راعي العجرا وغصة اللحمه

محروم.كوم · #1 11-26-2012, 02:00 PM

السلام عليكم ورحمة الله وبركاته
اليكم هذه السالفه
بعنوان
راعي العجرا وغصة اللحمه بالحلق
قبل كذا سنه ماعرف بالضبط بس المهم انها اكثر من 35 سنه
كنا جالسين على الغدا انا واخوتي والوالده والوالد رحمهم الله واموات المسلمين
ويوم بدينا بالاكل الا واحد من اخواني الصغار غص باللحمه وكان بجني والوالد رحمه الله كان بالمقابل لنا بيننا وبينه الصحن

المهم اخوي غص وطلعت عيونه تقول زبيدي ضاربته وسميه ومصلع من الارض
حاول يبلع اللقمه ماقدر ماغير يقول ام مع بع فع والصوت يطلع من اذانه عقب ما الاذان للاستقبال صارن للبث الموت ياشامان وانا بجنبه بس مادري ويش اسوي فيه وخايف عليه يجيه شي
لو يحصلي افسخ هدومي وطب صاروخ في حلقه طبيت اطلع اللحمه اللي غص فيها اشوي يوم انتبه الوالد له
قال اطحله اعتنه اضربه مع ضهره بقوه وبسرعه وان التفت عليه من اللي فيني خايف على اخوي وانا احمي جمع ايدي
وانفخ نفختين بكفوفي الثنتين وانا مانيب مستعمل الا وحده بس من الربشه وتجميع النشاط
وانا التفت عليه وانا اعطيه ذيك الضربه مدري منين جاني النشاط وانا اطحله بضهره الا واللحمه طامره الصحن بسرعة سابقات الصوت حتى الرادار مايكتشفها من السرعه ولا توقع الا بحجر ابوي (يعني في شليله ) اشوى تنفس اخوي بعد مادمعت عيونه
ويوم ارتاح ورد نفسه ولكن بلشت فيه امي الله يرحمها ثلاثة ايام وهي تدهنه ضهره بفكس وابوفاس ولصقة جونسون فاتح دريشه بضلوعه
من الضربه
وخوي حقد علي من قوة الضربه بس مايقدر يقول شي
انتهت السالفه وقبل الختام
سبحانك اللهم وبحمدك لاياله الا انت استغفرك اللهم واتوب اليك
وفي النهايه
ارجوا ان اكون وفقت بختياري لهذه السالفه وارجو ان تحوز على رضاكم
مع تحيات اخيكم راعي العجرا
مندى مكشات
خيمة السوالف الشعبيه
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سحاب نجد - راعي شقراء - وسالفه راعي الكحه ولسان الثور	محروم.كوم	منتدى أخبار المواقع والمنتديات العربية والأجنبية	0	08-10-2012 03:50 PM
على الصبايا/ياراعي العجرا(جديد)	محروم.كوم	منتدى أخبار المواقع والمنتديات العربية والأجنبية	0	04-15-2012 08:40 PM
من سواليف راعي راعي العجراء (ثوب العيد والخياط الباسكتاني )	محروم.كوم	منتدى أخبار المواقع والمنتديات العربية والأجنبية	0	09-16-2011 02:10 PM
اهداء من راعي الوسط الاسود لعيون راعي الاستاندر	ولد_4800_زعبيل	أستراحة الفيديو المنوع	12	02-16-2009 02:56 PM
لعيووووووونك يا راعي استاندر قطر ولعيون كل راعي استيشن اهداء من هل الفتكات كلهم	ولد_زعبيل_VTC	سيارات و دراجات	34	12-30-2008 08:21 AM