ليوكون 2002	محروم.كوم	منتدى أخبار المواقع والمنتديات العربية والأجنبية	0	07-08-2010 10:50 PM
برنامج رائع لسماع الأغاني العربية والأجنبية وتسجيلها	محروم.كوم	منتدى أخبار المواقع والمنتديات العربية والأجنبية	0	02-02-2010 09:01 PM