سالفة: قبعة طعسه..قوافي

محروم.كوم · #1 03-12-2013, 04:30 PM

مشرفينا الافاضل
أخواني ،أخواتي،زوارنا
السلام عليكم ورحمة الله وبركاته
اسعد الله صباحكم ومسائكم بكل خير
مع كثر مانروح للبر ونخيم صار عندنا يالحريم بعض الخبره وشب :f وأشياء كثير لكن بالأساس نعتمد على الرجال ..
تعودنا لين طلعنا كلش والم ماينقص إلا تشريفنا وقص الشريط للبدء بتدشين المخيم بصجتنا حنا وبزاريننا والاعتراضات اللي ماله أول من آخر ورى هذا هِنا وذا وراه بذا لا حمداً ولا شكورا يالحريم وياصبر الارض ؟؟بعض الساعات ودي أطقنا!!!
سالفتنا بطلعه من طلعاتنا معنا عروس لخالي كبيره شوي لكنه غثتنا بالتعديلات وتراي خبيرة بر ويسمونن :

،،طـــعـــســــه،،
المكان مهوب بحاجة تعديل كامل والكامل وجه الله..
لكن الله يهديه به بعض اللقافه:s:l:f
وليت على سنع تعدل وهي تخرب وتحوس وتراي طعسه شفتو ،وحنا مانبي نقول له شي وهي ضيفتنا لأول مره وعشان عيون خالي الله يرحمه ويسكنه جنات النعيم (تكرم مداين موب مدينه لو تهد المخيم كله)..
كل صبح اقوم واحمد ربي ان خيمتي لين الحين بمكانه ،والرواق كل مازيناه شقلته بوجه الهواء ،وغير الاعتراض على المكان وذكر الاماكن الزينه اللي تهبل و هذا مريناه انا وابو فلان تعاني خالي انتم ماتعرفون؟؟ طيب وين؟؟ هناك عند الشعيب الفلاني يعني وشلون نخيم وعندنا بزارين حول شعيب مدري وخالي تراه يمشيتس ويدري ان هذا مكان ما يصلح لعوايل..
المهم نوينا نشوي بالليل قالت علي الشوي!! بس انا مابي لحم ولا دجاج ابي سمان،، وحنا مافيه احد عندنا ياكل سمان إلا طيور أخواني ،أخذنا له صحن من ثلاجة الطيور وحنا ولمنا لحمتنا وودجاجنا..
قالت:
انا اللي ابشوي كلش انتم استريحو تراي خبيره،، وماااااااش ماهقيت ان وراه خبره..
( ناظر وجه العنز واحلب لبن )
اول مابدت كومت الحطب وقلناله تراه موب مولع قالت:
روحو ! روحو ! ماعندكم سالفه
تعلموني !!!!
قلنا لا، الله يقويتس..
انتلت دخاخين:c وعميت عيونه والدموع اربع اربع وحنا بصراحه نضحك ..
طيب خل نساعد تقول لا !!
تركناه ودقايق مادرينا إلا وسمعنا
بوب قبععععععععع
همن اسكت البلبل عن التغريد؟؟
واثره جابت دفاية الجاز و صبت من الدفايه على الحطب وهو فيه شوي نار وقبعة الحرمه وجهه غدا أسود لا رموش ولا حجاج والجبهه طلعت احترقت الشوشه،، وراحت طعستنا مشوي :f والحمد لله جت سليمه..
تحياتي
اختكم
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:من خاف سلم..قوافي	محروم.كوم	منتدى أخبار المواقع والمنتديات العربية والأجنبية	0	01-20-2013 01:40 AM
سالفة:رسب ثمن سقط..قوافي	محروم.كوم	منتدى أخبار المواقع والمنتديات العربية والأجنبية	0	07-07-2012 01:20 AM
سالفة: زيد وعبيد..قوافي	محروم.كوم	منتدى أخبار المواقع والمنتديات العربية والأجنبية	0	05-28-2012 03:11 AM
سالفة:عيد الرعب..قوافي	محروم.كوم	منتدى أخبار المواقع والمنتديات العربية والأجنبية	0	05-10-2012 08:50 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM