|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
مشرفينا الكرام أخواني.أخواتي.زوارخيمتنا الغاليه السلام عليكم ورحمة الله وبركاته من حقيبة 1397هجري تذكرت سالفه صارت .. كنا نتجمع انا وبنات الجيران ببيت جارنا ابو عزيز عشان بنتهم الكبيره تدرسنا حساب .. نفرش البساط المخطط احمر وازرق بسط الحوش وام عبيد الله يجزاها خير تسوي لنا ابريق شاهي وزنجبيل وحليب وآخر بسطه مابقى إلا الفصفص.. بيوم رحنا ندرس وأشوف هاك الكرتون جمب الجدار وفيه ضب صغير وكانت اول مره اشوفه بهالصغر .. الطاسه الدراسيه ظايعه خلقه لا جواً ولا بحراً ومع شوفت ضب انتهى التركيز على الدرس وبدى التفكير يدحدر وشلون أخذ ضبهم.. طلبته منهم واكيد عيو قلت لأم عزيز طيب أخذه اليوم وأجيبه بكرا وأكنس لكم الحوش قالت خوذيه .. رجعت فيه للبيت والصبح حطيت الضب بشنطة المدرسه بوريه صديقاتي!! كنا يوم أثنين واليوم هذا يصير فيه تفتيش على البنات والشناط وبصراحه ما قد لقو معي شي إلا كان نبيطه أو مغاطات في حالة مصادرة النبيطه فتشو وانا ولا جبت خبر ضب ابو عزيز نسيته مره مره .. ويوم حطت يدها المراقبه بالشنطه واصرخي هاك الصرخه جلجلت معها اركان مدرستنا النصف طين:l:f ايه ده ؟بسم الله الرحمن الرحيم..ايه ده؟بسم الله الرحمن الرحيم وانا اناظر بكل برائه واقول : ذا !!اللي بااااااالشنطه!! قالت ايوه قلت:هاااااااااذا ضب ابو عزيز؟؟؟؟؟؟؟ ولا عادت،، بدل ما أكنس حوش بيت ام عزيز كنست حوش المدرسه مع مصادرة الضب و أخذ تعهد بعدم احضار حيوانات او حشرات يعانون الجراد اجمعه بقزايز الببسي .. تحياتي اختكم ..قوافي.. |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة:أمي طريفه..قوافي | محروم.كوم | منتدى أخبار المواقع والمنتديات العربية والأجنبية | 0 | 10-13-2012 11:40 PM |
سالفة:الدنيا دفى..قوافي | محروم.كوم | منتدى أخبار المواقع والمنتديات العربية والأجنبية | 0 | 09-14-2012 05:50 AM |
سالفة:رسب ثمن سقط..قوافي | محروم.كوم | منتدى أخبار المواقع والمنتديات العربية والأجنبية | 0 | 07-07-2012 01:20 AM |
سالفة:طين جدي.قوافي | محروم.كوم | منتدى أخبار المواقع والمنتديات العربية والأجنبية | 0 | 10-11-2011 08:30 PM |
سالفة:دجيجات.امي...قوافي | محروم.كوم | منتدى أخبار المواقع والمنتديات العربية والأجنبية | 0 | 09-12-2011 12:00 AM |