ساعدوني تكفون واكون شاكر لكم

محروم.كوم · #1 02-25-2014, 11:20 PM

بسم الله الرحمن الرحيم ..

السلام عليكم ورحمة الله وبركاته

انا مكشاتي جديد معكم وهذا اول موضوع لي معكم وطبعا ابي مساعدة منكم

واللي عنده خبرة بالامور ذي لا يبخل علينا تكفون لان والله وربي تعبنا من اصحاب

الورشات بكل شي يسحبون منا فلوس وبالهبل وكله نصب واصلا ما يصلحون شي على طول

يقول لازم تغير لازم توضب لازم تشيل ذي وتركب غيرها يعني مافي شي عندهم اسمه تصليح

نفس القطعة واعادة تركيبها (طبعا القطع اللي تقبل التصليح) لان فيه اشياء تتصلح وفيه اشياء لازم تتغير ..

المهم انا مشكلتي يا اخوان هي في القير وسيارتي كابرس 2007

والقير الحمدلله اوكي لكن مشكلته لما يبدل من اول الى ثاني فيه نتعه والمشكله ذي صارت

من قريب ورحت لاكثر من ورشه وكل واحد يتكلم على كيفه ( واحد يقول بفحص كمبيوتر واشوف

الثاني يقول ذي حساسات التعشيقات واحد ثالث يقول هذا حساس طرمبة زيت القير )

وانا جيت ابي اخذ رأيكم قبل اسوي شي لان وربي ملينا وتعبنا من كذب ونصب اصحاب الورشات

وغلاء بعض الورشات الثانيه ..

بشرح لكم نتعة القير لانها احيانا ما تكون موجوده هي تجي وتروح

لما اكون واقف تماما وابي امشي اعشق القير عادي وزي الحلاوة واذا مشيت كمان تمام

بس لما يبدل للثاني يبدله مع نتعه (قمزة)

بس فيه شي واحد ما فهمته اذا دعست على خفيف وبهداوة ومشيت تجي النتعه لما يبدل للثاني

لكن اذا دعست اقوى شوي يعني اقوى لكن مو لدرجة اني اخليها تفحط لا . بس قومة قوية شوي

كذا ما تجي النتعة وتجي بسلاسه وكل التبديلات الثانيه سلسه لدرجة ما احس فيها ما شاء الله

وذي قصتي كلها طبعا انا مغير زيت القير مع الفلتر من فترة قريبة وعاد سيارتي مدلعها قسم

وسواقتي هاديه ومافي شي عندي اسمه تفحيط او قومات مطارحات قسم شي يقهر

تكفوووووون ساعدوووني .. ولكم جزيل الشكر فديتكم .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ياريت لو تفيدوني واكون شاكر لكم	محروم.كوم	منتدى أخبار المواقع والمنتديات العربية والأجنبية	0	08-31-2010 09:20 AM
ممكن تعطوني من وقتكم دقايق واكون شاكر لكم	محروم.كوم	منتدى أخبار المواقع والمنتديات العربية والأجنبية	0	07-14-2010 11:40 PM
ياليت تعطوني الطريقه هذي واكون شاكر لكم	محروم.كوم	منتدى أخبار المواقع والمنتديات العربية والأجنبية	0	07-25-2009 12:20 PM
[طلب] طلب للمصممين واكون لكم شاكر	محروم.كوم	منتدى أخبار المواقع والمنتديات العربية والأجنبية	0	04-22-2009 08:20 PM
[طلب] شعار خفيف ومميز واكون شاكر لكم	محروم.كوم	منتدى أخبار المواقع والمنتديات العربية والأجنبية	0	04-06-2009 07:00 AM