شيلة وقصيدة البارحة يا حسين مركاي كوعي - من أفضل ما قيل في الطير ( جوده عالية )

محروم.كوم · #1 07-07-2013, 08:00 PM

السلام عليكم ورحمة الله وبركاته

قال هذه القصيدة الشاعر مشعل حمود الحبيني العازمي .. بعد ان فقد طيره الغالي عليه .. وتعد هذه القصيدة من افضل القصائد التي قيلت في الطير.

:: كلمات القصيدة ::

البارحه ياحسين مركاي كوعي .. من العشا الين اذن الفجر يا حسين
ما غير اسلي خاطري بالدموعي .. مثل الذي من يقضي الدين بالدين

وكل السبب طيري حسين اللطبوعي .. النادر اللي شوفته تطرب العين
اللي ليا مني نهمته فزوعي .. مثل الشجاع ليا انهموه القريبين

قمت اتذكر تلته للطلوعي .. بخدن قنصنا فيه حروة اسبوعين
مدري ثمان ايام معهن اسبوعي .. لا شك كنهن يا ابن الاجواد يومين

وفي تالي المقناص يوم الربوعي .. اتلى العهد به راح يلوى الجناحين
اقفى وراء خربن مصقر جزوعي .. متذيرن واردفت من عقب طيرين

وسقنا معاهن وسط خدن منوعي .. اقفن شمال ومبعداتن عن العين
الخرب صامل والنداوي قطوعي .. حال الوعر من دونهن والشعيبين

وقفت ادربل مير مامن سنوعي .. وقالوا جهاز الطير ما نسمعه زين
واجهدت رجلي بكل رجمن رفوعي .. ارقى والوح وادبل الصوت صوتين

وما قصروا وقت المنافع ربوعي .. واخذت في جو القطامي نهارين
لاشك طيري ما نوى للرجوعي .. وانا بعد حدرت يم البلادين

ما كان ودي ان المفارق فجوعي .. ليته موادعني سوات المحبين
الله يلوم الطير بعده يلوعي .. خلاني اسهر والمخاليق ممسين

عساه يسلم من يدين الطموعي .. اللي على النشاد يخفى البراهين
والا الرجال الي تعرف اللسنوعي .. تلقى على حجله مع السبق رقمين

والا عساه بنازيات التنوعي .. رزقه على الي خالق الناس من طين
ومما جرا يا حسين قلبي قنوعي .. لو كان عقبه خاطري صايرن شين

تمنياتي أن تنال على رضاكم و استحسانكم '*'

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أقل من 100 شيلة وقصيدة	محروم.كوم	منتدى أخبار المواقع والمنتديات العربية والأجنبية	2	06-18-2016 02:00 AM
\|\| شيلة البارحة كلمآت سلطآن الهآجري - آدآء ناصر الرزيني \|\|	محروم.كوم	منتدى أخبار المواقع والمنتديات العربية والأجنبية	0	12-05-2012 04:20 PM
شيلة البارحة:أداء ناصر ال رشيد	محروم.كوم	منتدى أخبار المواقع والمنتديات العربية والأجنبية	0	11-29-2012 09:00 AM
قصة وقصيدة معشي الطير	محروم.كوم	منتدى أخبار المواقع والمنتديات العربية والأجنبية	0	03-31-2010 03:10 PM
شيلة الطير ...(رائعــة)	محروم.كوم	منتدى أخبار المواقع والمنتديات العربية والأجنبية	0	02-14-2010 02:50 PM