السلام عليكم ورحمة اللهـ وبركاتهـ



صبحكم او مساكم الله بالخير كلا حسب دخوله




قصيدة منقولة من احد المنتديات وحبيت انقلها لكم




‏​‏​الطير بعته واذكر الشاص للبيع
واذكر جهاز الطير و اعـلن حراجـه


مافادني ياخوك كثر المطاليع
خـلاص مـالي بالمقانيــص حاجــه


ودعت اناالمقناص والطير توديع
ولا همني من صاد خرب ودجـاجه


هذا قراري فيه لاسمع ولاطييع
وهــذا دوا راســي وهــذا علاجـــه


الوضع مزري و الشإص صار للبيع
وراع الـولع ماعـاد يعـرف خـراجــه


الله اكبر يازمان الذعاذيع
الــيوم ضعنـا في زمان العجــاجــه


في هالزمن مافيه حتى جرابيع
اقفا زمان الصيد واظلـم سـراجـــه


اليا متى أنرقع الحال ترقيع
ناكل مرار الزاد ونشرب هــماجـــه


النفس جازت يابعيد المراميع
دام القنــص و الـبر كــله سماجـــه


ماباقي إلا روضتين ومناقيع
وقفــرية مــابين عقــم وســياجــه


هذيك محميه وهذي مشاريع
و أرجي عسى المولى قريب أفراجه


أقطع متاهات الصحاري ولاضيع
واضرب قفار القاع وأقنص فجاجـه


في خايعن فيه الزبيدي مصاليع
ماجـــاله الصـــقار قبلي وداجـــه


ماكنت ادور بالصقاره منافيع
لاشـك أداري خــاطري في مزاجه


وصح لسان الشاعر قصيدهـ واقعية


ودمتم بود