أقفت و قلبي كنه المر ساقيـه ... شفني أعاوي من سقمها أعـــاوي ( ذراع الذيب )

محروم.كوم · #1 01-05-2014, 05:40 AM

السلام عليكم ورحمة الله وبركاته
صبحكم / مساكم الله بالخير جميعاً
مشرفين .. أعضاء .. زوار منتديات مكشات
مبطين عنكم وعن خيمة الصيد بالصقور للظروف
أسأل الله العلي العظيم أن يعيننا واياكم على هذه الحياة وأن يوفقنا لما يحب ويرضى
المقناص ..!!
من أكثر ما ينكد على الصقار بالمقناص لا توفرت الإجازة و الصيد هو ضياع الطير
وهو أمر وارد وحاصل وكل شئ بمشيئة الله
ضياع الطير بالمقناص يخلف ويترك وراه صدى حزين .. يعرفه من مر فيه
عسى الله لا يعرضكم للنكد ولا يضيق لكم صدور
يبدأ فيه الصقار برسم وتسطير لوحه شعريه في غاية الروعة و الجمال
( ذراع الذيب ) حب يشارككم بهذي القصيدة
بعد ضياع طيرته عسى الله يعقلها بيد ابن الحلال
وأنقل لكم قبلها سلامه و تحياته
لـ مشرفين و أعضاء و زوار منتديات مكشات
وأوجه له بنداء وطلب بأن يرجع لمنتديات مكشات ويشاركنا بمواضيعه المميزة
اللي أعدها و جهزها و ننتظر منه مشاركتنا بها وأخص منها مواضيع الموسم الماضي من مقناص و غيرهـ ...
نبدأ بالقصيده اللي يقول فيها :

#poem_52c8b37102d0d td {font-family: Tahoma, Verdana, Arial, Helvetica, sans-serif;font-size: large;font-weight: bold;} أنا أدعي الله بآخر الليل وأرجيه يعقل علينا اللي عليها المناوي النادر اللي حقها مخطيٍ فيه اللي ظهرها مثل لون السماوي وجهٍ كما ذيب أقشر الجوع حاديه طلعه بعيد و عالمهدات قاوي من شافها قال الكراوين تفريه ومن راح مقفي انكتب له بلاوي هديتها بارض الوعر والمتاييه هديتها و الريح معها تلاوي أقفت كما الكدري وقناص راميه تبغى الفكك ورهت بجنحٍ رهاوي السبق فيها و العناء اللي تقفيه يبغى نجاته مير .. وين النداوي الجوع فيها كني بالنار صاليه حتى تقطع شوفها بالحراوي والعين وقف دمعها في مجاريه في لحظةٍ قالت بهله غناوي متباشره ابشوفها في محاريه ثم ايقنت ان ما بفرحها رجاوي و العين هلت دمعها في مباكيه دمعة شرف ماهي بأم الغطاوي و غديت أدور حروته في عصاريه لين أظلمت عيني يا شمس الشقاوي و الصبح عنيت القدم في مراقيه وما فاد ملواحي لها يالخلاوي أقفت وقلبي كنه المر ساقيه شفني أعاوي من سقمها أعاوي وأنا أدعي الله بآخر الليل وأرجيه يعقل علينا اللي عليها المناوي

هذي هي القصيدة اللي قالها في طيرته اللي غدت وسبق ان أعلنت عنها

حب يشارككم بها تجديد عهد بكم ..

وان شاء الله نشوف ذراع الذيب يتجول بين أقسام منتديات مكشات

في النهاية الله يعقلها ويردها له .. والسلام عليكم ورحمة الله وبركاته
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ذراع الذيب	محروم.كوم	منتدى أخبار المواقع والمنتديات العربية والأجنبية	0	07-25-2013 04:20 AM
ذراع الذيب	محروم.كوم	منتدى أخبار المواقع والمنتديات العربية والأجنبية	0	01-14-2013 11:10 AM
ذراع الذيب ابطيت	محروم.كوم	منتدى أخبار المواقع والمنتديات العربية والأجنبية	0	07-06-2012 10:20 AM
الاخ ذراع الذيب	محروم.كوم	منتدى أخبار المواقع والمنتديات العربية والأجنبية	0	11-09-2011 01:40 AM
إلى ذراع الذيب .. مع التحية	محروم.كوم	منتدى أخبار المواقع والمنتديات العربية والأجنبية	0	09-17-2009 01:10 PM