بسم الله الرحمن الرحيم



السلام عليكم ورحمة الله وبركاتة


~~~~~~~~~~~~



يالله تحيي الربع ويعلم الله أني أحبكم وأغليكم وما ودي أغيب عنكم لو لحضه جعلكم بالجنة ووالديكم


,,,,,

أمس الساعة 1 ونص الظهر كنت أكلم رفيدزي أبو ابراهيم على الوتس اب قلت يا ولد كيف الربيع قال ما شاء الله زين قلت يقولون الضال جاها خير قال ايه وأنا مذكور لي أن الضال سايله وجاها ربيع

قل وش رايك نتغداء في الضال قال تم قلت خلك والم نص ساعة وأمرك قال على خير

ورحت حملت العزبه والأغراض ومريته ورحنا أخذنا دجاج مبرد ورحنا يم الضال








*******





********





وبعد ما وصلنا نصينا غار(ن) خابرينه لكن لقينا فيه عائله ورحنا لشجرة خابرينها ولقينافيها عائلة وقلت يا أبو ابراهيم وش الحل نبي مكان زين ودلنا على مكان خابره والحمدلله لقيناه فاضي
وقفنا ونزلنا العزبة والأغراض






********





وبسم الله بديت بالطبخ وأبو ابراهيم مستلم المكان تصوير جعله يسلم






وهنا بعد ما حطيت البهارات والملح






من زاوية أخرى لجلستنا







بعد ما كبيت الرز وطبعا ما أستغني عن اللومي والحباحر
وخاصة حبحر شقراء






بعد ما سكرت على الدجاج حسبت له 7 دقايق
وطفيته وكبيت الرز وسكرت عليه وعليت عليه لما تستس وأقصر له على اخر شي
وأحسب له ربع ساعة

وهذي النتيجة







النتيجة النهائية







سموا يالله حيهم









بعد ما تغدينا وعينا من الله خير وجعلها عافية دايمه
قلت يا أبو ابراهيم عن أذنك بروح أشوف الربيع وأصور قال وأنا مثلك










صور منوعه للربيع









~~~~~~~~










~~~~~~~~~~~~~










~~~~~~~~~~~~~~










~~~~~~~~~~~~









~~~~~~~~~~~~~









~~~~~~~~~~~~~











وختاما أتمنى هذا التقرير نال على رضاكم وإعجابكم
ولاتبخلوا علينا من دعواتكم الطيبة جعلنا فداكم

وأعذروني كان فيه قصور




وتقبلوا تحيات أخوكم /
شقراوي



والسلام عليكم ورحمة الله وبركاتة