مشكلة في جيب gxr واخرى في vxr

محروم.كوم · #1 01-29-2013, 11:00 PM

السلام عليكم ورحمة الله وبركاته ومساكم الله بالخير جميع جميعا

نبدأ بال gxr موديل 99 تماتيك

الموتر استعمال ابو واحد من الربع يقول عمره ما تعدى ال 120 اخذت الموتر وماشاء الله عليه الموتر جامد ونظيف ومبروك الهرش ما عليه كلام
لكن يالربع الموتر عزمه جحش ما يمشي انا اتكلم عن بداية قومة الموتر واذا درج شوي ما عليه كلام ولاحظت انه اذا مشيت بالموتر من الصفر وانا داعس له يكون كاتم واحيان يوصل العداد 80 ويفز الموتر يجيه عزم حلو واحيان على ال 120 تصير هالحركه واحيان الموتر ياخذ معي مشوار ماشاء الله يا فزته تقول مافيه الا العافيه !!!!
المهم غيرت البواجي ركبت له ngk ماهو الدينسو حقت الوكاله وغيرت فلتر البانزين والشوته او فلتر الهوا شلته وركبت سستم شوته بمروحه ووايرات البواجي بغبت اغيرها وقالي الميكانيكي حرام مافيها شي الا واحد منها راسه البلاستيك الطويل فيه كسر وقال عادي ما يضر .

نجي لل vxr موديل 2000 تماتيك

1_القير تبديلاته ممتازه وعزمه حلو ما عليه كلام لكن أذا جيت على طلعه ووصلت اخرها يطلع معي صوت مثل صوت المسننات لا فرطت ويبوش الموتر واذا شلت رجلي من البانزين ودعست مره ثانيه لقم ولا فيه الا العافيه وتصير احيانا اذا الموتر واقف بارض مستويه ودعست له بقوه
احد يقول بوبرينق في القير واحد استعمل لين يخبط وجفت وله معي سنه وهو على هالوضع ؟؟؟

2_الطبلون يا الربع فيه صوت ماء يختض ههههه مع المشي واذا مسكت بريك ولا ادري شقصته ؟؟

اتمنى القى عندكم حل بأذن الله وانا والله اثق بهالمنتدى الكريم بمشرفينه وأعضائه اكثر من الميكانيكيه .
اسف على الأطاله والله يبيض وجيهكم مقدما .

تحياتي لكم جميعا __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لليجار فله في الشوامخ واخرى في الشامخه	محروم.كوم	منتدى أخبار المواقع والمنتديات العربية والأجنبية	0	04-28-2012 06:50 PM
عملات عجمان واخرى للبيع	محروم.كوم	منتدى أخبار المواقع والمنتديات العربية والأجنبية	0	01-13-2012 12:20 PM
مشكلة بالاعلانات واخرى بترقية المنتدى	محروم.كوم	منتدى أخبار المواقع والمنتديات العربية والأجنبية	0	08-12-2009 03:30 AM
66786 i واخرى	محروم.كوم	منتدى أخبار المواقع والمنتديات العربية والأجنبية	0	06-17-2009 08:40 PM
::.. صفات محببه ........ واخرى سلبية ..::	~رآع ـي آلغ ـآز~	الإستراحه العامة	8	10-14-2008 03:44 AM