السلام عليكم ورحمه الله وبركاته

عاد وش اسوي مدلعيني ومعطيني البرنزي جزاهم الله كل خير وجمل الله حالهم ورفع قدرهم ومقدارهم قلت عاد لازم اشارك هههههههههههههه


يالله تحيي الغالين كلهم ايه انتم يالي تقرون

اذكر سنه من السنين مووووبطي ههههههههههه كنت رايح عند عجوز ابا اعطيها غرض معي المهم طقيت الباب وقالت من عند الباب قلت انا قالت ترا الباب مطرف ادخل يعني ترا الباب مهوب مصكوك هذا معنا مطرف و دخلت عندها ياملا الجنه ونا توي صغيير منيب كبير وتهلي وتمرحب بي تدرون وش انا جايب لها معطتني امي جعلها للفردوس قدر صغير ومليان مخامير ذيك الي يجي فيها حليب يم يمي ههههههههه اشتهيتها هلحين المهم يوم جيت عند العجوز وجلست لقيتها مسويه قهوه وجالسه تقهوا على ذاك الحصير الي من الخوص الي الا جلستا عليه وقمتا ولا حزوزه في رجليك ههههههههههه ما عندنا نعومه منول انعم شي نجلس عليه منول الرمل هههههههههههه المهم والله يعينا على المهم وتقوم يوم جيت وتروح للجصه والجصه يالغالين هي الي يحطون فيها التمر منول وتروح للجصه تبي تجيب تمر طبعن المهم كانت حاطه تحت باب الجصه خرزتين حقه السواري الي يبنون بها السواري وهن حصا يجن مدورات الشكل هذا الي نسميها منول الخرزه وهي حاطتهن علشان تطول تجيب التمر ونا خبري بها داخل نصها وصط الجصه لان التمر صاير بعيد ولا دريت الا بالعجوز تصارخ ههههههههههه طاحت وسط الجصه ظعيفه راسها تحت ورجليها فوق وهي تقولي تكفا ياوليدي تعال جرني ههههههههههههه وجي ابا اجرها اناكنت مرتاع من الموقف المهم وجي ابا اجرها مع ثوبها بقوه ولا دريت الا بالثوب يوم انشق ههههههههههه المهم وجود رجليها وجرها ويوم طلعت ولاها تقاطردبس منقلبه نطفتها ظعيفه وتقعد تهوش علي وراك تشق ثوبي ههههههههههههه انا وش اسوي بها مدري مع وين اجرها الله يغفرلها بس طلع شكلها مرعب مع الدبس ونحاش وخليها وهي حسها تناديني تعال تعال وش اجي طلعت كنها جنيه هههههههههههه الله يغفرلها ويرحمها وميمتي وبيي وخيي وجدي ونا ونتم وكل من شهد ان لا اله الله وان محمد رسول الله -


الله يالدنيا تصدقون فيه هلحين قاظي في هيئه التمييز كان منول يدربيني على كفر القلابيات ههههههههههه وكنا نجيب الكفرات منول ودخل في الفتحه الي في وسطها ثمن يجي ذا الشيخ يدربيني كنه مهبول فيذا السكيك ولا هيب مره ولا عشرين مره وهو يدربيني بالكفر وشفته مره في مقر عمله ويوم شافني عرفني ويغشا علي من الظحك وقلت له وشرايك نسويها في طريق الملك فهد الي في الرياض وجلس يظحك الله يوفقه -
خل اعلمكم بشي ما علمتكم به انتم دارين اني باغي اموت من موووووبطي يومي فالح نخلي بشقراء صدق الي باقي له عمر يعيش وبس المهم قولول وشلون اقول لكم وشلون هماي مره من المرات كنت جالس احصد زت اقول برسيم اريح مهوب ينكتب المهم جالس احصد ونا طول منا جالس احصد اسمع شي يقول طق طق طق صوت شي يطقطق بشويش ونا عاد انتم خابرين راعي النخل كلش يطقطق عنده وعسبان النخل تخرفش مع الهوا المهم مالقيت للطقطقه بال ابد وحصد وحصد يوم تعديت جذع النخله الي انا جالس تحتها احصد ولا يوم خبطت النخله مابيني وبينها شي ابد حتا وحده من الكرب مشختني يعني جرحتني مع ظهري بس جرح بسيط لله الحمد والمنه ولا كان ما تلقون هلحين سحسح يسولف عليكم كان صاير مظاغه تحت النخله بس عمر الشقي بقي زي مايقولون المصاريه

وخل اعلمكم بشي بعد توي ذاكره كان فيه مزرعه قبال الحميضيه وكان فيها ثور ودخل النخل هذا ولا مافيه احد اهله ساكنين في وسط الديره ما سكنوفيه المهم ويوم دخلت ولا الثور اشوفه ياكل وسط الحياله ثورن وش كبره وله قرون اللهم عافنا تروع من كبرهن وروح يمه اثره منقطع الرسن حقه والرسن يالغالين سلسله من الحديد نسميها منول الرسن المهم صار يالله تغربله منقط الرسن حقه وهو الي يلتفت علي ويجيني معطيني عمره ونا الي انطلق اسرع شي ممكن والله انه وصلني وقوم وفتح باب النخل وطلع وصكه بالمجرا ومادريت الا هو جاي على سرعته وينطح الباب ولا الباب من صيد امس ههههههههههههه يعني خرعه خرع الله رقبته وينطلق وراي وروح اركض مع الشعيب الي يخلي الحميضيه على اليسار الي يروح ويصب في الحميديه يازين اسامي مزارعنا منول الحميضيه - الحميديه - ونا وش بيديه ههههههههههههه امزح المهم ويلحقني ويوم جيت حول بيوت الصبخه ولا هذا واحد جاي يمشي وينطلق معي يوم شاف الثور الي وراي وندخل انا والرجال في مسجد الصبخه الي كان لاصق في بيت الراشد الله يذكرهم بالخير ويرحم ابوهم سليمان ومهم الله يغمدهم الفردوس ونعم الناس والذكر الطيب والحبابه الي ولدهم عبدالله ومحمد هو الكبير البرير الي بار بمه الله يوفقه ويسعد قلبه دنيا واخره ويرزقه - ويوم دخلنا المسجد ولا الرجال الي جاي معي يويق مع الباب ولاه يقول جاك جاك وشوا صكينا الباب وراح يركض منعند حجره السكور متجه للجرعه الله يعين الي يبي يصير في طريقه ولا عاد ادري عنه وش صارله بصره جعله يموت ولا ينطح احد


وسبحان الله وستغفرالله عدد خلقه وزنه عرشه ومداد كلماته