قصه طويله لاتقراها الا وانت فاضي/تسمع باللي غرق في شبر ماء/ انا ضعت في شبر بر.

محروم.كوم · #1 08-04-2013, 10:40 AM

سلام عليكم
واول شي ترو القصه حقيقيه فلو ولو من عمل الشيطان / اذا صار عند اي احد شك او استفسار / يقوله وانا بجاوب / لآني انا اللي ضعت ماهو انت او غيرك.

انا اللي اقول القصه واسمعها للأخير.

----------------------------

مطر على الرياض ورماح والتنهات والطوقي ورغبه والدنيا ممطره والجو ممتع والناس قابين رحلات وطلعات .........موسم استمتاع بالبر والتخييم.

ربعي واصدقاي وزملاي.....اكثر مني طلعات للبر وكل اسبوع يتصلون علي حنا بالمكان الفلاني /حنا بالشعيب الفلاني / حنا بالتنهات /حنا بالصمان.
وانا اتقطع ودي اني معهم ولاكن ام العيال طيبه معي وانا اطيب / والموضوع ظروف وود وبيت وانا بطبعي عندي مزاج عنيد.
______________________________
قررت في يوم ممطر اني الحق بربعي في البر /صحيت الظهر واحصل الجوال مليان رسايل من ابو وليد صديقي البري .
يقول حنا طلعنا للبر / وحنا بعد منتزه سعد على اليسار.كلمني اذا بتجي عشان نقابلك على طريق الدمام . واحدا السيارات تجيبك الى عندنا .

----------------------------------------
شفت ام العيال داخله علي بالقهوه والتمر ومسفهله/ قلت فرصه افاتحها بموضوع اني اطلع للبر والحق ابو وليد والشله.
0000000000000000
كشرت شوي ثم فكت جبهتها / وشوي منا منا / وافقت وقالت انت ما تحب البرد وش يوديك تنام بالبر .
________________________
بين قوسين ( انتها الموضوع بالموافقه)
__________________________________
سيارتي بيوك من القدام / ومريت علي محطه واشتريت بيره موسي (قارورتين) من باب تخفيض السكر. ويقولون صحيه.
وفي شنطة السياره / كالمعتاد مسندين وفراش بر. وعصا عباره عن ماصوره المنيوم.
_____________________________
مشيت الين وصلت منتزه سعد/ وتعديته الى مفرق (عباره بعارين)
مقابل شركة الكهرب
: دخلت تحت العباره وقمت انسم الكفر عشان ادخل للرمل يسار وانا متجه للدمام.
ويجيني اتصال / من ابو وليد ....يقول وينك فيه ....قلت انا عند معبر الجمال مقابل شركة الكهرب وجايلكم.
قال لي ...............................لا تدخل بسيارتك .............بنرسل لك سياره تاخذك . لا تتهور وتدخل بسيارتك البيوك.
---------------------
انقطع الأرسال بيني وبينه وانا اخذتني العزه بالآثم / وادز السياره وانطح النفوذ
وسرا الليل.
بكره بكمل / تعبت والله من الكتابه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نائب الرئيس الأميركي يحث البحرين على حوار سياسي شاملأصدر مكتب نائب الر	محروم.كوم	منتدى أخبار المواقع والمنتديات العربية والأجنبية	0	05-16-2012 12:30 PM
نائب الرئيس الأميركي يحث البحرين على حوار سياسي شامل أصدر مكتب نائب	محروم.كوم	منتدى أخبار المواقع والمنتديات العربية والأجنبية	0	05-16-2012 11:30 AM
ستتخيل نفسك في سفينة وانت تسمع هذه النغمة	محروم.كوم	منتدى أخبار المواقع والمنتديات العربية والأجنبية	0	02-05-2012 11:20 PM
أنت فاضي ؟؟ إذا ما كنت فاضي شوف وش يسوون الفاضيـــــــن	محروم.كوم	منتدى أخبار المواقع والمنتديات العربية والأجنبية	0	07-04-2010 10:00 PM
تخيل.. وانت رايح لزواج تسمع هالقصيده	ظبيانيه استايل	الشعر المنقول	49	06-28-2009 01:07 PM