آلبآرت آلآول ..

بمآ آن اليوم الجمعه والكل تجمع ببيت يدي , يدي طلب منا نروح بيت المزرعة , استغربنآ كلنآ بس طآوعنآه ورتبنا اغراضنا عقب رحنا كلنآ بيت المزرعة , دخلت البيت وآنآ آتآلم , ليش كل شي مب حلو يصير لي آنآ ؟ ليش انا الوحيدة من عيال عمي اللي بنحرم من تحقيق طموحي وحلمي ؟ ليش امي ماتباني ادرس برع , تضايجت وآيد لكن حاولت اطرد هالافكار من راسي حآولت وآيد والله لكن مآقدرت , استسلمت للامر الواقع ولكن حاولت امثل اني مستآنسة واني مستمتعه بالاجازه .. هم تموآ تحت آمآ آنآ صعدت فوق وفريت الاغراض قفلت باب الغرفة وانا اجوف ملآمح هالغرفة , آلنوت المفرورة , كل شي من حزن وضيج وفرح وابتسآمآت عابرة كانت في هالغرفة تكورت في نص الغرفة وانا اسمع اصوآت ضحكهم تحت , ليش انا ماقدر اضحك مثلهم ؟ لييييششش احس اني عااجز ؟ تكورت على نفسي وبديت اصيح , صيحي ي نفسي اكثر وآكثر اذا ماتقدرين تشكين لهم ماباهم يجوفوآ دموعي بس اباهم يجوفوآ قوتي , ماباهم يجوفوني في يوم ضعيفة جدامهم حتى جدام امي مابا اضعف !


سمعت دق قوي على الباب وصرخت : منو ؟


مهره : آنآ مهآري فتحي الباب


: مهآري بنام بليز عقب تعالي اوك


مهره تنهدت : لآ تجذبين شوفيج خبريني ؟


: قلت بنآآآم " وشغلت المكيف وانسدحت على الشبرية وفعلآ نمت من التعب من الصيآح من كل شي مؤلم عشته آو للحين اعيشه "


مهره تنهدت ونزلت تحت ..


غآية : وين آلهنوف ؟


مهره : آونه تعبآنة تبا تنام


غآية تنهدت : شفيها هالمينونة كل ماني بيت المزرعه تسوي نفس الحركة


مهره : خليها يمكن تعبآنة صدق .. ولآ تقولين عنهآ مينونة


غآية : سكتي واللي يعافيج


مثايل بحمآس : وين الهنوف ؟


غآية : آلمينونة رآقدة


مهره عصبت : قلت لج لآ تقولي مينونة !


غآية : ههه شفيج عآدي وربي انا وياها جي نسولف


مهره : ياخي غايوه اصطلبي لو مره في حياتج " قامت عنهم وطلعت برع "


مثآيل : غآيوه خلي هاليومين يعدوآ على خير اترجاج


غآية مدت ايدهآ : خذي بركتي


مثايل دزت ايدهآ : عن السخافةة


غآية : هههههههههه آوك آوك انتوا صايرين مآتقهروآ مصخرةة لكن انا بروق اجوائكم


مثايل تنهدت ورآحت عنهآ تعرف من تبدآ مآعآد تسكت ! . .


مثآيل طلعت وسلمت على يدي وقعدت ويآهم كآنوآ كلهم متجمعين شباب وبنات آهلنآ حتى ذيآب ولد خآله مثآيل كآن يآي


اليد : وين مسودة الوية التي ماتستحي على ويهآ ؟


مهره : يدي منو هاي بعد


اليد دق بعصاته على ايد مهره : الهنوف وينهآ اقولكم


مهره : هي يدي الهنوف فوق تريح تعبآنة شوي


اليد قلبه عوره : تعبآنه ؟ وليش مآتخبروني " قآم " ودوني عندهآ


غآية : يدي الهنوف راقده الله يهديك اكيد تعبانه من الخط انت ريح الحين عقب بتشوفها


اليد : هي زين فديت روحهآ خلها تريح .. انا قلت انت بنت الاصول بتي تسال عن يدهآ حبيبهآ


غآية ابتسمت وقعدت : يدي حبيبي اقولك غروده ؟


آليد مستغرب : جيه وآنتي تعرفين تغردين ؟


غآية : هي ف تويتر عججيبه التويتة


اليد مآفهم لها اما الباقين كلهم ضحكوآ .. يحسوآ وقتها غلط ..


اليد : جيه انتي تتمصخرين علي الحين ؟


غآية : لآ يدي حبيبي امزح بس


اليد : مآتستحين ..


غآية قامت وباسته : فديت يدي علمني غروده وربي لحشرك فيها


اليد : مآحلو صوتج خوزي عني


غآية : الله يسآمحك يدي


يوآ الحريم وقعدوآ وكملوآ سوآلف آمآ آنآ من قمت من الرقآد وانا احس عيني منتفخه مآقدرت انزل عندهم عسب لايشكون رحت ودزيت الطآولة شوي وحطيت ايدي على اليدآر هني حفرت كلآمه هني انحفر قلبي وفهالمزرعة بدت قصتي حبي له ليش دخل حياتي .. ليش ؟ لو كنت انا مثل قبل جان مآصآر اللي صار , جآن كنت اقوى من جي بوآيد " خذت نفس عميق " آلله يقويني


حطيت كريم اساس مادري شو ها اللي يايبتنه لي موزة مرت مآيد آخوي , آنآ آكره مآعندي آني احط مكيآج لكن هالمرة لآزم آحطه عسب اخفف من التعب اللي في ويهي حطيت على السريع وجفت ويهي فعلآ تغير ارتحت وآيد حطيت الشمد على راسي وفصخت عبايتي وتميت بالمخورة مآلي تعطرت ونزلت عندهم سلمت على الكل واخر واحد سلمت عليه يديي , بسته بوسة مطولة على راسه وقمت اتخبره عن اخباره .. واخبار الحياة معاه واذا ياخذ ادويته ولآلآ ..


تميت آطآلعه وهو يسولف ويضحك وميود يديني , يدي يعرف آكيد آن مستحيل اعشق حد كثر مآعشقته , هذآ آبوي وأمي وحبيبي ويدي وكل هلي وطوآيفي , عممره مآحد بيعوضني عن يدي لفيت نظري صوب بوابة المزرعة يوم دخلت السيارة , ماستغربت لآن هاي سيارة مايد اخوي لكن من نزلوآ حسيت آن آلآجواء بينهم متكهربه , جفت ملآمح موزة يبين عليها الضيج والحزن بس ليش ؟ مآيد مآحيده يسوي شي في موزة بس هالمرة غير شكلهآ ضرآبة عودة ..


مآيد يأ صوب الريايل اما موزة سلمت من بعيد وسيدة دخلت البيت , قمت لكن يدي رص على ايدي


اليد : على وين ؟ مآشبعت من شوفتج !


: آلحين بي يدي نسيت تلفوني داخل بيبه وبي


اليد : آنزين


دخلت داخل وانا ادور موزة عيزت لكن مآحصلتها لين مآسمعت صوت وحده منخشة تحت الدري وتصيح رحت صوبها وحضنتها , موزة غير والله والله غير ليش مآيد جي مسوي فيها اليوم , ليش مكدر خآطرهآ ؟ هي آكثر وحده عانت من آهلهآ بس ليش جي يصير


موزة تصيح : آلهنوف انا تعبآنة دخيلج لا تخليني عنده وربي تعبببت ارحميني لا تكونين مثلهم


مهره دخلت وتيبست يوم جافت موزة تصيح وقربت منا وحضنتها وتمت تخفف عنها ..


موزة تصيح : لا تخلوني عنده دخيلكم تعبت تعبت والله تعبت


: انا مستغربة اخوي دوم كان وياج زين ليش اليوم ؟ شي صاير !!


موزة تصيح : اخوي جذب عليه وسمعه كلام يسم البدن عني عسب يخرب بيني وبينه ومآيد صدق كلآمه مادري ليش " نآحت " وربي يا بنات اني ماسويت شي وربي " ارتجفت "


: موآز شو صاير


موزة تشآهق : آخوي جذب عليه وقاله اني اخذ حبوب منع حمل ومادري شو بس انا والله مب جي " يودت راسها " آحس بصدآع فضيع دخيلكم ودوني غرفة انام فيها ماعرف بيت المزرعة وآيد


قمت ووديتها الغرفة اللي كنت نآيمة فيها انا , وآيد حقدت على مآيد كيف جي يسوي فيها وهو يعرف معآنآتهآ في الماضي ؟ الله يهديه يارب ويرجع له عقله ويروح يراضي هالمسكينة ..


طلعت انا ومهره برع وقعدنا صوب يدي , مآجفت مآيد ولآ حطيت عيني عليه وايد حاز في خاطري الحركة اللي مسوينها في موزة


امي : عيل وين موزة ؟


: رقدت تعبانة شوي


امي : هي والله سلآمتها ماتستآهل مسكينة


استغربت امي شو تقصد ؟ آطآلعت مآيد اللي كان منصدم نفسي ! امي شو سآمعه بعد اوف الله يستر ..


مآيد قآم : آلهنوف تعالي اباج


قمت وراه ورحنا ورى وبعيد عن آنظآرهم : شو اللي صار ؟


مآيد : آخوهآ قآل كلآم نرفزني وخلآني اطلع من طوري " نزل راسه " اليوم اول مرة ارفع صوتي عليها وانازعها احس بكتمة


: اويه اخوي ظلمتك تحريت انك صدقت اخوهآ , مايد ترى البنت هلكت وهي تصيح وتقول ان اخوها كان يجذب عليك


مآيد تنهد وقعدت اسولف وياه واخفف عنه , مسكين , حتى هو يتالم مثلها لكن انا شو بايدي اسوي ؟ خلني اداوي الجرح اللي في قلبي عسب اقدر اداوي جروح النآس ! , بس انا مابكون انانية والله بسآعدهم حتى لو كان نتيجة هالشي جثتي .. الا هلي مابي اي شي يضرهم ابي حتى لو رحلت معاهم اكون انا اقسى رحيل يمر عليهم عسب يذكروني دوم وماكون قد مرة قصرت عليهم بشي


مر الوقت سرعة لين صارت الساعة 5 العصر من السوآلف والضحك .. دخلت انا ومايد ومهره داخل الفيلآ عسب نسولف اكثر لكن انصدمت من صيآح موزة , يعني هي مآنآمت , نشينآ كلنآ فوق ورحنآ شفنآهآ كآنت تدق جسمها بقوه وتصيح


مآيد دخل عندهآ ويود ايدهآ وعصب : شو اللي تسوينه يا مينونه


مهره ترتجف وانا ميودة ايدهآ


موزة تطآلع مآيد وتصيح : اذا انت ماتصدقني انا بذبح كل شي حلو بيصير بينا


استغربت شو اللي تقصده ؟


مآيد : موزة لآ تطلعيني من طوري


موزة صرخت وهي ميودة خآصرتها : يعور الشي وآييييييييييييييييييييييد


مآيد استغرب وخآف عليها وآيد : موآز موآز ردي علي شواللي يعورج


موزة تاشر على قلبهآ : هنننني يعورني شو بتقدر تسويلي ؟


مآيد حضنهآ : انا آسف سآمحيني يالغالية ماكان قصدي اعصب عليج ولكن كلآمه نرفزني


سكت اخوي مايد حنون وآيد وآلله .. كنا بنروح لكن صدمتنا رمسة موزة وهي تصيح في حضن مآيد


موزة : وآلله انا ماكنت اخذ حبوب يا مآيد والدليل اني انا الحين حامل


مآيد تيبس انا ابتسمت ومهره صفرررررت باقوى مآعندههآ وسيدة نزلنا عسب نخبرهم وخلينا جو الحبايب لهم


مايد رص في حضنه : سآمحيني حاس بالذنب على اللي سويته


موزة محطيه راسها على صدره : مآيد انت ابوي وامي وكل اهلي لا تسوي فيني جي مرة ثانية دخيلك


مآيد : من عيوني


موزة ابتسمت : آنزين خلآص " قامت من حضنه ومسحت دموعهآ " رضيت عنك


مآيد بلع ريجه : صدق انتي حآمل


موزة : هي


مآيد ابتسم : فديت اللي بتصير ام


موزة استحت : يآلله عاد حتى انت من متى خاطرك تصير ابو


اما تحت .. عندنا ف القعده ..


اليد : وين رحتي يالرغيد ماتقعدين عند يدج انتي ؟


: لايدي رحت مع مايد نطمن على موزة شكلها تعبانة شوي


مهره : اقول اذا سمعتكم اخبار طيبة شو نصيبي من الحلآوة ؟


عبدالله : على حسب الخبر ؟


صالح : لو كان حلو بنيب لج اللي تبيه وبنطلعكم البنأت كلكم


مهره : آحححلف اخوي , آوك آوك " تطآلعني " آقول ولآ آنتي


: لآ انا مافيني انتي قولي


مهره : آآمممم مآييد بيصير آبو


كلهم انصدموآ وفرحوآ وبدآ الصريخ ويدي وآيد استآنس , حبيبي يدي هو ودعوآته فوقه كان يدعي ان الله يقر مايد بيشوفه ولده ويستآنس فيه وجي .. وكان هالخبر مب بس يفرح مايد وموزة بالعكس الكل فرح وامي انصدمت بالبداية ,عقب تآقلمت , كنت متاكده ان شي قايلين لها بس الحمدالله ان غيرت رايها بهالسرعة ..


مهره تآكل توت : صلوح لا تنسى اليوم انزين ؟


صلوح : لآ اليوم بنيب مشآوي جي بنشوي وبيون ربعنا عازمينهم خليها باجر احسن بيكون السبت وكلنا مروقين صح شباب


الشباب : هي , صح صح صدقه , هي باجر احسن , آوك .. !


كملوآ هم سوالف وانا بعالم ثاني قعدت مثايل حذالي وسلمت علي لاني ماجفتها مساعه وقعدت تسولف وتخبرني عقب فجاه قالت انها بتصارحني ب شي ف قربت من اذني وقالت لي انها تحب عبدالله اخوي , أنصدمت وآيد , مب حب مال يومين بعد مال سنتين وانا اخر من يعلم , سويت طآف ماقول غير ربي يهنيهآ مثآيل تستآهل وآحد مثل عبدالله ..


بشآير اخت مهور كانت مقعده بسبب حادث الكل يجهل سببه : يدي تبا شي ؟


اليد : لآ غنآتي مابا شي


دخلت سيارةة رنج بيضة كانت بدون مخفي وكان اللي فيها كاشخ بادريس الشرطة ونظارته ونزل وهو يضحك ويرمس تلفون


.. : شوه , هههههههههه لا ياريال مب فاضيلكم هاليومين مع الاهل , هي , مب مشكله يلآ عيل بنتريآكم الليلة فالمزرعه , آوك , لآ لآ تحآتون مايصير خاطركم الا طيب ولو غالي , يلآ سلم على ابوك , مع السلآمة " آطآلعنآ " مسآكم الله بالخير


اليد : آيييه


محمد فصخ النظآره : هلآ يدي


اليد ابتسم : وآبوي محمد شو جيه مسوي بعمرك


محمد : لآ يدي ترى ياي من الشغل قلت بمر عليكم وجي مايصير ارد البيت محد عندي


اليد : هي بويه فديتك شو ها اللبس


محمد : يدي اشتغل بالشرطة انا


اليد : هي فديت نبضك والله يالغالي الله يقويك لخدمة بلآدك


محمد : آمين يدي " يطآلع يمين ويسار واستغرب من وجود بنآت مآيعرفهم رآح وسلم على الشباب والحريم وقعد يآكل كآن يوعآن " آقول " قرب من عبدالله " عبود منو هذيل البنتين ؟ وهذا الولد اول مرة اجوف عيال عمي كلهم متجمعين


عبدالله فصه : آشش خفف صوتك لا يسمعك يدي , هاي اللي قاعده جريب من يدي بعد غايه , هاي مهره , واللي مقعده بشاير اختها وهذا صلوح اخوهم عيال عمي , في بعد معرسين لكن ماحد منهم ياي


محمد : هي والله وآيد زين " رن فونه " هلآ , ليش انت بتدخل معآهم ؟ يآ ريآل آحس وقتهم غلط ! , آنزين مآبنتآخر في هالدورة ؟ خلاص حط اسمي وتوكل على الله , شسوي فيك ماحب اخليك , ههههههه خايس يلآ مع السلآمة " بند وفر السمآعه "


اليد : شو صاير ؟


محمد : الله يسلمك يدي شركوني بدورة رمآية وجريب بنسافر عسب هالدورة وبنسوي اشياء وبيدربونا اكثر على الرمآية ترى والله صعب يدي ..


اليد : هيي انت ماتخاف ؟


محمد ابتسم : لآ يدي ماخاف تعودت خلاص


مثآيل : حمود لا تسافر بسك كله شغل


محمد : مآعليه اختي من ارجع بعوضج بحوآطة سنعة


مثايل : سير لآه جذآب وآحد


محمد : ههههههههههههههههههههههههههه احسن من يوسف مب مسولج سالفه انزين


آطآلع بين الجلوس وين روضة آختي ؟ مآجفتهآ .. : آممم آمآيةة وين روآض ؟


آمي : دآخل بتلآقينهآ رآقدة !


روضة اللي تتخبل على آجوآء المزرعة رآقدة ؟ مستحححيل آكيد في شي غلط بالموضوع وغلط كبير بعد قمت عنهم وركضت عسب ماحد يلحقني تميت ادور لين لقيتها متسآنده على اليدآر يت جدآمهآ


: شفيج ؟ ليش مب يالسة عندنآ شي مكدر خآطرج ؟


روضة : ولآ شي آختي ولآ شي .. بس آحس بخمول وتعب


اصلآ يبين آن روضة مب بخير , مديت ايدي وحطيتها على يبهتها كآنت تغلي من الحمى خفت وآيد لآ يصير فيها شي سآندتهآ علي ووديتها داخل من الباب الورآني عسب لا حد يجوفنآ ودخلتها فوق غرفتها هي والبنآت ورحت المطبخ وبديت ايب ثلج واصب مآي بارد عسب اسوي لهآ كمآدآت عل وعسى تنخفض حرارتها ويطمن قلبي , صعدت فوق وانا شالة الاغراض ودخلت عندها وبديت اسوي كمادات لين نآمت خوزت الكمآدآت ونزلت تحت وانا نازلة تحت جفت ذيآب ابتسم لي وانا سويت له طأف لكنه يود ايدي


ذيآب : مآبتنسين


سحبت ايدي : لآ تفضحنآ


ذيآب : لآ تروحين


: هه , انت اخر واحد تفكر تتكلم في هالموضوع " وطلعت قبل لا حد يجوفني معآه "


ذيآب تنهد دخل خذ له ماي ورد طلع .. انا قعدت صوب يدي وهو رجع مكآنه مآحد شك الحمدالله لكن انا حاسه ان حد بيشك من نظراته الغبية لي ..


صآلح : مهره ترى اليوم انتوا اللي بتسون المشآوي وجي نحن مآمتفيجين


مهره : لآلآه


تحمست : آنآ موآفقه


الكل صد يطآلعني ؟ صح انا دفشة بالطبخ وايد لكن احب اساعد


صالح افتشل : صدق ماشي عباله


: لآ افا عليك ولد عمي شو عبالته بعد بنساعدكم


يدي يمسح على ايدي : انا ماقلت لكم ان هاي بنت الاصول مافي مثلها


يدوه : الهنوف شلي يدج يريح داخل وتعالي انتي والبنأت عاونني


: ان شاء الله


ساعدت يدي ودخلته داخل على سريره يريح ورديت اطلع عسب اساعدهم , رحنا المطبخ وبدينا نساعد يدوه , هو صح انه آنآ ما ساعدتهم وايد لاني كنت افكر فيه , هو ليش جي مستوي نذل والله ابي اعلمه الادب , ابا اعلمه كيف لا الهنوف جلبت على الواحد تراها تجلب على الاصول !


مهره : بطلع شوي بريح ويايه " طلعت برع "


محمد كآن يتمشى بالمزرعة بعد مآبدل ثيابه ولبس كندورة طبعآ كآن مب متعصم ولا اي شي وشعرهه مب انه طويل عادي بس كان وايد جميل محمد يشبه مثايل وآيد ..


مهره كانت ترمس فون : آمم لآ , بس جي , لآ وين بعدي الله يهديج في وقت وآيد ! , اونه انتي انخطبتي مبروك يا حبيبتي , لآ وين سويت شغلي انا بالمزرعة شكلي مطولة , يلآ مآعليه نحن في اجازه بنستغل الوقت لشيئين .. هي , آوك , آوك سلمي , مع السلآمة " لفت وشهقت لان محمد خوفهآ كآن وراها هو كآن يتمشى بس "


محمد توتر : آسف مآكنت اعرف انج هني


مهره ترجف : عع..آدي " ورآحت على طول "


محمد ميود قلبه " فديتهآ جميلة , آول مرة اعرف ان عمومي جميلين لهالدرجةة " وضحك بصوت عالي


عبدالله من وراه : حمووووووود


محمد فز : هآآ


عبدالله : شفيك تضحك بروحك تخبلت ؟


محمد : ههههههه الله يغربل عدوك , جب خربت علي افكاري الجميلة


عبدالله : الحمدالله والشكر اقول طوف بس طوف ساعدنآ نحن نشتغل وانت النفسية تتخيل وتضحك


محمد : هههههه حيوآن وربي " ورآح ويآه "


صوب آلمزرعة , رنة .. رنتين .. ثلآث وردت


بشاير : آلو نعم ؟


.. : بشاير


بشاير سكتت " ياربي هذا صوته ؟ " : خير منو معآي ؟


.. : نسيتيني بشاير ؟


بشاير بهدوء : شبغيت سهيل عقب هالمدة تتصل


سهيل : دآق اطمن عليج يا بشاير


بشاير : هه العبها على غيري دور اللي يخاف ويحآتي مايلايق عليك


سهيل : بشاير انتي ماتعرفين الاسباب


بشاير : مب لازم تبرر لي انت ماعدت تعنيلي شي !


سهيل سكت , حز في خاطره من منو يلاقيها ؟ من آمه ولآ من بشاير : مشكورة على الكلمة القاسية , صدقيني ماراح اتصل مرة ثانية , مع السلآمة بشآير " بند "


بشاير قعدت تصيح وفرت التلفون بعيد : دخيلك لا تبعد لا تبعد , لا تصدق اي كلمة قلتها بس ارجع والله اني اشتقت لك " مسحت دموعهآ " لازم حد يعرف ان سهيل اتصل , بس شوالاسباب اللي كان يبا يبررها


: بشور انتي هني ونحن ندورج ؟


بشاير لفت الكرسي ويلست تطآلع الهنوف : تعالي اباج فموضوع اقفلي الباب


خفت عليها شصاير ؟ قفلت الباب ورحت يلست مجابلتنها : خوفتيني تراج


بشاير بحزن : سهيل اتصل


يتني غصه : سهيييل !! بس ليش سهيل يتصل فيج ؟


بشاير نزلت راسها : انا وسهيل كنا نحب بعض من سنين


انصدمتت : هآآ !!


بشاير : الهنوف ركزي شوي مافيني ايلس اعيد دخيلج


: آوك آوك


بشاير : هو فجآه خلآني ورآح , مآبرر لي وتوه دآق عسب يبرر لي لكن انا سمعته كلآم وهو سكر وقال ماراح يتصل مرة ثانية


استغربت : يا ترى شو بيقولج ؟


بشاير صاحت : مآعرف مآعرف , هو ليش خلآنيي


: كيف خلآج وهو كآن يعآني من آمه صارت له مشاكل ترى


بشاير مستغربة : هآآ ؟ مشآكل شو


: انتي ماتعرفي شو ؟ كل الاهل يدرون


بشاير هزت راسها بلا وهي تمسح دموعهآ ..


: سهيل كان مبيت عند ربيعه هذاك اليوم ورد البيت وهو تعبآن وطبعآ ربعه يدوخوآ ومادري شو فعلقت الريحة في سهيل ف ام خالد من درت عصبت وايد وطردته من البيت وشكت انه يشرب بعد ومادري شو وسهيل يبا يبرر لهم لكن ماقدر امه كله كانت تصارخ وتعبت عليهم وسهيل حلف مايرجع بيت امه لو شو ماصار ومايبا يعرف عنهم شي وقال لهم بيهم يوم وبيندموآ انهم شكوآ في اخلاقه وبس راح من يومها ماحد يعرف عنه شي , مآحد يعرف اذا سهيل حي ولا ميت , سهيل بخير ولآ مريض , مآحد سال عنه بس اكيد الكل يتالم لفراقه ..


بشاير صاحت وآيد , هي ظلمت سهيل وآيد وهو كآن متصل فوق هذا يبرر لها لكنهآ بندت في ويهه الحين اكيد حتى لو اتصلت مآبيرد عليها


مآحبيت اخرب على بشاير صياحهآ رحت وحضنتها وانا اهمس لها : بيرجع لج في يوم صدقيني


بشاير صاحت في حضني اكثر واكثر : اباه الهنوف خليه يرد علي ابا اكلمه ابا اعتذر لاني ظلمته


: بيرد بس لا تتصلين اليوم خلي فترة تمر لين تهدا الاوضاع ..


بشاير : آنزين


قمت من الحضن : يلآ مسحي دموعج


بشاير مسحت دموعهآ دزيت كرسيها للمرآيآ وسويت لها مال المكيآج , حسيتني خربت الكل وياي .. ونزلتها تحت عقب وياي عسب ماحد يشك فينآ


بشاير : مآلي حيل اقعد ويا حد خليني بروحي


طلعتها صوب الورود وخليتها هنآك عسب تاخذ نفس وتم بروحها تريح نفسيتها عقب بيهآ وباخذها مرة ثانية .. رحت صوب المطبخ وانا افكر , الحين بشاير بصوب وسهيل بصوب شكله بيرجع لحياتنا مرة ثانية وبعد ذيآب , كم مصيبة على راسي لازم اصلحهآ , جفت مهره من كثر ماتمشي وهي مرتجفه دعمت باب المطبخ وتمت تمسح يبهتها وطبعا ماسلمت من تعليقات غاية بس مهره ساكته عنهآ ليش ؟


همست لمهره : فيج شي ؟


مهره شوي وبتصيح : ولد عمج الغبي جفته هنآك والله اني خيفانه


: هههههه لآ وآلله منو من عيال عمي


مهره : هذا اللي كان لابس الادريس


: هيي اخو مثايل يعني


مهره : هي هذا هو والله خوفنننننني فجاه جفته وراايي وارتبكت شكله ماكان يعرف اني هناك


: هههههههههههههههههه والله وآيد آوك


وبعد هزآب يدوه قمنا وسآعدنآهآ ورتبنآ السفرة لربع آلآولآد اللي قالوآ بيوآ ونحن دخلنآ دآخل نريح من التعب , طبعآ نحن بس كنآ نساعد باشياء خفيفة .. ومن دخلنآ كل وحده طآيحة على كرسي بروحهآ من التعب , من الخط من الشغل من كل شي !


غآية بدت تغني لنآ اغنيةة يآ قسى قلبك , ونحن منصدمين آن صوت غآية جميل لهالدرجة .. عقب يوم جآفتنآ مندمجين صرخت صرخة زيغتنآ وهي قعدت تضحك , الله يغربلهآ مآتعرف تسوي شي بدون لآ تخربه ..


غآية : حبآيبي نشوآ نشوآآآآآآآآآآآآآ يلآ عآد نحن يآين المزرعة نغير جو


: آوييييه بشاير نسيتها برع آكيد بردت " ركضت برع جفتها تمسح كتوفهآ افتشلت وآيد " بشاير


بشاير ابتسمت : تآخرتي


: نسيت وآلله كنت اعاون يدوه فالمطبخ


بشاير : آلله يقويكم , وديني داخل


: ان شاء الله " ودخلتها داخل وقعدنآ كلنآ بالصآلةة "


مثآيل مستآنسة : رآح آروح برع


غآية : وآنآ بعد


مثآيل تحمست : آححلفي على وين ؟


غآية : آفكر آدرس في جآمعه كآمبردج يقولون آنهآ عجيبة وجي


مثآيل : خلآص آنتي قولي متى وجي بتروحين تسجلين عسب اروح وياج ابا اكون وياج بنفس المكان


غآية : من عينيآ


وكملوآ هم سوآلف وانا اتحطم ساعه بعد ساعه على الكلآم اللي يقولوه , هم بيروحوآ وبيحققوآ احلآمهم الا آنآ بتم هني ومآعرف شو بيكون مصيري ؟ دخل آبوي وخبرنآ آن هو عزم ربيعه هني وربيعه بي مع عيآله ومرته ف صعدنآ نكشخ , طبعآ آنآ آكره مآعلي آني احط مكيآج ف آكتفيت آني اسبح والبس كندورةة مخورةة واحط الشمد على رآسي ونزلت شوي من قصتي برع , كآنت شبه قصيرة دآم بنآت عآدي اوردي نحن مآبنطلع برع .. ومن طلعت آجوف البنآت كآشخآت واللي راسمة عينهآ لشو مآعرف ؟ آحلى البنت لمآ تكون على طبيعتها , تجمعوآ الريايل برع اما نحن في الميلس آلدآخلي للحريم , وكآنت السفرة محطوطة آوردي وكل شي مرتب عال العال , فديت يدوه لآزم تسوي كل شي على الاصول وبالتمام ومايكون ولآ شي ناقص , يت مرت ربيع ابوي وبنته ودخلوآ , آمهآ رآحت صوب الحريم وبنته يات صوبنآ , كانت مستحية نوعآ مآ وهآدية وآيد لكن من لفت مثآيل بدآ الصريخ والحشرة


مثآيل صرخت : منآآآآآآآآآآآر


منآر مستآنسة : آووه مثآيل هني


مثآيل : آلله يخسج وينج اشتقت لج " وباستها " هذيل بنآت عمومي بعرفج عليهم ..


منآر : آوك


منآر تمشي حذال مثايل وكل ساعه تسلم على وحده لين خلصت كل بنآت العآيلةة .. عقب قعدت حذال مثايل ودقوهآ سالفة وخبرتهآ انها بتسافر وبالصدفة طلعت منار بعد بتروح آنجلترآ وين تبا تدرس غآية " جآمعة كآمبردج " وقعدوآ يسولفوآ هم الثلآث اما انا كنت سآكتة .. كآنت منآر حبوبة وآيد لكن مآدري ليش انا الوحيدة اللي مآتآقلمت ويآهآ .. وهي بعد نفس الشي !


تعشينآ آلحمدآلله ويآبوآ عقب آلمآي والعصاير بس انا حسيت آني شبعت فطلعت عنهم ورحت برع جفت محمد ولد عمي ف ويهي فتحجبت على طول ..


: خير شو تسوي هني تبي يدي يآكلك ؟


محمد قرب مني : آقول بنت عمي هاي مهره كم عمرهآ ؟


: هههههههههههه آثآريهآ مطيحتك في هوآهآ من نظرة !


محمد : عن السخآفة الهنوف يلآ عآد قولي


: مهره بآقي لها سنة وبتتخرج من الكليةة ان شاء الله


محمد : آونه


: هي وتسوق وعندهآ سيارة اي استفسار ثاني بن عمي !


محمد : سلآمت روحج بس ممكن تيبين لنآ آلمآي المحطوط في الصينية دآخل المطبخ


: آن شاء الله " دخلت دآخل ورديت آطلع جفته عطيته وعقبها رآح "


تخيلت آن مهره تكون من نصيب محمد بيكون شي وآيد حلو , محمد آنسآن حبوب ومتفهم وآعي ومخلص في شغله وآيد ومهره احسها كيوت وحبوبة وتستآهله , الله يجمع من بينهم بالحلآل لو كآن في نصيب يعني ..


طلعت برع عندهم , صرت آحس بكتمة كل ماقعدت مع البنآت كل سوالفهم عن السفرة , قعدت اشم الهوآ , كنت قاعده ورى الفيلآ يعني عادي الريايل مآبيجوفوني لانهم جدآم فالقعده قآعدين لكن المصيبة آن ذيآب كآن يآي ورى الفيلآ كنت ابا اشرد مابا اشوفه هالخايس لكنه زخني , غصب يكلمني , غصب يخليني آسآمحه على الشي اللي سوآه


ذيآب : لي متى بتمي وياي جي ؟


: لين مآربك يآخذ آمآنته


ذيآب : بسسس عآد مصختيييهآ


: شوف منو فينآ بدى يتمآدى عقب تعال اتكلم


ذيآب : لو مآحبج جان مآيت اعتذر لج !


: خلاص ذيآب مآبا اسمع كلمة آحبج , خاصة منك انت , انت ناوي تفضحنآ ؟


ذيآب : لآ تعذبيني


سحبت ايدي : ذيآب روح وربي حد بيجوفنآ الحين وبنتوهق


ذيآب عصب : شو يعني تهمج النآس ؟.. وقلبي مآيهمج انا ماغلطت عسب انتي تزعلين المفروض انا اللي ازعل


تنهدت وحطيت ايدي على صدره ودزيته بعيد : روح بس من هالمصخره اللي قاعد تسويهآ !


ذيآب : آوك يالهنوف صدقيني هاي اخر مرة ايج بريولي


سويت له طآف , ودخلت دآخل وانا متوترة وقلبي يدق , وحمدت ربي ان محد جافنا والكل قاعد ولآ تحرك من مكآنه قعدت حذآل مهره


مهره : شفيج ؟


: ولآ شي


مهره : آآمم


: حمود سالني عنج


مهره خآفت : هآآ


: اللي سمعتيه هههه يوه انتي مصوبتنه شكلج !


مهره : نونآ في شي صار وانا ماقلت لكم عنه


: قولي


مهره : في واحد مكلم آهلي آنه يبآني عسب جي انا مابا اعلق ولد عمج فيني !


: شووه ؟ منو هآ من وين ؟ يالحيوآنة لايكون حد عرف قبلي


مهره : لآ اصلا آمي قالت مآرمس بالموضوع لين عقب بس اخبرج آنتي يعني عسب لا تحطي علوم الحب واني بكون من نصيبه في يوم , الله يعلم شو مخبية لنآ آلآقدآر وكيف رآح يكون النصيب


: يدي دوم يقول , آن اللي بياخذ مهره بيكون شهم وبيسعدهآ , آتمنى هالريال جد يحطج شيخة على راسه


مهره تنهدت : اصلآ آنآ مآفكر في هالموضوع ولا ابا افكر فيه احس بعدي صغيرة ابا اخلص هالسنة ابا اشتغل ابا اكون نفسي مابا اعرس لكن الله يهديهآ آمي تقول لآ وان آنا في سن زوآج وعقب عاد تعرفي مب لازم اكمل الكلآم الباقي


: آعرف وربي اعرف , شو بتسوي يا دنيتي الله كريم ..


مهره ابتسمت : والنعم بالله , آنزيين آنتي لو تقدم لج حد بتقبلينه ؟


كيف آٌقبل بريال وانا احب ريال ثاني , رديت بسرعة : لآ انا مابا اعرسس ولو بيغصبوني بشرد من الديرة بكبرهآ


مهره : هههههههههه نعم بخصوص , مسلسل كويتي هو , بنجوف


: مهور انتي تعرفي ان بوجود يدي ماحد بيغصبني عسب جي انا مرتآحة


مهره نزلت راسها : ياليت انا جي بعد


: تبيني اكلم يدي


مهره : لآ خلآصص , اصلآ هم جريب بيوآ يشوفوني والنظرة الشرعية والخرآبيط مآلتهم هآي


: آهآآ


مهره زفرت آلمهآ : الله ويآي , ان شاء الله يكون زين


: ان شاء الله


مهره تغير الموضوع : تصدقين استآنست لمآ دريت آن موآزي حآمل فديتهآ الله يكمل حمآلهآ على خير


: هي وآلله , انا استآنست اكثر عنج , آمممين


مهره : مسآعة يوم كنتي رآقدة الظهر , رمسوآ بموضوع , تخيلي بنسافر كلنآ مع بعض


: هآآ , وين ؟


مهره : يقولون تآيلند


: هي وآلله زين


مهره : متحمسة على الاخر وربي


: آسكتي عن يهونوآ بعدين , انا مابتحمس الا يوم بتصير الشغلة صدقية والتذكرة في ايدي وقتها بتفلسف


مهره : صدقج خلني اسكت اخآف عقب تطلع عيني حارة ههههههه


: ههههههههههه جد هبله , طلع مخج تنك آكثر عن غآيوه


مهره فصتني وتطآلع غآيوه : غآيوه سمعتي شو قالت عنج


غآية نطت وقعدتي على يميني : شو شو ؟


مهره : ههههههه مخج تنك


غآية ضربتني على راسي حسيت ياني ارتجآج : وهذآ شو عيل


مهره : ههههههههههههههههههههههههههههههه ااه بطني


غآية : آسكتوآ لآ تعلوآ صوتكم , آآ تعرفوآ مآحبيت منآر مدري كيف حسيتها لآزقة بس في مثايل قلنا ربع بس مب جي عاد مسوين لنا طاف


: بسج حش فف البنية خلآص برايها


غآية : صدقج , انا بنام مع الهنوف اليوم


: زين حيآج


مهره : وآنآ ويآكم مابا بروحي


: خلآص نحن الثلآث بالغرفة المعطاية اللي والباقي يوزعوآ عمآرهم


مهره مستغربة : عيل وين عوآش وايمآن ومشآعل ؟ مآجفتهم اليوم غريبة !


: يحآوطوآ برع من ورى يعني , ويتصصوروآ وجي



غآية ضحكت بصوت عآلي ممآ خلآ كل الحريم يلفوآ : هههههههههههههههههههههههههههههههههههههههههههههه


يودت ايدهآ ورصيت عليهآ عسب يعورهآ وتسكت , والله فشلتنآ


غآية تمسح دموعهآ اللي نزلت من كثر الضحك : حسيت ان نحن هنوووووووود نعم يعني خلهم ايوآ يقروآ هني


مهره تتخيل شكلهم : هههههههههههههه صدقج ماتخيل شكلهم كيف


غآية حطت راسها على كتفي : تعرفوآ آحس بتعب وآلله " قآمت بسرعة " آلهنوف ليش مآتسآفرين وياي آنجلترآ بندخل جآمعه كآمبردج وبنعتمد على عمآرنآ , وهنآك الدنيآ مب خطرر وآلله استفسرت وجفت المكآن يجنن دخيلج تعآلي


: آممم آمي مب راضية والله كلمتهآ


غآية : آوففففف انا بكلمهآ !


: لآ انا برجع اكلمهآ آمآ آنتوآ لآ تدخلوآ آخآف اذا دخلتكم تنسى الموضوع بكبره لآني آحآول آلين رآسهآ شوي


غآية : خلاص اذا جي انتي كلميهآ وان شاء الله ترضى !


: آن شاء الله يآرب


مهره : شو يعني بتسيروآ وبتخلوني ؟


: مآعليج خوف


غآية : خلي ريلج يبج شهر العسل هناك يوم بتعرسي


مهره : خليه اي اول


غآية تنهدت : بي بي انتي وآيد مستعيلة اصلا , ضيقتوآ ف فوآدي


مهره : ليش عآد ؟


غآية : هههههه كنت آحلم آن الخطآطيب بيتضاربوآ علي , لكن ممن قرآدتي بسافر ولا حد درى عني


انا ومهره : هههههههههههههههههه


: انتي تفكري بالعرس ولآ بشو الحين


غآية : مآفكر بالعرس بدرآستي لكن لو حد ياني بعرس


: ان شاء الله مآحد اييج


غآية ضربتني على راسي : جب شهالدعوة المآصخه لآ تخليني اخبر امج عن هآلدعوة يا قطآعه النصيب


: هههههههههههه خيبه خيبه وربي اسولف وياج قطآعه نصيب مرة وحده


غآية : هي مآعندي مصخرة هالامور جدية


: مآلت عليج


غآية : وعلى مخج المعفن يا عفن الليالي " همست " حلو بسميج من اليوم ورآيح عفن الليآلي



: متآكده ؟


غآية : هي


: عند يدي


غآية تبوس راسي : الشيمة الا يدي خلاص بنآديج نونننآآ


مهره : نونآويلآ


غآية : لآ بالمرة نوتيلآ وفكي عمرج


مهره : ههههه يآخي انتي شو يعووووورج


غآية تحط ايدهآ على قلبهآ : حبج ذبحننننننننني


مهره استحت : آييه


: طآآآآعوووآ استتتتتتحت


غآية : مآعندهآ سالفة ..


تذكرت ذيآب , يآ على بآلي , انا ليش مآسآمحته ؟ جد هو مآحسيته غلط , آبتسمت وانا اتذكر آحلى آيآمي معآه واللي مآحد للحين يعرف اني انا وياه نحب بعض او مع بعض نمثل ان نحن بس اهل من بعيد لبعيد


غآية : آييه شو تفكري اشوفج تبتسمي


مهره : الوضع مآيطمن


غآية : اي مايطمن , الحبيبة يا تفكر بحبيبها يا سوالف +18


: اييييييييه شو سوالف +18 يالوصخه


غآية : ههههههههه اسولف اسولف, ابا اختبرج


: ههههههه وربي انتي مش صاحيةة

كلمنآ سوآلف وكل مآله بطني يعورني آكثر من كثر الضحك , سوآلف غآية مآتنمل ولآ شي ومآفي حد مثل روح غآية بالخبآل والسوآلف , غآية شي في العآيلة اذا فقدنآه فقدنآ روح المرح , فديتهآ الله يطول بعمرهآ .. روحوآ المعآزيم ودخلوآ الشباب الميلس ورحت انا وغاية وقعدنآ صوب يدي ..


يدي : غآية اذا يبتي بنت شو بتسميهآ


غآية مستغربة : يدي شفيك ؟ خله اي المعرس اول مالت عليه


يدي : هههه حبيبة يدج خبريني انزين شو مفكرة ؟


غآية : ولآ شي يدي مامفكرة باسامي


يدي : آبآج تسميهآ سلآمة


غآية استغربت : ليش هالاسم ؟


يدي : آسم يدتج آنآ آحب يدتج وآيد وابيج تسمين عليهآ


غآية : ان شاء الله يدي , خذهآ وعد مني لآ يبت بنت بسميها سلآمة وان شاء الله تشبه يدوه وتاخذ ملآمح منك بعد


يدي ابتسم لمآ طآوعته غآية ووعدته , شي جميل آن يدي يحب يدوه للحين ويبانا نسمي عيالنا على اساميهم .. أنا اذا يبت ياهل بسميه على يدي .. عسب تكون لي فيه ريحة الغالي واطباع الغالي ..


يدي : غآية سمعت آنج بتسآفري تدرسي برع ؟


غآية : هي يدي بروح انا ومثايل , وبعد ربيعتها هاي اللي يات اليوم بنروح آنجلترآ بندرس في جآمعه كآمبردج


يدي : زين " حط ايده فوق راس غآية " ديري بالج على حالج يالغالية ولآ تخلين حد يقص عليج


غآية تآثرت : يدي شهآلكلآم ليش جي تقولي انته اليوم ؟ انزين والله بصون عمري وروحي وكل يوم بتصل فيك


يدي مسح على ويهآ وعلى مبتسم وهي خيفآنة .. انا عادي متعودة ان يدي يسوي هالحركآت ويوصينآ على نفسنآ عسب جي لا خفت ولآ شي , حبيبي يدي دآيمآ يبانا نصون عمآرنآ ونحآفظ على شرفنآ , ومآنخون الثقة المعطآية لنآ ..


قمت ايب ليدي ماي يمكن عطشآن ولحقني محمد , استغربت شفيه هذا دودة اليوم ؟ والله ياخوفي انه صدق حب مهره


: شفيك بن عمي ؟ احس فيك دودة لازم نوديك المستشفى يشلوهآ


محمد : ههههههههه لآلآ بس بقولج تتوقعي لو تقدمت لمهره بتوآفق


آنصصصدمممت : كيف تتقدم لهآ آنت بعدك يآلله يعني جي من الله حبيتهآ ؟


محمد : لآ آحسهآ حبوبة واباها تكون حرمتي , وبعدين هي احس بمشاعر صوبها


: لآ تحآول


محمد : ليش ؟


: آمممم مب من نصيبك


محمد سكت ورآح عني حسيت آني حطمته , يمكن هو فهم غلط آن مهره تحب ولآ شي مني مناك بس ي الله انا اكسره ولآ انه يحرج نفسه ويروح يتقدم لهآ وفي واحد متقدم لها قبله .. رحت وعطيت يدي الماي وشربه لفيت آطآلع ملآمح محمد انقلبت وآيد , يالله يا حمود لهالدرجة حبيت مهره من نظرة , اصلا انا ما اؤمن بالحب من اول نظرة , شحت بنظري ابا اجوف مثايل لكن مآجوف غير ذياب اللي مركز عينه علي , حسبي الله ونعم وكيل على عدوه نآوي يفضحني .. ابتسمت له لكن هو استغرب وآيد من ابتسآمتي ..


عمي بوصآلح قال : آبوي انا بخبرك شي


سكتنآ كلنآ ورمس يدي : قول


بوصالح : تعرف قوم ***


يدي : هي اعرفهم نآس محترمين ومعروفين ليش ؟


بوصالح : ولدهم تقدم لمهره بنتي ويعني قلت اخبركم واحطكم في الصورة


مهره وآيد آنحرجت مآتوقعت ابوهآ بيرمس جدامهم كلهم لكن بالعكس كلهم قآموآ يبآركوآ لهآ ويهنوهآ الا محمد كآن يطآلعني بنظرآت معناها توه فهم ليش انا قلت ان مهره مابتكون من نصيبه حسيته مخنوق ..


يدي : محمد شو رايك تعرس ونخلي عرسك مع مهره


محمد : لآ مابا يدي مشكور مآتقصر


يدي : طيعني الشور


محمد اتضايج : قلت مابا " وقآم وطلع برع "


يدي حس بالكتمة : سيروآ نآدولي اياه " طآلعني " ولآ اقولج طلعيني عنده


سآعدت يدي يقوم وطلعته برع كآن محمد قآعد في القعده الخآرجية ويوم جآف يدي ياي صوبه اتضايج وآيد آنه تعب يدي وقومه من مكانه وتلوم انه عصب على لا شي


محمد " غبي انا ؟ كيف خليت يدي يقوم عشاني .. اصلآ انا كيف حبيت مهره من آول نظرة يمكن انا اوهم عمري الله يهنيهآ " : يدي


اليد : سآمحني مآبغيت اغصبك لكن انا بس اشاورك


محمد باسه على راسه : سآمحني يدي انا اللي عصبت عليك بدون سبب مضغوط شوي بالشغل


اليد : هي الله يوفقك يآ حبيب يدك


محمد : آمين


: يدي تعال بدخلك داخل مب زين تم برع الجو شوي بارد


اليد : يلآ


ودخلت يدي داخل وقعدته وكملوآ سوآلف , مآحبيت آطلع عند محمد عسب لا يتضايج آكثر , يكفي اللي فيه ويكفي انه جذب على يدي وقال انه شغل بس مب هذا هو السبب الاصلي زآدت همومي , آلحين دخلوآ في آلقآيمة " مهره ومحمد " الله يعين ويستر من اللي ياي ..


آبوي : آبوي نحن بنروح تآيلند كلنآ



اليد : زين روحوآ


ابوي : وآنت ؟


اليد : وياي حرمتي والبشآكير مأعلي خوف انتوا بطولون ؟


ابوي : اسبوعين


اليد : زين روحوآ كلكم ولآ تخلوآ بعض


ابوي : ان شاء الله


استآنست , هني فعلآ تحمسست يعني صدق بنروحح , بيكون حمآس الشي وآيييد .. واكتملت فرحتي لما جفت موزة ومايد داخلين مع بعض ويسولفوا ويضحكوآ , الحمدالله انحلت امورهم وامورهم صارت تمام ..


اليد : مبروك يا ولدي مبروك يا بنتي الله يفرحكم فيه واهم شي يكون معافى


موزة استحت : ان شاء الله يدي الله يسمع منك


وقعدوآ وكملنآ سوآلف وطبعآ من قلنآ بنسافر موزة تحمست لكن طبعآ مآبيخلوهآ آكيد لآنهآ حآمل فآنحبطت لكن وعدهآ ميود يحوطهآ بالبلآد ومن تربي بيسفرهآ اي مكان خآطرهآ فيه ..



بعد السوآلف والضحك يدي طلب منا نروح نام عسب باجر بيمشينا في المزرعة وبيعلمنا نحن البنآت عن النوق وسوالف شواب كبار ومادري شو ومنها نريح عسب باجر الشباب قالوا بيطلعونا , آحس حمآس الشي لكن للحين بآلي مشغول , لفيت وانا اطالع مهره وغآية , دخلوآ في رقدة محترمة , آلآ آنآ للحين مآغفت لي عين ولآ جفن بس افكر , شو بيصير فيني بالمستقبل ؟ يا ترى بيكون نصيب بيني وبين ذياب ؟ انزين سهيل بيرد وبشاير بتجبر خآطره ولآلآ ؟ موضوع سهيل حيرني واللي قعدت افكر فيه اكثر الحادث اللي سبب لبشاير هالعجز انها مابتقدر تمشي يا ترى حد ورآه ؟ قلت يمكن من ضيجتها على سهيل لكن سرعآن مآطردت هالافكار من راسي ويا في بالي محمد , مب مصدقة انه تتعلق في مهره بهالسرعة , آنزين هو بس جافها مرتين معقولة حبهآ ؟!! , الله يعينه ولد عمي اكيد بيتعذب وآيد وهو ينتظر مهره , لو الله كآتب بينهم نصيب بيصير ولو مآكتب الله كريم , جفت السآعة وآنصدمت , آلسآعة الحين 1 ونص فليل وانا كله افكر , افكار تيبني وافكار توديني لين مآغفت عيني ونمت حذال غآيةة ..



.


.



آنتهى

	المشاركة الأصلية كتبت بواسطة jo0wjo

	الروايه حلو استمري حبيبتي وحبيت الشخصيات

تسلمين , آنتي آلآحلى بمرورج وطلتج
حبتج العآفيةة , آنرتي جميلتي ..
كوني بالقرب دآئمآ <33