ياما وياما

محروم.كوم · #1 06-23-2013, 07:20 AM

يسرني المشاركة بهذه القصيدةإكراماًلأخ جديد على هذا المنتدى العزيز رمز لإسمه ب ( واحد درويش ) وارجو ان تليق بمقامه .

بسم الله الرحمن الرحيم

ياما وياما

ياما حيا ناس (ن) وهم ميتيني
............... وياما يموت وينتهي ناس حيين

وياما حضر ناس(ن) وهم غايبيني
................ وياما يغاب ويختفي من دنيين

وياما يكذب من كلام(ن) رسيني
....... وياما صدق ناس(ن) على الكذب ضارين

وياما عِشق رجل(ن) بخيل(ن) دويني
............ وياما كِره ناس(ن) رجال(ن) مشاطين

وياما تعاف النفس من عاشقيني
........... وياما شقي في طرد ناس(ن) مقفين

وياما مدَح ناس(ن) وهم كاذبيني
........... وياما رمي بالكذب ناس(ن) معافين

وياما قريبين(ن) وهم مبعديني
................... وياما بعيدين المسافه قريبين

وياما بعيد(ن) بك مشقى(ن) شطيني
............ وياما قريبين(ن) وهم عنك لاهين

وياما شرب لين ارتوى المبعديني
...... وياما عطش ناس(ن)على الماء مقيمين

وياما سبح بالعين من هالكيني
............ وياما شرب من مارد العين قاصين

وياما بكيتَ من رفيق(ن) عويني
........... وياما ضحك لك في زمانك معادين

وياما العداوة من رفيقك تبيني
.......... وياما المحبه لك تجي من بعيدين

وياما شِرب مر(ن) على الحلق شيني
.......... وياما قراح(ن) صار في مطعمه شين

وياما افترق ناس(ن) وهم كارهيني
......... وياما اجتمع ناس(ن) وهم غير راضين

وياما انقطع حبل(ن) قوي(ن) متيني
............ وياما اتصل حبل(ن) وهو ما فتل زين

وياما رضي ناس(ن) وهم مزعليني
........... وياما زعل ناس(ن) وهم عنك راضين

وياما عمي ناس(ن) وهم مبصريني
............ وياما يدل الدرب ناس(ن) ضريرين

وياما ارتفع ناس(ن) وهم طامنيني
............ وياما طمن في منزله من رفيعين

وياما شبع ناس(ن) وهم جايعيني
.......... وياما ادعى بالجوع والفقر ترفين

وياما تعس ناس(ن) وهم مسعديني
........... وياما لبس ثوب السعادة مشقَين

وياما بكى ناس(ن) وهم مترفيني
............ وياما ضحك بالسن ناس(ن) شقيين

وياما مريض(ن) لك صحيح(ن) يبيني
............. وياما صحيح(ن) في ملامح مريضين

وياما القرابه لك غدو منكريني
................. وياما وفا لك في زمانك بعيدين

وياما يضل وينخدع من ذهيني
.......... وياما طلع بالحل ناس(ن) غريرين

وياما بدى نذل(ن) بثوب(ن) حسيني
........... وياما حسين(ن) في ثياب(ن) خلاقين

وياما ادعى بالدين من كافريني

........... وياما يكّفر من خيار المسلمين

وياما خشع في ركعته من لعيني
........... وياما ظهر بالطهر ناس(ن) خسيسين

وياما برى ناس(ن) وهم مجرميني
.............. وياما دخل بالحبس ناس(ن) بريين

وياما غلب ناس(ن) وهم قاصريني
.............. وياما هزم ناس(ن) وهم مستعدين

وياما بها الدنيا عذاب مبيني
.............. وياما بها عسر(ن) تعذر معه لين

وياما بها قلع المدى والشطيني
.............. وياما بها تعبو وشقيو مشاطين

وياما بها منهو تشّكى حزيني
......... وياما بها عاشوا دهرهم حزينين

وياما وياما باعدت من ظنيني
........... وياما وياما فرّقت من محبين

وياما ابتلاك الله بالعاذليني
......... وياما تقاس اقوالهم بالموازين

وياما بها من عابسات السنيني
........... وياما مقابلنا بها من طواعين

وياما على حبل الرجا ممليني
.......... وياما تعب راج(ن) بها والمساكين

وياما افرحت ناس(ن) وهم ميسيني
....... وياما افزعت ناس(ن) وهم غير دارين

وياما وياما ربك اللي عويني
.............. وياما وياما فك عسر المدايين

وياما بقلبك من جروح(ن) دفيني
.................وياما قتلك الهم والله لك معين

وياما بها منهو مرضه الحنيني
..........وياما تعنّى به رجال(ن) صبورين

وياما بها ناس(ن) بكو نادميني
.......... وياما تحسف فاعلين(ن) بها شين

وياما نجر من الوله من ونيني
................ وياما دفّنا بالضماير مخفين

وياما بنفسي من كلام(ن) رصيني
.......... وياما كلام(ن) ما يبيّن وهو زين

وياما وياما والله اللي يعيني
.......... وياما وياما ما عليها مقيمين

آل- بوهلال التميمي (احمد العبدالوهاب،ابوراكان)
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ياما صبرنا والصبر مر يا سعود ...... وياما ضحكنا والضماير عليله (آبن مخيمــر )	محروم.كوم	منتدى أخبار المواقع والمنتديات العربية والأجنبية	0	04-27-2013 01:30 AM
ياما ركبنا في بحور للاهوال ...وياما على كور المطايا ردافي ..راعي العجراء	محروم.كوم	منتدى أخبار المواقع والمنتديات العربية والأجنبية	0	04-10-2013 01:00 AM
نغمه قد تغير حياتك لروعتها ورقتها بعنوان ياما وياما خطينا	محروم.كوم	منتدى أخبار المواقع والمنتديات العربية والأجنبية	0	09-17-2011 08:10 PM
نغمه قد تغير حياتك لروعتها ورقتها بعنوان ياما وياما خطينا	محروم.كوم	منتدى أخبار المواقع والمنتديات العربية والأجنبية	0	09-17-2011 04:00 PM
ياما ضحكت بدنيتـي ضحكة أفــراح’’’وياما بكيت من الفـــرح بعـد الأحـزان	وهآيب . . }	اناشيد وصوتيات ومحاظرات ومقاطع دينيه وصوتيات ويوتويب اسلامي,	10	06-05-2009 02:09 AM