السلام عليكم ورحمة الله

قدر الله علي .. اني أقدم ( شغاله ) للوالده حفظها الله .. وقال لي واحد ( الله يصلحه ويهديه ... ) فيه مكتب ممتاز وسريع ..

أسمه

( مكتب زاوية الدايار ) بالعليا خلف مستشفى العسكري هاتف: 2193939 (01)

حسبي الله عليك عدد ما طلعت النجوم وعدد قطرات المطر والبحر وعدد ذرات التراب وعدد ما تعاقب الليل والنهار وعدد ما تحرك الشيء وسكن إلى يوم الدين ..

والله أن أمي عجوز كبيره تدعي عليه ليل ونهار ..

المهم .. رحت وقدمنا قال شهرين بالكثيييير وتجيك .. ( وخذ ايمان في أيمان وحلوف ويقسم بالله يمين مغلظه )

قال رسول الله -صلى الله عليه وسلم- قال لا تحلفوا بآبائكم، من حلف له بالله فليصدق، ومن حلف له بالله فليرض، ومن لم يرض فليس من الله رواه ابن ماجه بسند حسن.

المهم وتعدينا ثلاثة أشهر وهو يقول الاسبوع هذا

ومره يقول والله فيه شوي مشاكل في أندونسيا

المهم وصلنا إلى الشهر الثامن يعني تخيلوا ثمانية أشهر وأنا مراجعات لهذا المكتب

قلت ما بدها .. بروح أشتكي ..

لكن يا حسره لمن تشتكي .. ( حاميها حراميها )

رحت للشرطه قالوا ما لنا دخل رح لمكتب العمل قلت يعني لو أضربه مالكم دخل قال لا على طول نجي ونمسكك

رحنا لمكتب العمل قال المكتب الفلاني قلت ايه ؟؟؟
سكت شوي قال أبشر إن شاء الله ثلاثة ايام وتلقى المكتب ( مغلق ) وعطاني ورقه للمكتب

رحت وأنا فرحان .. بس ضمنا ترجع فلوسنا وراعي المكتب يبي يخاف من مكتب العمل

ولقيت الشرطه عند المكتب والعالم مجتمعين

اثر العالم مشتكيه قبلي

المهم قال راعي المكتب الورقه إللي معك ( بلها وشرب مويتها )

رجعت للمكتب العمل بعد ثلاثة أيام قال لي راعي مكتب العمل تبغى أحول أوراقك للمحكمه قالت تمام حولنا

والمصيبه صارت مصيبتين قال لي كاتب العدل راجعنا بعد ( ثمانية أشهر ) يؤ يؤ قلت وين والله لو قضيتي قضية أرهابية ما تاخذ هذي المده

قال هذا إللي عندنا قلت في نفسي ( بعذر القاضي ما يجي إلا الساعه 10 ويطلع وحده ) ولا عندهم توقيع حضور وإنصراف ..

رجعت لمكتب العمل قلت هذا ما قلوا لي في المحكمه قال مالك إلا تصبر

قلت بس مالك إلا ( الوزير القصيبي ) حامي بحامي

رحت لمكتب القصيبي لقيت السكرتير قلت بقابل الوزير قال وش عندك قلت قضيه قال الوزير مو موجود ؟؟

تعال يوم الثلاثاء بدأ التصريف من فوق

جيت يوم الثلاثاء قال ما جاء أكتب معروض وهو يقراه كتبنا المعروض

ولنا الان حول شهر ما رد علينا ( طويل العمر )

لكن المصيبه أكتشفت أني لست الوحيد في سرقات هذا المكتب وأنه سبق تقديم شكاوى على هذا الكتب ؟؟

ونصحيه أبحث للي يبغى يستقدم على شغاله أكتب اسم المكتب في الانترنت قبل ما تستقدم ..

بحث في الانترنت عن هذا المكتب وكتشفت المصيبه ..

أنظر إلى الصور
1


2


3


4


5





شفتوا .. لست الضحيه الوحيده .. والمصيبه أن المكتب لازال يعمل إلى يومنا هذا

وقلب النشاط للفتره الصباحيه فقط علشان ما أحد يراجعه



.. ...