إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية


إضافة رد
 
LinkBack أدوات الموضوع انواع عرض الموضوع
  #1  
قديم 01-15-2014, 03:40 PM
عضو ماسي
بيانات محروم.كوم
 رقم العضوية : 503
 تاريخ التسجيل : Dec 2007
الجنس : female
علم الدوله :
 المشاركات : 2,100,610
عدد الـنقاط :3341
 تقييم المستوى : 2139

السلام عليكم ورحمه الله وبركاته


اتحبون السوالف المليحه :

السالفه طالت عماركم يانشامى ويامطاليق وياذربين ليماني
كفووووووو وماعليكم زود

السالفه حصلت في قطر فالسنوات القريبه جدا واكثريه الشباب يقولون قطر مافيها بر
لكن قطر مايستهان فيها لانه يوجد بها بران واراضي رمليه واغلبيتها في غرب الدوله
يعني من رمال المملكه العربيه السعوديه المهم انا ومجموعه شباب كلهم اخواني وعيال عمي اتفقنا نكشت وناخذ لنا يومين بلياليها في بر العامريه قبل دخول الشتاء القارص وعند انتهاء الصيف القاتل .. مثل ماقالو الشيبان جو من اجواء الجنه وانا رجال راعي الونيتات ولي فيها باع طويل والحمدلله عندي ونيت سلعه صاحب جمس دبل مديل 83 كفوو
واخواني عندهم استاندر وجي اكس وهذي سيارات الرحله وتوجهنا للخيط (( الطعس )) وهو على طريق هجره العامريه يبعد من الخط الريئسي 60 كيلو متر وماعاد ورا هالطعس الا مركز سلاح الحدود ونوصل الطعس ضحى الساعه 9 صباح وننزل العفش والعزبه والحطب ونشعم الناار وانزين اقهوتنا والشاهي والحليب ومواترنا مرتبه وقفتها على اساس اتكون ذرى من الهوى والبرد وافراد الرحله دائما حتى فالرحلات الغير رحلتي يكونون الاشخاص اللي فيها مختلفين التمييز يعني فيهم اللي مايرتاح ومهموم ويفكر ويلاحظ بشده وفيهم اللي ناسي هموم الدنيا وكيف يوسع صدره ويريح اللي حوله وفيهم الخايف المتردد ومؤذي اللي حوله والناس يتشائمون منه بسررعه والمهم عدد افراد رحلتنا 6 شباب وانا اكبرهم يامحدثكم وواحد منهم مطنوخ وراعي مكاشيت ووزنه ثقيل في الامور المخيفه وهو ولد العم والباقين شباب توهم في مقتبل العمر واول مره يكشتوون مكشات مطول الزبده اظلم علينا الليل وحن في مسامر سوالف وشبت النار ومبادل حديث طيب والبعض ملاحظين عليه يلتفت بسررعه وكن حن مانشوف (( خلها تمشي ))
المهم قال المطنوخ فيه موتر ملاحظه من يوم اصبحنا في مكشاتنا والظاهر انه من سلاح الحدود ويراقبنا واشوفه قرب منا المهم تولمو الرجال بيطلع علينا ويوم خذينا حول النص ساعه سمعنا حنين الموتر وهو شاص عليه رشاش عيار 500 وينزل ذالك الرجال ابوعارض اسود وشنب وجسم مهيب ومخوف للي ناوي التهريب .. وانرحب به وانسهل وانقلطه على القهوه والخير والعلوم الغانمه المهم الرجال جاي برسم الخدمه وقال وش علومكم ؟؟ مكشاتكم غريب من نوعه !! وهي حدى 2 اما رياجيل عندكم بعض الخلفيه من الموقع اللي انتو كشاتتن فيه ولا على عماها وماعندكم من بخسكم

قال المطنوخ عسا ما شر يابوعبيد ( الرجال امعروف ) لكن من عاده سلاح الحدود يخفي اسمه على القريب والبعيد وهي من الخطط عندهم فنبر المطنوخ بصوت عالي وقال ماسماني الولي ابوعبيد عشان اتسميني المهم المطنوخ فهمها وصمت والباقين ابلعو العافيه وقال المكان ذا مهجور من المكاشيت لكن باعطيكم العلم ي 2 يقصدني انا والمطنوخ والباقين يسمحون لنا ويبعدون ( شوفو متى فهمهم ودرى انهم شبه بزران )
المهم قال الطعس ذا مسكون وفيه جن وكل ليل مؤذينا ياهل المركز باغاني وباصوات وبازعاج انتو بتسمعون النصيحه غادرو المكان من الحين قلنا له ماعاد منها شي الليله بنمسي والله يعين الجميع ومن صبح ان شاء لله غابشين قال الله يكون في عونكم وامسينا وسهرنا في مكاننا وقمت اغني بيات معروفه بدون عوود يعني على الساني والباقين مستمعين والابيات اتقول

ساهرن البارحه ماجداي الا الونين
لين قال المذن الفجر حي على الفلاح
يالطيف الروح ماترحم القلب الحزين
ارحم المبلي بحبك وقلبه مستراح

ويااخواني لاتحدوني على دين ان حن سمعنا دق عود قريب مننا في راس الطعس اللي حن فيه رجال يغني الكلمات المكتوبه فوق مع دق العود بصوت ازين ماقد سمعت والعيال الصغار طقهم الخوف وشلتهم الرجفه وكاد الواحد منهم يغمى عليه وليل الله كله وذا يغني في جمبنا هالكلمات وحن انتعوذ من ابليس ونقرى ايه الكرسي وهو يلعننا ويقول اسكتو ولا فارقو ذالمكان الله يؤذيكم مثل مااذيتونا ترى ماني مطولها معكم ان سكتو ولا اذيتكم في انفسكم فقال خوينا المطنوخ حن الحين استاذينا من صوت عودك عندنا وحن كشاته قال انتو جيتونا في ارضنا الخاليه اللي مايسكنها كون الجن وارض الله واسعه وخليناها لكم فقال المطنوخ صدقت واقر على نفسي ان حن دمرنا عليكم لكن اعتبرونا ضيوف فقال الجن قد سمحت لربعكم قبل 7 سنين لكن انهم احرقونا بالقران اللي يشغلونه بسيارتهم وتوفو اولادي اللي ماعندي الا هم وعارف اسماهم واحد واحد وساكنين منطقه الريان وواحد منهم فالعزيزيه وانبهرنا من كلامه لان حن عارفين اللي ساكن بالعزيزيه ووعدناه انغادر المكان ونطلب المسامحه منه وسامحنا وقال بعد 30 كيلو بتقابلون واحد يأشر على الخط متعطل انتبهو توقفون تراه جن وساحر قلنا طيب وجزاك الله خير
ودق سلف المواتر ونعطيها مافيها من قوه وسرعه وفعلا بعد 29 كيلو شفنا موتر ومفتوحه بانته وجمبه شايب اسود ولحيته بيضاء يأشر على الخط وماوقفنا له بناء على كلام الجن وانتعهد ماعاد ناتي ذاك المكان واللي يبغي الوناسه بعيد من الجن عنده الخراره والنقيان والعديد وسيلين ...

واتمنى ن تعجبكم القصه الحقيقه

وبالنهايه استغفر الله واتوب اليه ولا اله الا الله محمد رسول الله
__DEFINE_LIKE_SHARE__
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
للبيع ارض استثماريه في العامريه محروم.كوم منتدى أخبار المواقع والمنتديات العربية والأجنبية 0 06-12-2013 12:30 AM
أوبريت "الفجر الدامي" تأبين شهداء الخميس الدامي في سترة محروم.كوم منتدى أخبار المواقع والمنتديات العربية والأجنبية 0 02-25-2013 05:30 PM
الجيمي العامريه محروم.كوم منتدى أخبار المواقع والمنتديات العربية والأجنبية 0 12-19-2012 09:10 AM
للايجار شقه في العامريه محروم.كوم منتدى أخبار المواقع والمنتديات العربية والأجنبية 0 01-24-2012 03:40 PM
العقل الخالي في مجزرة الربع الخالي محروم.كوم منتدى أخبار المواقع والمنتديات العربية والأجنبية 0 04-07-2010 07:03 PM


الساعة الآن 09:53 AM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML