|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
يقولون القصه بلهجة أهل الافلاح والي يبي مترجم مستعدين ً وهي من سواليف واقع الحياه وليست من الخيال . يقول الراوي : .... السلام عليكم ورحمة الله وبركاته ،،،، .. اذكر في سنه من السنين وانا فالحن نخل في السيح ومعي المسحات مغير اروس ( والرياسه يعني اسقي النخل ) واذكر فيه جدار طايح منه شوي و اواجر واحد يبنيه يجي ويلبن لبن ويبني الجدار المهم كان عندي غنم فوق 70 راس وكلهن نجد لان غنم اهل نجد معروفه عن غيرها تجي سود وروسهن بيض المهم عندي خروف كنه اسد كل من شاف احد يلحقه يلحقه يبي ينطحه وقبله غاثني وقُبلي شايل جيلون رابط فيه حبل ورابط العصا في الحبل علشان اذا اقبل علي الخروف اطق الجيلون ويخاف ويروح عني , ،، الله من مره لحقني ولالي الا النخل ارقا عليهن ،،. ياالله اسلم منه المهم واجرت الرجال وجاء وقعد يخلط الطين مع التبن وهو يخلط جاه الخروف مع وراه وماشافه الرجال وهو ينطح الشايب مع مقعدته وهو مطمن يخلط الطين ويدخل راس الشايب الين كتوفه في خلطه الطين غاص الضعيف راسه كله ولاي اشوف المنظر ولاعاد قويت امشي غشي علي من الضحك ويقوم الشايب ويطلع راسه ولاك ماتشوف ملامحه كله طينه وحده وياخذ المسحات وينطلق وراء الخروف ويوم ابعدبه الخروف ويصير الطارد مطرود ويمرني الشايب معه مسحاته على اسرع شي وهو جعله في الجنه يعرج عرجتن كايده الى شفته وهو يركض تقول واحدن يلقط حصا من الارض ويوم شافني اضحك قال شغلك عندي يالهيس ،، انا ماقويت اتحرك من الضحك واتلا خبري بالدنيا يوم هبدني الخروف مع راسي ،، يعني يوم نطحني انا اذكر ولَّعت الدنيا ثمن معاد ادري وين انا فيه اغمي علي ولا صحيت الا الشايب جارني الين الجابيه اللي فيها الماء وحاط راسي على رجله ويغسل وجهي وراسي يبيني افتح واغمض دايخ وما دريت الا يوم رزح براسي الشايب وهو يصيح جاك جاك جاك اثر الخروف شان هجوم علينا ويطب هو في الجابيه وسط الماء ويزلق ويطيح وانا قمت احبي الين طبيت في الماء ثمن قال لا بارك الله في هاالجدار وتبت عقبها( توبة العصفور عن نومة الضحى) وصرت ما عاد اطلِّع ذا الخروف ،، اصك عليه في الحوش. . __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
طرح وكري في الافلاج يوم امس الثلاثاء 13\11\1432هـ بمنطقة الافلاج | محروم.كوم | منتدى أخبار المواقع والمنتديات العربية والأجنبية | 0 | 10-12-2011 11:40 AM |
هاك الاهداءات 1.1 المميز+الخفيف+عدم استهلاك: بلهجة عراقية لجميع النسخ 4.0 | محروم.كوم | منتدى أخبار المواقع والمنتديات العربية والأجنبية | 0 | 08-20-2010 03:30 PM |
ارمس بلهجة هلي ,,,, مرحبا بعيال زآآآآآيد ~~ | رشفة وفا | سيارات و دراجات | 16 | 09-14-2009 07:53 PM |
نغمات رائعة بلهجة فلسطينية | محروم.كوم | منتدى أخبار المواقع والمنتديات العربية والأجنبية | 0 | 06-09-2009 09:20 PM |
اغنية الو بابا فين بلهجة الاماراتية طررررررررر | جروحي مع الزمن | أغاني, كلمات الاغاني , صور فنانين, فيديو كليبات | 40 | 12-12-2008 03:10 PM |