مشكلتي بسيارتي ددسن 2009 والاسبوع الجاي الوالد بيبعها

محروم.كوم · #1 01-30-2014, 05:10 AM

السلام عليكم ورحمة الله وبركاته

الله يوفقكم ويجزاكم خير محتاج مساعدتك
ولكم خالص الدعاء لكن من ساعدني

انا عندي ددسن 2009 شاريها وكالة ماشي عليها بحمد الله تقريبا 140 الف كيلو.
الموتر محافظ عليه بشكل كبير. الموتر يجيه ضغط فقط لما اطلع النفود بعد ما ارجع اغير الزيت مباشره.

الوالد ناوي يشتري لي جيب الاسبوع الجاي وموتري راح ابيعه الاسبوع الجاي لكن عندي مشكلتين فيه

اخاف لما اجي ابيه المشتري يلاحظ هالشي وبعدها الوالد بسبب لي مشكلة وما اقدر اشتري الجيب.
انا والله قاعد اتكلم لكم كل شي علشان تكونون في مكاني. الله يحفظكم

المشكلة الاولى:
ان موتري ملاحظ خلال شهرين بعض الاحيان بالليل يطلع دخان اسود اثناء التفتف لما اجرب.
او لما اقوم الموتر بسرعه عند الاشارة الاحظ بانور المواتر اللي وراي دخان اسود قبل شوي جاي من محل وكان وراي موتر الانوار عاليه وزنن وراي وانا مسرع مع الديري اشوف دخان يطلع وراي.

للعلم ان حصل للموتر تقطيع سابقا لما مثلا يكون السيارة سرعتها 40 واحطها برابع يقطع رحت لمحل بالصناعية قالي البواجي محروقة غيرها وراح التقطيع وبعدها بشهر ونص صار تقطيع وغير لي اياها نفس المحل. والان لي شهر من تغييري الثاني. انا خايف اروح للمحلات ومعروفين عندنا ان يشوفون الفلوس قبل كل شي اخاف يقولي فيه شي بالمكينة وتصير سالفة ثانيه

للعلم ان موتري لما اغير الزيت وامشي عليها 1500 كيلو والمشي كله فوق 120 وضغط ينقص الزيت نص علبه إلى علبة . ولما اكون محافظ عليها ولا اسرع بشكل مستمر ما ينقص. الان لي شهر مغير الزيت وماشي 1200 والزيت ما نقص بحمد الله وفضله وقريت عن هالشي يقولون عيب مصنعي . واحد اسبب نقص الزيت السرعه...

هذي المشكلة الاولى وانا مو متاكد ان الدخان اسود او ابيض بس قبل شوي جربت اتفتف طلع الدخان والوقت ليل اللون اسود.

اما المشكلة الثانية حصلت لي قبل اسبوعين :
سبحان الله ما حصلت الا لما بغيت ابيعها الله كريم والله يسهلها علي.
نفس شرح الرجال هذا موضوعه مشكلتي بالضبط:
http://www.mekshat.com/vb/showthread.php?t=417138
وهذا شرحي للمشكلة للتوضيح فقط
القير فيه صوت لما ارجعه من 5 إلى 3 او من 4 إلى 3
او حتى من 4 إلى 2 او من 3 إلى 2 ..
وهالشي ما يطلع لي في كل الاوقات يمكن كل 20 دقيقه يطلع لي الصوت مره وحده

الصوت يطلع مثل ما انت لما تسرع تبي ترجعها ل 2 ما تقدر يطلع صوت او مثل بالغلط تبي ترجعها ريوس وانت مسرع يطلع صوت ... هذا توضيح للي يبي الصوت اللي يطلع.

واحس وانا ماسك القير اثناء وبعد عملية التعشيق احس ان القير عدم ثبات ... نفس حركة المكينة الخاصة بالحلاقين. .... اعتذر عن التوضيحات اللي خارج الموضوع لكن هذه لتقريب التوضيح عندكم
مريت واحد قالي كلتش ومريت 2 قالو لي قير . وواحد منهم قال الرمان حق القير فيه مشكلة.
والله اني محتار واخاف افك القير ويسبب مشكلة ثاني

الله يوفقكم انا منتظر ردكم باحر من الجمر... وسجلت بالمنتدى لان واحد ارشدني قال فيه ناس تخاف الله هنا ويعطونك الاكيد.

واللي تقولونه باسويه.

اخوكم
خالد الشمري

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ددسن 2009	محروم.كوم	منتدى أخبار المواقع والمنتديات العربية والأجنبية	0	07-15-2013 08:40 AM
العربية للطيران والاسبوع القادم	محروم.كوم	منتدى أخبار المواقع والمنتديات العربية والأجنبية	0	04-08-2012 12:10 AM
العربية للطيران والاسبوع القادم	محروم.كوم	منتدى أخبار المواقع والمنتديات العربية والأجنبية	0	04-08-2012 12:10 AM
مطلوب ددسن 2009	محروم.كوم	منتدى أخبار المواقع والمنتديات العربية والأجنبية	0	03-25-2012 05:10 PM
ددسن 2009	محروم.كوم	منتدى أخبار المواقع والمنتديات العربية والأجنبية	0	03-10-2012 12:10 AM