رساله // بقلمي ((زياد السنباني))

زياد السنباني · #1 05-16-2013, 12:03 AM

مدخل // بقلمي زياد السنباني

ذكراك مابه لها تعبير في ظني
الا انها فــــ الزمن لاجت ولا راحت

تعبت أبكي على ذكراك واغني
لا ضاقت النفس بالذكرى ولا ارتاحت

كنّي حقيقه وكنّي وهم .. أو كنّي
دمعه على الخد لاجفت ولا طاحت !!

رســـــــــــالـــــه // بقلمي زياد السنباني

رساله جت على غفله تذكرني زمن عشناه
وترسم لي ملامح حب ضيعنا حكاياته

ملامح من حكايه حب قبل اسنين ودعناه
نسيت اكثر تفاصيله وشابت فيني اوقاته

رساله .... والرساله جت من اللي كنت اتمناه
تفدم لي أسف قلبه وشوقه واعتذاراته

بعد ما ذبلت ايامي وعمري فـــ انتظاره تاه
يبي من قلبي الطيب يكرر نفس غلطاته

وانا ما عاد في قلبي مساحه للألم والآه
وترجع سيرة احزانه وتتجدد معاناته

تناساني وانا اللي عشت خمس اسنين في ذكراه
وخمس اسنين كذّبني وانا صدّقت كذباته

على شط الرجا ياما انتظرته رغم ما سواه
وامواج العمر مرت ولا لاحت شراعاته

يبيني بعدما ضيّع حياتي كلها ... القاه
انا مقدر الاقي اللي اساساً مالقى ذاته

كفايه.. كنت اشوف بنظرته ان شافني ((مأساه))
ولحظه ما بكيت لفرقته ... ((شفت ابنساماته))

الا يا ظالم اللي كم سقاني من ضما فرقاه
وكم خلاني ارسم من جفاه احلام جــيّــاته

وش اللي ذكرك ماضي ترمد وانتهى معناه
على كف الغلا حطك وخطك باكثر ابياته

خلاص اللي مضى ما ينفعك مهما تذكرناه
وانا ماعدت اتذكر اساساً غير زلاته

مــ دام احنا قبل ما نشتري ((صدق الهوى)) بعناه
فانا وياك لازم نختصر باقي مسافاته

وخذ مني نصيحه قبل ما تبعد لوجه الله
تراعي كل ما تحكي فراقي (( ناس شــــمّـــاتـــه))

وسوي الخير لو في غير من يستاهله ... تلقاه
وكــــــل انسان بايلقى جزاه بقدر نياته

رساله قلبك اللي كان طيّب والزمن قـــســــاه
خساره .. ما بقى له شي فيني (( والهوى فاته))

على ذكر ((الهوى اللي فات)) احسن لي ولك ننساه
لأنك وحـــــدك الخســـــــران لو نفتح ملـــــفاته

مخرج // بقلمي زياد السنباني

سوّ الذي يعجبك ما عاد لك اعجاب
وما عاد تفرق معي ان غبت او تبقى

بقول لك شي ما قلته وانا كذاب
((مثلي ترى لو تطوف الارض ما تلقى))

راضي بفرقاك... لكن مو بدون اسباب
ارجع ندوّر سبب مقبول للفرقا

تحياتي للجميع // زياد السنباني
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هيا / بقلمي (زياد السنباني))	زياد السنباني	شعر و خواطر	4	11-13-2017 02:45 AM
كابر // بقلمي زياد السنباني	زياد السنباني	شعر و خواطر	4	07-10-2013 12:18 AM
خليتك انتي كل شي ... بقلمي / زياد السنباني	زياد السنباني	شعر و خواطر	5	11-03-2012 11:24 AM
((نـــــــــدى))!! بقلمي/ زياد السنباني	زياد السنباني	شعر و خواطر	1	10-09-2012 09:00 PM
((سألت عنك)) بقلمي /زياد السنباني	زياد السنباني	شعر و خواطر	1	10-09-2012 08:55 PM