|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
طبخة برية – صور وطريقة طبخ كبسة لحم في وادي القحفي في عمان
__DEFINE_LIKE_SHARE__
اعذروني يا اخوان تاخرت عليكم في نشر التقرير الثاني واشكر كل تجاوب مع تقريري الاول ( صورالطريق الى وادي القحفي ) من خلال قراءته او الرد والتعليق او من خلال مشاركة الموضوع ,, نتابع تقريرنا المصور عن رحلة وادي القحفي في عمان , وال هنا راح اتكلم فيه عن تجهيزات وطبخ وجبة الغدا اللي وما يقدر الاكل برا في الكشتات او الطلعات الا اللي جرب بنفسه وتلذذ بهالشي ,, الاجواء كانت رائعة في وادي القحفي وانصحكم يا هل الامارات خاصة تزورن وادي القحفي لانه فعلا مكان جميل ويستحق انك تروحه , ندخل في الموضوع و بسم الله نبدا بالشرح طريقة طبخ كبسة اللحم اول شي بدينا نشب النار (الله يجيرنا من ناره) لحم مقطع قطع كبيرة يغسل وينظف وهنا صورة جماعية لمكونات الطبخة وبعد شوي بفصلها وحده وحده انشالله هالمكينة الصغيرة اليدوية ما كانت عالبال لكن اول ما شفتها اشتريتها بدون تردد وبعد شوي في التقرير راح تعرفون استخدامها ووظيفتها واعتقد بعضكم خابرها يعرفها ,, خيشة رز صغيرة (2 كيلو) ملح + لومي يابس (حبتين) + خلطة ملح وفلفل اسود , خلطة بهارات عربية (ام زايد حفظها الله خلطتها في البيت وضبطتها لي وانا زودت عليها فقط قليل من الكركم عشان تلون الطبخة ) جابه واحد من الشباب بالغلط ولا استخدمته في غسيل الرز (الرمانه سقطت سهوا وليس لها اي استخدام في الطبخ ) طمام + بطاط + ثوم + فلفل بارد + زنجبيل اخضر + جزر + كوسى + فلفل حار بسم الله بدينا بالشغل الحين , نحط القدر عالجمر ونحط فيه زيت ثم البصل وتقليبه شوي وبعدها مباشرة حطيت اللحم ومعاه قرفه وثوم وورق غار وهيل حبوب وفلفل اسود حبوب وغطيته وكل شوي كنت افتحه واقلبه شوي وارد اسكره , واستمرت هالعملية لمدة حوالي 10 – 15 دقيقه تقريبا والقدر مغطى وبعدين صار شكله كذا وبعدين حطيت عليه الخضار المقطعه اللي جهزتها + خلطة البهارات + ملح + فلفل حار (حسب الحاجه) صبيت عليه ماء وحطيته على نار عالية عشان يغلي الماء (ملاحظة: انا زودت كمية الماء لسببين , الاول : عشان نشربمرق اللحم والثاني: عشان اطبخ الرز مع المرق الباقي) والحين بدا يغلي الماء الحين نغطيه بالقصدير بشكل جيد جدا وانصح انك تدبل القصدير عشان ما يطلع منه هواء وينضج اللحم بسرعه يتبع |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
رحلة وادي القحفي في سلطنة عمان | محروم.كوم | منتدى أخبار المواقع والمنتديات العربية والأجنبية | 0 | 11-09-2012 07:30 PM |
كبسة القرع بالصور و الشرح | محروم.كوم | منتدى أخبار المواقع والمنتديات العربية والأجنبية | 0 | 06-25-2012 04:00 AM |
كبسة قميري برز ( xl ) وارد الكويت ( بالصور ) | محروم.كوم | منتدى أخبار المواقع والمنتديات العربية والأجنبية | 0 | 10-07-2011 11:30 AM |
طريقة الشواء في سلطنة عمان!! لاتفوتكم طريقة المندي !! | محروم.كوم | منتدى أخبار المواقع والمنتديات العربية والأجنبية | 0 | 09-19-2011 03:30 PM |
عمان تدخل موسوعة جينيس بأكبر كبسة | محروم.كوم | منتدى أخبار المواقع والمنتديات العربية والأجنبية | 0 | 08-01-2010 02:00 PM |