أنا ما بخبركم شو داخل بس أنتو أدخلو والله حرام((سالفة حقيقية مستويه في بوظبي))

BiN RaSHiD · 02-08-2008, 07:45 PM

السلام عليكم ...

تعالوا بخبركم سالفه صدقيه مستويه في بوظبي
السالفه سلمكم الله
اثنين من الشباب ..من فتره مب طويله ... يعني جريب...شلوا عشاهم و ساروا يتعشون في شاطئ الراحه في بوظبي...
يتهم حرمه عيوز و يلست تلقط من الاكل المتنثر...قالولها يدوه انت يوعانه...قالت هيه انا من الصبح هنيه و ما كليت شي...
قالولها انزين شو يايبنج هنيه؟قالت ولدي نزلني و بيرد عليه....
المهم شلوا اغراضهم..و حسوا الشباب ان الوقت متأخر و ما يستوي يخلون الحرمه العيوز بروحها فالليل...
قالولها..انزين عندج رقم ولدج؟نحن بنتصل له..قالت هيه..و طلعت ورقه صغيره من مخباها...يوم طالعوا شو مكتوب
"من يجد هذه المرأه يأخذها لبيت العجزه" :new_shocked:
انصعقوا الشباب من اللي مكتوب...و يلسوا ساعه يترجونها انها تسير
معاهم....
لكنها ما رضت ... و قالت لا انا بتريا ولدي..هو بيي ياخذني....تموا وياها ساعه يترجونها لكنها كانت وايد مصره ان ولدها بيي ياخذها"مسكينه ما تدري بحقارة ولدها"
المهم....روحوا عنها الشباب....
واحد منهم ما رضي يرقد....يتجلم و يفكر فيها.....
لين ا استوت الساعه 2 في الليل...نش من على الشبريه و لبس ثيابه بسرعه...
و سار الشاطئ....شاف اسعاف و شرطه...هجم بينهم و سألهم عن الحرمه...
قالوله توفت...ارتفع عندها الضغط و ماتت...
ارتفع عندها الضغط على حسرتها على ولدها...تتحرى ان صار له حادث او مكروه...
الله يرحمها برحمته...مسكينه...
كتبت ها الموضوع بس عشان يشوفه ولدها على الانترنت...و اما حاسه ان بيشوفه...
ارجوكم ساعدوني و انشروا ها الموضوع...
بس كلمه ابغي اقولك اياها....انت ما تخاف من ربك؟
شو عندك اهم من امك اللي ماتت من خوفها عليك...؟
وانت فارنها مثل ......ال
تعرف اختي شو قالت يوم
سمعت السالفه؟
قالت ليش ما يابها عندنا؟ نحن نباها بنحاظيها و بنرعاها..
هاي الغريبه جيه تقول..و انت الابن شوف شو تسوي....
الله بيراويك...الله فوق و يشوف كل شي...
الرجاء إرسال هذا على بريد كل من لديه قلب ورحمة
لكل من فكر يوما في العقوق بوالديه .. لعله يتراجع ويهديه الله
أرسلوها قد تصل الرسالة لهذا العاق .. ليعرف أن والدته ماتت حزنا وغما عليه .. ليدرك أنه قد خسر تذكرة كادت أن تدلخه الجنة من أوسع أبوابها .. فرضى الله من رضى الوالدين
الله يرحمها ويحسن إليها
هذا الموضوع لكل من يفكر يوما فى عقوق والديه
الله يهدينا ..
منقووووووول للعبره

*..fooshy..* · 02-08-2008, 07:48 PM

يزاااك الله خير اخوويــهــ على الطرح..

والله يحفظ امهااتناا وابهااتنا من كل شر...

بنووتة · 02-08-2008, 08:01 PM

ان الله وان اليه راجــــــعـــون...
والله يرحمــــهــا يارب
والله قلـــبي عورني عليها
مايخاف ربه هذه ..الدنيــــــا دواره ..

مشكـــــــــووور ياخوووية ..

BiN RaSHiD · 02-08-2008, 08:02 PM

allah bygazeeh .. thnx all 3la alMro0R

яσσħч ғ∂άķ · 02-08-2008, 08:24 PM

حسبــي الله ونعـــم الوكيــــل
يــا ويلــه من عقـــاب الله العــــااق بوالدته ..
ما يعرف ان رضى الله من رضى الوالدين ..

الله يرحمـــها ويغمـــد روحهـــا الجنـــه ..

وهــذي الأم بعــد اللي أكــد الرســول على طاعتهـــا وعــدم معصيتها ..
في قوله واصــراره .. امك ثم امك ثم امك ثم ابوك ..

يسلموو اخوي على الطرح

تحياتي
شوق الدلوعة

حرف الذهب · 02-08-2008, 08:30 PM

الله يرحمـــــــــــــــ،،ــــــها ويغمد روحها الجنه

حسبي الله عليه له يوم
نعم أنه اقشعر بدني لا إله الا الله

سلمت يمناك أخوي ربي يعطيك العافيه

ولد الاوغاني · 02-08-2008, 08:33 PM

ان لله وان اليه رااجعووون
حرااااااام هذا شو مااعتقد انسان
والله عزكم الله الحيوانات احسن عنه
يعله الحرقان في نااااار جهنم

يحراوية طرر · 02-08-2008, 08:54 PM

لا وحول ولا قوة الا بالله ..

سبحان اللة اللة جردة من الرحمة << عوذ بالله من هالاشكال بس مردة بيذوق اللي ذوقة لمة المسكينة ...

اللة يرحمها ويرحمنا اجمعين ..
يزاك اللة خير خوية ع النقل وارحم الله والديك وكثر من امثالك ..

ماقول الا حسبي اللة علية اللي مايخاف ربة ..

تحياتي:

يحراوية طرر..