|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
بسم الله الرحمن الرحيم مشرفينا.اخواني .اخواتي . زوارنا السلام عليكم ورحمة الله وبركاته حياكم الله واسعد صباحكم ومسائكم بكل خير بسطح من سطوح بيوت الطين ينام عبيد وكل يوم الوالده هي وياه على الصبح مثل سمفونية بيتهوفن.. تنادي من الدرج ام عبيد على عبيد الحي الميت الغرق بالنوم : عبيد عبييييد عبييييييييد قم الله يهديك الفجر مبطي مذن!! عبيييييييييييييييييييد ولا حياة لمن تنادي.. ينقز من فراشه على صوت نحنحة ابوه بحوش البيت جاي من الصلاة ،، ويحول النوام من الدرجه اللي عند الباب ويصفق الباب وهو واقف ماتحرك من مكانه ويدخل لبطن الحوش يصبح على الوالد والضعيف يحسبه جاي من الصلاة ،،جيت وانا ابوك يااااااالله ان تصلحه همن يرفع ايديه للسما يارب ان ترزقه الذرية الصالحه مثله ابد مثله مابي زود ينقز عبيد لالا يبه لاتدعي لا تدعي ؟؟خله بعدين احسن!! استغرب الابو !! ليه ماتبي ادعيلك قال :لا يبه خله بوقت ثاني اصير من صدقي ،،الوالد هز راسه وهو مايدري وش اللي مغبيه ولده او وشي صدقه اللي يقول عليه .. وكل يوم على هالحال والتغريد الصباحي من ام عبيد تصحي الحيله حتن يصحى من نومه ويلحق الجماعه لو مره.. قرر الوالدين انهم يزوجون عبيدهم ويشوفون عياله وخطبو له وحده من بنات الجيران.. اتفقو على يوم معين يملكون فيه وراح الابو والعمان والخوال وعبيد تاخر عنهم شوي مسوي مـــــعـــــــرس قعدو الجماعه يسولفون ومن ضمن الكلام قال واحد انه كان مسافر للشام وتعرف على واحد يشتغل بالخراطه وجازت له هالمهنه لكن ماتصلح له ولا لهله .. بجيت المعرس المبطي عن الحضور اسكتو ورحبو وهلو ويوم قعد جا واحد قال كمل يابو فلان ،،وانقز ابو عبيد وقال : لو عندنا وعادي يشتغله كان عبيد يصير احسن خراط وانا متاكد نشمي ويتحمل الكد والعمل من فجر الله:good: رد عبيد: اوووووووه من زمان وانا اخرّط يبه !!! طارت عيون الابو قال : وش تقول ؟؟ قال: ايه من زمان وانا اخرّط عليك ،،كل يوم الصبح لين سمعت صوتك بالحوش جاي من الصلاة احول من درجة السطح اللي عند الباب واصفق الباب كني جاي واصبح عليك وانا محول من فراشي وانت بعد تدعيلي شفت يبه اني من زمان اخرّط.. تحياتي للجميع من اختكم ..قوافي.. |
مواقع النشر (المفضلة) |
أدوات الموضوع | |
انواع عرض الموضوع | |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة:رسب ثمن سقط..قوافي | محروم.كوم | منتدى أخبار المواقع والمنتديات العربية والأجنبية | 0 | 07-07-2012 01:20 AM |
سالفة:بسطة عبيد للبليله..قوافي | محروم.كوم | منتدى أخبار المواقع والمنتديات العربية والأجنبية | 0 | 12-24-2011 09:40 AM |
سالفة :ضبية سلقة ابو عبيد:قوافي | محروم.كوم | منتدى أخبار المواقع والمنتديات العربية والأجنبية | 0 | 12-21-2011 06:30 PM |
سالفة:دوج ابو عبيد..قوافي | محروم.كوم | منتدى أخبار المواقع والمنتديات العربية والأجنبية | 0 | 12-13-2011 07:30 AM |
سالفة:طين جدي.قوافي | محروم.كوم | منتدى أخبار المواقع والمنتديات العربية والأجنبية | 0 | 10-11-2011 08:30 PM |