روايتي الاولى لا تخاف من جور المفارق والايام بكره يجيب الله صدف ونتلاقى

شضايا المشاعر · #1 09-28-2013, 09:23 PM

روآآيتي الآآولى ..,,

آآسمم الروآآيههه : لا تخآآف من جور المفارق والايآم بكره يجب الله صدفهه ونتلاقى ..,

آلكااتبهه .. شضايا المشاعر

حبيت اكتب روآيتي الاولى والي هي بتكون مزيج من الواقع والخيال بتكون احدثها ومواقفها متنوعه عباره عن مواضيع وايد منها عن الحب بين الاهل والربع عن المشاكل الي تصير بين العوايل فالمجتمعات بتتكلم هالروايه عن اشياء وايد بتعرفونها من خلال قرايه الروايه وبعد في هالروايه مصارعه بين مشاعري واحاسيسي وبين اللهامي وحبي للكتابه وقرايه الروايات انا قررت اكتب هالروايه من بعد تشجيع صديقاتي لي وانه حلمي اكتب روايه تكون من تآليفي وخيالي .,, مر وقت طويل وانا افكر اكتب وله لا انا جاهزه للكتابه وني ببدع وله وبعدها قررت اكتب هالروايه وحابه اطلع كل طاقتي ومشاعري وكل افكاري وابداعي فروايتي الاولى وابي اكتب احداث وايد منها عاديه وجريئه ما اتردد بشي وكل شي بحدوده وياليت اشوف تقبلكم واعجابكم لهاي الروايه وبتتعرفون فيها ع الروح الحلوه الي تكون فالانسان رغم مشاكله وبتعرفون كيف والواحد يتعامل وي المجتمع الي حوله وبعد كيف يكون الحب بين الاهل والربع وكيف تنولد قصه حب بين شخصين بتعرفون كيف تكون طموح الانسان وكيف يسعى لتحقيقها وهو بيقدر يوصل للي يبيه ويحقق حلمه وله في اشياء بتمنعه وبتخليه ينسى حلمه وطموحه ويمشي ع عاداته وتقاليده وكل هالاشياء بتعرفونها فروايتي الاولى ,,

شخصياات الروآآيهه ,,

آلعايلهه الآولى..

آلابو : ابو عبدالله عمره 50 سنهه هذا كبير العايلهه شوي عصبيي ومتحفظ ع عاداتهه وتقاليده يحب الخير لعياالهه وللناس طيب وي عياالهه واايد ويحب انههمم يكونون ع شووره ومايرضى حد يقول لهه كلمهه لاا وهو رآآعي حلال وعندهه عزبهه للبوش .
آلام : ام عبدالله عمرها 45 آنسانهه متفهمهه وتحب عيالهاا واايد وماترضى عليهمم بآي كلمه طيبهه واايد وعقليتهاا متفتحهه اكثر عن بو عبدالله ومحدد يقدر ع بو عبدالله غيرهآآ وهي ماشاء الله عليهاا جميلهه ومايبين عليهاا انها حرمهه عوده بالعكس لما تمشي وي بناتها كآنها اختهم مب آمهم..
عبدالله: البجر عمرهه 27 سنهه يشتغل في آدنووكك ويسااعد ابووه ويعاونه وايد فالحلاال عبدالله آنسان طيب وع نيااتهه مطيع لآبووهه وامهه وهآآدي وع مواصفاتهه جميل ماشاء الله عليهه خشمهه طويل وجسمهه عريض وعيونهه بنياات ووسااع ورموشهه كثيفهه معطيهه جماال لععينهه وماخذ بنت عمهه نوف كملو سنهه ونص وماعندهم عيآآل..
محمد: عمره 22 هالآنساان آآي حد يشوفهه يسمىى عليهه من جماالهه ماخذ قلوب البناات كلهم عررض جسمهه وايد حلوو وخشمهه كأأنهه سيف بشرته حنطآآوىه وشعره شوي طويل وهالشخص يقولون عنهه خقااق لآآنهه جد انساان كشخهه ومشيتهه غير يفرض وجوده من اول مايدخل المكاان ورااعي سواالف ويحب آهلهه ههه ويخرفن البناات واايد يعني رآآعي مغآآزل وهو ثاني سنهه جاامعهه هندسهه ..
عليآآ : هالانساانهه خرريش وخبييل كلهه تسوولف وتنكتت وكلهه تحب تلعوز امهاا وكل الي فالبيت يحبونهاا والبيت بدون حسهاا ملل عمرهاا 18 آخر سنهه فالسكول وعليهاا جمااال مثل جماال اخوهاا محمد وهي وآآيد حسااسهه بس لما تنجررح ماتقول شي آآآتمم سآآكتهه وتكتمم كل شي ...
خليفه : عمره 13 سنهه اول اعداادي بس ماالهه وجود فالبيت يعني ابد ماالهه حس كلهه فغرفتهه ع البلستيشن وله الايبااد ومايطلع الهه اذا حد زقره
وراشد: آخر العنقوود ههذا دلووع البيت كلهه عمرره 4 سنين بعد سنهه بيدش كي جي ون ..

وبعد ماتعرفنا ع العاايلهه الاوللى بنبدا فآول بآآرت ,,

آلبآآرت الاول,,
انا كنت يالسهه فالحوى ادرس للآمتحانات الفاينل فآول كوررس وكاان الجوو خيااال غيمم وهواا خفيف وباارد وكاانت الساعه جي 4 ونص وحمود تووه دااش البيت رآد من عند ربعهه
حمود وهو يشل : ي حسافهه طيبي وعطفي وي خساره طول هالفترره كنت آحسب الود ذا يكفي ماهقيت تزيدني حسرره..
جان اقاطعه انا : ي ويلل حآآلي اناا ع آآخووي هااه اعتررف منوو ماخذ عقلكك ومخلنكك متعذبب

حمود : والله انتي ماعندج ساالفهه حراام الواحد يغني يعني لاززم يحب حد آٌقوول درسي درسي بس ي الجيكرره
آنا: ماعليهه اننا الجيكرره اللحين آآصلا لو ماعندي درااسه جاان تفاهم ويااك لكن اللحين مشغولهه يالله يالله روح دااخل مخيس الدنيا بريحهه الزقااير هههه شكلك ادووخ بخبر ابووي عليكك بخليهه يمردغككك
حموود :: خخفي عليناا ي المشغولهه انتي وبعدين فعينججج آآدووخ ي الهبلهه يااي من المقهى كنت وي الشبااب يدووخون شيشهه وعلقت الريحهه فثايبي .
آنا ورافعهه حااجبي :/ اهاا مقهىى يعني زين زين يالله خلني آآدرس
محمد يالس يطالعني بننص عيين ورااح يسبحح
اميهه وهي طالعهه من المطبخخ : حيآآكك ولدي وين ككنت !! مب جنكك طالع متأخر من الجامعهه !!
محمد وهو يتلعثم : شسمهه هي اتآخرناا شوي لآآنهه الدكتور كان متآخر وعشان جي عطنا الكلااس متآآخر
آميهه: آها يعطيك العاافيهه وليدي بس كنت آحاتيك ,, تباني آحط لكك آككل !!
محمد : هي والله اميهه يوعاان بالقوو حطي حطي لي آآكل بسيرر اسبحح وبررد تعبآآن بااكل وعقبهاا بررقد
آميهه :زين فديتك روح اسبح اللين ماجهز لك الاكل وبتلقاه جاهز فالصالهه
محمد ان شاء الله صح اميه ما سآلتجج وين عبدالله اليوم !!
آميهه : ترا اليوم الخميس بيرد من بوظبي بس قال بيخطف عند بيت عمهه ووبيلس عندهم شوي وبيب حرمتهه وبي وبيرد ع المغرب
محمد : آها زين يالله بروح اسبحح لا تنسين تجهزين الاكل
آميهه: حااضر عمي
وغمز محمد لآمه وراح يسبح وهو يدندن وانا توني داشهه البيت ع آميه
آنا: اميهه الجوو ططر اليوم ليش ماتفرشين حصير براا وتحطين الفوالهه ونتيمعع كلناا براا الجوو مايتفوت صرآآحهه
اميهه : هي هي عشاان تلتهين عن درااستجج
آنا : لا والله اميهه تدرين اني طول اليووم اددرس اله اللحين قلت شوي بغير جو وبنتيمعع سواا
اميهه : هي والله صدقتي هي فديتجج شدي حيلجج هاا اول كوورس لجج فآخرر سنهه لاازم تشدين ع عمررج وتيبن نسبهه تررفعع راسناا كلناا
آنا : افاا عليجج اميهه دوومي شااطرره ونسبتي كللهه عااليههه واللحين انا شااده حيلي عشاان ايب نسبهه قوو
محمد وهو نااازل : خفي علينا ي بنت الابلهه انتي اونهه شاطره وين يتجج الشااطره وانتي كلهه سرحاانهه ويالسهه فالحوى اونهه تتدرس ترااني شفتجج واانا داش انجج سرحانه فالزرااعهه
انا يلست اطالعهه و فااجهه عيوني ع وسعهنن : حمودد ي الجذووب انت وينن سرحاانهه حرآآمم عليكك كنتت ادررس رياضياات اادحح دحح وين سررحت مادري منوو اليي دااش وو اكمل حموود ولهه
محمد وهو يطالعني بنظرره ترجى اني ما اقوول : لا لا الهه اسوولف ويااج ادري بجج انجج شااطرهه ونسبتجج فووق ي الخفووق انتي .
اميهه تطالعنا بنص عين : وانا طرطور وااقف اهنهه علياا هاه قولي شفتي دااش وهو شو بلآآه !!
انا : لا اميهه مااشي الهه اغلس عليهه كاان دااش وهوو طرباان
آميهه: زين هي ولدي سير الاكل ع الطوالهه فالصاالهه بتلقااه سير كل قبل لا يبرد الاكل
اانا : خيبههه حد يتغدى هالحززه عيل متى العشى ان شاء الله ع الفجر
محمد : هي انا اتغدى عندجج ماانع الشيخهه علياا رااد يوعاان ومااكلت شي
انا: لا آآخي العزيز سير تغدا بالعاافيهه عليكك وعقب ماتخلص كلنا بنيتمعع فالحوى الجو حلو وبي عبدالله هو وحرمتهه وابوي بعد بيرد من عند حلالهه الي مجابلنهه صبحح وليل مادري شو يسوي عند هالبووش كلهه فالعزبهه
آآميهه وهي رافعهه الحااجب : هآآ ابووج ي الحماآآرره لاازم يااجبل حلاالهه وماالهه ويترزق منهمم ولهه مابتلقينن كل هالعزز الي فيهه انتي اللحين
وخيت ابوس راس امي :: بلااج بلااج ضربتي كتووف اوويهه ماترضىى ع القلب مالهاا اميهه ماتخبرتجج مابتعيدين شهرر العسل انتي وابووي
آآمميه وهي تبي تيب الملااس وتضربها :: هااي الي ماتستحي ع ويهاا شو هالرمسااات بعد قومي قومي بس شلي الفوالهه ويااي لا اخلي هالملااس يلعب ع ظهررج اللحين
آناا : فديتجج الغغااليي انتي الهه اسوولف ويااج من عيووني ي عيوني انتي بشل الفوالهه ولو تبيني بشلج بعد آآمري بسس انتي
آميهه: ي عيااره هالبنت
محمد وهو يصارخ من بعيد ويااكل : هي والله آميهه ماشفت عيااره مثلل بنتجج هآآي عطيهاا بالملااس ع ظهرهاا شوي
آآميهه وهي تسكتهه :: كل كل وانت سااكتت محدد يررمس وهو ياكل اممفف عليكك
محمد كمل اكلهه وهو قاافطط
آناا :: هههههههه كفوو عليجج امميهه والله سكتي ولدجج الخقاااق ههههه بسكك اكلل ي الددب مستووي فيلل ترآآكك
آميهه : ااقول انتي سكتي اللحين وشلي الفوالهه ولهه تنضربين بهالملااس
انا سكتت وقفططت وشليت الفوالهه برراا وجاان اشوف عبدالله وحرمتهه دااشين
آآناا : هلا والله مرحباا مرحبااا بـ روميو وجوليت نورتو البيت
نوف وهي مستحيهه جان تشيل ايدها عن عبدالله : هههه انتي متى بتيوزين
عبدالله عصب شوي : علياا وانتي شخصجج رياال وحرمتتهه حلالي كييفي بمسك ايدها ولهه ببوسهاا ويبوس نوف ويقربها لحضنه هههه ونووف ميتهه مستحى وعبدالله ولا عليهه
آناا /: آحم آحم لا تاكلني حلاالك حلاالكك ههههه ببس شووف حرمتكك مستويهه طمااطهه يمكن ارتفعت حرارتها ههههههه
نوف : لا طماطهه ولا شي بس أأحس الجوو في رطوبهه شوي عشان جي حمر ويهي
آناا / ههههههههه وين رطوبههه الله يهديجج الجوو طرر الهه انتي مستحيهه ههههه عبدالله دخيلكك رااعي مشاعرهاا بوسهاا داخل مب جداامي
عبدالله : ههه فديت آآمم عياالي المستحيههه اناا
آآناا / ع طااري آآم عياالك ما قررتو تيبوون لناا بيبي كتكوت ويسميني عمووه وواااي هاا حلميي

نوف : جب جب آنتي وهي ببتموت من المستحى :$ :$
عبدالله /: يغمز لحرمتهه هي والله شو راايجج نوووف بتفق ويآآج فليل ؛)
نوف تضربهه ع جتفهه وتكلمهه بالخفيف بس عليا سمعتهاا : جب آنت حماار لا تفشلني
آنا/: ههههه هااه تراني سمعتجج عاادي عاادي خذو راحتكمم جداامي
واميه وهي طالعهه : ااقول انا عليا تخبلت وتكلم روحها طلعتوو انتوو حيااكمم فديتكمم تووه ماانور البيتت والله تولهت عليكمم حيااجج بنتي نووف كيفج ترااني ماابخليج تروحين بيت اهلجج الهه يوم اليمعهه والله متولهه ع سواالفجج بدال هاي الوذى فالبيت
آنا / حرآآمم عليجج امي وين وذى اناا مسوويههه لجج جوو فالبيت ومطت بوزهاا ودشت دااخل
عبدالله وهو يقرب صصوب امهه ويبوس راسهاا : وجان تمطت بوزها الوذى فديتجج اميهه البيت منوور بوجودجج شحاالجج الغاليهه ..؟؟
نوف وهي بعد تتقرب من عمتها وتبوس راسها /:علني ماخلا منج عمووه هههه ان شاء الله بتمم ويااج اللين ماتملين مني بعدد بس طمنين عنجج !!
آميهه: الله يخليكم حبايبي انا بخير الحمدالله انتو شحالكمم وشحاالك انت واخبار الدواام وانتي بنتي شخباار امجج واهلجج وعرباانج ؟؟
عبدالله : يعلهه حالن مديم الغاليهه الحمدالله اميهه كل شي بخيرر والدواام مثل العااده زين
نووف : كلهم بخير ويسلموون عليجج
اميهه : الله يسلمهم ومن يااب سلامهم,, فديتج اميهه بااجر اليمعهه عزممي امجج ع الغدا خلنا نتيمعع ونقصر دوب وانت عبدالله رمس عمكك وخلهه اي وايب عياالهه ويااه
عبدالله ونوف : ان شاء الله
نوف / انا برمس اميهه عقب صلآآه العشاا
وع صلآآه المغرب رد بو عبدالله من عند حلالهه صلو الشباب فالمسيد عقب كلهم تيمعو فالحوى ماعدا عليا اونها بعدها زعلاانه وقاعده فغرفتهاا ..

كتتت وانتهىى البآآرت الاوول

هآآي كاانت بداايه الرواايهه وصرآآحهه سهرت عشاان اكتب هالبااارت ماكنت اتووقع انهه الكتاابهه فيهاا تعب هالكثر لو انهه الي كتبتهه تحسون انهه بسيط وماافيهه جهد لكن الي يكتب يتعب اكثر ويبذل جهد وهو يكتب واللحين بكلمكم عن الروايه كاانت احداثهاا بس تتكلمم عن عاايلهه وحده اتمنى انكمم مااحسيتوو بشي من الملل واذذا استمر تشجيعكم لي وحسيت انكم تقبلتو الروايهه بكمل كتآآبهه وببدع لآآنه تشجيعكمم لي هو الي بيحمسنيي انني اكممل كتااابهه ويخليني ابدعع اكثرر واكثرر واني اطلعع كل افكككااري هذاا الباارت بس كاان مجرد مقدمهه نعرفكمم ع العاايلهه الاولى ومع البارتات الياييهه بتعرفون شخصياات الراويه اكثرر واكثر وبتكونن الاحدااث فيهاا حمااس ونووع من التشوويق ,, __DEFINE_LIKE_SHARE__

شضايا المشاعر · 09-28-2013, 09:52 PM

اتنمى من كل شخص حاب ينقل الرواايه مع ذككر المصدر ما بحلل كل شخص ينقلها بلا ذكر المصدر
للي حاب يستفسر عن الروايه وله حاب يسأل عن شي ها حساب الروايه ع تويتر :

@katbt_10 __DEFINE_LIKE_SHARE__

شارية وناستي · 09-29-2013, 09:01 PM

بداية موفقه حلوه بداية الروايه << حسيت اللي عيبني بين الشخصيات محمد

متى بتنزلين البارت الياي ؟ __DEFINE_LIKE_SHARE__

شضايا المشاعر · 09-30-2013, 11:06 PM

تسلمين لي

البارت الياي الجمعه ولهه السبت __DEFINE_LIKE_SHARE__

شضايا المشاعر · 10-04-2013, 05:47 PM

البآآرت آآلثآآني :

آلعاايلهه آلثاانيهه :
آخو بو عبدالله الوحيد
آلابو : عمره 47 \ ابو سيف هالانسان يحب عيآلهه وحرمتهه واييد وطيب واييد ومب متشدد كثر بو عبدالله بالعكس فري شوي وهو دوم وي آخووه فالعزبهه ومجابلين الحلاال
الام : عمرها 41 \ آم سيف انساانه عكس ريلها تمام عصبيهه صح تتحب عيالها لكن واايد شرانيهه وكله عندها مناازع وهزااب بس تحب تواصل النااس وتقووم بالوااجب وماتحب مرت آخو ريالها الي هي ام عبدالله لسبب غاامض هههه حسسكم كونان احم استهبل ..بتعرفونهه وي الاحدااث
سيف : طبعاا البجرر عمره 25 هالانسان كلهه فحالهه وي حرمتهه وعياالهه وحنوون واايد ووقت الشده تلقااه ويااك و مايحب المشااكل ومسوي لهه بيت قريب من بيت ابوه وهالشخص جميل صح لكن جمالهه عآآدي ,,
ريم :عمرهاا 23حرمهه جميلهه وطيووبهه وحبووبهه واايد وهي معرسهه من طريق ابوهاا وعندها ولد كمل شهر اللحين وعايشهه وي رياله فبيت ابووه وتزور امهاا كل جمعه ولهه اذا كان ريالها دوام ومابيرد البيت
فوآغي / عمرها 19 اول سنه فالتغنيهه هالبنت مثل اخوهاا التوم محمد فككل شي فالجماال والاطبااع والاسلووب وهي واايد وي علياا رغم انهاا اكبر بس قو وياها
محمد / عمرره 19 سنهه بس بعده آآخر سنهه ثآآنوي وي علياا وطبعا بتقولون متآآخر فالدرااسه بس بقولكم بعد لآسبااب غامضهه بتعرفونهه وي الوقتت مثل مايقولون ككل شي بوقتهه حلوو وهالانساان طاالع ع ولد عمهه محمد فالجماال والسمتهه والكشخهه ههه ومب رااعي مغاازل وفي قلبهه آنسآآنهه يحبهاا ويموت عليها لكن هي مااتدري وبتعرفونهاا بعد وي الاحداث الياايهه..

بعطيكم نبذه عن الشخصيآآت والروآآيهه ..,,

ام سيف مااتحب مرت اخو ريالها الي هي ام عبدالله لسبب بتعرفونهه وي الاحدااث بس يتزاورون مجرد مجاملهه وعشان خواطر ريايليهم عشان جي العايلتين مب واايد قو وي بععض لكن الاخوان الي هم بو سيف وبو عبدالله وي بععض كلهه فالعزبهه وعيالهمم يتواصلون وجي وآم عبدالله ماقدرت تيب عيال غير هالاربعه لآنها اصلا تعبت واايد فحماالهمم وعقب ماقدرت تيب عيااال وطبعاا بو عبدالله تقبل هالوضع لكن في سرر او قصدي اسراار واايد بتعرفونههاا بس مب اللحين عقب ..,, وصح وبخصوص اسماء عيال العم ولد بو عبدالله بيكون اسمهه محمد وولد بو سيف حمود عشان ماتتلخبطون

بيت بو عبدالله .,,

قمت ع آذان الفير لآنهه اصلا ماكنت راقده اله غاافيه قلت خلني اقوم اصلي وقمت تيددت *توضيت* وصليت الفرض والسنه وتميت اقراا قرآن شوي وعقب سرت المطبخ ادور لي شي اكلهه وتميت احوص فالمطبخخ جني قطووه وعقب كلت شي ع الخفيف ورديت لغرفتي فتحت الدريشهه وتميت اشم الهوا واطاالع الجو رههيب قلت خلني اشل كتبي وادررس براا وانا طالعهه لقيت ابوويهه داخل البيت تووه
آبوي : صبآآح الخير بنتي ,,
آنا صبآآح النور آبوي شحآلك عسآك طيب !! وقمت بست رآآسهه
آبوي : الحمدالله بخير بنتي الهه ماقلتي لي شعندج طالعهه من الفير فالحوى !!
آنا : لا ماشي ابويهه بس قمت صليت وقلت بقوم ادرس براا شفت الجو حلو
ابوويه : فديتجج بنتي هي درسيي زين يالله بخليج انا بسير ارقد شوي
آآنا : رقاد العافيهه ابووي
ابويهه : الله يعاافيجج
وكملت عقبها انا ويلست صوب الكراسي والطاولهه وجآآن آآسررح فعآآلمي الي محد يعرفهه غير شخص واتذكر لحظاات ماعمري عشت ففرحهه وسعااده شرآآتهااا حب آنزرع فيني ومحدد دررى عنهه غيرر شخصص واحد حب رآآح بدوون ساابق انذاار تعذذبت وانجررحتت وصحتت واايدد ,,,, وفجآآه صحيت ع عمري ورديت للوااقع الي اناا فيهه وشديت ع عمرري وتميت اغني
آاناا ::: لاازم ادررس لاازم اشدد حيلي ترن ترن انا لازم ادرس ولازم انجحح ترن ترن انا لاازم ايب نسبهه ترن ترن وارفع راس امي وابوي ترن ترن
وفجآآه اسمعع صررخهه من ورااي جاان افزز واسكتت فجآآه عقب رمس
,,,,: ماشاء لله الاخت قامت ترمس عمرهاا ومستويهه يااهل اونهه ترن ترن وترن ترن
آآنا : مايخصكك انت خلني روحي ادرس وارفعع معنويااتي
,,,,: ترفعين معنويااتج اونهه زين زين ي اليااهل غني ترن ترن ها بينفعج فالامتحانات
آآنا : قلت لك مايخصك لا فيني ولا فآمتحنااتي
,,,: انزين انا مااقلت شي
آنا : زين واصلاا شو يايبنكك بيتناا هالحززه النااس رقوود
,,,, : هههه صح النااس رقوود لكن في جنيهه وااعيه للحين و بعدين انا كيفيي بيت عممي هاا مب بيتجج
آآناا : حموود اخخلصص وقول شو تباا مب متفيجهه لآشكاالكك اللحين انا بدررس
حمود*ولد عمها *حز فخآطره الكلام بس مابين : والله مااشي كنت اتمشى وسمعتت صوت نشااز وقلت بدش اشوف منو الي يغني
آآناا : سخخيف وااحد محد طلب رآآيك اصلآآ آنزين يالله اطلع براا من يقومون اخوااني وابووي تعاال آناا روحي اللحين !!
حمود : اصلاا مب يااي عشان اخوانج وعمي
آآناا : عيل شو ياي تسووي اللحين !!
حمود : كنت ابا كتااب الرياضيات ومذكرات وملخصات للمسائل عشاان انا كتابي عطيتهه ربيعي وضيعهه..
آآناا : انزين وانا شو يخصني اذا ربيعكك ضيعهه ولهه لا خل يدوره مثل ماضيغهه مالي خص آنا

حموود : انزين عطيني كتبجج اللين مايدوره بدرس ع الاقل شوي للآمتحانات ماشي باقي ورا باجر الامتحان وقلت بدرس قبل لا ييتمعون ع الغدا ترا اليوم الجمعه مابلحق ادرس عقب
آآناا : دبر عمركك ويالله اطلع برا خلني ادرس
حمود انكسر خااطره باالقو ماتوقع جي بتقولهه : اوك مشكوره بنت عممي مابزعج اكثر شدي حيلج ومع السلآآمهه
وطلعع حمود وهو صدق مكسور خآآطره وزعلاان من كلااام علياا لآآنهه مااتوقع جي بتقوول وبتستخسر عليهه الكتآآب وعليا حست فهالشي بس قالت يلتعن انا شو يخصني فيهه خل يدبر عمرره ورغم مكابرهاا لكننهاا حاسهه بتأنيب الضمير بس طنشت وكملت درااسه اللين السااعه جي 8 وعقب الكل قام

بيت بو سيف ... الساعه 8 ونص

حمود وهو داش البيت وويهه شااحب ويبين عليهه حزين وحد شافهه وهو دداش البيت
.... / هااه ي الدووب من وين يااي هالحززه ولهه شكلك بايت براا البيت !!
حمود : لا بس طلعت اصلي الفير فالمسيد وسرت عقبها الكورنيش
,,,,/ والي يرد من الكورنيش يستوى ويهه جنهه مصفعع ومن سنهه مب رآآقد
حمود : لا مافيني شي بس فيني رقااد وتعباان
,,,, : توومي ترااني اعرفك اكثر من روحي قول لي شو مكدر خآآطرك
حمود : قلت لج ماشي بس فيني رقاد وتعب وبعد عشان وااحد من ربعى آآمهه توفت وهي كانت سوالف وياي وجي وحززنت ع وفاتها

فوآغي مب مقتنعهه بس سلكت وياها عشان ماتضغط عليهه زيااده : آها الله يرحمهاا ها قدرها
حمود / امين يالله بخليجج بسير آخمدهاا انا وعيني قبل صلآآه الجمعهه بربع سااعهه
فوآآغي : ان شاءالله
ومن رآآح حمود يرقد وهي تفكر شو فيهه اخوها اول مره تشوفهه جي متكددر ومكسوور بخآطره بس قالت جي جي بتعررف اذا مب اللحين عقب وعقبهاا رااحت تتريق هي وامهاا ووطبعا محد وياهم لآنه ابوها فالعزبهه من الفير اخوانها الاثنين معرسين وباقي لها تومهاا بس وياها وبيتهمم كلهه هآآدي وماافيهه حس
فوآآغي : اميهه اليوم بنتيمعع فبيت عمي بو عبدالله
آمها ترمس وهي لايعهه جبدهاا فواغي لاحظت بس ماعلقت : هي اليوم فبيت عمجج بنصلي الجمعهه فبيتنا وعقب بنسير نتغدا عندهم وبنقيل شوي وبنررد
فوآآغي : ليش ما نصلي عندهمم وانتمم اللين اذان المغرب ونرد
آمها ادور حجهه : بنصلي اهنهه لانهه اللين مايخصلون ويجهزون وجي مانقدر نعطلهم عن شغلهمم ومانقدر نتم اللين المغرب لآآنه بنتهم علياا عندها امتحانات واذا تمينا اهناك بتلتهي ومابتدرس وانتي تعرفين عااد هي اخر سنهه
فوآآغي * جزئياا اقتنعت بكلآآم آمهاا* : هي صدقجج اميهه
وكملو اكل وهمم ساكتين وعقب رااحت فوااغي غرفتهاا وامها تمت تلم الاكل

بيت بو عبدالله
السآآعه 11 ونص

طبعا الكل مرتبش ويلبس ويكشخخ ووين المدخن ومادري شو يتجهزون لصلآآه الجمعهه وام عبدالله متلته بينن ريلها وعيالها وتززهب الغداا وعقب الريايل كلهم طلعو آبوي وعبدلله ومحممد وخليفهه سحبوه بالقو ويااهم واخر العنقود رشود احتشر عشان يسر وياهم وابوي ما احب يكسر بخاطره وشلهه وخطفو بيت عمي بعد وكلهمم سارو المسيد ربااعهه

بيت بو سيف
السااعهه 11 ونص

فوآآغي داشهه غرفهه اخوهاا عشان توععيهه للصلااه الغرفهه باارده وظلااام وهي تمشي شوي شوي ادور وين الليتات
فوآآغي وهي تصارخ : حموود ي الخاايس ههب حجرره هااي ثلآآجههه قوم قوم ي الحماار للصلااه ,,
ويقووم حمود وهو مفزز من رقااده : قلت وعيني مب اتسوين ارهاب جي اقول انقلعي ي العيوز بس
فوآآغي : اصلاا انا الغلطاانهه يت اوعيكك اذلف اتسبحح خيستناا
حمود سو لها طااف وراح يسبح ويكشخخ وطبعا كلهم جهزو شرآت بيت عمهم

نررد لبيتت بو عبدالله ..
آآميهه / عليااااا
وانا فالحماام اكرمكم الله اسبحح كنت عشاان يمديني اخلص كشخهه
آآميهه تصاارخ اكثررر : علياااااا تعااالي المطبخخ فازعيني بيت عمجج بيوون عقب شووي عليااااا
واانا ما اسمع شي بعدني اسبحح
اميهه / عليااااااا وصمخخخخخ مااتسمعينييي ولههه مسوويهه طاااف مسوده الويهه
وانا توني طالعهه من الحماام اسمعع صريخهاا
وجاان اصررخ اناا : هااااه ااميههه يااايهه يااايهه بلبسس كنتت اسبحح
آآميههه : بسرعههه خلصيي ماايمدينا وقتت تعاالي قطعي السلطهه الشغالااات نوداناات *بطيئات*
انا وتوني واصلهه المطبخ/ آن شاءالله ان شاء الله بقطع السلطهه ,, الهه نووف وين عنجج حبيبت قلبجج احيدهااا !!
آآميهه : فديتهاا آحسها تعبآآنهه اليوم وقلت لها تصلي وترتااح
آناا : يالله بلاهآآ !! آآمس احيدهاا بخيرر
آآميهه : مادري ما سألتهاا بس شفت ويها اصفر طرشت الشغاالهه تودي لها ريووق وعقب شوي بعد بخليها اطرش لها غداا
آآناا: آهاا زين زين تسوين آآميهه الله يشفيهآآ ويعطيناا من الدلع الي تحصلهه شوي
آآميهه : يالله ي عياارتجج يعني انتي ما اندلعجج ونهتمم فيجج يوم اطيحين وتتعبين ولهه من يسهرر فوق رآآسج الي تقومين بسلآآمهه وله نسيتي !!
آناا : بل بل كليتناا صح صح اسفين حقجج عليناا
واميهه يالسهه تهازب الشغالات ومحتشرره عشان يخلصن سرعهه وانا خخلصتت تقطيعع سلطهه ورتبت وي امميه والخدم الاكل ورديت غرفتتي اكمل كشخه

ككتت
احم احم عطووني توقعااتكم للبارت الياااي !! وشو ممكن يصير من احداث يديده فبيت بو عبدالله
وبذكركم حساب الروايه ع تويتر : @katbt_10 للي حاب يستفسر
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
روايتي الاولى يا بخت كل المرايا	مخـــاوية الذيب	قصص و روايات	1	06-25-2013 03:24 PM
آية الله قاسم: ما أشقى وطناً أخوف ما تخاف حكومته من شعبه	محروم.كوم	منتدى أخبار المواقع والمنتديات العربية والأجنبية	0	06-02-2012 06:00 PM
آية الله قاسم: ما أشقى وطناً أخوف ما تخاف حكومته من شعبه	محروم.كوم	منتدى أخبار المواقع والمنتديات العربية والأجنبية	0	06-02-2012 04:50 PM
((ملعون قلبي كيف للحين ماتاب))روايتي الاولى	corns	استراحة قصص وابداعات الاعضاء	17	11-18-2009 01:18 AM