غريبه يا مشاعرنا - .·:*'*:·.استراحات زايــد.·:*'*:·.

انسان محروم · 02-22-2008, 02:23 AM

//
\\
//

انا الليله مثل دمعة حزينه | على خد البشر هلت وطاحت | كثير الناس تذكرها ولكن | محال الناس تبكبي فراق دمعه

بكيتك كني امفارق مدينه | لها في داخلي ماضي وحاضر | انا دمعه بس ابحاجة لدمعه | تواسيني على موت المشاعر

وحشتيني

!!

وحشتيني وقلت ارسل رساله واعرف اخبارك
واعبر عن مدى شوقي واطمن خاقي عنك
غيابك متعب ن قلبي وجيت اسأل عن اديارك
عشان اوصل لعنوانك واشوفك واقترب منك

ترى ما همني صدك ولا همتني اعذارك
اخاف اني خطيت وخاب في قلبي حسن ظنك
اداري غيرتي عنك بعد ما قلبي اختارك
احبك مو مهم انك تداريني تحت جفنك

يكفيني اكون اعذب شعور استوطن افكارك
فراشه داعبت وردك وجت توقف على غصنك
تبي تنزف تبي تعزف مشاعرها على اوتارك
تبي صوتك تبي همسك تبي احساسك تبي فنك

مثل شمعه تبي وسط الظلام اتذوب من نارك
ابي لحظه دفا منك ابي بردك ابي حضنك
انا طيرن كسير اجناح واقف لك على ازهارك
يبي حبة امل تنبت على ارضك ولكنك

بعيده ما قدرت اوصل لغاية شاطي انهارك
ولا قادر اعيش الظلم وابقى ميت ابسجنك
وحشتيني وصعب اوصف شعوري وافهم اسرارك
جنون العاطفه يخدش براءة طفله ابسنك

وابد مالي سوى صبري اداعب فيه تذكارك
بقايا رعشتك خوفك ونغمه ساكنه لحنك
بقايا من سوالفنا وضحكاتك واشعارك
واهاتك ودمعاتك بقايا فرحك وحزنك

انا بعدك غريب حالم ن تفتح له اسوارك
قبل ما تفتحي قلبك قبل قلبك بعد اذنك
ضحيه صرت من صمتك ونسيانك واصرارك
على موتي من الدنيا لاني عارف ن انك

تبي مني احس اني ضحية قسوة اقدارك
وانا ادري ما تحبيني وودك ابتعد عنك
قبلت ابعد عن ادروبك وانهي بصمت مشوارك
ولا فيني اذل الروح اكثر وانجرح منك

غريبه يا مششاعرنا مشاعرنا | مشينا في طريق الحب وضعنا فيه | قتلنا للاسف اجمل مشاعرنا | خسرنا كل شي غالي ولا نبكيه | غريبه يا مششاعرنا مشاعرنا

غريبه في نهايتنا نهايتنا|نسينا حبنا والود ما نطريه|تقابلنا تعاشقنا تفارقنا|وكل منا تجاهل للاسف مغليه|غريبه يا مششاعرنا مشاعرنا

\\
//
\\

انـ،،،ـان

حزم ريش · 02-22-2008, 03:58 AM

السلم عليكم
اخوي وصديقي الشاعر انسان محروم
بصراحه يعجبني التصوير في قصايدك انت مبدع بكل ما تحمله الكلمه من معنى والشاهد الله ان الكلام اللي اقوله انه نابع من قلب صادق اتمنى لك التوفيق واتريا جديدك انشاله
تقبل مروري

man9oriah_gmar · 02-22-2008, 10:51 AM

صح لساااانك أخويه ونتريا يديدك

أختك منصوريه قمر

ж شـمـوخ عـراقـيـه ж · 02-22-2008, 02:48 PM

-{ أنسان محرووم }-

الله .. الله

أبدااع والله أبداع .. خاطره اروع من الروعه

صح لسانك ع كل كلمه كتبتها

اسلوبك حلو فالخواطر ما تخلي القارئ يمل

بالعكس تشووقه للنهايه

وهذا الاسلوب الصحيح

صرنه نتريا كل يديد منك عشان نستمتع بروعه احاسيسك

مشكور يالشيخ ع كل الي تقدمه للمنتدى

ويعطيك ربي الف عافيه

مودتي واحترامي

خويتك

.+ شـمـوخ عـراقـيـه +.

εïз~اَلِمَيّث}● · 02-22-2008, 03:00 PM

~----{ حي الشاعر ~

حي الله الذوق ,.,~

~:/ صح منطوقكـ الشاعر

فذمتيه ذمه انك ابدعت ماشاء الله عليك ~:/

كلمات ومعاني وتصوير قمه من الابداع فـ الابيات

يعجز اللسان عن وصف اعجابي بالكلمات ~:/

~/: ما قول غير ربي يعطيك الف الف عافيه ع المجهود والطرح الطيب

ولاهنت ياخويه ربي يوفقك ان شاء الله

نترقب اليديد من جداك

والقصور منيه زايد ~ اسمحليه ياخويه بس صدق اللسان يعجز عن الاعجاب بالابيات ~

اختكم

الميث }----~

ونــ أشعاري ــات · 02-22-2008, 05:11 PM

[ إنسان محروم ]

---{ نعم غريبهـ مشاعرنا

سوف أتحدث فقط عن مشاعري

لا أريد أن أتحدث عن مشاعر الآخرين

مشاعري وأحاسيسي

لا أعلم ماذا يحدث بي

عندما أسمع همساتهـ في أذني

عندما يسمعني كلامهـ الغزلي

أشعر بانني أعيش بعالم لا يسكنهـ البشر

فقط نحن أول من عرفهـ نحن

فأصبح هذا العالم مكان لقاء حبنا

لا أستطيع تخيل حياتي بدونهـ

أكرهـ حياتي عند غيابهـ عني

ونهايتي سكون عند بعدهـ عني }----

[ ملك الأحاسيس ]

--{ اعتدت على ان أقول لك هذا الاسم

ففي الحقيقه هذا الاسم لا يضاهي احساسك العالي

أتمنى ان ينال إعجابك هذا اللقب

ابدعت في طرحك المميز

اختيار موفق من شاعر حساس لهـ من المشاعر والاحاسيس الراقيه

اللهـ يعطيك ألف عافيهـ

نرقب الزوود منك }----

..عزت نفسي.. · 02-22-2008, 11:28 PM

صــح السانــك ,,

ღ همس الغلا ღ · 02-22-2008, 11:40 PM

رائعه كروعة كاتبها

تحمل من الاحاسيس الشي الكثير

كم جميل من الكاتب ان يحول احساسه لصوره ملمو سه

نراها ونشعر بكل كلمه بها000

تحياتي لك 00اخي 00 انسان محروم

بانتظار الجديد من الابداع