اعــــتذر من الجميع انا ولد مو بنت

Miss Rumithia · #1 02-02-2013, 12:50 PM

بسم الله الرحمـــــــــــن الرحيم

اقدم اعتـــــــــــذاري الشديد لكل اعضاء المنتدي

أخـــوتي اعتذر منكم جميعا واتمنى ان تقبلو اعتـــذاري..

انا اسف لأني تواجدت وتواصلت معكم لفتره ليست بالبسيطه بهذا

اللقب وهو Miss Rumithia... والمعروف انه لقب بنت

بس انا للأســـــــــــف ولد مو بنت..

انا ادري انه صعب عليكم تســـــامحوني لأني خدعتكم جميعا..

وخصوصا البنات تواصـــلت ، وســـولفت ، وضحـــكت معهن وطبعا هن

بادلني نفس الشي لأنهن على نياتهن يعتقدن اني صادق واني بنت ..

بس احب اقولكم قبل ان اخوكم اثقـــلته الذنوب وتجمعت عليه المصايب

من كل صوب تكفون سامحوني وادعوا لي ان الله يسامحني ويغفر لي ذنبي

وبإذن الله راح يكون هذا آخر تواجد لي بهذا اللقــــــــب ..

بس إن شاء الله بافتح معكم صفحه جديده واتواصل معكم بلقب مـــذكر جديد

لأني احببتكم في الله وتعلقت فيكم هذا طبعا إذا قبلتوني بينكم من جديد..

طلـــــــــــــــب اخير..
إذا ماتقدرون تسامحوني لاتدعون علي لأن اللي فيني مكفيني وزياده..

✎ ✎ ✎ ✎ ✎

مــــــــــــــــــــــــ ـــساء الخير على الجميع..

أخــــــــــــي ......... أخـــــــــتي

كيف بتكون ردت فعـــــلك إذا قريت موضوع مثل كذا ســـواء كان

من بنـــــــــت او ولــــــد..

بتسامحه وتنسى كذبته عليك وتبدا معه صفحه جديده وإلا لا ؟؟؟

وهل راح تكون فيه ثقه بينكم بعد كذا وإلا لا ؟؟؟

طبعا هذه ظاهره انتشرت في كثير من المنتديات وهي ان بعض الأولاد

يسجلون بأسماء بنات ويضحكون على البنات ويستدرجونهم ويمكن توصل مع

بعض البنات انها تثق ثقه عمياء في هذا الشخص لدرجة انها تعطيه رقمها او

ايميلها هذا غير معلوماتها الشخصيه وبعد كذا يقول لها بكل بساطه انا ولد واسف

اني كذبت عليك بس انا حبيتك وتعلقت فيك وغيرها من هالكلام...

وللأســـــــــــف بعض البنات يصدقونهم..

وحتى ماأكون ظالمه مو بس الشباب هم اللي يسجلون بألقاب بنات

يصير بعد العكــــــس وهو ان البنات يدخلن بألقاب اولاد ..

ولا تقولون لي مستحيل ومافيه لان فيه بنات

مسجلات بألقاب اولاد في بعض المنتديات الاسلاميه للأسف..

وعذرها إذا كلمتها انها ماتاخد وتعطي مع الشباب وإذا تكلمت معهم تكلم بأدب

وحدود بس انها دخلت بلقب ذكر لأنها حابه تتواصل مع المنشد الفلاني او المذيع

ومو قادره تتواصل معه بلقب بنت..

لأنه وبكل بساطه وعلى حد قولها انه مايرد عليها وماعطيها وجه

او انه يكون ثقيل و رسمي معها بزياده وهذا اللي ماتبيه لانها حابه تعرف

عنه اشياء كثيره وبكذا تستغفل المنشدين والمذيعين وتسولف معهم وتسألهم

وهم طبعا على نياتهم يتكلمون معها على انها ولد وشفت انا بعيني بعض ردود

احد المنشدين عليها مطيح الميانه بينهم على انها ولد ومن المؤسف جدا ان

هالظاهره انتشرت في منتدياتنا الاسلاميه والمشكله انهم ناس واعين وفاهمين

واكيد انهم عارفين ان كل كلمه او حرف يخطه في عالم النت بيقعد شاهد عليه إلى

يوم القيامه وعارفين بعد ان اعذارهم هذي اللي يختلقونها ويبررون بها افعالهم

ماراح تنفعهم في يوم لاينفع فيه لا مال ولا بنون بس للاسف ناس ماعندهم مخافه

من خالقهم الذي يطلع على كل صغيره وكبيره يفعلونها

والسموحه طولت
__DEFINE_LIKE_SHARE__

بَنتْ ذآگ آلأمٓير · 02-02-2013, 02:43 PM

هيه والله ..واايد هالسالفه منتشره ..

كنت اعرف من قبل بس الحين زغيتيني بزياده ..هع المهم الحين انتي صدق اللي كتبته فوق ..انتي مش بنت.؟؟؟؟1 __DEFINE_LIKE_SHARE__

Miss Rumithia · 02-02-2013, 02:46 PM

المشاركة الأصلية كتبت بواسطة بَنتْ ذآگ آلأمٓير

هيه والله ..واايد هالسالفه منتشره ..
كنت اعرف من قبل بس الحين زغيتيني بزياده ..هع المهم الحين انتي صدق اللي كتبته فوق ..انتي مش بنت.؟؟؟؟1

تسلمين اختي على المروور

ترى والله انا بنت .. بس هاي جي مقدمات للموضوع ~ __DEFINE_LIKE_SHARE__

بَنتْ ذآگ آلأمٓير · 02-02-2013, 04:00 PM

عبالي..هع سمحيلي يعني __DEFINE_LIKE_SHARE__

Miss Rumithia · 02-02-2013, 04:36 PM

المشاركة الأصلية كتبت بواسطة بَنتْ ذآگ آلأمٓير

عبالي..هع سمحيلي يعني

هههه لا مسموحه بالحل الغاليه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حصريا وقبل الجميع آخر إصدار من jap 2009 قاتل المواقع المحجوبة حصريا وقبل الجميع آخر إصدار من jap 2012 قا...	محروم.كوم	منتدى أخبار المواقع والمنتديات العربية والأجنبية	0	01-20-2012 10:00 PM
وين الجميع	محروم.كوم	منتدى أخبار المواقع والمنتديات العربية والأجنبية	0	01-20-2010 07:10 AM
فتاوى تهم الجميع . أرجو من الجميع الدخول للاستفادة.	أحمد المنصوري	الإسلام والشريعة	28	11-08-2009 01:57 PM
إلى الجميع	محروم.كوم	منتدى أخبار المواقع والمنتديات العربية والأجنبية	0	08-16-2009 05:00 PM
[ عرض ] : الدومين الي يحلم به الجميع f600f.com عمره تلات سنوات بالتمن الي يحلم به الجميع	محروم.كوم	منتدى أخبار المواقع والمنتديات العربية والأجنبية	0	07-01-2009 09:50 PM