أفكار رومنسية للزوجين

alone4ever · #1 10-21-2013, 01:03 AM

السلام عليكم ورحمة الله وبركاته

حياكم خواتي و إخواني مع alone4ever

اليوم داخلين بأفكار جديده ورائعه وقويه إن شاء الله تأثر فحياتكم وتكسر الروتين اليومي وتغيره

طبعا في منها تجارب عضوات من منتديات من فتره طويله دخلتها ما أذكر شو اسمها بالضبط بس استفدت منها وحبيت انقللكم إياها وفي منها من تجارب الأهل وفي منها لمساتي الخاصه

وإليكم التالي:

1- أول ما يخلص دوام دقيله وسولفي وياه وضحكيه وقوليله كلام حلو ولا تسين تدلعين عليه (حبيبي أحبك, اشتقتلك عيوني , اليوم بطوله أفكر فيك) ومن هالكلام تخلينه يشتاقلج ولما يبا يسكر عنج قوليله أترياك حبي عند الباب.(عاد مب كل يوم غيري طرشي مسجات حب أوكلامج إنتي و قطعي أوقات عشان يفتقد مسجاتج وإتصالاتج صدقسنس هوه بيتصل)

2- دايما للما يرجع الزوج من الدوام زهبي نفسج ولبسي أحلا ما عندج وتعدلي عالخفيف وتعطري إنتي وكيفج بس أفضل عطر دهني عالخفيف مثل مس روز عند أجمل .الزوج يحب يشوف زوجته باستقبالهم وظهري مقابل الباب أونج تتمشين و أول ما يدش بالسياره طالعي السياره وابتسمي عالخفيف ولما يبركن روحي عدال باب السياره وسلمي عليه خشم سلام الريايل هههه.
3- زهبي غرفتج قبل لا يي نظفيها ودخنيها وسكري الباب و خلي الغرفه باااااااااارده عشان لما يرقد يدوخ , (أمس مدخنه غرفتيه بألماسه وعود من الرصاصي ورشيت عطر فراش من سبلاش لونه بنفسجي وااااااايد استانس تخبل عالريحه) .
4- رقدي ريلج ههههه طبعا العيال لازم تخليهم يرقدون أول , إنتي ولبسج كيفج بس قربي راسه من صدرج وأهم شيئ عطر عالخفيف وحظنيه رقديه على يانب وتعالي مجابله و إيد وحده عند ظهره رايحه راده كأنج تمسحين ظهره و الإيد الثانيه على شعره (بيستانس فالرقده وما بيقدر ينام من دونج طبعا لازم تعودينه شوي شوي ) .

5- وصح لا تنسين إزهبين الغدى فالغرفه قبل لايي وطبعا إنتي وحركاتج فالتزين وقطعي صحن فواكه صغير ورتبيه عشانه وكوبين عصير كيفج إذا غازي ولا طبيعي وإنتي وتفننج عاد بيحس بأهميته وبيشقق من الفرح .

6- إذا كنتوا اطالعون فلم روحي بسرعه غسلي فراوله و قصي الأخضر منها من فوق وحطي شوكة أسنان إثنين أو مجموعه شوي وحطي صحن صغير فيه نوتيلا وخليه يغمس وكلو وايد حلوه الحركه أو أكليه إنتي.

هاي أفكار ومقترحات بسيطه لتجديد الحب والرومنسيه بين الزوجين بس احب أأكد عالزوجه إنه تقدرين تكسبين زوجتج بأسلوبج الطيب وإحترامج له وبس.

لاتنسوني من دعواتكم
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
التغيرات الفسيولوجية للزوجين أثناء الجماع	الحياة الزوجية+18	عالم الحياة الزوجية +18	5	10-11-2013 02:59 AM
اوضاع جنسية مفيدة للزوجين (للمتزوجين فقط)	محروم.كوم	منتدى أخبار المواقع والمنتديات العربية والأجنبية	0	12-15-2012 02:40 AM
كشف الماضي هل هو ضروري للزوجين؟؟	محروم.كوم	منتدى أخبار المواقع والمنتديات العربية والأجنبية	0	09-22-2009 10:00 AM
رسائل حب رومنسية مسجات حب غزل رومنسية لكل العاشقين جديد 2009	محروم.كوم	منتدى أخبار المواقع والمنتديات العربية والأجنبية	0	04-21-2009 03:00 PM
طرق الاعتذار للزوجين...	الفلاسي_399	الإستراحه العامة	15	03-16-2008 02:47 AM