سالفة:التلفزيون ابو مثعاب..قوافي

محروم.كوم · #1 01-20-2013, 11:20 PM

مشرفينا الافاضل
أخواني .أخواتي .زوارنا
حياكم الله جميعاً
المواقف وبالذات المضحكه لا تنسى واحياناً اسولف فيها على نفسي واضحك وتبون الصدق ودي تنعاد بس من غير أذيه او تعب لأحد..
نجي للموقف:
كنت مرافقه لقريبه لي بعمري بأحد مستشفياتنا الكبيره والغرفه كانت فئة vip وآخر كشخه ..
بالليل تجي عندنا كبيرة الممرضات تجلس تسولف وهي من جنسيه عربيه لكن الله يهديها فيها لقافه مدري وش تبي
بالغرفه اللي جمبنا حرمه كبيره وما تبي الممرضات ،،ولين بغت شي قمت بخدمتها انا بنفسي عشان تستريح واحياناً اقعد عندها الين تنام ..
بزياره من الزيارات جو ضيوف ومعهم باقة ورد جميله وحطينها بجيك قزاز خاص بالورد مع مويه تقريباً 4 كاسات وحطتها وحده من الضيوف فوق التلفزيون..
بعد ما طلعو الضيوف اقول للي انا مرافقه معها الحين كل الورد زين ومفتح إلا ذي ذابله !! وصقعتها مدري ضربتها بيدي ضربه خفيفه وكن الجيك يتحرى احد يلمسه عشان يطيح !!
وانكب على التلفزيون يوم قالت الشاشه:
تـتـــــشبشب تتشبشب وطفى أو بالاحرى :
مـــــــــــــــــات
ودوروني ذيك الساعه الحين تجينا ذالملقوفه وأشيله والماء يصب تقل مثعاب والحمد لله اللي ما انفجر،، الكهرب مشبوك ما فصلته..
وش الدبره وش اسوي ؟؟
قلت بس ما فيه إلا تلفزيون العجوز لا تشغله ولا تبيه باصبر عليها تنام وبغير التلفزيون:good:
يوم جا وقت التنفيذ وتطمنت انها نيمه رحت ببدل التلفزيونات
وعجزت لـــــيــــه؟؟؟
تنبهت العجوز وصحت من كثر ضحكي على نفسي :

انا حراميه
عاد قلت لها كل السالفه والله يجزاها خير العجيز شالت هي التلفزيون وشبكته قبل حضور الملقوفه واخذات ابو الينابيع وحطته عندها وافتكينا..
بقى اقول ان السالفه هذي وانا بعمر 15 سنه ..والغريب ان كبيرة اطباء القسم كانت تقرب لنا وتطل علينا من فتره لفتره ،،يعني ما كان فيه داعي للخوف ولا شي تلفون ودقايق وهي عندنا بس ؟؟؟؟؟؟..
تحياتي
اختكم
..قوافي..
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:من خاف سلم..قوافي	محروم.كوم	منتدى أخبار المواقع والمنتديات العربية والأجنبية	0	01-20-2013 01:40 AM
سالفة:رسب ثمن سقط..قوافي	محروم.كوم	منتدى أخبار المواقع والمنتديات العربية والأجنبية	0	07-07-2012 01:20 AM
سالفة:تيس الأصدقاء..قوافي	محروم.كوم	منتدى أخبار المواقع والمنتديات العربية والأجنبية	0	03-16-2012 03:20 AM
سالفة:شارع التلفزيون..قوافي	محروم.كوم	منتدى أخبار المواقع والمنتديات العربية والأجنبية	0	11-10-2011 11:11 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM