شباب السلام عليكم ورحمة الله وبركاتة وبعد كنت قبل اسبوع تقريباً باشري طير من شخص عارضة في المنتدى وبعدها سمت الطير منه بسومة اعلى من اللي في المنتدى ب6200ريال فرقت السوم وبعد الاتصال (بصمت الهدوء) وطيرة حر بكر الرجال قال لي بعتك قلت يعني ما ادور لي طير واتفقنا على اني ارسل له نصف المبلغ وبعدها طلب مني ارسل له صورة البطاقة ووافقت وطلبت منه انه يكتب في موقع مكشات ان الطير انباع وبعد دخولي للموقع تفاجاءت بانه كاتب السوم وصل 12500 واليوم اللي بعده اتصلت علية عشان يعطيني رقم حسابة قام وقال انا هونت وقلت له انت عطيتني كلمة واتوقع ان اللي اعطاني الكلمة رجال قد كلمتة وقلت اذا ماتبي البيع بلغني وبلاش لف ودوران وانا شريت منك طيروروح والله لو الطير بدون ريش ما ارجع في كلامي والرجال عند كلامهم في الاخر اتصلت علية وقالي انا اللعب عليك وكنت ابي اخذ فلوسك كذا والله يشهد ان هذا اللي صار ويقول لاكن نصحني خويي وقال لا تاخذ على الرجال حقة وخوية طلع فيه خير وبعد ذلك اتصل علي وقام يتطاول علي بالكلام وقال انت تسوم وانا اوريك انت وسومتك وبشتري باسمك شرايح سوا وموبايلي قلت له انا بس بسيطة خذ راحتك بس اهم شي ارقام مميزة وهذا الشخص يتلفظ باللفاظ غير مودبة لان سومتي ما اعجبتة وكان ينوي ينصب علي فالحذر منه ولكم تحياتي
__DEFINE_LIKE_SHARE__
|