|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالحوار والنقاش - الرأي والرأي الآخر مواضيع ساخنة , مواضيع نقاش , مواضيع جريئة , نقاش جاد يمنع المنقول والردود السطحية |
| LinkBack | أدوات الموضوع | انواع عرض الموضوع |
#1
|
آسـعـد الله مسـآكـم \ صبـآحـكم شــح ــآلــكم .؟ كــلـن بحـآلـهـ ؟ التربيـهـ العسـكريـهـ للفتيـآت قرآر يديد ينص على إضـآفة مـآدة التربيه العسكريـهـ لمدآرس البنـآت حصتين في الآسبـوع على مـآ أظـن .. أنـآ يوم سمعـت الخـبـر مـآرمـت استوعـبـه ..! شقـآيل يطبق قرآر شرآت جذآ على البنـآت .. المعروف انه جنس حوآء جنس نـآعـم مـآلـه في الزحف والسـلآح ..ألخ من تدريبـآت العسكريـهـ اللي تعتبر قـآسيـهـ بعض الشـئ وتعود عالخشونهـ .. وغـيـر لبسهـم اللي هو نفسه نفسه لـبـس الأولآد فالعسكريـهـ ولازم تلبسهـ يوم كــآمل اتتيي من البيت لآبستنـه متخيلين شكل بينه لابسه عبـآة ومن تحت جوتـي العسكريـه ..! ومانعيينهم يسوون اي شي او يلبسون اي شي من اكسسوارات يوم العسكريه يعني جذآ بيصيرون يشبهون الآولاد شكـلا ومب نـآقـصـين ترآ بويــآت متوفرين البويـآت فوق الحد اللآزم أنـآ بصرآحـه المـوضـوع مب عـآيبنـي كلـهـ علـى بعضـهـ وهـذآ مايعنـي أنه ماشي حريم في سلك الشرطه أو الجيش لكن هن اختارو هالشي رواحهن والحمدلله تسد مدرسه خوله بنت الآزور للي تميل لهالمجـآل .. وعلى عيني وع رآسـي اللي في هالمجـآل فعلا يبيضن الويــهـ .. بس مش انه يتطبق الزاميـآ في كل المدارس الفكره انه نهيئ الشعب في حـآل تعرضنـآ لحرب - لا سمح الله ويديم على دارنا السـلآم - لكـن دور الحرمـهـ فالحرب انه تداوي وتسقى وتساند اللي يحاربون مب تحارب ويـآهم .. يعني لو يعلمونهم عن آجوآء الحرب وكيف تكون عشـآن الحريم يعاونون الريايل ويعرفون كيف يتصرفون وقتها لكن انه يعلمونهم تركيب وفج سـلآح ..! هـآي قويـهـ أترك لكمـ المجـآل حق تعطونـي رآيـكـم والسموحـة ان تعصبت لرآيي وأأيــد وقـوم المدآرس أتمنـى توضحون لنـآ الموضوع أكثر وانتو كبنات عايشين الجو .. شو رآيكــم ..؟ __DEFINE_LIKE_SHARE__ |
03-10-2013, 10:04 AM | رقم المشاركة : [ 2 ] |
عضو ذهبي | تسلمين اول شي على الموضوع .. وايد سمعت شكاوي من بنات يدرسون هالكورس و ماعرفت انه شي هالكورس الصراحه الا منهم .. بشكل عام مشاركة البنت في الخدمات العسكرية ما اتخيلها .. بهالطريقه البنت شكليا مثل ماقلتي مابتكون بنت حتى التصرفات والحركات مستقبلا بتأثر عليها وبتتأثر ومابتحس يمكن بسلوكها وتصرفاتها .. صح حلو انه البنت يكون لها دور كبير في بلادها وترفع راسها وراس اهلها وبلادها فوق بس مايجبرون هالكورس على كل البنات .. حواء جنس ناعم ومابتقدم كثر الي بيقدمه آدم الجنس الخشن وطبيعة البنات ماتسمح انه تقدم مثل هالخدمه .. اذا بنرمس عن الواقع الي عايشينه حاليا ، وبما انه البنات وايد ويالكعوب،اي بنت بتقدر تستغنى عن كعبها العالي مقابل حذاء العسكرية مثلا؟!! وبما انه الحجاب مايستحملونه هالايام فـ كيف بيتحملون لبس العسكريه والخوذه و و والخ !! وبما انه البنت ماتقدر تشل طاوله او كرسي ،اي قوة الي في البنت الي تسمحلها انه تشل سلاح ولا تقود دبابه مثلا ؟!! اي بٌنية ناعمة تسمح بهالتعب والمشاق ؟! من استوت الدنيا نعرف انه شي فرق كبير بين البنات والشباب ومهما حاولو يساوون بين الرجل والانثى فـ الرجل له قدرة تحمل هالاشياء اكثر كون طبيعته تسمح بهالشي !! " في نظري" مهما كان البنت لها حدود وكلنا نعرف انه الدين رفض مشاركة البنت في العسكرية نظرا لاختلاطها بالرجال بشكل دائم والسفر بدون محرم ومبيتها خارج المنزل لايام و عدم قدرتها الدفاع عن نفسها اذا تعرضت لاي هجمه من قبل اي رجل .. والله المستعآن .. حنقول ايه ياختي تقبلي مروري والسموحه __DEFINE_LIKE_SHARE__ |
| |
03-10-2013, 08:36 PM | رقم المشاركة : [ 3 ] | |||||||||||||||||||||
عضو ماسي |
الصراااحه ابدعتي في الرد ولا تحرميني منه ابد ولا تحرميني من طلتج الحلوووه __DEFINE_LIKE_SHARE__ | |||||||||||||||||||||
| ||||||||||||||||||||||
03-21-2013, 03:58 AM | رقم المشاركة : [ 4 ] |
عضو جديد | السـلأأم عليكم . . يعطيج العافيه ع الطرح . . . . اممم انا برأي ماشوف فيها عيب ان البنت تتعلم هالاشيآ !! شو الـي يمنع من اننا نتعلم الرمايه وندرس العسكريه ! . . عن نفـسي ! " احـب حصة العسكريه " وانا ضدج يوم قلتي [ . . المعروف انه جنس حوآء جنس نـآعـم مـآلـه في الزحف والسـلآح ..ألخ من تدريبـآت العسكريـهـ اللي تعتبر قـآسيـهـ بعض الشـئ . . ] \ بالعكس لا فيها زحف ولا شـي . . كلها كلها دريبات عسكريه " خفيفه " مثل [ كيفية الوقوف فالطابور العسكري . . الاعـآزآت العسكريه . . التحيةة العسكريه . . البلااغة في حال حدوث شـئ لآسمح الله . . الخ ] وإذا يينا على السلاآح " هي مـره وحده تدربين على الاسلآح وبعدين تروحين تمتحين والذخيره تكون غير حيه " الليزر " . . وطبعا مثل ماقلتي هذا يهئ للحروب لاسمح الله . . . . وغير جي فك السلآح وتركيبه هذا شي عـآدي بالعكس لو صار شي لآسمح الله تكون هي عارفه كيف تصرف . . . . واذا ع البويات " فـ مدربات العسكريه " الـي عندنا مشينهم ع الصرآط المستقيم . . . . هـذآ برآيي انـآ وانا احترم وجهةة نظرج . . والسموحه . . __DEFINE_LIKE_SHARE__ |
| |
03-21-2013, 04:03 AM | رقم المشاركة : [ 5 ] | |||||||||||||||||||||
عضو جديد |
امم السموحه منج اختي , , بس دينا مايرفض مشاركة البنت بالعسكريه !! عيل وين دور خوله بنت الازور ! وين دور ام عمار ! وقال عمر ابن الخطآب " علموا ابنائكم السباحة والرماية وركوب الخيل " . . ولكل منا وجهةة نظر ورآي وهذا رآيج بس حبيت اعلق على هذا الشي . . والسموحه منج خيتو =) __DEFINE_LIKE_SHARE__ | |||||||||||||||||||||
| ||||||||||||||||||||||
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
وبر(طرس) لمن لديه وبار للتربيه | محروم.كوم | منتدى أخبار المواقع والمنتديات العربية والأجنبية | 0 | 06-17-2012 02:50 PM |
ذبايح وحلال للتربيه للبيع | محروم.كوم | منتدى أخبار المواقع والمنتديات العربية والأجنبية | 0 | 08-03-2010 10:20 PM |
سمان للتربيه والاكل للبيع | محروم.كوم | منتدى أخبار المواقع والمنتديات العربية والأجنبية | 0 | 07-25-2010 03:50 PM |
هل تؤيد ضرب الطفل للتربيه..!!.. | ~» مـآ غرنـﮱ مْــزيِـــﯛטּ ™, | الحوار والنقاش - الرأي والرأي الآخر | 24 | 07-25-2010 01:21 AM |
للبيع أغنام محليه للتربيه وللأكل | محروم.كوم | منتدى أخبار المواقع والمنتديات العربية والأجنبية | 0 | 05-03-2010 11:10 PM |