سالفه راعي العجرا واليماني والفوار

محروم.كوم · #1 02-11-2014, 09:10 PM

السلام عليكم ورحمة الله وبركاته
اليكم هذه السالفه
بعناون راعي العجرا واليماني والفوار

في يوم من الايام كنت معزوم على زواج في قصر اليخت للاحتفالات المهم وصلت اليخت وركبت عند السواق تصدقون اني انا اللي ادله اطلع يمين اطلع يسار رح طوالي حتى وصلنا بيت العريس وركبناه معنا بكل يسر وسهوله واخذنا جماعته معه وقلنا خلاص للسواق اذا وصلنا ارض فضاء وقف فيها فعلا وقف بذيك الارض المستويه وجدعنا المراسي ومن ذاك اليوم ماعاد تعدا محله قطع ديزل وعليها حتى الان وصار معروف للناس محله
تراي امزح
المهم جا وقت العشاء وحطوا لنا اكل ماعمري شفته ولا بالتلفزيون يقولون عنه بلوفيه مفنوح وهالبلوفيه مادينه من الجدار للجدار تقول قطار والعالم ماسكين سرا تقول سرا خباز من اول
وانا اجي وصف مع هالسراء يوم وصلني الدور وانا احط بهالصحن مثل الناس اشوفهم وش يسوون وسوي مثلهم لما زبرت الصحن كل شي حطيته بالصحن اللي اعرفه واللي ماعرفه حتى العصير

اخذت منه حق جغمتين وصبيته تحت الروبيان لاني ذهين عارف ان الروبيان مايغرق من الماء
المهم دغيت بالاكل لما انتفخ بطني وصرت يالله اطول سري من الشبعه وصرت يالله اتنفس
وانا اطلع من عندهم وانا اقول الله يغنيكم ويكثر خيركم وسلم على العريس قبل ماطلع وقلتله على اجر ان شاءالله والف مبروك
المهم طلعت ورحت للاستراحه عند الشباب بكمل السهره ولكن متضايق بالحيل
وكان عندنا بالاستراحه يماني قال وشفيك ياعم ابو جلمبو قلت له ياخوي كثرت اكل دسم بالحيل
قال بسيطه اشرب فوار اينو او رينوا قلت وين الفوار قال عندي قلت طيب مضبوط
قال اليماني بعده بترتاح
راح اليماني وجاب الفوار وجاب معه كاس شاهي (بياله) وعباها فوار وكاس مويه فيه ثلاث ارباعه مويه وقال شف انا ابكب الفوار في الكاس وانت على طول اشربه لاتتردد يروح مفعوله
قلت ابشر يادختور ابو يمن
وهو يحط الفوار بالكاس وانا الته بسرعه يوم طاش في بطني وماعاد لقى محل بالبطن وانا احس انه طلع مع عيوني واذاني يوم انتفخ بطني زود وهو يتوقف عندي التنفس وانا اطمر ابي نفس ماش مهنا نفس وانا اطمر بحلق اليماني وحسيت عيوني اطلعت من محلها حاولت اجمع شوي نفس وانا اترك اليماني وطلع من بيت الشعر ادور هواء ادور نفس اشوي يوم تنفست وارتحت ويصير وجهي اصفر ويخدر جسمي المهم عتقت ذيك الليله ولله الحمد ويوم قريت اللي على العلبه ولاه مكتوب ملعقه صغيره ثلاث مرات يوميا وهالايماني معطين عشر ملاعق دفعة واحده بار فيني يبغى اسرع للعافيه المهم على طول جاني النوم وحط راسي على المخده ونومه ماصحيت الا الساع ثلاث
ومن عقبه ماعاد لي خلق اليماني ولا شوفته
من يوم اشوفه اتذكر الاينو اوالرينو والحمدلله طلع من الاستراحه وشال الرينو معه الله يحفظه

انتهت السالفه
وقبل الختام سبحانك اللهم وبحمدك لا اله الا انت استغفرك اللهم واتوب اليك
مع السلامه
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
راعي العجرا والنخله سالفه جديده	محروم.كوم	منتدى أخبار المواقع والمنتديات العربية والأجنبية	0	12-21-2013 10:30 AM
راعي العجرا والدباب عام 1387هـ	محروم.كوم	منتدى أخبار المواقع والمنتديات العربية والأجنبية	0	11-11-2013 05:30 PM
يا راعي العجرا الا وينك الحين ( جديد )	محروم.كوم	منتدى أخبار المواقع والمنتديات العربية والأجنبية	0	11-01-2013 05:30 PM
راعي العجرا والرومنسيه والفول	محروم.كوم	منتدى أخبار المواقع والمنتديات العربية والأجنبية	0	06-06-2013 05:00 AM
راعي العجرا وغصة اللحمه	محروم.كوم	منتدى أخبار المواقع والمنتديات العربية والأجنبية	0	11-26-2012 02:00 PM