مثل ما وعتكم خطوات قرص الجمرررررر

محروم.كوم · #1 11-17-2012, 02:30 AM

بسم الله الحمن الرحيم

لرغبه اخ كريم تقبلو مني طريقتي بتجهيز قرص الجمر

تجهز 3 الى 4 كيلو طحين بر رقم واحد من عند المطاحن بدون كيماويات وتطحنه عنده مع شوي ملح هم يعرفون الكميه المناسبه

تعجن الطحين مع شوي ماء فاتر وتزيد عليه ان احتجت بشرط ان لا تجعل العجين رخور ورطب يفسد عليك القرص

وان اعتزت رش عليه من الطحين حتئ يصير العجين متماسك ولايلتصق بيدك وتحطه بقدر او طشت وتغطيه بفوطه

لمدة ساعتين الى 3 ساعات حتى يركد ويتخمر

نكمل باقي الشرح مع الصور

العجين جاهز

نغطيه بفوطه ونتركه لين يركد من الهبا ل

نجهزقدر قطره 30 الى 40 سم وارتفاعه 15 سم تقريبآ ونحط قسديربداخل القدر تغطيه كامله والكامل وجه الله

وتكون طبقتين ونرش عليه طحين مثل ما تشوف

نجي للعجينه بعد ماخمرت ونرش عليه طحين من فوق ولا يهمك ان الزياده احسن حتى ماتلتصق بالقسدير

وترطب يدك عشان تقدر تطلع العجين لانه يكون لصق

نحط العجينه بالقدر والسبب عشان تاخذ نفس شكل القدروتكون سميكه الاطراف

وبهذي الطريقه تحصل على كميه اكبر غير محترقه

خلاف الطرق المتبعه من اغلب الناس قرص نحيف واغلبه يابس ونصفه تراب ولا اعتراض

لكن كلن له رايه

لاتنسى وانت تحط العجين بالقدر ترش طحين بينه وبين قائم القدر حتى مايلصق

اسحب القسدير وغط العجينه تمام

اقلب القدر على قسدير ثاني ولفه مظبوط

هنا جاهز للفرن البري هههه

نكون محضرين المشب فوق الرمل احرص على ان يكون الرمل كافي من فوق ومن تحت ومن جنب

نوخر الجمر ونسوي مكان للقرص بالرمل

ندفن القرص تمامآ قبل يبرد الرمل

نوزع الجمر فوقه وكل ما رمد حط زود

هلحين طال عمرك قرب بنات المذ ن

طبابيخ المشوي حريصين انه ما يحترق الله يحفظهم

قبل تنام لاتنسى القرص صارله 3 ساعات ونص تقريبآ طلعه من تحت الرمل ونفظ التراب

فك القسدير شوي شوي لايدخل عليه رمل

وهذا المزيون

ريحته تشق الراس بس البطن مليان من بنات المذن الوعد الصبح ان شاء الله

قطعه وصل صغيره 6 قطع تقريبآ عشان يطلع منه البخار

حطه بقدر او صحن وغطه تمام عن الخشاش بفوطه انتبه لا تكتمه ببلاستك

يعفن عليك

صبحك الله بالخير يالحبيب

هلحين نفرمه او نفتته نحط عليه زبده وسكر حسب الرغبه وكلن له مزاج احد يحب يرش عليه عسل

واحد يحب يرش سكر واحد ساده ونشوحه على النار لمده 5 الى 10 دقايق

وبالعافيه على الجميع

حفظكم الله

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وصول كشافات sky dry كما وعتكم 4000 لومن العدد 6 كشافات	محروم.كوم	منتدى أخبار المواقع والمنتديات العربية والأجنبية	0	05-06-2012 11:40 PM
خطوات رائـــــــــعه	الحياة الزوجية+18	عالم الحياة الزوجية +18	0	03-16-2010 01:02 PM
خطوات تساعدك على نوم	محروم.كوم	منتدى أخبار المواقع والمنتديات العربية والأجنبية	0	02-17-2010 04:40 AM
خطوات كسب الاحترام	حضرميه وكلي فخرر	المواضيع المكرره	3	12-03-2009 05:01 PM
خطوات صغيرة	محروم.كوم	منتدى أخبار المواقع والمنتديات العربية والأجنبية	0	06-06-2009 04:10 AM